twinsland的个人专页

員工服務10分好，食物種類雖不多，但每樣也好吃精緻，最驚喜的是有互動調酒環節，以及不定時推車仔送來一些前菜。堂弄龍蝦湯非常好味，裏面是有不少龍蝦肉的，可媲美某些酒店$200一碗那種。切肉也好味，肉十分嫩。雪糕有10多款，後來離開時看見樓下買一球都要$38，所以食多幾球都不錯。紅酒白酒果汁汽水香檳任飲，仲要成日幫你添飲，服務真係點對點，這是一間絕對要回頭的自助餐。價錢非常合理，座位間寬落，落地玻璃窗透光度足，令人十分享受。…查看更多

5個 人入去食甜品，叫人去坐張4人枱去加櫈，全間店大半都是空桌，多次要求也不肯給人坐張較大的枱，到我哋食完走都未見所謂留左枱既客人出現，不知所謂。食物質素亦差，芒果甜品竟然落台式飲品糖漿就算，而不是坊間甜品一般會用芒果整汁放落去，這是永不回頭的店。 …查看更多

一早就打定電話去ｂｏｏｋ（佢無問我張券既ｎｕｍｂｅｒ），坐低之後，伙記就立即拿餐牌俾我同屋企人。我地揀左魚腩同炒豬雜，首先上個湯，份量都幾多，仲要裡面有隻雞腳同埋雞腎，唔錯。之後就上２個餸，雖然唔算大碟，但味道中上，份量夠我地２個人。食完飯後，佢就幫我地也執台同埋自動送上番薯糖水，呢餐就畫上完滿既句號。或者有ｄ人好好奇，團購既份量同正價既有無差別，就呢間黎講，好肯定係無分別既，因為我坐果張台既左鄰右里都有叫魚腩，但佢地唔係用券既，但個份量就差唔多，所以呢間真係良心小菜館，就算無券都可以去試下呢ｄ外省菜。P.S食完野隔左幾個鐘都唔覺得口渴，應該無咩味精，大家可以放心食。仲有ｄ伙記好好禮貌，絕無因為我地用團購券而ｉｇｎｏｒｅ我地，反而好關顧ｔｉｍ，我地走果時仲要講句「多謝晒」，嘩劉華精神又出來了。…查看更多

之前一晚係賭場入面，見倒有塊牌寫住買一送一，即刻打去book位11點幾到，無人既，個環境唔錯。要１杯杯既水就唔駛錢，開１枝枝既要錢。午餐包頭盤、主菜同甜品首先黎個welcome bread, 1個硬豬切4片, 3條芝士條,芝士條極好食。配牛油同茄醬二選一頭盤1.火雞片竹筍沙律黑松露醬－d cream 好美味，呢個arm女仔食2.回香清湯意大利雲吞－湯熬辣辣，又係好creamy二選一主菜1.大蝦青醬闊條面－好大碟，不過好油，同埋食唔憤ｄ醬，覺得味道怪怪地2.豬肉片薯仔二選一甜品1.紅莓千層蘇焦糖雪糕－雪糕苦苦地，配酸酸甜甜既紅莓醬同脆脆既千層蘇，好正2.芒果布甸－用芒果同熱情果汁整既，味道ｏｋ，有一條朱古力條係側面。埋單係$168+10%(已係２人價錢）用中銀卡食一個頭盤＋意粉餐，９８蚊仲要買一送一，仲抵，不過我唔記得帶。好似係意大利菜湯／凱撒沙律＋肉丸意粉／白汁意粉…查看更多

尋日夜晚去左試，就係為左驗證下呢間野既好評堅唔堅我地係後補，好彩仍有位俾我地,講真環境就真係坐得舒服,不過燈光較暗一開始已拚命喪叫十幾款野食，基本上所有牛類都叫云。先黎送既刺身，絕對新鮮,有頭既大甜蝦、帶子、三文魚腩同埋加州卷,印象分已倍增。跟住十分鐘左右就送一碟碟牛黎，嘩,一時間成桌都鋪滿了,仲要勁新鮮,勁雪花之後再叫左2,3round牛,牛舌,粟米,甜薯....叫多左3cans汽水(10蚊1can)我地食左個幾鐘已投降，哈哈。*本身我地都係伊呂波/和幸既member，食完呢度之後,發覺原來想狂食,最抵都係呢度。 因為佢既肉同以上兩間都係差唔多,真係好開心發掘左呢個地方,希望佢keep住,我地遲d又會幫襯過。…查看更多

今日同幾個同事黎左呢間野食，見佢裝潢唔錯，望落好似坐得幾舒服，就揀左佢。但一食就出事，我叫左個咖喱雞柳飯，７８蚊一客，連飲品，小食同埋甜品，但質素竟比大ｘ樂低。野飲算ｏｋ，但個飯「勁」唔掂，雞同埋薯仔無走過油，味道衰過白「ｓｈａｒｐ」，擺明就係個廚師唔用心煮，邊可以做得咁求其架。小食係無骨鳳爪，又話係辣既，但竟然係又唔酸又唔辣，搞咩架。最後甜品係一舊紅色既大菜糕，上面有少少椰肉，味道竟似藥水，唉。如果呢間店既老闆睇倒呢段野，唔該你同個大廚講下，謝。…查看更多

我係某討論區睇見人地話呢間好食，我就走去試，結果……星期六晚我食６：３０－８：３０，入第１ｒｏｕｎｄ單都算好快到，我既ｂｆ係刺身怪，勁食１０粒帶子，１０隻蝦，１０片三文魚……頭果１５分鐘都係滿懷歡喜既，點知之後……我地又再入刺身，開始唔出俾我地，要我地三催四請，等足半粒鐘先出，如是者我地每入一次單，就要三催四請，等完又等，火完又火，仲要係度話整緊整緊……ｄ串燒完全無燒過，又唔熱是但拿來，都唔知食好唔食好，羅宋湯係凍既，最慘就係叫ｄ唔值錢既野，佢都好似唔願俾你咁。總之要咁食法，食氣已經食飽晒。其實對比起其他人黎講，我地算係超好彩，最終下食左５ｒｏｕｎｄ刺身，有２０小片三文魚、有頭甜蝦１８隻，無頭就２０隻，帶子小粒３０粒，北寄貝３片、象拔５片。壽司８舊，２串栗米、４串牛舌、3串帶子、雞軟骨、西京魚、2隻天婦羅蝦、甜品小蛋糕３塊……不過我地羅食物個過程係超谷氣，如果你唔夠面皮厚，絕對羅唔倒以上既食物…查看更多

睇左呢度既ｃｏｍｍｅｎｔ，今日去試左，但發覺下面其中一位人兄所言非實。第一，呢度既放題根本無帶子刺身，唔該果位人兄以後係出ｐｏｓｔ之前強調返呢樣，因為帶子刺身係要另收費的。第二，呢度既甜品只有雪米慈，並無果位人兄所講既雪糕，呢樣亦要另收費的。本人認為這店可讚的就只有三文魚刺身確佳，因為佢舊舊都俾三文魚腩。串燒既水準唔穩定，有時拿來的就好熱，好新鮮，有時就凍的，或只是半暖。還有的是，第一ｒｏｕｎｄ叫的食物就齊，之後經常發生漏單　／　亂咁俾ｄ無點既食物黎，仲有，ｄ食物初頭就好快黎，之後三催四請先上，都過成半粒鐘了。以呢個價黎講，出面街仲有好多選擇，所以大家以後係睇ｐｏｓｔ既時候真係唔好盡信呀，如果唔係就好似我咁失望而回。總之呢餐俾我既回憶就只有三文魚刺身，其他野就麻麻了。…查看更多

好耐之前去過，不過由於係ｓｅｔ　ｍｅｎｕ，所以散叫，食左ｄｄ野都要幾百蚊。結果隔左好耐先再去過，尋日再去，出乎意料地大有改變，竟然有ｌｕｎｃｈ　ｍｅｎｕ，仲要係１百蚊左右一位，真係幾抵。牛排唔落汁已極好味，最欣賞係ｄｗａｉｔｅｒ既態度，我記得佢叫ｍｉｃｈａｅｌ，我既牛排過熟，佢二話不說即幫我換過，可樂裡面有粒小招紙，又係我未開口就發現，幫我換過，服務極佳。我相信未來會再去，雖然我只係一個唔係幫襯左好多錢既食客，但我真係好欣賞佢地待客既態度。聽講黑糖面包唔可以再ｒｅｆｉｌｌ了，如果是的話，真有點可惜。…查看更多

１４蚊３球雪糕，我覺得芒果味最正，用個小玻璃杯裝住真有心思。我見人地食一碗大既通粉，３５蚊，有成１０樣配料，都好似唔錯ｗｏｗ。其他野就無試了，你地下次再去試下啦。…查看更多

ｄ翅既味ｏｋ，都算見倒一塊塊的小翅，好過達ｘ既搵笨翅邊／翅裙，不過同意樓下所講，唔同價錢既翅，其實份量都係差唔多，所以大家試就詆２０蚊果個就算了。食完後好口渴，大家要有心理準備。…查看更多

４個人食左炸墨魚球，水蟹粥，乾燒面，堯柱菜。個人認為頭２樣都幾好食。後２樣就普通左ｄ。ｗａｉｔｅｒ態度不太好，可能我地無咩叫佢貴既送，連ｄ菜既ｐｒｉｃｅ都唔係好想回答我地咁。埋單要小心小心，佢計多左我地錢，好在我地之前已計定，跟住佢就話係張底單花左ｄ睇唔清楚，所以先計錯，我話佢地博ｘ就真。…查看更多

點解要食２次，咪就係因為又好食又抵食lor。42蚊一份晚餐，有２條香燒牛助肉，連飯或包，仲要包埋野飲，（選沙冰加３蚊），甜品可要芝士蛋糕／布甸（建議食蛋糕，如果要合桃蛋糕佢會整熱俾你）。呢間店既位置較吊腳，你地去到附近搵唔倒唔緊要，認住「來來超市」既對面就得了。門面較暗，但包你地食過一定會話好食過甚麼ｘ神或老點旅遊書推介果ｄ。…查看更多

我同ｂｆ由１９８食到２３８，講真，係ｍｋ區一加加左成４０蚊，真係好多下ｌｏｒ，野食同以前既一樣，所以我覺得唔抵，早幾日去食，係黃金時段見佢地拍晒烏蠅，又係既，一下子加左４０蚊，但野食無話多左ｗｏｗ，只係同以前１９８一樣，又難怪唔趕客既，果ｄ咁既ｍｋ侍應，趁老闆唔係度就偷懶，態度又差，老闆一返黎就扮親切，唉！野食就唔知點解樣樣都唔夠熱，上至頭盤，下至甜品，樣樣都係半暖的，直頭趕客，所以雖然我之前俾左笑臉，宜家都要俾個哭臉。樓下有個講話佢間店無人都要迫人地坐ｄ非常窄既位，我都同意呀，我去既時候又係成間店無人，卻要我地迫埋一齊坐，搞到好辛苦，ｄ侍應ｄ工作態度又差，人地講緊主菜名，佢就係度大聲叫︰「頭盤、頭盤」（唔幫我地落主菜，仲要做一副好唔耐煩既樣，勁無禮貌）邊有人咁架，要餐唔可以講左主菜先架咩，完全唔專重ｄ客人，我諗暫時都唔會再幫襯的了！如果老闆見倒以上的文章，請好好反思一下。另外，本人希望貴店若有人客在用膳，便不應該請裝修師傅來鐨牆，因聲浪十分大，影響食客心情。…查看更多

一入到去，電視播緊Joey的ｋ碟(我入果陣播緊Lucky Star)，岩晒今次真係Lucky。食了個二人餐，麵包太細塊，但好味，菜湯味道一流。頭盤叫左田螺及帶子，田螺真係淡了少少，如果係有殼果隻可能會好味ｄ，至於帶子就真的不錯。肥牛扖非常好味，至於甜品就.........最可惜無雪糕或「姐李」，加左＄８轉特飲，不錯。總結：值得再去…查看更多