Jackie_k14的个人专页

第一次嚟呢間餐廳，環境係幾靚嘅，天台位幾特別，但我唔會嚟第二次，試過就算了謝謝。個一汁三菜份量好小，個飯本身係幾香，但加咗湯之後反而咩味都無哂，雖然話湯同飯可以任加，但你個主菜細份得可以都無必要添飯。我叫個個主菜係雞扒，就真係得一塊好普通嘅雞扒(係大X樂早餐個啲雞扒），同一塊墊底好薄好細塊嘅薯仔薄撐，咁就$150加一，真心諗為CP值唔高，老實講我食完係唔飽。4,5個侍應，全部好似遊魂咁。有個男員工剷青嘅，落單時講野又唔清楚痴埋一舊都唔知佢講咩。另外有一個送餐嚟時搖搖下嘅勁驚佢倒瀉。跟住嚟咗個Live Band，老實講其實好嘈，佢地未嚟之前個音量係ok，佢地嚟咗之後嘈到同朋友傾計要鬥大聲，真係真係真係好嘈，完全傾唔到計。見到一堆好評，可能有人會好鍾意呢度覺得好正嘅但我唔啱，sorry。…查看更多

第一次同朋友嚟上菜速度非常快😂同朋友落完單好似5分鐘之後啲菜就陸續嚟齊4個人叫咗5個餸個蛋白炒飯炒得幾靚，粒粒分明唔油膩黑椒薯仔牛柳粒通菜煲乳鴿1隻同埋豉椒蟶子，蟶子都幾多👍🏻唔錯呀👍🏻有機會同媽媽再嚟一次先😋😋…查看更多

以前初初開個陣，覺得啲野食好唔啱食，所以都去過一兩次就無去。但前排父母發現佢哋個早餐好啱我，就叫我去試下。然後有一朝嘅早餐去食，發現真係好啱我，我好鍾意。因為佢哋份早餐真係大份又抵食。塊多士係即烘厚多士，份炒蛋大份到好感動，因為我好鍾意食炒飯，特別係半熟炒蛋，佢哋呢份算接近，不過都好正，我媽媽唔鍾意食炒蛋都覺得好食。呢個餐$39/$41我唔係好記得，但呢個價呢個質素真係完全無問題。唯獨是一個問題，就係呢間餐廳啲客唔鍾意攞飛，可能單人客多，成日鍾意一支箭咁衝入去自己坐低，佢部機又擺係入面，搞到好多人無意識拎，衝咗入去，啲職員唔知坐低咗，出面拎飛嘅就走入去鬧啲職員，我每星期去一次都，一個月點都會聽到一次。講真啲職員好無辜，啲客自己衝入去坐低我點知你地係咪識得，但鬧就鬧啲職員無看住，間餐廳成日比人搭檯又係造成啲客會咁樣做嘅原因之一，唔知你追sales定點，你安排啲客去搭檯，下次啲客就唔會理你自己走去搭，就搞到咁亂，不如係呢方面安排得好少少？🤏🏻啲客唔會嘈，你啲職員都做得舒服啲。…查看更多

呢間店最大嘅問題，就係啲員工全部都係自己顧自己。每次去親拎飛等入去，之後就會見到其他人直接行入去，收銀個個唔截，入面個啲唔知就比佢哋坐低，拎飛個意義係邊？每次都要出聲講，有人拎緊飛等位，你地就無人理由啲人走入去坐低。每次講完先識醒咁開始做派飛工作。幾之去親除咗個經理，其他人真唔識做野/只係識做自己野，收銀剩係識收錢，唔會因為自己係門口，做收銀有客埋單走咗，係個MON會睇到入面仲有無位吉咗出嚟，就截下啲自己衝入去嘅人。成日等緊位就見到啲人自己衝咗入去，個收銀都唔識得叫停個客問下，由佢地入咗去坐低就算，出面守規矩等緊位嘅真係戇居囉。好心訓練下啲員工啦。啲野食已經唔係話好好，有時出到嚟啲食物暖嘅。…查看更多

睇完上一篇食評本身都有啲擔心，因為自己同朋友都係睇完IG廣告所嚟試，好彩嘅係無想像中咁差😂以前仲係校長燒肉時食過，啲燒肉醃味就真係同一隻味，其他已經無記憶。今次單純嚟食雞煲打邊爐。老實個幸福輪盤真係好阻訂😂個盤係轉得但根本唔會轉，擺食物啲碟唔係統一size，亦唔係剛好陷落個軌度會突出嚟，一轉根本就會掃跌個輪兩邊兩個位啲碗😂全晚我哋個輪係無轉過。4人送嘅個杯水果茶，即係雜果賓治，可能太耐無飲過呢啲飲品，又覺得幾好味，又唔係好甜，都ok嘅，不過真係好大杯又多冰，飲唔哂😂至於食物，一開始送個個點心拼盤就麻麻地。包類都唔太得，太厚麵粉，燒賣正常但暖嘅，之後再叫咗兩次燒賣，第一次都係暖嘅，第二次就同第一次蝦餃就夠熱了。👍🏻但個炸饅頭唔知點解炸到入面係硬嘅，雪咗好耐？個雞都正常嘅，但唔知係咪隻雞偏細所以份量唔係話好多，打邊爐啲料都正正常常。第一次叫個啲就嚟唔夠數，第二次嚟嘅就足數了。同埋肥牛的確係輪盤上面個碟(相中個碟)叫靚仔啲，之後嚟嘅都係普通肥牛，但又唔係太差，都新鮮嘅。蟹柳ok但獅子狗太粉，醃蘿蔔好食😂呢餐$200唔使，我覺得對得住個價先，唔期望佢好好，但亦未至於去到太差嘅地步，有時唔想一食雞煲邊爐都比成3百幾蚊，但又想過下口癮又有個地方坐下傾計嘅，呢度都不失為一個選擇嘅。我自己今次同朋友嚟嘅感想就係，對得住個價錢又唔係話真係太差，至少食完唔係覺得連$200都蝕咗比佢。但我地只係雞煲+邊爐，燒肉刺身其他熟食完全無試到，所以不作個啲嘅評論。…查看更多

我住田景，但因為樓下間茶記出品太差又唔抵食，啲員工成日發夢做野又無系統，所以都唔太想去呢兩間食，但我好鍾意食雞脾薯條，自從NOVOLAND入伙之後同屋企人嚟行下時就試下呢間。我同屋企人嚟過幾次，都係下午茶時段嚟，但我覺得佢地個下午茶餐係OK嘅今次嚟食咗雞脾薯條至少隻脾都大隻啲，薯條都多啲，仲要係波浪薯條，雞脾烤得剛剛好，仲有肉汁流出嚟，樓下個間次次去都係炸到乾哂兼勁細隻。我之前食過炒蛋咸牛肉潛艇，但唔記得影相真係出色過我樓下個間好多，隻包係芝麻熱狗包，烘過嘅，咸牛肉同炒蛋真係溝埋一齊炒過嘅，新鮮熱辣。剩係個包會烘過呢樣，我已經覺得好開心，無辦法，樓下個間真係去親都覺得點解要比錢食垃圾，佢哋個芝士炒蛋潛艇真係令我大開眼界。其他食物/時段我未試過，但就下午茶餐嘅出品我絕對覺得合格，對得起個價錢，唔會覺得自己比錢食下欄野咁，雖然過去都要搭巴士，但我寧願比幾蚊車錢食得開心啲，都好過行幾步路但次次都食到發脾氣囉。衛生就還可唔係太污糟，但唔知點解每次食都有烏蠅飛埋嚟🤔…查看更多

同朋友好耐無見，佢話呢間出名就嚟試下，都知要等位但無諗過情況會咁痴線😂6點左右到條隊已經由門口拉到出熟食檔嘅外面樓梯下面，時間越耐條隊越長，最後條隊應該排到落地下神唔出奇。排到去入座嘅時候係7點27分，店員話入討咗低涼下冷氣，野食要等，有兩間大房，我行入去第二間，但經過第一間時候見到仲有好多人都未食就知唔荒會快😂到最後我同朋友有得食嘅時候係8點13分，足足等咗2個鐘頭有多。佢如果唔係個場算乾淨冷氣又足，可以舒服咁等真係人都癲，但野飲只有入去前叫你揀嘅飲品，水/茶都無杯，基本上除咗冷氣無野蝕比你。碗米線係夠大嘅，我個餸揀咗肥牛，但啲肥牛浸到熟哂同硬咗，朋友食蟲草花湯，係幾特別同好味，但個反斗蝦膠豆卜就普普通通，隻蝦好細粒，成粒咁大都係酥炸個層，名過其實；至於炸雞球正常論都唔會唔好食。係幾好味嘅，$60幾蚊又唔係貴，但又唔需要吹捧得咁犀利搞到等成2個鐘頭，抵食比2星係因為等待時間同用餐時間唔成正比。…查看更多

有時同朋友行完街，唔知食咩又想坐耐啲嘅時候，就會想嚟呢度。上次去完尖沙咀行街都過返嚟呢度今次去完尖沙咀又係過返嚟呢度諗住食肉，就想打邊爐想打邊爐，就諗起呢度出菜快，質素又唔算差，份量又好多😂有是叫半份都比一份過嚟又無限時，又請咗啲特殊人士，佢哋都好勤力做野又快，呢度真係同朋友食飯傾計嘅最佳選擇。真係好鍾意嚟呢度，希望可以繼續維持吖💪🏻💪🏻…查看更多

今次第二次來，都係食返佢個套餐，抵食👍🏻👍🏻keep住款式會轉，等客人有新鮮感今次個蛋包飯依然係咁好食啲炸雞又係好好食，食落唔會滿口油膩感面頭脆口內裡嫩滑👍🏻👍🏻今次個柑橘味比上次食突出咗但個墨汁意粉就有少少咸要同個飯啲肉醬撈一撈食先無咁咸食得哂同埋睇餐牌時明明無咁一pat野🤣唔知係咪廚房落墨汁重手咗啲啲呢希望可以改善🙏🏻🙏🏻最後食埋個小甜品我自己食落就覺得成個個味有啲淡所以鍾意以前個個咖啡布甸牛角窩夫多啲❤️❤️…查看更多

好明顯連續幾篇都係請foodie打嘅食評。我唔係要講食物，海鮮係OK嘅，新鮮好食嘅，但服務真係好差。最差真係你成班同事好似唔會溝通咁，上菜又亂，次序又亂。沙律同小食理應出得快過要擺盤嘅海鮮，小食要炸出唔切唔緊要，咁你咪出咗個沙律先，沙律仲遲過啲海鮮到係咩玩法？上菜次序亂，嚟咗嘅米線重覆再嚟3次。盤海鮮漏咗隻鮑魚，有啲海鮮無，唔出聲又唔問，直接換過第二款比你，問先答你因為無，你唔問就換，有無諗過個客想唔想要或者唔食得你換比佢個款？加粥又亂咁加，兩個人都係粥底，兩個人嚟加， 一個就筆走哂啲水，一個就唔筆，煲粥都要時間，點解你哋唔一早就放啲飯/米落去煲定？出面啲蒸海鮮一開始就放，最後係吸哂啲精華先好食，你哋就最遲先放，食白粥咁完全無味。…查看更多

住田景所以成日都會去初初好好，沙茶牛肉好食茶餐啲炸野又多又炸得靚但啲廚房走哂之後就慘咖啡唔好飲，炸脾成日都燶又細隻薯條星期日未到3點就賣哂啲食物出餐個樣又變哂叫咗個芝士炒蛋潛艇佢嚟到係一塊芝士舖係一份蛋皮上面個包又唔再係熱狗包係芝麻包（似pizza hat個隻蒜蓉包）仲要係一刀打直切開，放係入面就算，整到垃圾咁都好意思出餐？完全同之前炒蛋入面有芝士，熱狗包中間開口舖係入面嘅出品係兩回事。同個負責人講，佢整過份比我不過都係一模一樣乜咁大間集團唔係應該有製作方同出餐標準架咩？好幾個女樓面又走哂，嚟咗個男性管理層煩膠後就勁混亂，該男性管理層短髮，略黑皮膚，身高普通。自從佢嚟咗之後，就經常出現入錯單，出錯單嘅情況，令本來唔亂嘅餐廳運作因佢而出現混亂。而且非常心急，唔多客人等位都會不停催促其他員工執檯，出餐；係檯面還未清乾淨嘅情況下就叫客人進場就坐，行到埋去就企係度睇住你抹檯，多此一舉。作為客人，我寧願企多陣，等職員執乾淨檯面，抹好檯面污漬後先舒服就坐。仲有佢經常係較遠嘅地方催促所有人工作嘅態度亦不甚友好，令其他員工覺得煩躁，尤其是因為佢而增加嘅錯單情況下，更加令人煩躁。但都要稱讚一名女性員工，應該係全店最年輕嘅樓面侍應，已負責收銀一段長時間，身形較高，中長髮，而家會紮起一小撮頭髮。佢嘅工作態度以及反應非常好，可以好好安排次序，有條不紊。…查看更多

因為我住田景，間唔中都會去買嚟食一直都鍾意叫熱狗加兩份小食但自從佢轉咗新餐牌，只可以一份小食一罐飲品之後，就少咗食了今次都係照舊叫澳式+細薯以前會叫兩份細薯，因為我唔鍾意飲野但而家改咗就無辦法拎到返屋企，個包嘅面都唔脆其實呢樣野就次次都係咁我只係食過1-2次個包嘅面真係烘到足會有脆口嘅感覺，但幾乎大部份都無其實良景呢間唔算好旺，我每次去佢啲職員都係坐係度玩手機/傾計但出嚟嘅品質就完全唔算合格講真單叫都$40嘅一個熱狗我想你整到熱+脆口少少都唔過份吧？但次次都只係比到「熱」嘅我有時連熱都唔熱，係啲餡熱囉到而家咁多間分店，感覺對員工嘅培訓係十分不足，其實你哋係咪只係特許經營？如果唔係嘅可唔可以系統管理下員工嘅出餐品質？…查看更多

以前開華都個陣都未幫襯過只係知因為前身嘅關係成日影響到佢哋搬咗嚟安定呢邊之後終於有機會去試啦😋😋我以為係商場入面，點知係連住個商場，係邨嘅平台外圍位置，比個地址呃咗😵‍💫😵‍💫間舖好大好舒服，好闊落我同朋友分別叫咗口水雞同海南雞飯由店員送餐，出得都好快望落細細碗，但食落都好大份我叫咗凍啡少甜少奶少冰不過仍然好多冰😂但杯咖啡幾好飲😋😋朋友話個口水雞好辣😂😂期間有小插曲，有位眼鏡男仕食完之後唔記得比錢就走咗🫣因為佢餐盤上有張單所以店員發現佢未比錢就走咗唔知個位男仕係咪常客，如果係嘅記得返去啦🤣又平又抵食，最緊要又啱feel住附近嘅朋友記得多啲去幫襯😛😛下次想去試下肉燥飯同蛋捲…查看更多

我係因為機緣巧合情況下，先認識呢家店嘅老闆娘。佢地唔係開咗好耐，生意唔係好好。位置唔差但個舖位唔好，太過黑暗朝頭早真係完全唔覺得有間舖係度但佢地章魚燒真係唔差至少我認為係合格以上佢地啲丸外層係脆嘅裡面都唔係一pat pat好粉嘅漿入面唔係原隻章魚仔，係章魚粒但我無問題，可以接受👍🏻👍🏻希望住屯門附近嘅街坊/學生行過路過幫襯下🥲🥲佢地呢個位真係唔就腳除咗住虹橋同對面景峰嘅人應該真係好難會特登行過去…查看更多

今日同朋友第一次試，剩係買咗個手打牛肉漢堡share話要等10分鐘，但因為同朋友傾住計等，都無為意係咪真係10分鐘。之後拎到就去咗附近公園坐底食一拎起個漢堡塊牛肉真係幾厚身因為同朋友share所以切開咗我叫咗BBQ汁幾好食，佢汁唔多但絕對夠亦唔會乾更加唔會滴到成手都係咁麻煩個包烘過先出，好脆身，同埋都好鬆軟朋友食咗之後勁鍾意，一直讚好食有驚喜因為要食正餐，所以呢個係share亦都無叫其他野，有機會會試埋其他小食…查看更多