EricaGabriel的个人专页

今日去遠少少入天水圍食先🙈成日聽人講新北江 今次一於係個到食野👀店舖冇好靚既裝修 就係一間好普通既小店坐位唔係闊落但都坐得舒服既小小既店舖但選擇都多架喎👀經朋友介紹我就試左佢地既焗飯🍲佢地有啲固定配撘好既焗飯亦都有自由配撘既焗飯可以自己揀配料 揀醬汁 仲可以揀炒飯 白飯或者意粉選擇都好多架 最緊要係自己想食咩就食咩嘛😂我地五個人 叫左兩個焗飯 兩個小菜飯一個吉列魚柳西蘭花配洋蔥汁焗飯一個雞扒蘑菇配白汁焗飯仲有一個清湯腩同西蘭花炒雞柳吉列魚柳好脆好香口但又唔會食到一口油西蘭花都唔會太硬咬唔到洋蔥汁好夠味但又唔會太咸👍🏻👍🏻雞扒肉質未去到好嫩但絕對唔會係鞋口架白汁我試過都唔錯架🥰焗飯絕對值得一試🙆🏻‍♀️🙆🏻‍♀️🙆🏻‍♀️另外個兩個小菜我就冇試喇 但成餐飯朋友都話好好食 所有野食都真係唔錯 唯獨係個白飯差左小小不過我都唔知點為之好食既白飯 每個人口味都唔同嘛 但呢個就唔太岩我唔味喇🙈…查看更多

懶惰既我今日又叫外賣😂今次自己一個叫左呢間裝修好有日本餐廳feel既烏冬我叫左一個月見烏冬再加一個天婦羅雞件住得近 外賣返到屋企啲食物溫度岩岩好唔會太熱又唔會凍晒🙈可以即刻放入口食😂😂😂首先試下佢地既湯先🤤味道岩岩好唔會太咸有啲蔥粒 仲有啲薑蓉添呀 唔係太鍾意薑既我都接受到👍🏻加埋啲烏冬落去試下🤭烏冬好煙韌好有咬口呀😋絕對唔係淥到淋晒一夾就斷既烏冬原本無辣不歡既我已經準備好加啲辣落碗烏冬到但我食下一啖食下又一啖 好快食晒 唔洗額外加調味料都好好食🙆🏻‍♀️🙆🏻‍♀️🙆🏻‍♀️到天婦羅雞件 啲雞件都幾大件架👀食落唔會成口油 肉質都幾嫩 咬落去仲有小小肉汁添佢有配一片檸檬架 滴幾滴檸檬汁落去就非常好👍🏻我屋企有沙律醬 自己加沙律醬點黎食都好夾架🙈平時都見到有條隊係到要排架 所以想試既你唔好太夜去呀 唔係就會等到好肚餓架喇🙈…查看更多

今晚冇咩胃口就去左食車仔麵🤔食左一段時間外賣今日終於有時間堂食喇😆10點左右去食唔洗排隊但差唔多每張枱都有坐人我同朋友一人叫左一碗麵加一個小食同一碟菜再加兩杯飲品店員態度正常都會提你量左體溫先入座朋左叫左一碗幼麵配雞翼尖，紫菜同金莎骨佢就覺得幼麵太淋冇乜咬口，金莎骨就正正常常冇特別但啲肉都唔會好"鞋"而我就叫左一碗油麵配豬紅，木耳同支竹豬紅唔會係腥個啲味，都幾岩我口味🙈木耳我就覺切得太過碎，支竹都有啲剪得太碎不過都吸到湯既我叫左中辣加腩汁，好鍾意佢個辣味夠辣得黎仲食到我細個食開個個辣味唔知點話比大家個係咩味😂不過對我黎講係一種兒時既味道所以我都幾鍾意佢個辣之後我地仲叫左一個墨魚春卷小食，雖然望落好似炸得有啲過左火，因為都幾深色但食落外皮脆脆地幾香口👍🏻都唔錯架飲品方面我地都叫左珍珠奶茶🥤但唔知點解啲珍珠有小小苦味又有小小仙草咁既味唔知係咪食慣出面個啲手搖飲品店，通常都係甜既珍珠所以唔慣呢間啲珍珠我試左就咁飲啲奶茶冇吸啲珍珠，奶茶味道又冇問題喎👀仲幾岩我個人口味不過佢出杯飲品個陣就係為快而快，就咁倒晒啲材料入去就算杯飲品上到枱店員叫我地自己搞下佢，一拎起小小支飲管就發現啲糖漿痴晒係飲管到🥴如果可以改善呢個情況整好先出比客人就會更好喇🙆🏻‍♀️個人認為客人唔多既時候應該花小小時間做好呢啲工作💪🏻…查看更多

今日近近地同朋友試下食牛肉麵先 門口有部探熱機記得自動自覺探咗熱先入座呀左手邊仲有酒精搓手液比大家用👍🏻不過安排入座就有少少唔太好😕冇記好先後次序 比我後黎既比我先入座 希望店員下次可以上心啲 記清楚少少今次我朋友叫咗個元州招牌牛肉麵 加一枝水蜜桃冷紅茶 而我就叫咗蔥油去骨雞髀麵加熱既檸檬柚子蜜成碗牛肉麵都正正常常 賣相都唔差 味道都可以 唯一接受唔到既係碗麵入面有毛髮 原本有一條痴係條菜到 食食下再有多條係啲麵到 衛生問題真係唔太好呀 我建議廚房既員工試下戴返個髮網避免再次發生呢啲情況而我食既雞髀麵中規中矩喇 雞肉都唔錯🙈不過我個人認為麵質有少少偏硬 胃唔太好既朋友仔可以試下叫佢地煮淋少少個麵😉飲品放既水蜜桃茶糖漿較多 令到枝茶有啲偏甜 不過佢地係預先沖定 所以冇得調教甜度 唔鍾意飲太甜既人可以試下其他😌而柚子蜜沖既時候有啲唔小心搞到杯邊都有 但冇抹好先出比客 建議下次可以細心啲💪🏻整體黎講今次用餐經驗真係好一般呀 食物有毛髮真係扣好多分😩😩😩希望會改善下呢啲問題🙆🏻‍♀️…查看更多

說話我都幾鍾意食餃子 但自己懶得包🙈好彩屋企附近有間幾好食既餃子餐廳🥰佢地有好多口味既餃子 我未逐一試晒 但大部分都好好味去到邊都好我自己就比較鍾意食湯餃 但之前試過佢地既煎餃都唔錯架今次都係冇堂食呀 一個人買外賣返屋企食今次叫左十隻雙拼湯餃🙈香芹芫茜豬肉餃同菠菜豬肉餃 配蕃茄薯仔魚湯再加左個麻辣雲耳一打開就比個雲耳份量嚇一嚇 可能係我見識唔多 佢地既小食份量27蚊好似比出面食到既多👀之後就見到皮薄餡多既水餃 隻隻都有我半隻手掌心咁大架🖐🏻首先食左菠菜豬肉餃先 餡料平均唔會菜多肉少咁之後就食香芹芫茜豬肉餃 最鍾意香芹味既我覺得呢款水餃好香好好食 佢有淡淡香芹芫茜味 又唔會蓋過其他肉味個啲😎就算唔加佢地配既辣菜甫同醋都好夠味 唔會好淡不過加左都冇壞酸酸辣辣配餃子都好夾架我之前仲試過佢地既京蔥羊肉餃 洋蔥牛肉餃 西洋菜豬肉餃 韮菜豬肉餃 白菜豬肉餃 粟米芝士雞肉餃🙈數下數下就快比我試晒咁😂😂 我建議粟米芝士雞肉用煎餃方式食😋 湯餃可以選擇配雞湯或者蕃茄薯仔湯 我個人比較鍾意蕃茄薯仔湯🙊不過咩湯都好 佢都絕對足料唔油膩可以飲晒啲湯呀😌麻辣雲耳份量比起我係其他餐廳食既多少少 醬汁份量岩岩好 唔會話多到啲雲耳可以係到游水咁😂 不過我就覺得可以再辣啲😈叫外賣既我食唔晒仲可以自己加啲青瓜落去一齊醃下 下餐再食或者口痕個陣食😂 我咁岩早兩日買左個台式拌麵 加埋麻辣青瓜雲耳 聽日可以帶飯yeah ✌🏻…查看更多

繼續我既飲食之旅先🙈今次試下公司附近既一間泰國野由於限聚令我地都係決定買返去食佢地門口左右兩邊有一對戴住口罩既公仔仲有探熱機係到 記得自動自覺呀👍🏻餐廳既燈光比較暗 營造左一種有氣氛既感覺員工全部都幾有禮貌🙆🏻‍♀️講野會有啲泰國既口音 但絕對清楚佢地講緊咩 唔會溝通唔到今次我地叫左五個餐 分別係乾炒雞肉河粉 海南雞撈檬 札肉雞湯金邊粉 薑蔥豉油雞飯 同埋豬頸肉炒公仔麵 全部粉量都多架 絕對係夠飽肚仲包餐飲其他同事都係叫普通熱檸茶檸水奶茶咁 我就加左12蚊試佢既泰式奶茶🙈全部味道都係唔錯既 係會再回頭幫襯😎如果湯粉麵類可以多啲湯就會更好 不過可能係因為外賣所以啲粉索左啲湯建議下次可以為外賣既客人分湯咁就唔會唔夠喇🙆🏻‍♀️撈檬個到一盒仔醬汁係唔夠呀 建議可以架多一盒比外賣客人 咁個味道就唔會好淡喇🤭豬頸肉炒公仔麵會係個底到加一啲生既菜絲吸油只要唔食最後個啲菜絲油既程度係我可接受既範圍🙈而薑蓉唔知係咪餐廳自己整架呢 食得出有陣陣既米酒香 就咁食都唔會咸到接受唔到架😋所有食物入面個啲蔬菜 肉類 飯麵既比例都好適當 唔會話有啲種類過多或過少😌而泰式奶茶其實我都唔太識評價😂😂不過就唔太岩我自己既口味 唔知係奶既問題定其他呢🤔 不過佢係用樽仔裝住冇冰既凍泰式奶茶 所以你地都可以試下架👀…查看更多

趕得切係佢結業之前再幫襯下又少一間用心製作既良心小店今次得自己一個食 就決定買外賣返屋企食本身好想試佢個burger 但最後都係揀左豬肋骨果然佢冇令我失望 佢地啲肉啲醬汁真係好好味😋今次只係叫左一個秘製士多啤梨醬燒豬肋骨配薯菜同埋加左9蚊要個餐湯個餐仲跟左個麻醬沙律🥗麻醬絕對唔會得好少 所有沙律菜都有麻醬👍🏻餐湯我唔係好飲得出係咩湯 酸酸地好開胃 我估有蕃茄同紅蘿蔔🥕唔係食神真係唔知入面有咩材料 好飲就得喇🙈主菜真係冇令我失望過 用地膠餐刀輕輕力就可以一條條咁切開晒 證明啲肉好淋 食落口一啲都唔鞋口 仲會骨肉分離添呀 食到每條骨都好乾淨😂豬肋骨同佢地秘製既士多啤梨醬真係好夾酸酸甜甜又有士多啤梨既清新唔會膩然後仲有佢地炸到小小脆口既薯條係底佢地會配一包亨氏茄汁比你點薯條但豬肋骨既醬汁流左落薯條到唔洗點茄汁都好好食😎之前仲食過佢地既豬手 又係好好食 啲肉好淋 唔會咬到口攰😂份量仲好足添呀😌餐廳既人全部都好有禮貌 好親切令人有一個好愉快既用餐之旅/買外賣之旅🙆🏻‍♀️希望佢地好快會搵到一個好啲既地方再開餐廳🥺用心製作既好食物係應該值得比更多人發掘得到…查看更多

今次介紹下我返工附近既餐廳喇呢間餐廳可以話係我同啲同事既canteen🙈比起一般茶餐廳 佢地種類相對較少但佢地每樣野食都唔錯 絕對唔係求其整首先講下酸菜魚河粉喇 佢好受我地歡迎架我第一次見到有餐廳賣酸菜魚河粉覺得好新奇可能係我見識少😂 岩晒我呢啲有時想食酸菜魚又冇人陪既人唔想食河粉唔緊要呀 因為佢地係有得轉飯架酸菜魚飯 一試就返唔到轉頭😌另外佢仲有懷舊豬油渣撈飯配豬扒或者雞球又係另一款好受我啲同事歡迎既食物呀 仲有佢地既湯飯類呀 夏天冇乜胃口既話岩晒不論係餸定湯都非常足料 佢地既小食都唔錯架 絕對可以同朋友一齊去食嗌一兩款試下記得記得一定要試佢地既炸流沙奶黃包就算飯後食 攤凍左佢都依然係脆同流心架當然喇 趁熱食就簡直係無得頂呀👍🏻飲品方面都幾特別👀首先更係要介紹佢地個三款養生特飲喇佢地用咗可重用水樽裝住又足料又好飲然後除咗一般咖啡奶茶檸茶檸水個啲之外佢仲有潽洱茶 桂花烏龍茶可以選擇杯杯都有佢三角茶包係到架 飲完加水又可以再飲多杯😉六點後佢地仲有優惠套餐 非常抵食28蚊有飯有野飲 真係要幫趁下先得呀👍🏻佢地啲店員個個都好勤力又細心而且佢地餐飯好環保唔主動提供即棄餐具飯盒方面都唔係用發泡膠裝架如果要外賣最好預先打去order再去拎因為有時佢地啲單多到真係要等成半個鐘先有架不過佢地絕對唔會貪快求其做架🥰…查看更多

今次黎到一間素食餐廳同佢附近既餐廳比簡直係別樹一格就好似一大班男仔入面企左一個小女孩咁一入門口店員會先幫我地量體溫 側面仲有消毒搓手液比大家用餐廳出面仲放左兩張圓枱方便帶寵物既客人枱面仲夾左一把風扇仔比大家 好細心呀💛餐廳設計係白色牆身配一大塊玻璃絕對係打卡位😍一入餐廳既左手邊牆仲有一塊圓鏡又係另一個打卡位😍佢地擺放左一啲綠色既植物係到好養眼🤗我叫左一個炸南瓜薯餅 墨西哥脆片配秘辣莎莎醬 同埋冬蔭意大利飯 飲品方面就叫左香蕉火龍果燕麥奶同熱既朱古力咖啡 而甜品就食左豆腐芝士蛋糕同檸檬芝士蛋糕炸南瓜薯餅係出奇地幾好食👀因我我自己本身麻麻地南瓜 但佢呢個唔會好重南瓜味 南瓜蓉甜甜地幾好食側邊既沙律菜個蕃茄仔好多汁🤭墨西哥脆片配秘辣莎莎醬😌佢有兩款醬比大家點 一款係似千島醬咁辣辣地 另一款就有啲蕃茄粒 洋蔥粒同啲汁 酸酸地兩款醬同墨西哥脆片好夾平時睇戲都可以用黎做小食😎冬蔭意大利飯好好食😋個飯唔會整到好黏 有車厘茄 唐芹 秀珍菇 酸酸辣辣好開胃🤤配菜份糧岩岩好 每啖飯都食到又唔會過多最中意係我唔會食到香茅個啲香料入口 對於我自己黎講好加分🙈香蕉火龍果燕麥奶🍌香蕉同火龍果幾夾 佢地用左紅肉火龍果杯飲品一上枱就好吸睛👁粉紅色好靚有啲燕麥係到有少少口感有野咬下👄而且佢地係用環保不銹剛飲管 加晒分👍🏻熱朱古力咖啡幾岩我口味🥰朱古力味好出但又唔會蓋過咖啡味咖啡味亦唔會好重好苦咁 我心目中覺得好似60%朱古力40%咖啡咁最後就係甜品喇☺️豆腐芝士蛋糕入口都幾滑 係有焗過既軟身蛋糕餅底望落同平時啲牛油餅底好似 但佢加左少量既燕麥片 幾有咬口碟有啲花生碎賣相唔錯之後就到檸檬芝士蛋糕🍋沒有比較就沒有傷害😂賣相比豆腐芝士蛋糕差小小 餅底好鬆散面頭就咁加一片檸檬唔太美觀呢個檸檬芝士蛋糕入口好”鞋”好多粒粒我自己中意滑身啲既芝士蛋糕 建議可能可以過多幾次篩令個口感順滑啲會好啲見到佢有加到檸檬皮碎 個人覺得可以減少個份量因為依家食落去檸檬味太重而且太酸對個檸檬芝士蛋糕有少少失望但整體黎講係唔錯😉…查看更多

今日決定試下屋企附近既西餐食pizza🙈一入去店員會幫每位顧客探熱 門口仲有一部3m消毒搓手液比客人用所有店員都有戴口罩 疫情又爆發第三波呢啲功夫真係要做足先得👍🏻今次4個人去食叫左一個pizza一個飯 兩個小食同4杯飲品上菜速度都幾快 唔會差唔多食完第一樣先上第二樣而且店員都幾細心 留意到客人既需要落單既時候仲會推介一啲比較平既選擇比我地今次小食係炸洋蔥圈同小食拼盤洋蔥圈既炸粉唔會好厚 但個人覺得如果可以咬落去有洋蔥既汁出黎個種新鮮感覺就非常好😂🙈小食拼盤有炸雞翼 春卷 咖哩角 同洋蔥圈啲野食都中規中矩唯一希望隔油個陣可以隔耐少少因為到我地食到尾既時候最後個一兩舊食物係有好多油然後就係焗海鮮飯 個飯都幾岩我地既口味 最快比我地清晒🙈不過我自己就中意個飯底乾身啲 可以試下用炒飯底👀 上面滿滿既一層汁再配下面乾身既飯💭諗下都覺得好食😋另外如果成個飯可以再熱啲就好喇🙆🏻‍♀️之後就係啖啖肉pizzaPizza正正常常 我自己就中意食普通批 芝心批既話就冇得頂🙈朋友就中意食薄批不過呢到冇得揀得普通批🙈飲品分別係凍薄荷朱古力 凍mocha 凍檸茶同熱檸檬柚子蜜薄荷朱古力上面有一層cream賣相幾好杯mocha面頭仲畫左個得意既圖案係到🤭…查看更多

今次呢間餐廳以綠色同木色為主 望落去係好舒服既感覺燈光好柔和收銀上方位置有一個月球吊飾 好符合餐廳名 The Planet佢地個日既餐湯係南瓜湯，有粒粒南瓜蓉係入面口感豐富 佢帶有少少酸 飲落幾開胃 好似忌廉湯咁但又唔會做到好似忌廉湯咁膩同飽肚我地升級配左一個雞胸肉沙律同黑松露薯角 雞胸肉沙律，會煎到個雞胸肉面有小小脆 配上麻醬可以食唔停口🙈黑松露薯角，一拎上枱有好香好重既黑松露味 但食落有淡淡既黑松露味 岩晒唔係好食黑松露既朋友試下😋如果薯角外層再脆啲就會香口好多🤪我點左一杯荔枝手搖茶，淡淡荔枝果香 茶對我黎講有啲澀 但甜度適中朋友就叫左枝獅子山下既啤酒，好易入口 應該幾岩唔中意啤酒苦澀味既朋友試下😎主菜分別叫左卡邦尼意粉同羊架卡邦尼意粉，份量好足 每條意粉都有沾上忌廉但唔會好膩 我個人唔太中意有芝士粉係面 呢個卡邦尼就冇 係屬於比較淡口既卡邦尼仲會食到洋蔥同黑椒既配料香 雖然佢煙肉冇煎到香脆 但有麵包脆粒補返個口感 我個人黎講都幾中意呢個卡邦尼意粉😍另一個主菜係羊架 佢有三件羊架再配薯菜 有芥末醬同甜既薄荷醬羊架肉質唔鞋口 就算唔點醬都好好食 肉既中間有少少程粉紅色 我個人認為煮得岩岩好個人比較喜歡點薄荷醬 甜甜地又好清新服務態度良好 特別係老闆 又有啲笑容 細心 拎牙籤都會用紙巾裝住 每一位都好用心工作洗手間乾淨舒適 洗手液有哈蜜瓜既果香味 一啲都唔求其🙈抗疫期間見到有員工冇戴好口罩的確有啲扣分 希望各員工都注意下👀畢竟係做飲食業 衛生好重要🙏🏻…查看更多

一行近間餐廳就比佢既兒童餐同甜品吸引住😍但好可惜兒童餐只供12歲或以下既小朋友😂所以我地就點左照燒雞扒拉麵，和風滑蛋唐揚雞拼吉列豪丼同吉列大蝦咖哩旋風蛋包飯豬骨濃湯照燒雞扒拉麵，賣相冇另外個兩個咁吸引 但係整體味道都唔錯雞扒如果可以處理得好啲 嫩口啲會比較好 再加返多啲醬汁豬骨濃湯唔會話好咸好濃 食完都唔會令人好口渴🙆🏻‍♀️和風滑蛋唐揚雞拼吉列豪丼，唐揚味好重係食得出有薑味，同出面食到既有啲唔同，呢個雞肉做到嫩滑，係令人有驚喜既唐揚雞😋不過個飯配了有啲太多 個人認為唔應該加蔥或者啲蔥可以少啲 因為有飯素又有紫菜 遮蓋晒啲飯吉列大蝦咖哩旋風蛋包飯，咖哩有小小辣同酸味幾開胃，但又唔會話辣到接受唔到，唔食得辣既人都應該會食到😎 吉列蝦唔會好厚炸粉亦唔會得好少蝦肉，肉質唔係霉，食到尾個陣啲蝦味特別出😌佢個飯唔係就咁普通白飯 應該都係撈左飯素，幾特別不過餐廳既音樂聲浪可以細聲小小，或者係我去既時段過左午餐時間冇咩人所以先顯得音樂有啲大聲，餐廳既侍應可以加小小笑容會感覺友善啲😉但整體都唔錯今次食得好飽食唔到佢地既甜品有啲可惜，決定下次帶12歲以下既小朋友一齊去試佢地既兒童餐同甜品先😜…查看更多

今次去到一間以黑色為主既餐廳🖤有金光閃閃既黃燈💡同桃紅色既霓虹燈點綴一坐低就會有店員拎消毒酒精比你搓手同紙巾比你包住口罩 夠晒溫馨呀👍🏻餐廳冇電視 但有投影機播放影音👀當日餐湯係菠菜魚湯配暖笠笠又好鬆軟既牛角包🥐個湯以為係忌廉湯但好有中湯既昧道好有趣😂 菜蓉口感有少少好似葡萄牙既薯蓉湯兩個主菜分別係經典雜扒餐同波士頓龍蝦配芥末牛柳餐雜扒餐同我係出面食開既有啲唔同 呢個有好大塊雞扒同豬扒 仲有雞翼 雞蛋 同德國腸 配上薯條同小小菜 好多雞😂我個人覺得如果少返啲雞類變做牛扒會比較好少少調味方面就好似唔小心重手左少少？有啲咸令我地有啲口渴想飲水😛店員好細心架 會留意到我地冇水會倒比我地至於龍蝦牛柳餐我覺得個牛柳幾好食唔會”拿”到冇左肉味 肉質都淋既😌配上少少芥末醬好特別幾好食 不過龍蝦既調味都係偏咸左少少🙁 希望下次調味會有改善💪🏻值得一讚既位我覺得係鐵板送上枱前預先淋好左你揀既汁避免左你彈到一身都係 送到上枱仲會聽到滋滋聲👂🏻飲品方面我地點左兩杯凍檸茶少甜少冰味道正常但飲品杯既size同水杯既size係一樣 要加錢先有飲品對於個size有一點點既失望👉🏻👈🏻如果可以考慮改為一個大啲size既飲品杯 或者唔需要加錢就會比較好💪🏻…查看更多

下午大約三點🕒小店無華麗嘅裝修，客人稀疏，但就喺一間有人情味嘅店舖，大部分都應該喺熟客老闆娘樓面收銀一腳踢但都會記得熟客平時大概叫慣嘅飲品或食物我地點咗一個椒鹽豬扒飯，一份西多士，一份炸雞髀薯條🍟仲有三杯飲品熱辣辣嘅椒鹽豬扒飯，豬扒肉質唔會”鞋”口，但就有啲偏咸，配上白飯中和返就岩岩好🙈香噴噴嘅西多士，配上適量嘅糖膠食落有淡淡嘅花生醬味，食晒成份都唔會覺得好油膩，如果多啲蛋香就會更加好🤤即叫即炸雞髀薯條，送到上枱都仲聽到好弱小嘅油炸聲🤫，波浪紋嘅粗薯條外脆內軟配上茄汁好好食🥰，炸雞髀個皮卜卜脆雞肉嫩滑唔會好乾身🤭可能係上面加少少鹽會更好味😎飲品方面我地點咗一杯凍檸茶，一杯凍檸水同一杯凍奶茶🤓飲品正正常常，係杯凍檸茶有啲澀但凍奶茶有奶澀味又無咁重，如果茶膽再處理得好啲就非常好👍🏻…查看更多