Chow Man Ting的个人专页

最近去咗La Paloma西班牙餐廳，環境有情調，燈光柔和，氣氛浪漫，無論慶祝節日定約會都啱🎉。🥘 烤三黃雞配珍珠洋蔥、薯仔及雞汁 三黃雞烤得皮脆肉嫩，雞汁味道濃郁，每啖都食到雞嘅鮮味。珍珠洋蔥微甜，配埋薯仔一齊食特別滋味。🐖 慢煮烤乳豬配椰菜仔及蘑菇 乳豬肉質嫩滑，外皮燒得香脆，完全唔油膩。椰菜仔同蘑菇增添口感同層次，食落滿足感十足。🐟 香煎鱸魚配薯仔、炒菠菜、火腿，伴XO醬 鱸魚煎得剛剛好，外皮微脆，魚肉細嫩。配菜有炒菠菜同火腿，鹹香同健康兼備，加埋XO醬帶少少辣，好特別。🥩 和牛及鵝肝配長法包 和牛同鵝肝係一個好奢華嘅組合，牛肉軟腍多汁，鵝肝香滑，配埋脆法包，一啖落去超滿足。…查看更多

真的好一段時間，沒有食過放題，趁着放大假約閨蜜一齊放鬆食放題，我們兩人的口味不太一隻色放題就是最好選擇。首先，當然要來點刺身。這裡的選擇非常豐富，我們點了俄羅斯甜蝦刺身，鮮甜多汁，口感滑嫩，是刺身中的明星。象拔蚌肉質彈牙，帶有海洋的鮮味，令人回味無窮。螺片刺身與 赤貝刺身都展現了極致的新鮮感，搭配少許醬油，更加提味。原粒帶子刺身和 北寄貝刺身，這些貝類的鮮甜令人驚喜，質地細膩。藍鯨金槍魚刺身與 油甘魚刺身肉質厚實，油脂豐富，讓人一口接一口，停不下來。也少不了能填肚的壽司，我最愛的鵝肝壽司，濃郁的鵝肝與米飯的搭配，讓人感受到奢華的美味。-牛肩胛壽司，肉質鮮嫩，風味獨特，搭配香醇的醬汁絕配。海膽手卷，新鮮的海膽，口感醇厚，完美地包裹在海苔裡。我們還點了些熟食和炸物，鐵板鵝肝多士話外脆內軟，鵝肝的香氣令人陶醉。芝麻雞翼，香脆的外皮與柔嫩的雞肉相得益彰。虎蝦天婦羅，炸得金黃酥脆，蝦肉彈牙。珍寶鮮蠔燒，鮮蠔的鮮味在烤制後更加濃郁，搭配檸檬汁，風味絕佳。磯煮凍鮑魚，鮑魚鮮甜，口感滑順。燒羊架與燒比目魚，肉質鮮美，烤得恰到好處，香氣四溢。鹽燒牛舌與乳鴿王，兩者都肉質鮮嫩，滋味無比。最後，怎能不提 Häagen-Dazs雪糕任食，多種口味可供選擇，還有各種品牌雪糕任君選擇。除了雪糕還有各式各樣的甜品，有冰卷布甸等。還有西瓜蜜瓜等飯後果，肚子一下子滿足了。！…查看更多

最近終於去咗銅鑼灣旭試佢哋Omakase Set，好期待。開頭係前菜沙律，菜新鮮爽口，醬汁唔會太heavy，啱啱好開胃。時令刺身有三款，全部好新鮮左口魚：魚肉滑溜，酸汁令味道更清新。左口魚海膽：兩種鮮味融合，入口即溶，質感好creamy，口感幾有層次。梭子魚：魚味香濃，wasabi提味，唔會搶味。時令壽司有四款：鯖魚：鯖魚帶油香，加入紫蘇平衡一下，唔會膩。平政魚：肉質爽滑。馬糞海膽：入口鮮甜，無腥味。拖羅：油脂勻稱，勁軟滑。超期待嘅鐵板燒：馬友：魚皮煎得脆，魚肉嫩滑，柚子酸醋豉油令魚味更突出，唔覺膩。帆立貝：大粒鮮甜，煎得啱啱好。大蝦配蝦膏汁：蝦肉彈牙，蝦膏汁好鮮味，唔會太重手。鵝肝多士配意大利醋：鵝肝香滑，配埋脆多士同少少意大利醋，清新去膩。美國特級牛肉薄燒：牛肉軟熟，肉味香濃，加入蒜片，好惹味 鐵板炒飯：炒到粒粒分明，有蛋、洋蔥、紅蘿蔔、香蔥同肉碎，鑊氣十足。炒芽菜：清新爽脆，配炒飯啱晒。蝦頭味噌湯：湯底濃郁，飲落去有蝦鮮味。甜品係生果，有車厘子同哈密瓜：新鮮多汁，甜度啱啱好。紅豆抹茶奶凍：奶凍好滑溜，紅豆軟糯食完好滿足。
旭食材新鮮，味道有層次，服務親切，環境舒服，睇住師傅即席烹調都好有氣氛，體驗不錯。…查看更多

今日同屋企人心血來潮想吃上海菜，坑口東港城有幾家食上海菜的，還是上海婆婆比較合乎屋企人口味。咕嚕猴頭菇 $88猴頭菇搭配甜酸醬汁，口感鮮嫩。猴頭菇的肉質彈牙，吸收了醬汁的味道，非常開胃。搭配的青椒，菠蘿和洋蔥，增添了清脆的口感，整體味道平衡，讓人感受到素食的美妙。上海炒年糕。$82炒年糕的香氣撲鼻而來，米糕煮得恰到好處，外脆內軟。搭配的蔬菜和豬肉條，讓整道菜色彩繽紛，口感層次豐富，真的很有上海風味。排骨擔擔麵 $72這道排骨擔擔麵的湯頭濃郁，麻辣的味道讓人欲罷不能。排骨經過精心醃製，肉質鮮嫩，與麵條的搭配恰到好處。麵條彈牙，吸附了湯汁，讓每一口都充滿驚喜。生煎包 $42三隻生煎包外皮金黃酥脆，內餡鮮汁四溢。咬下去時，肉汁瞬間爆發，搭配香蔥的清香，非常回味。這道經典小吃絕對是上海的代表之一。雷沙湯丸 $38甜品點少得雷沙湯丸，雷沙湯丸的外皮彈性十足，咬下去時能感受到柔軟的糯米皮包裹著香濃的內餡，十分美味。鮮豆漿 $18鮮豆漿濃厚而不膩，不太甜的口感，感覺更健康。我們三個人埋單400有找，性價比還算高，既飽肚又滿足。…查看更多

早前約咗幾個朋友去佐敦新新酒家食飯，見到有個四人用美國龍蝦餐，$868，性價比幾高，所以就試咗一次。先上枱係即日靚湯，今次係佛手瓜紅蘿蔔湯，湯底清甜，料又足，飲落去有蔬菜同肉香，啱晒打底暖胃。重頭戲就係龍口絲蒸開邊美國龍蝦（二隻），一上枱已經好搶眼，龍蝦肉彈牙，蒸得啱啱好，下面啲粉絲吸曬啲鮮味精華，每人分到一邊龍蝦，食得過癮。蜜味欖角骨味道都唔錯，排骨微脆，帶少少欖角嘅鹹香，再加蜜味，鹹甜夾雜，幾開胃。招牌燒鵝拼香妃雞，燒鵝皮脆肉嫩，帶啲鵝油香；香妃雞啲雞肉滑溜，雞皮薄薄的鮮茄魚腐浸時蔬魚腐滑溜，配埋鮮茄湯底，味道清新，啲蔬菜都唔會煮到腍晒。西蘭花炒玉帶蝦球，蝦球大粒彈牙，帶鮮甜味，帶子都幾厚身，炒得啱火喉，配埋西蘭花，整體味道清爽唔膩。…查看更多

早幾日去咗洪記粥品食，環境乾淨，啲阿姐都幾爽快。叫咗最經典嘅皮蛋肉粥，粥底煲到好綿，唔會有米粒，皮蛋同豬肉都落得幾足，食落去味道好夾，食完暖笠笠。。狀元及第粥，入面咩材料都有：豬潤、豬肚、豬肉丸、粉腸，啲料全部都好嫩滑，冇腥味，尤其豬潤，爽口味美，食落去好滿足。鹹肉粽個粽size隻啱啱好，糯米唔會太濕，入面有鹹蛋黃、瘦肉，啲材料分量適中，鹹香味啱啱好。炒麵都唔錯，炒得乾身，唔會油淋淋，仲有啲芽菜，食落去有鑊氣，可以配粥一齊食。豬潤腸係我自己鍾意嗰種，腸粉滑滑地，入面啲豬潤新鮮，冇腥味，加少少甜豉油就啱晒。飲品叫咗豆漿，唔會太甜，好香豆味，飲落去幾順口。…查看更多

早排去咗佐敦海洋超級漁港同家人食飯，成間餐廳幾大，坐得算舒服，服務都幾主動。我哋點咗個上湯焗龍蝦伊麵，伊麵煮得唔錯，唔會太腍，有彈性。啲龍蝦肉幾新鮮，份量正常，唔算特別多，但味道夠鮮甜，配埋上湯都幾夾。自選孖寶就揀咗籠仔豉汁蒸白鱔同金銀蒜蒸元貝。白鱔啲肉都滑，冇腥味，豉汁味道唔會太重，啱啱好。元貝有四隻，每隻都鋪咗蒜蓉，蒜味香，新鮮。脆皮燒腩仔有驚喜，皮都真係脆，肥瘦比例適中，唔會太油膩，配啲芥末或者甜豉油食會更加好。咸排骨水東芥菜煲味道就比較家常，芥菜夠腍，咸排骨啲肉都入味，飲落去暖胃。點心叫咗香滑麻蓉包同紅棗糕麻蓉包個包皮夠鬆軟，麻蓉餡唔會太甜。紅棗糕質地煙韌，有淡淡紅棗香，都幾清新。整體嚟講，海洋超級漁港啲食物有返咁上下水準，價錢合理，環境舒服，如果想食海鮮，呢間可以考慮下。…查看更多

早幾日同朋友去咗銅鑼灣Firebird食晚飯，啲菜式都幾有創意。 帆立貝壽司卷一上枱已經睇到每件壽司都有原件帆立貝，入口好鮮甜，壽司飯壓得啱啱好，唔會太實太散。 火山熔岩鮭魚卷視覺效果👍🏼👍🏼，味道亦有驚喜啊，食落外脆內軟，鮭魚卷配上特製的醬汁，幾惹味，帶少少微辣，整體味道亦相融。FireBird名物 重量級火焰原隻雞髀上菜後，侍應會即場用點火燒雞髀，好有儀式感。外皮燒到脆卜卜，肉質尚算嫩滑，幾啱送啤酒。FireBird雞肉串燒盛盒雞肉串燒，燒得啱啱好，用上的是日本雞肉。最愛係免治雞肉棒，軟中帶脆，加上生蛋黃，口感更滑帆立貝牛油醬油釜飯釜飯熱辣辣上枱，打開蓋已經聞到牛油同醬油嘅香味。啲飯吸晒醬汁，粒粒分明唔會糊，帆立貝切粒粒，混埋一齊食好鮮甜。…查看更多

之前同朋友食八合里潮汕牛火鍋，都要上深圳，但佢地終於進駐香港啦，選址喺交通便利嘅沙田新城市廣場🤭 ，唔洗上到深圳咁遠都食到正宗鮮牛肉火鍋，好方便。近門口嘅廚房裝上透明玻璃，比食客睇到牛肉係新鮮現切，原來牛肉係由香港五豐行即日屠宰再配送到店，每一片牛都好鮮。原味牛骨湯底有牛腩、蘿蔔、粟米、紅蘿蔔及杞子紅棗，味道清甜，湯料簡單已經帶出牛肉嘅鮮味至尊鮮肉四寶拼盤呢個拼盤集合花趾肉、吊龍伴、匙肉及匙柄，滿足到對牛肉講究嘅牛魔王，一次過試哂4個不同部位鮮切肥牛色澤紅潤好新鮮，新鮮到反轉個碟啲牛都唔會跌落嚟。而且厚薄適中，輕輕涮10秒就食得啦，牛味濃又唔嚡~手打牛丸雙拼口感彈牙帶嚼勁，咬落都幾多汁，味道濃郁特色菌菇拼盤火鍋配料當然唔少得菇菌同蔬菜，配埋牛肉湯底食，好味道😋潮汕四色水晶粿水晶粿外表晶瑩剔透，有咸有甜，口感軟糯，甜而不膩潮汕純米粿條食哂所有肉類仲未夠喉，呢個時候食個粿條就最啱，既飽肚，又索哂充滿牛肉精華嘅牛骨湯底，正呀！爆打鴨屎香檸檬茶夠哂冰凍，入口唔會好甜，口感清爽，打邊爐必點！潤肺小吊梨食埋個足料又香甜嘅小吊梨清下熱，潤肺生津。…查看更多

朋友在觀塘工作，放工便約在交通方便的極尚大瀛喜聚舊。這裡氛圍輕鬆，非常適合聚會和慶祝活動。極尚大瀛喜的放題菜單豐富多樣，涵蓋了各式刺身、壽司、天婦羅、炸物、熟食、甜品等。每道菜品都講究新鮮與品質，讓人驚喜。首先是不能錯過的刺身拼盤，新鮮的三文魚、甜蝦，長腳蟹等鮮甜可口。壽司，各式口味的壽司，米飯彈牙，魚生新鮮。天婦羅，輕盈酥脆，搭配特製醬汁，口感絕佳。炸物，也有很多選擇，炸雞翼香脆可口，炸榴槤，也值得一試。熟食，主打的就是填飽肚子，有蟹粥，烏冬等。甜品，有Häagen-Dazs 和Movenpick雪糕，還有其他各式各樣的甜點，泡芙，布甸，馬卡龍，任君選擇。服務人員態度熱情，隨時準備提供服務。上菜迅速，主動收拾碗碟，讓整個用餐體驗更加愉快。放題的價格相對合理，考慮到食材的新鮮度和菜品的多樣性，性價比非常高。對於喜愛日本料理的食客來說，這是一個不容錯過的選擇。極尚大瀛喜的放題選擇多樣性，無論是味道還是服務都讓人滿意。這裡絕對是與朋友聚餐或家人共享美好時光的理想之地。強烈推薦前來體驗！…查看更多

最近同friend去咗銅鑼灣嘅「十八夢」，餐廳逢星期五六都會有表演，又有三週年優惠。今日食咗幾款菜式，整體感覺都唔錯。精選海鮮冷盤 有蠔、海螺、鮑魚、蝦同帶子，全部都新鮮。蠔夠鮮甜、海螺爽口彈牙；帶子啖啖肉，配啲檸檬角同微辣醬油，一下子清醒哂味蕾。南瓜蟹肉燴意大利飯 飯粒吸滿咗南瓜泥同蟹肉嘅鮮味，好creamy。 仲有大蜆啲汁同黑魚子，大蜆鮮甜，蝦肉彈牙。78°慢煮澳洲「射」和牛臉頰肉 慢煮到色澤粉紅，肉質滑到冇得輸，底下嗰碟綿滑松露薯蓉超creamy，旁邊啲小粟米同甘筍夠甜，咬落有自然清香，帶返啲爽口中和一下。價位屬中上，但食材質素同擺盤都幾有誠意，適合想同朋友／另一半share 下高質晚餐。 …查看更多

放工同朋友去咗中環嘅六如，前身係三小漁，係間專做手工粵菜嘅餐廳，我哋試咗幾道菜，感覺很好。黑磚豆腐外脆內嫩，咬落去嘅時候，皮脆得來又有豆腐嘅綿密感。煙燻糖心蛋蛋黃剛好半熟，煙燻味道淡淡地飄出。百香冰心丹霞百香果同車厘茄嘅組合，酸酸甜甜，味道清新。六如潮香滷水鵝搭配手拍芥末青瓜鵝肉嫩滑，滷水味道入味，芥末青瓜嘅清新可減去肉嘅膩感👍🏼胡椒湯年糕准山泡蜆湯底濃郁，胡椒味不會太重，年糕同蜆搭配得非常好，令人一口接一口。香茅烤椒煎焗生蠔生蠔新鮮，香茅同椒的配搭真係另有一番風味，令人驚喜。西蘭花炒得好爽好食甜品方面桃膠燉手工千絲豆腐賣相好靚，滑嫩嘅豆腐和桃膠搭配得好好法式焦糖燉蛋焦糖香甜又唔會太膩，👍🏼😋 …查看更多

我也是上海婆婆的常客，今日難得和朋友吃飯，當然要點多幾味菜，一起品嚐。陳年花雕醉雞這道菜的雞肉嫩滑，花雕酒味濃郁，酒香四溢，每一口都能感受到酒香與雞肉的完美融合，而且雞肉啖啖肉，絕對值得一試。酸辣湯麵湯底酸辣適中，一吃就上癮。麵條彈牙，充分吸收了湯汁的風味，配上木耳絲，豆腐和青蔥，增添了層次感。每一口都能刺激味蕾，暖心又暖胃。婆婆粒粒炒飯這道炒飯很有家鄉味。米飯粒粒分明，炒得恰到好處，搭配著爽口的蝦仁和香噴噴的蛋香，每一口都是滿滿的幸福。這道菜讓我想起了小時候在家中，婆婆為我們做飯的情景，令人倍感溫暖。蟹粉炒年糕蟹肉夠鮮甜，和年糕的Q彈口感搭配得天衣無縫。每一口都能品嚐到蟹肉的鮮甜，年糕更是吸收了蟹肉的精華，每一口都充滿滿足感。這道菜不僅色香味俱全，更是一道視覺與味覺的雙重享受。今日最有驚喜的還是花雕醉雞，因為味道比想像中濃郁，而且啖啖肉，非常抵食。期待下次再來，繼續探索更多的美味！…查看更多

好耐冇食過Omakase，上網見鮨燐覺得質素都唔錯，適逢餐廳有個14貫壽司套餐做緊65折優惠，就即刻約朋友食晚餐~前菜甜蕃茄、黑梅貝及北海道松葉蟹由左至右食，甜蕃茄灑上淡雪鹽，黑梅貝彈牙，松葉蟹配上酸汁啫喱啖啖肉，味道由淡至濃愛媛縣蜜柑鯛魚肉帶點蜜柑香，簡單用竹炭鹽來調味已經帶出鮮味北海道扇貝師傅輕輕一拍，扇貝即時收縮🙈扇貝厚身啖啖肉，鮮甜爽口北海道墨烏賊墨烏賊爽脆甘甜，中間加入芥末同海膽，每一口都鮮味無比靜岡縣金目鯛肉質鮮美細緻，魚味濃郁，配上九州薑蔥蘿蔔蓉，更能提升味道層次大分縣深海池魚深海池魚肉質細緻，師傅喺魚肉上切了三刀，口感更加豐富兵庫縣甜蝦切成粒狀嘅甜蝦就更加黏口，加入醋麵豉醬及紫蘇花，令味道更有層次岩手縣赤貝口感爽脆，味道非常鮮甜冇腥味北海道水八爪魚加入少少柚子皮，味道更清新北海道鰤魚即油甘魚，師傅揀選最肥美嘅部位，並輕輕炙燒逼出油份，再以芥末、柚子胡椒醬來調味，味道濃郁豐富長岐縣大吞拿魚腩魚腩位好肥美，油脂甘香，食落卻油而不膩北海道馬糞海膽口感Creamy，入口即化，令人回味北海道牡丹蝦喺牡丹蝦肉加入燒香咗嘅蝦膏，味道鮮甜濃郁，每一口都係享受長岐縣須萬鏗魚肉被輕輕燒過，油香豐腴，甘甜爽口，配上薑蒜嘅醬汁及靜崗縣牙蔥增添風味，食落仲有陣焦香熱湯食完咁多壽司，飲返碗熱騰騰嘅麵豉湯暖胃就最啱！甜品宇冶抹茶奶凍配日本黑豆軟糯嘅日本黑豆、香濃抹茶配上creamy奶凍係絕配，為今晚呢餐劃上滿足嘅句號😋…查看更多

喺奧運站行街，去左奥海城嘅金子半之助食晚飯，係天婦羅專門店，用上日本特製高級胡麻油，炸出嚟嘅天婦羅香味濃郁。 半之助沙律 $48開胃，沙律清新爽口，配埋炸得金黃香脆嘅天婦羅碎，咬落去又香又脆，仲帶少少和風醬嘅酸甜味，食完即刻醒胃。  海老天押壽司 $118創新又好味！炸蝦同紫蘇葉壓成壽司，蝦天婦羅脆卜卜，帶住紫蘇嘅淡香同秘製醬汁嘅鹹甜味，一啖入口，層次感爆棚。迷你天丼（牡蠣）&稻庭烏冬 $128牡蠣炸到外層酥脆，內裡仲係鮮嫩，配埋唔會太甜嘅天丼醬汁，正。再嚟碗熱辣辣稻庭烏冬，有幾款配料可以加，再加埋溫泉蛋，口感多樣，麵條煙韌彈牙，吸滿咗清爽嘅湯汁，配搭天丼啱啱好。  天丼$98天婦羅有菇菌，海老，南瓜，海苔再加隻溫泉蛋，入面嘅天婦羅蝦大隻又香脆，胡麻油嘅香氣滲晒入每一件天婦羅，炸得不算油膩，加埋天丼醬汁，食到尾依然好滿足。…查看更多