芝莎莎~的个人专页

昨晚睇完TVB介紹, 今日即試［中環-大官廳」叉燒價錢不便宜（$328約10 件） 但暫時是我吃過全香港最好吃的叉燒，肥瘦分佈剛剛好，外層烤至微脆，入面既肉喜柔軟，個汁微甜帶rosemary香氣，撈飯食好好味。它的白飯都好香好軟！（白飯也好吃！） 30年普里茶既茶薰雞翼，好清香的茶味但又不會澀，$118 3隻個片皮鴨，有菠蘿配料好特別，個鴨肉本身好滑，貼心起左肥脂既皮，脆又香口，麵包皮好薄。 比夜上海好食，但又未到驚歎既level 好食的一餐，精緻的廣東菜…查看更多

新開既一幻拉麵，上星期lunch 來1點就賣哂今日5點來排隊，6點入場我地叫左個1個原味蝦，幼麵，味噌1個蝦+豬骨，粗麵，鹽味2 個都咸到痴線，個麵既鹼水味重到kip. 味精又超多（本人味精敏感）Oh my god 地難食走前個waitress 問好唔好食，忍唔住同佢講「好咸呀」佢話「哦～ 係呀你係咪叫鹽？ 會咸D嫁」我地話「我地叫左鹽同味噌，兩碗都勁咸呀」佢即刻無聲出 唔好意思，真心覺得好難食，無論是麵質地湯底，已經唔係太咸咁簡單…查看更多

睇到土炮介紹, 知道店子的小故事, 特地支持一下外賣了半隻雞的藥膳湯返到屋企一開, 嘩, 足足比左3大碗湯 (倒入鍋真係成鍋滿) 雞半隻, 真係比足半隻. 湯好足料, 有蟲草花, 黨參等等, 一飲已經知道煲得好夠火喉雞肉有驚喜, 是新鮮雞沒有雪味! 肉質仲好彈牙, 可能是走地雞. $198 坦白說真係好超值, 你係街市買隻新鮮雞都唔得. 你諗下人地仲要燈油火立人工,  $198 我覺得已是良心價 (而且料的確靚)本來只是一心支持一下小店, 但有驚喜…查看更多

Openrice 咁多好評，以後無死啦。叫了個豚肉燒定食 （連麵）首先豚肉的份量少得可憐，應該得3/4片，其他全是洋蔥。所謂既新潟米，唔知佢係咪買最低rank 個種，完全一點日本珍珠米應有的甘甜味都無。個蕎麦麵都普通到唔普通，湯底是好清的昆布水only. 甜品是抹茶卷/芝麻卷，比較正常，抹茶有少少甘苦的茶味芝麻卷的黑芝麻味也算突出，值得一讚是cream 好滑而又有茶/芝麻的味。甜品合格但未至於超好食如果要排隊一定唔塊呢間食。…查看更多

好喜歡食沾麵，係香港食過好多間，日本來的，港人開小店的，坦白講沒有一間是我心目中拎滿分的，一係就湯底好麵唔好，一係就掉轉麵好食湯唔得，一係就唔夠熱等等 而食過咁多間，整體麵同湯都不錯的就是拉麵jo. 先說麵，是粗身麵，有麥香味也夠彈牙，麵同麵不會黏在一起湯是魚介豬骨湯，配以少少野菜碎同蔥花，味道很好。不會過油 （至少不會見到一層油浮面）個湯同麵好夾，麵既掛湯力都好好。豬肉就普通吧，不過至少肥瘦平均。睇呢間的食評見到不少負評，看到是說它的其他食物。我都食過佢既拉麵，餃子/章魚燒，的確強差人意， 所以建議來食沾麵就好，其他就算喇。…查看更多

先唔理價錢，正斗既粥品相當不錯，夠綿夠滑，是日叫左個魚片牛肉粥，魚片新鮮，牛肉都好霖炒粉麵碟碟都好大碟，麵質是幼身麵，感覺是似雲吞麵那種比較彈牙的麵底。純粹個人口味覺得太幼身太彈牙既麵用來炒唔係好夾。不過炒得夠乾身，如果要選一，豉油皇炒麵比較香同好食。星州炒米都唔錯， 蝦仁叉燒芽菜韮皇都齊哂好足料。炸両無影相，油炸鬼夠脆，不過略嫌脆得來是硬而不夠鬆化其實整體食物不錯，不過價錢好貴，炒粉麵一碟都要$108, 再要加埋一。味道跟一般酒樓茶記其實無話好大分別。所以下次去都係食粥就算。（但一個雙併粥都要$6X 再加一加茶錢。總結如果唔理價錢，食物其實是不錯的，特別是粥品，不過考慮埋性價比就好低。…查看更多

近期soufflé pancake 大熱，特地來The pantry 來試下它的出品Tiramisu on Pancake 即叫即做，等了30分鐘。上枱時搖動碟子pancake 會左右搖晃Waiter 建議我們不要用刀而是用匙根避免破壞它的質感。先說pancake 本身，好鬆軟都又不會只有空氣，有口感。我成日覺得芳間個D只有空氣的應該叫番做soufflé,而不是pancake. The pantry既 pancake 本身不錯。不過我沒有食過日本正宗的，所以比較唔到。上面有層tiramisu cream, 坦白說食不太到tiramisu 味，無論酒味，咖啡味，朱古力味這3種tiramisu 應該有既味，我都食唔係好到。而且pancake 本身好soft, 再加埋tiramisu cream 也是soft, 兩種soft 既口感加埋好似重複左唔係太夾。唯一一讚是它的糖漿係有少少咖啡味，令層次豐富點。應該原味pancake 反而好食。 另外午餐set , 有湯有主菜有飲品，點了一個pizza , 一人份既pizza 竟然都咁大， 同朋友share 都食唔哂。Pizza 熱辣辣時都幾好食，底夠薄，邊有口感，有微微小麥香氣。泡沫咖啡成餐最令我有驚喜的反而是杯cappuccino, 拉花好正宗地美，奶，泡同咖啡比例相當好，十分喜歡！ 總結各方面都不錯，pancake 雖然沒有驚為天人的感覺，但都算好食。可以一試。但個人認為原味應該也tiramisu 好。…查看更多

好想食好濃好濃抹茶，最好可以是甘苦的雪糕，但香港的抹茶雪糕一般是奶味較重。見openrice 說有70%抺茶的雪糕，特地來試首先試味50% 同 70%, 50%有點像出面芳間的普通抹茶雪糕，70%一食就感覺到苦甘味！ 可能本人平時飲慣齊啡，所以唔覺得苦，好喜歡那茶甘味！不錯！ 1杯仔份量都算多，有 1.5 個球既量唯一少少唔鐘意係佢個木匙根，放入口既口感好鞋，破壞左雪糕既口感，如果用返普通膠匙根應該好點。另外Staff 都好友善！一讚！ …查看更多

知道佢可以whatsapp 落餐，11時半左右落左個慢慢叉燒同雞。店子係中環某橫街，好窄，等既時候都好迫原來預先whatsapp 落單都係要等，只不過慢煮叉燒12時多已經無哂，想食whatsapp 叫定好重要慢煮叉燒真係好霖好入味，另外油雞都好滑，沒有雪藏雞味。叉燒既份量比想像中多，好有良心（笑初初以為咁細盒會唔飽，但原來飯同肉都算多，女仔一定飽。總結燒味來說在香港多間燒味店中呢間應該都算相當唔錯。唯一可惜是只可以外賣同等既地方好窄好迫，特別在夏天等既時候好熱，食好野可能就要付出下？…查看更多

因為100毛而一夜成名的麵包店聽說麵包長期清哂，某日特地平日下午3時左右來買下午3時也相當人頭湧湧 買了幾種麵包左 「傳統法棍」 右「香港法棍」坦白說，我是為了法棍而來的，不過可能期望太高，有點失落。兩種外層都不夠脆，入面也不太鬆軟。sogo 留下間麵包店 DonQ 的法包是一拎上手輕輕一握就聽到外層 " shak" 一聲，入面既麵包即好柔軟。這兒的法包沒有呢個效果。要說傳統同香港法棍的分別，就是左的小麥味較重，右的即外層脆同薄少少。紅豆包一般日式紅豆包是用豆沙餡的，這兒即是原粒紅豆，感覺似食紅豆冰的紅豆，甜度也比日式的低好多，有驚喜，不錯 ！不過嚐甜的人應該覺得偏淡。霖酒提子包甜酒味很出，這個包即屬於甜包的一種。各種包甜度不同大家就可以按個人口味選擇，也不錯！拉絲方包每次去新麵包店也會買方包試試基本工。今次買左咁多麵包，最喜歡的這個方包，柔軟度，質感，咸甜比例也很好。這個方包我很滿意。品穀 vs 麵包緣 vs Sogo DonQ對比3 間近期比較出名的麵包店 麵包緣： 麵包本質比較煙un, 配料搭配既包（如朱古力，紅豆/黑豆）是3間最好食Sogo DonQ : 法棍仍是我認為全港最好食品穀：各方面都好好，不過沒有令我有深刻印象或好想再食 純粹個人意見，大家交流下:)By the way, 我都好支持品穀這些咁有heart 的無添加麵包店！ 希望香港可以開多點！ …查看更多

每次去日本旅行都一定食利久牛舌在香港不奢望食番100% 的質素，不過都想食到接近日本的牛舌定食同麥飯點了半份牛舌，有5件，一口咬去都算霖，沒有碴，味道都有8成接近日本的利久。如果真係要講同日本的分別係邊，就係日本的牛舌更重牛脂香味同多汁。不過平心而論，香港來說這質素已經相當不錯。牛舌可以點特製鹽，檸汁，wasabi. 3 種口味都好食。值得一讚是佢wasabi 應該是新鮮即磨而不是超市一支牙膏那種，因為wasabi 香得來不會有攻鼻的感覺。麥飯是日本珍珠米加麥粒，好正宗，而且溫度夠熱！飯桶既我只食麥飯都可以（笑）牛尾湯很美的白色濃湯，飲第一啖出奇無味，不是無牛味而是無鹽味，懷疑師傅忘記加鹽？之後自己加點牛舌既鹽落湯，成個湯即時好好飲！ 飲完個口有點黏，證明佢真係膠骨原豐富！ 最後要講埋D配菜，菜灑上少少芝麻，好香好食！總結整體來說無論是牛舌，麥飯，湯，都相當有水準！ 去唔到日本時來食下都可以滿足一下～ 希望佢保持到！ 加油！ …查看更多

聽說這是日本人開的日式和牛漢堡店，專程來試試店子就在中環好多人打卡影相嘉咸街壁畫旁邊小店氣氛不錯點了招牌的龍馬漢堡，即叫即做。比想像中大， 漢堡扒很好食，肉汁豐富，很霖不會鞋，但又不會一咬就成囗肥油，漢堡扒肥瘦比例完美。另外包內有新鮮蕃茄，煎茄子，吞拿魚醬，煎滑蛋，口感好豐富，不過食的時候一咬D料就掉出來，需要食得有技巧（笑）個麵包本身都好好食，烤至香軟，跟漢堡好夾。加錢要了set 有炸薯條及飲品。是即叫即炸幼薯條，好多人喜歡粗薯條，不過個人喜歡幼薯條多好多！ 所以佢是幼薯條我好開心。炸得很乾身，碟底不會油立立，而且鹽度剛剛好，不用點茄汁都好好食！ 本來想食一半最後都忍唔住食哂一碟！推薦比喜歡幼薯條的人總結整體好好食，店員相當友善，很肥但很滿足的一餐！ 值得用寶貴quota 去食美味的漢堡同薯條！！ …查看更多

本人好喜歡食海南雞飯，但香港真正好食的新加坡海南雞飯不多，今天是特意來試全城數一數二貴既海南雞飯是日下午接近2時都相當full house 環境以一間5星酒店來說有點強差人意，枱與枱之間既距離都好密另外感覺上這兒trainee 比較多，看到落單時也要找senior 或送菜送錯枱既情況。落單後先有麵包籃，熱辣辣相當討好，有紫菜面的小圓軟包比法包好食。從落單到海南雞飯上枱等了約20分鍾，應該是即叫即整吧。先喝一口冬瓜粒雞湯，相當濃雞味，感覺似食雞燉翅時的金華火腿雞湯味。個人口味覺得食海南雞飯飲清雞湯會襯點，所以沒有再飲這濃雞湯。再食一啖雞飯，值得一讚係佢相當相當熱！熱到微微冒煙！雞飯是正宗雞油飯不是雞汁或雞湯飯，因為佢夠熱，所以也不覺得太油膩，飯感覺是絲苗米混入珍珠米，口感不錯！ 雞肉，相當的滑！連最厚身位置既雞胸肉都相當滑！ 雞真的煮到剛剛好，不會有血水但又不會過熟變鞋！真係要一讚佢既功夫！雞皮算薄，而且底下無多餘既肥膏。因為是新加坡式而不是泰式，所以雞本身就是白切雞沒有太多味，靠的是3種醬汁。我最喜歡左面的有少少甜辣又好香薑味的黃色醬！ 中間的甜豉油都好好食，右面既䓤蓉就是平時一般的味道。以味道來說，這兒的海南雞飯是好食的。但$285, 另加一， $三百幾一個海南雞飯，性價比就好低。佢係好食，不過美心MX的海南雞其實都有佢8成水準，值唔值得多比呢個差價去追永那20%就見人見至。…查看更多

寶城係元朗䇄立多年，一直都深受街坊支持出爐蛋撻撻底牛油味好濃好香，焗得火喉剛剛好，一咬就係口鬆化開，蛋漿好香蛋味，好滑。整體撻底厚薄同蛋漿比例好好 ，對比中環泰昌既極厚餅底同極厚蛋漿，我會喜歡元朗寶城。元朗寶城同中環泰昌既都屬於牛油味重既類型，但中環泰昌既牛油撻底偏向西式果撻那種牛油味的味道。元朗寶城味道比西環祥香偏甜少少，喜歡比較甜/濃牛油味的應該喜歡元朗寶城，喜歡清少少既會喜歡西環祥香菠蘿包菠蘿皮都鬆脆，但味道比較淡，麵包軟熟，唔係空氣包，食完會飽肚 。整體都還可以，不過同中環Maria's 同西環金記菠蘿包有一段距離寶城既麵包底質其實算是不錯，很有香港傳統麵包店的街坊味道，值得支持！ …查看更多

米芝蓮的福建菜假日午市相當爆場，是日11點半一開店進去已經半場滿，12點半開始已經有人排隊蒜容蒸蟶子因為一早到，待應說只有蒜容開邊蒸，因為其他未吐沙。蟶子大幾6cm 大，之前在香港未食過呢種品種，好鮮甜，好食。九轉小腸我一向也不太食內臟或腸臟，因為好怕洗得唔乾淨有陣味，佢呢到既小腸完全無異味，好爽口，小腸內油脂好香，平時唔食腸既我都覺得唔錯就真係唔錯黃金包 黃金包炸得外層鬆脆，可惜都幾油，一拎上手已經成日油泣泣。伴以洋蔥炒香的豬肉絲，味道不錯，如果佢無咁油就更好。甫田燴麵麵好入味，湯汁充分被吸到每條麵條，湯有小棠菜，蜆肉，鮮味十足。好食。興化炒米粉米粉好幼身，口感好好，炒得好乾身不會太油，伴以少量豆腐絲，肉絲，蝦，蜆，花生如果配料多些就更好。白菜燉軟豆腐大白菜吸了湯汁好入味好食，軟豆腐有點肉腐竹加豆泡既混合體，一樣吸哂湯汁，好食。總括來說算是滿意的一餐…查看更多