小哉的个人专页

餐廳好多吉位🫢帶位之後冇店員招呼我有店員得閒到排靚吉枱都冇同我講「落單方式」🙄🙄🙄好不容易「等到」店員理我我有禮貌地問一問到底係自己scan code 落單定係店員負責🥰結果，係「自己落單」、「自助拎水」咁點解要收我「加一服務費」😮‍💨😮‍💨😮‍💨已經係揀打開Menu第一頁推介+店內第二受歡迎「味自慢炙豚肉柚子醬油湯拉麵 」🔥🐷🍊🍜拉麵冇味😱😱😱 （有少少梘水味🫢）拉麵湯底勁淡冇味😵😵😵（醬油失蹤了🫢）拉麵湯少到以為自己食緊沾麵🤦🏻‍♀️有幾條柚子😮‍💨叉燒有燒過痕跡但唔香又要嚡🫢唯一正常係溏心蛋拉麵鋪嘅拉麵唔好食仲差過food court真係唔會有下次😵😵😵…查看更多

只係想食餐好🥹但奈何酒精敏感🤦🏻‍♀️真係為難咗店員及廚師🥹🥹🥹感謝佢哋細心講解及「盡全力」搵「冇酒精」版本菜式俾我🥰🙏🏻🙏🏻🙏🏻雖然冇咗指定醬汁但一樣食到食物原味其實真係好好食 😍😍😍宜家嘅枱櫈好好坐🤣👍🏻👍🏻👍🏻終於唔駛好似最初開業時要「翹腳」坐矮枱腳又攰，食飽又會頂住肚腩🤣🤣🤣Set Lunch 🤣✌🏻 $188#醬漬蘭王蛋 🍳#鹽麴燒牛小排丼飯 🐮🍚#自家醃漬蔬菜 紫蘇大根 - 太香酒味，飲到酒嘅朋友應該好欣賞 🥰👍🏻👍🏻👍🏻#當季小菜 炸牛蒡 秋葵 #北海道夢美人米 🍚 完美 😍😍😍 #抹茶拿鐵 🍵🥛 $56#京都 #美好園 #森之白有五款不同抹茶聽完佢哋講解不同味道同配搭真係長知識🤣👍🏻👍🏻👍🏻我選嘅「森之白」配牛奶最好另外「幾世之音」配豆乳最好，仲會有after taste 「和光」「又玄」會帶海苔味道掛住佢哋個「夢美人」就會再幫襯🤣🤣🤣上網book定枱都好方便 🤣✌🏻…查看更多

路過旺角諗住試吓新鋪頭，雖然我見呢間出名係奶蓋，但我想飲水果茶😅，見佢十大推介有一款係「檸檬琥珀」，聲稱係愛玉+烏龍茶（我叫30%糖、走冰😅），我平時又鍾意飲烏龍茶，我咪試吓囉⋯⋯點知入口只係有「港式檸檬茶」嘅「苦澀味」、「勁嚡唎」😖😖😖⋯⋯見到一片青檸、食到冇乜味嘅「愛玉」，同埋一大杯「勁嚡唎」檸檬茶，我認真咁飲咗半杯，結果掉咗「勁嚡唎」嘅剩餘半杯🫢🫢🫢呢間包裝係幾吸引🥰👍🏻，但呢杯「港式檸檬茶」真係「澀得起」先好試🤣🤣🤣…查看更多

一向都好鍾意食Blue Mussels😅首選一定係法國Mont St Michel，可惜唔係間間餐廳都供應😅呢間都可以接受，但「似乎」係澳洲藍青口🤔🤔🤔餐廳環境比較細，但難得weekend 中午仲有位就諗住試吓。由於酒精敏感，問了店員可唔可以麻煩廚師煮「冇酒精版本」（我知真係為難了廚師😅🙏🏻），店員好細心咁解釋可以煮，但一定冇原汁原味咁好食😅 我但求有「冇酒精版本」嘅Blue Mussels就Ok，所以立即入餐廳坐低開餐 🥳🎉🎉🎉店員一開始已經講明60分鐘還枱，而我亦都明白安排，但原來$300一個lunch，要60分鐘之內食曬真係好趕 🤯🤯🤯一坐低店員就問飲Sparkling water 定Still water，我就直接叫Tap water算 🤣🤣🤣我一心係食Blue Mussels，所以叫咗$268 一份嘅Traditional Style Blue Mussels，見加多$68有4個items（Salad, Soup, Dessert, Coffee)就順便叫埋 🤣👍🏻👍🏻👍🏻由於bar枱會一直望住各位廚師煮食，見到佢哋出餐真係超級快！落完單完4分鐘之內已經有熱辣辣「意大利雜菜湯」🥣，我覺得好好飲！😋👍🏻👍🏻👍🏻 飲咗兩啖湯，過多2分鐘就已經有埋沙律🥗⋯⋯點知⋯⋯過多2分鐘連Blue Mussels同fries都俾埋我 😱😱😱⋯⋯我又真係食唔切，因為我仲飲緊個「新鮮滾熱辣」嘅湯🤣🤣🤣唔知點解店員好細心咁拎走咗個Blue Mussels，但留低咗Fries🤔，我唔知係出餐太快，定係佢要確保我果份Blue Mussels 係「無酒精版本」用咗10分鐘終於飲完湯，食埋沙律，主菜Blue Mussels又再次出現啦🥰 由於我叫Traditional Style，真係只有Shallot同Thyme，原汁原味清清地我鐘意，我見份量都幾足，但品種係殼大肉細嘅Blue Mussels😅，如果係法國殻細肉厚嘅品種就更完美當我好努力咁食Blue Mussels食到一大半，但fries仍然努力中⋯⋯店員就「迅雷不及掩耳」咁俾埋雪糕同咖啡我 😱😱😱⋯⋯我又呆咗😮⋯⋯於是，我就同店員講，我真係未食完主菜🤦🏻‍♀️ ，可唔可以唔好咁快上雪糕，點知店員話要搵經理🤷🏻‍♀️咁我唯有同經理講，我知要60分鐘還枱，但我未食完主菜，咁趕真係快過食「麥當勞」🤭⋯⋯經理好有禮貌咁收起雪糕同咖啡，由得我慢慢食埋主菜😅距離還枱時間前10分鐘，我終於食完主菜，可以麻煩店員上雪糕及咖啡，抹茶雪糕就好普通，但咖啡比我想像中好飲🥰👍🏻當我開始食雪糕嘅時候，基本上餐廳都有客人，但仲有空位同冇客人排隊等位，所以我又呆一呆，用咗比較正常嘅速度食完雪糕及飲埋杯咖啡☕️⋯⋯店員好盡責咁不時幫手加水當然，以我咁正常嘅進食速度，我60分鐘係還唔切枱㗎🤦🏻‍♀️，真係食完立即走的話都要75分鐘😅⋯⋯店員結果冇叫我準時交枱，俾我坐耐咗🥰🙏🏻🙏🏻🙏🏻，我真正俾埋錢離開就90分鐘左右🤭當埋單嘅時候，經理竟然話因為出餐時間有D趕，而waive額外order$68收費😱😱😱，我就真係超級唔好意思🤭🤭🤭！我覺得餐廳食品係幾好（但未到超級好😅，因為City Super Food court 煮Blue Mussels係料靚D同好食D🤣🤣🤣），但係尖沙咀食個$300嘅lunch，如果用餐時間可以去返合理嘅75-90分鐘會好D。就算係餐廳比較細，想行 causal dining做多幾轉客人都要正常性價比🤭🤭🤭…查看更多

本來諗住食壽司郎，但因為等得太耐又肚餓，附近餐廳又食過哂，諗住俾個機會自己試吓其他餐廳，見佢店面好似幾乾淨、Menu又正常諗住都Ok啦！結果就係⋯⋯失望！🙄🙄🙄(一）座位安排 —— 「迫」🤦🏻‍♀️Lunch Hour見全間餐廳原本只有4個客人，全店仲有一張大枱（吉）、兩張4人枱（吉）及有張4人枱（其中2個客人）。我見咁多位就諗住入去食個「快飯」，結果店員叫我坐吧枱位置，但吧枱明明有三個位，佢偏偏要我坐最入最近出菜及垃圾收集嘅位置🥺之後有2位小姐預約，一位先到，店員立即安排先到的小姐坐我隔離，三個吧枱位「冇間格」咁三位需要迫埋一齊坐！🤦🏻‍♀️ ⋯⋯由於我拎住個都幾重嘅大袋！好難拎住個大袋坐吧枱食飯，所以要求轉枱😅！我同店員講我食碗拉麵好快，食完即走，唔會阻到佢招呼下一批客人 ！店員就叫我坐門口吧枱（4人位置，另外2個客人，但可以隔一個位，同有櫈可以放大袋，感覺好好多🥰）我真係食咗15分鐘就即走，走嘅時候未見其他「新客人」😅，所以應該冇因為轉枱而影響佢做生意 🤣（二）食品：屋企煮一樣 🤭叫咗「北海道海鮮拉麵」，佢完全符合Menu既圖片，有齊圖中嘅海鮮「2隻青口、2件魷魚圈、1隻蝦、好細隻又好薄嘅帆立貝」，「拉麵」同「湯底」都似「即食拉麵」，份量正常，味道偏咸、重味精，食完要即刻飲水😅，似屋企求其煮麵食，多過餐廳出品！可能係我對拉麵有太高期望，所以失望🤭🤭🤭（三）價錢：性價比低呢一碗表現平平無奇嘅「北海道海鮮拉麵」價值$89，荔枝角、長沙灣一帶平過佢又好食過佢嘅日式餐廳多的是⋯⋯所以，我應該唔會再犯同樣錯誤😔（四）總結：OpenRice 好重要 🤣👍🏻👍🏻👍🏻我最錯就係「冇睇OpenRice 」就衝入去食🤦🏻‍♀️，如果我入去之前有睇OpenRice，就唔會中伏⋯⋯食完先睇OpenRice，就覺得「人類總是犯同樣錯誤」⋯⋯所以下定決心寫咗篇咁長嘅食評 🙄🙄🙄🙄🙄…查看更多

難得長沙灣又有新店開張，當然要去試一試😋裝修方面：超級IGable 😍😍😍店內店外都有好多「打咭位」，燈光效果非常好💡，唔落filter都可以影到靚相📸😍👍🏻👍🏻👍🏻尤其門口的兩個角落，一邊係窗口自然光☀️🪟，另一邊有超靚原木枱，超級吸引！🪵🪵🪵 店內以黑色磚牆為主，配合原木傢俬及燈飾，簡單得嚟又唔會同其他Cafe「撞Style」食物方面: 正常味道、價格略高 🤭🤭🤭煙三文魚蛋意大利軟包 🐟🥚🥙（$78）——「D連鎖店」的口味，味道正常，意大利包鬆軟，個人口味覺得可以再「烘脆」少少😅，有一片煙三文魚，適量碎蛋及生菜，夠飽肚，但冇乜特色😅⋯⋯純粹滿足我想食「意大利包」嘅願望，又可以避開一街都有嘅Bagel 🤭🤭🤭Matcha Latte 🍵🥛（$45）——正常抹茶味，抹茶味同牛奶味都平衡，沒有過甜，但依然係冇乜特色！😅⋯⋯不過，呢間係Coffee Bar，我應該要飲咖啡先可以見到佢真正實力！🤣🤣🤣由於新開張，星期六中午嘅客人都唔多，暫時仲係靜靜哋Hea嘅好地方！🥰👍🏻👍🏻👍🏻PS: 店內人手充足，但店員較安靜🤫，我見店內冇乜人「衝入去」問店員「開門未」，店員都係「問一句答一句」😅⋯⋯其他鄰近Cafe會比較客氣，通常入舖都有簡單介紹，離開亦有句Bye Bye或歡迎下次光臨！呢間Cafe真係「靜靜哋」——落單、收錢、走人，一齊都係好安靜🤫🤫🤫 （但Cafe係有背景音樂嘅🤣🤣🤣）…查看更多

打開OpenRice選好地區尖沙咀，找「最新餐廳」，最後朋友選了「日本菜」，而且可以OpenRice訂位十分方便，便預約了18:00晚餐！18:00準時到達餐廳，只見餐廳客人不多，店員便主動介紹Menu，說限時90分鐘，早點Order便可以確保食物早點到齊。但因為朋友未到齊，因此未能決定食套餐還是散叫。但店員頗心急，一再催促先order食物，我便對店員說未能決定，不用他介紹，自行看menu便可！朋友到齊後，店員再主動介紹，說單點的一人或二人套餐沒有八折，用餐時間90分鐘，而散叫可以有八折，用餐時間120分鐘。朋友最終決定「散叫」。三人行「散叫」了以下食物：豆乳白雞湯 🥛🍲 —— 咸、沒有豆乳香，但最初湯面曾經出現腐皮清甜椰子白雞湯 🐔🍲 —— 咸、有點椰子香味，但其他火鍋店的真椰子湯更香濃 (湯底雙拼 $158）頂級黑毛封門柳 （四両）🐮 $118 —— 肉質普通西班牙橡果梅頭肉 （八両）🐷 $128 —— 肉質普通、但耐煮養生牛肝菌健康雞肉餃 🍄🐔🥟 黑松露雜菌豚肉餃 🍄🐷🥟 （雙拼$78）— 餃子皮略厚，餃子餡料豐富炸響鈴卷 $68 —— 正常 野菜籃 🌽🥬🎃🧺 $68 —— 正常 花枝滑 🦑 $58 —— 正常 麻辣小湯包 🌶🥟 $38 —— 應該來自「振興」，有驚喜及夠麻辣PS: 飲品賣相及價錢較合理荔枝梳打 $30蜜挑梳打 $30滿杯水果茶 $58由於店員多次強調晚上Booking頗多，我們也希望可以在120分鐘之內食完便離座。可惜，這個「電磁爐」實在太不合作🤦🏻‍♀️，即使最高熱力，等了又等仍未見「湯底滾」🙄🙄🙄，店員已主動移動火鍋，希望令火鍋平均受熱，最後仍可成功「煮熟」所有食物，但需時較久🤭🤭🤭⋯⋯因為是「日式火鍋」，期間曾叫店員「加湯」。但店員分辨不到手持的湯底是什麼味道？🙄🙄🙄 店員先衝動地加滿「清甜椰子白雞湯」，但加完湯店員仍懷疑自己「加錯湯」，與其他店員再用10分鐘「研究」哪一個透明壺才是「豆乳白雞湯 」，再加進另一半湯底中🙄🙄🙄但盛載各種湯底的「透明壺」只是放在餐廳一角，在燈光下沒有上蓋也沒有冷藏。雖然室內有冷氣，但是擺放得有點「隨便」。整體而言，這種既港式又日式的火鍋不太吸引，性價比亦不高，同一幢大廈有更多好選擇，而其他真正的火鍋店湯底及材料會更吸引。…查看更多

「自家制牛奶雪條配竹碳糯米窩夫」—— 果然係「鎮店之寶」🤣🤣🤣⋯⋯顏色配撘夠哂Contrast ，「黑、白、紅」，又好睇又好食😍😍😍，黑色窩夫非常飽肚，白色牛奶雪條及忌廉甜而不膩，紅色Raspberries sauce太完美，Strawberries 及Raspberries 亦好新鮮，係「閉關多日」之後，為咗呢個Waffle冒住傾盤大雨排隊食都係值得！☔️☔️☔️😋👍🏻👍🏻👍🏻「Latte」—— 香濃咖啡味🥛☕️😋，能夠係街坊小店飲到又香又濃嘅Latte，已經好醒神及滿足 🥰🥰🥰期待下一次試食其他美食🤤🤤🤤…查看更多

好嘢樓下又有新食肆，今次係越南菜🤣。5月21日先開張，見到唔少街坊入去試食，見日夜Menu都好抵，今日Brunch就入去試試。午餐Menu有招牌生牛肉湯河🐮🍜（$40），配料足，有齊短芽菜、香葉、辣椒，睇落唔錯，但食又冇味😅，湯底亦冇味🙄，牛肉本身有油份但食落依然「好韌」🤦🏻‍♀️，河粉還算滑，結果自己加「魚露」最好味🤣。最驚喜係加$12嘅椰青🥥🌴，又大又甜又新鮮，非常好飲😋😋😋，而且menu仲可以用$12-15加小食，我加咗「香茅雞翼」🐔（$12，2隻），新鮮炸幾好味，可惜掛住食唔記得影相。😅…查看更多

難得落尖沙咀，見正版幸福堂開業，一心諗住試下味飲「黑糖珍珠鮮奶」，因為之前飲幸福周末都幾好味，諗住正版幸福堂應該更好😅，明明隔離老虎堂多人買，見幸福堂冇乜人都照試下。睇佢工作人員係鑊Keep 住炒黑糖珍珠，以為會好香黑糖味，結果第一啖飲落去，只有「死甜」，其他珍珠奶茶超甜都總有少少黑糖香味，呢間「幸福堂」（台灣陳家）真係乜都冇🥺🥺🥺⋯⋯以為鮮奶會有基本奶味，反正好多間用日本明治奶，但我冇留意佢用乜嘢牌子鮮奶，總之就冇奶味，只有大大舊冰，配硬得嚟冇乜味又唔算好食嘅「珍珠」，平日我好少浪費食物，但今次我好努力咁飲咗半杯，真係頂唔順⋯⋯掉咗🤦🏻‍♀️…查看更多

終於有時間試呢間「新店」，OpenRice 話原本係一間受歡迎食店，轉到現址擴充營業，晚餐價格略高，但午餐「非常扺食」😍👍🏻 我叫咗個「三色丼」，有我最鐘意嘅海膽、帶子、三文魚子，海膽鮮甜冇腥味，午餐而言份量唔算少（另有原板海膽丼，印象中唔貴，下次會試試🤣）、帶子及三文魚子都中上水平。而且呢個午市套餐價仲包括沙律、味噌湯、茶碗蒸、小食，真心覺得好食又扺食😍👍🏻👍🏻👍🏻⋯⋯反而好多人推薦嘅「荔枝豚肉卷」（午餐價$22@、正常價$30@) 有D失望，荔枝甜味太重，豚肉燒得太乾，冇肉味、冇鹽味😅⋯⋯下次會再試其他食品😋…查看更多

打開Open Rice 最新餐廳，見環境好英式、好靚，係menu都未有嘅情況下捉朋友陪我試食🥰。一打電話去訂位，好溫柔嘅小姐就話店舖開下午一點，我問除了Afternoon Tea Set有冇其他menu，又問大概價錢？小姐都好細心解釋，有Afternoon tea set ($568 for two) 及Lunch set ($288)。今天下午準時到達，午餐時間完全係包場，係下午茶時間先開始多顧客。仲會提供「淑女帽子」俾大家影相，仲會主動幫手影相。🥰一睇menu確係Afternoon Tea Set 比較吸引，可惜我酒精敏感🤦🏻‍♀️，而不少甜品都必須落少少酒，結果唯有朋友食Afternoon Tea Set，我食Lunch Set。（多謝店員細心講解，師傅又要記得煮我個餐唔可以落酒，真正難為了廚師😅🙏🏻）由於呢到係Hea嘅地方，所以佢地會好細心咁上咖啡或茶先，我地揀咗signature嘅Victorian Rose Tea 🌹☕️，而食物就真係要俾少少時間等😅，等候期間最好就係影下「呃like相」🤣，有好靚嘅吊燈，英式傢俬及擺設😍😍😍Caesar Salad 及 Scallop with Boletus Risotto 都好足料😊👍🏻（小插曲係原本煮錯咗做Angel hair，但我又真係想跟menu食Risotto，辛苦廚師要煮多次🙏🏻🙏🏻🙏🏻）主菜「Afternoon Tea Set」非常足料，朋友只食兩層已經好飽，結果頂層甜品要take away😅，老闆娘超級細心地說明蛋糕即製，細心地用紙分開，以免影響味道😊👍🏻甜點老闆娘強烈推薦Earl Grey Soufflé Cake，好輕好軟好香，上面有又靚又滑嘅Caramel Cream 😍👍🏻👍🏻👍🏻，因為呢件蛋糕冇酒精，所以我就打刧朋友呢件蛋糕😋✌🏻✌🏻✌🏻總結經驗，我覺得中午時間人少D、寧靜D、hea D，下午茶2點之後開始多人同Full Booking！價錢唔算平，但用料唔錯，侍應非常有禮及經常主動加茶，想搵個靚景同朋友hea及打咭呃Like，絕對值得推介！😍…查看更多

旺角雅蘭店勁多吉枱，但迫人企哂係門口等足30分鐘😤，又唔係有人預約，又唔係顧客走得慢，總之就係要你「罰企」，入到去又迫「三唔識七」嘅人坐到勁迫😩，冷氣凍到儍😰，呑拿魚「根多過肉」🐟😡，真係用「美登利」嘅名義，但完全唔同水平😡😡😡叫個「特上手握壽司盛合」 ，只有海膽水準正常，其他同「X鮮」、「元X」冇分別，蝦唔新鮮有腥味，不同魚都多根「好難咬開」😫，最好味係杯綠茶 🍵 😅諗住食餐好嘅有錯咩？呢間梅丘壽司の美登利総本店，性價比低，只可一不可再，完🤦🏻‍♀️…查看更多

中環歌賦街神秘小角落的驚喜🤣🤣🤣！ 朋友成日話有間港產朱古力鋪，認真咁From Beans to Bar咁整朱古力，今天終於試咗74% Hot Chocolate ，睇住老闆娘即叫即沖，只落真牛奶、真朱古力及少少糖，微酸又好香嘅朱古力，完成！😋😋😋 店外有樣高枱，影下相呃Like一流🤣🤣🤣 仲有我最鐘意嘅Almond Chocolate ，只須$88，杏仁夠香脆、外層微甜、朱古力味濃，堅好食😍😍😍 以後去開PMQ、荷李活道Hea 之餘，一定要到一到🤣🤣🤣…查看更多

朋友成日介紹話聚點坊點心好好食，賀年糕點一早就俾人預訂哂！咁啱去開上環，希望碰下運氣，睇下有冇即場買走！下午去到見人不斷地買糕、拎糕，我就要左盒紅棗糕試下！見到其他客人仲不停買芋頭糕、桂花紅荳糕！有力的話我都想拎埋，但85蚊一盒又勁重手，已經冇力拎！回家一試，全家都話勁好食！勁香紅棗味，唔太甜、又充滿彈性，好完美，幾個人極速就爭食完畢！睇怕下年都要早D去訂！…查看更多