RandB的个人专页

由開張至今已幫襯過多次，但仍然可給我新鮮感，師傅們仍然很有誠意地設計出不同的驚喜菜式，亦很細心地介紹每一道出品，更難得的是那位餐廳經理不溫不火的招待，總可另客人感到賓至如歸，在現時香港市道低迷的環境下，仍然可生存至今便知道舍確是經營有道！…查看更多

朋友外地回港，三年冇見，梗係要帶佢食好嘢，見IG有介紹呢間日本餐廳，都有幾多選擇，就揀咗呢度。朋友想食壽司，所以就揀咗10件壽司嘅「木」，我就揀咗「雪」，有刺身又有壽司，啱晒我呢啲心多多嘅人😋先上前菜，有兩款，一款係螺，另一款係好似海藻嘅小食，酸酸甜甜好開胃👍🏻跟住刺身部份，點提推介鮟鱇魚肝，超！級！美！味！食完香味仍留在口中！另外，Toro也很好吃，完全冇筋，入口即溶！讚 👍🏻 跟住壽司也很出色，有一款師傅說是該店的招牌，有蝦、魚子醬、配上金箔，炸紫菜，賣相相當吸引，食完更是一試難忘，多重口感，超好食😋 初時諗住每樣嘢幾款，仲驚唔夠，點知結果飽到反艇🤣 朋友都說10件壽司再加熟食已經好夠飽。而家一間日本餐廳刺身和壽司要新鮮已是基本要求，難得的是連熟食也一樣出色。以呢個價錢，我哋都覺得大滿足！…查看更多

食過一次之後，覺得好正，立刻分享給親友。專誠早成幾個月訂位，抱著期望再嚐！可惜今次卻令人極之失望！首先事前在溝通上已很混亂，我在 WhatsApp 上 confirm完 booking, 他們好像沒有和我溝通過似的又再和我老公 confirm一次！這也是少事，就當他謹慎要多次確認！但之後他們對開酒的安排更是不能接受！上次去過 Batard，知道這裡原本是一間專業酒吧，所賣的酒也非常講究的，所以今次去就預先選定了，我老公選了一支 Magnum size的05年 Pomerol, Robert Parker's 評分是 100分的, 亦表明我們幾点到，要求他們能預早開定 decant, 另外亦選了一支白酒，說我們會飲大約2~4支，要求他們預早雪定，点知他們一樣都冇做，紅酒沒有預早 decant, 白酒也是我哋去到先逐支雪！白白浪費了幾支酒！真的很失望！果道嘅食物味道是很好的，但對上菜的服務同樣地不及格！人客吃完濃味的 Blue Cheese, 之後上 另一道菜又怎能不替客人更換餐具! 莫說是高級餐廳，一間普通的平民餐廳也應該懂此等服務！差勁！…查看更多

見新開張便走進去試試, 竟然比我發現新大陸, 即時决定尼間車仔麵將會係我經常幚襯的食市。 我午飯時間去食, 因為一個人好快就有位。雖然午飯時間比較忙, 但店員都沒有催促我落單, 欣勤地给我一杯水再細心介紹那張詳細的歺單。我最後点了個牛腩、魚旦、蘿白米粉。 不消五分鐘便大大碗送上, 賣相還很精美, 三個餸都排得整整齊齊, 柱候香樸鼻, 牛腩是用坑腩, 肥瘦適中, 忍不住要先食, 之後就試試魚旦, 食完一粒後不禁覺得自己好幸運, 選擇非常正確! 我点的是潮州魚旦, 吃魚旦, 爽口彈牙是基本要求, 但尼間嘅魚旦就多了份魚香, 絶对不是求其一個街市可買到果種, 必然要再吃! 仲有白蘿蔔同米粉，我可以肯定入貨果位是花了不少心机同時間去選材的。今時今日, 真的非常難得連車仔麵都制作得如此認真。 希望老闆能夠继續維持果份心機去經營尼間非一般的車仔麵。…查看更多

Overall, yummy and the environment is very clear and neat.  Service is very good too.  I picked to have dinner there just because of the Kinki fish.  I had Kinki fish in Japan before and find it hard to find it in HK.  The presentation of the Kinki fish is very attractive.  The skin is very crispy and the meat is soft.  Perfect cooking.  I definitely will come again and recommend to all of my relatives and friends.…查看更多