Vivienne Tsang的个人专页

無野做就去覓食，見到呢間幾吸引，所以特登去試，下午茶食個沙律飲杯野，入會仲有杯野飲送，又有優惠券，我呢餐只係$40左右，個沙律既蟹柳同粟米粒差左d，不過舊雞肉好好食，送既個杯霧入玫海都好好飲。環境非常好，悠閒感十足。…查看更多

原本約左同事出去買午餐食，不過落雨唔想出去，最後揀左叫呢間既外賣。佢主打雞扒，就試呢個啦～ 又真係好味喎！d 雞扒好入味，但又唔會太冧太散，d汁都好濃，仲有隻溫泉蛋(如果有得揀溏心蛋就好啦)，跟餐附送埋野飲$5x都ok～ 純試外賣無靚相提供～…查看更多

之後想去試另一間，但果間多人就轉試呢間九町屋。叫左個拉麵地獄湯同長崎奶茶，點知又幾好味喎～ 所以今次打完波又黎食多次，今次試牛板腱定食，再飲長崎奶茶，再食埋個牛舌。奶茶唔駛講啦～ 個牛舌好好味，熟既程度啱啱好，唔會韌。牛板腱都好味，不過有幾塊有d韌。已經點左少飯，但我都係食唔晒，哈哈。成個餐仲有小食，湯同甜品，好完美！…查看更多

之前起旺角食過朱古力流心包，好好味，一經過就去買，但後來執左好傷心～最近行上水就發現同名店，問左店員話上手老闆唔做，新老闆接左手，話d師父無轉，所以就買左一袋朱古力包。不過食落就知唔一樣，個包無以前咁大又無以前咁鬆軟囉～…查看更多

姊妹同我食生日飯，食呢間想試既店～食左韮菜豬肉水湯餃，白菜豬肉煎餃，炸小雲吞，滷水雞翼，原味同開心果芝士蛋糕～湯餃好好味，最正係d湯，我地都飲清晒～滷水雞翼色澤唔太深色，但都好入味，而且雞翼都大隻～炸小雲吞都好味，脆卜卜，如果多少少肉仲好～ (但到時可能就要改名做大雲吞囉～XD)芝士蛋糕好正，好彩姊妹一坐底就order留左，唔係都無得食，我鐘意開心果味多d，但姊妹就鐘意原味～ 本來想要多個外賣，可惜已經賣晒，無晒貨～白菜豬肉煎餃都ok，煎果邊好脆，入面都枲留到肉汁，不過我覺得都係湯餃正d囉～…查看更多

好掛住牛肚米，叫左個黎食，好味！湯底夠味，牛肚軟硬適中，唔會太冧或者太韌～完全唔駛落辣椒油都食清晒～仲有唔係度度有既崩沙腩食，兩個朋友都叫呢個黎食～下次黎打完波要再黎食～…查看更多

約姊妹2點起屯門食tea，起v city行左陣，姊妹話唔想食連鎖店，去左新墟邊行邊搵，發現左呢間好似幾好食，姊妹仲話好似起Open Rice見到過，咁就試呢間啦～2個人都係牛魔王，就叫左一份牛小排同一份封門柳，不得不讚下自己燒得好好食，加少少鹽同黑椒燒，味道啱啱好，如果唔加都可點少少燒肉醬黎食，不過就唔建議加調味燒完再點醬，咁會咸得滯，當然佢d牛肉質素好都係好食既原因黎既～ 食得津津有味，埋尾食多個沙律先。如果要講唔好既地方，美中不足應該係個飯，因為佢個飯唔知係溝左米，定係加太多水，有d爛。p.s. 店員誤會我好大食，其實我好細食囉～…查看更多

30Jan2020 夜晚打完波，朋友介紹仲特登帶我過黎食糖水，地方細細，不過人情滿滿，老闆都幾熱情招待。一坐底睇野食，見到有唔常有但又最鐘意食既陳皮魚蛋，一定要試啦～ 好好味，唔會over cook，完美既口感，加埋自家製既辣椒油(有少少以開架既某品牌-桂x辣椒油)，完美既組合! 朋友話呢度燒賣都好好食，又點左一份，好味在佢入面唔係一團粉，而係似彈牙既魚膠，好味! 最後再加追左份陳皮魚蛋先夠喉。不過食飽左就未試到糖水，糖水留番下回分解。…查看更多

之前因為親戚搬左去欣田邨新屋，新開左間餐所以試左第一次。因為好好味，所以今日又黎食過。推薦既有海南雞飯(第二次再食)，平時唔食雞皮，不過佢令我破格地連皮連肉一齊食，真係好好味，配埋個醬料，超正! 馬拉盞通菜少少辣都好味，仲有個冬蔭公湯，不過份量叫多左有d浪費，店員郭仔建議下次叫個細既，咁可以試埋其他野，甜品有焦糖燉蛋，甜品控既我一定讚，不解釋。今次加左個烏頭魚，不過略嫌淡味不及外邊打冷店。不過非常讚呢間店既店員服務態度好好，尤其一位姓郭既四眼男店員，會詳細為客人介紹小菜又有笑容。次次都食完先記得未影相，希望下次記得啦～…查看更多

經同事介紹~第一次去食~Good~ 第一次打邊爐食到差d獲利回吐~ 正! 點左好多野食：肥牛：脂肪均勻~雞腸：第一次食~平時食鵝腸多d(因為爽口)~ 呢個唔爽口但好香口，略嫌肥d(脂肪)自製腐皮卷: 腐皮卷好脆~墨魚丸: 好有sabu sabu feel, 有d粒粒好有口感~好味~白柏葉: 新鮮~唔韌~唐生菜: 新鮮~......(不能盡錄)…查看更多