TapTapChi的个人专页

西九呢個地方真係中產之地，喺呢間cafe飲杯咖啡，價錢超出我既想像!塔塔子叫左一杯espresso tonic, 一杯iced mocha, 一件巴斯克芝士蛋糕, 三樣野加埋要超過200蚊! 係咪真係咁好食呢?兩杯咖啡入面，espresso tonic比較出色，我揀左fruity味咖啡豆，配合tonic water既微酸都算清新，但係好細杯，應該一罐mini size既tonic水都唔落哂比你，店家喺控制食材成本呢方便確係出色，仲要索價$70-80蚊一杯! 果然係做生意既好材料!另一杯iced mocha，比MxCafe果D仲要難飲。咖啡淡而無味，朱古力味亦唔突出，灑上可可粉亦無補於事。同埋都係好細杯，索價$7X，唔講以為自己去左瑞士飲咖啡。而甜品就叫左巴斯克芝士蛋糕，呢個就叫有D誠意，入面有麻糬，口感同味道都唔錯，3樣item入面呢樣黎講比較出色。總括黎講，呢間cafe真係可一不可再，完全唔值。…查看更多

NOC可以話係最近冒起既咖啡連鎖店，雖然知道元朗區有唔少小店，不過喺商場行到攰想坐下，貪方便就去左呢度試一試。我點咗兩款咖啡同兩款甜品。第一杯係Flat White，佢唔算好入口，就咁呷落去，咖啡味冇乜層次，牛奶都冇香味，覺得有啲失望。另一杯係Mocha，聞落去朱古力味道好濃郁，但喝落去就覺得朱古力味唔太突出，反而有啲嗆喉，咖啡苦澀，味道單一。至於我所點嘅甜品，巴斯克芝士蛋糕味道OK但係少咗啲軟心效果，因為我覺得軟心嘅部份可以令甜品更加滑溜；而蛋撻就不錯，蛋漿香濃有流心效果，但係蛋撻個體相對太細件啦，啲食物愛好者可能會感到不夠滿足。不過整體嚟講，我覺得呢間咖啡店嘅價錢偏貴，而且咖啡同甜品都唔算出色。如果你係飲咖啡嘅喜好者，可能會感到有啲失望。…查看更多

今日去咗「紅豆餐廳」食早餐，真係好滿足喎！佢哋有好多款早餐選擇，我揀咗份火腿通粉，仲有煎蛋腸仔、多士同埋熱奶茶。啲通粉煮得啱啱好，唔會太腍，加埋微煎嘅火腿，個味道好香濃又夠熱，係正常嘅港式味道。煎蛋腸仔一樣煮得岩岩好，煎到表面微微焦香，再蘸少少番茄醬，好好味。多士就係普通嘅白吐司煎到金黃色，夾埋牛油，又鬆軟又香口。最後嘅熱奶茶就係傳統港式早餐嘅必備，味道濃郁香滑，同啲其他餐廳嘅唔同之處就係佢哋嘅奶茶冇唔會澀，塔塔子唔落糖飲都覺得好飲!整體黎講，「紅豆餐廳」嘅早餐好正，份量又十足，仲有好多其他選擇嘅菜式，值得一試。有機會試下其他小菜先！…查看更多

有一日塔塔只去完油街做文青，搵吓附近有乜嘢好食啦！下彈吓就見到一間門面好吸引寫住食神叉燒嘅舖頭，一於入去試上佢嘅小菜二人餐第一碟係叉燒豉油雞雙拼，個叉燒色烤焗到剛剛好，肉質緊實，入口即化。豉油雞望落同平時嘅油雞唔同，開頭仲問店員係咪比錯咗切雞我果然豉油味唔係好突出，反而咁樣會食到雞嘅鮮味。令人唔停嘴，配瀨粉一流。第二碟係豆腐火腩煲，火腩肉質地好腍身，配埋啲豆腐一齊煲，煲仔好有鑊氣，熱辣辣好開胃。啲火腩同豆腐都吸收咗啲湯汁，令湯汁更加濃郁好味。食埋啲白飯，真係一流嘅享受。總括而言，呢兩款菜式都好正，值得一試。叉燒豉油雞雙拼嘅兩款肉都好香濃，白飯殺手是也，令人回味無窮。總括來講，份量唔算好多，不過兩個人來講都算夠食，而且環境氣氛幾好，係一間幾特別嘅餐廳！叉燒絕對值得一試…查看更多

塔喜子每日都好掛住日本，你係又係咪呢？日式梳乎厘pancake係喜塔塔子最喜愛嘅甜品今日就黎到呢度試日本過江龍pancake!雖然甜品先係「主菜」🤣但係個胃好大嘅塔塔子都要食過正餐先！1️⃣南蠻炸雞丼飯因為塔塔子喺佢開鋪時就入去食，炸雞一定係新鮮炸好，酥脆又juicy，加埋好香嘅他他醬，配埋珍珠米好惹味，仲有唔少沙律菜解解膩2️⃣Creme brûlée Pancake睇到個名就好吸引！因為法式燉蛋都係塔塔子嘅飛佛，加埋咪變天下無敵咁好食？賣相好澎湃，仲有脆脆嘅焦糖面，不過略嫌個sauce太橙色，第一眼以為係車打芝士🫢甜度岩岩好。3️⃣忌廉鮮果Pancake呢款係期間限定，所以一定要試！上枱時有張薄膜圍住份pancake, 一拉起就有瀑布嘅效果！水果份量好多仲好清甜，呢個真係好好食😋仲食到pancake淡淡嘅蛋香4️⃣mocha coffee最後飲一杯咖啡佢結，又係開心嘅一餐！…查看更多

塔塔子心目中的優質澱粉質就係好食既飯😂食飯肥，炒飯更加肥，所以好味嘅炒飯就係塔塔子減肥失敗既原因, 仲值得塔塔子心思思耐唔耐都想黎食！1️⃣招牌蝦頭油炒飯$78澎湃嘅櫻花蝦，仲有好多唔同既海鮮：蠔仔（唔腥好食），魚肉（一段），帶子粒（ok)，蝦仁（好過茶記），個飯炒得好香😋蝦頭油既香氣好吸引😋2️⃣即炸雞扒燶邊蘭王蛋$78鋪頭主打其實係椒鹽豬扒，不過今次試下雞扒，入面都夠juicy，大大舊，炒蛋底加隻蘭王蛋，都算係飽到上心口嘅選擇！…查看更多

塔塔子係米線愛好者，一個月都會食幾次米線！聽聞呢間肥仔米線之前喺荃灣有唔少街坊支持，而家就黎到九龍灣開鋪。位於得寶商場，唔熟呢頭嘅朋友可能會有啲難搵。今次我叫左酸辣中辣，配料揀左豬大腸，墨魚頭。一上枱嘅時候見到紅紅嘅湯就已經好興奮！一試味，辣中帶酸，非常出色，唔會只有死辣死咸，湯底唔錯米線唔會太淋，滑身，份量亦好多。配料份量都唔少，豬大腸係斜形厚切，可惜太韌，煮得太熟好難咬。而墨魚頭軟硬適中，但奈何冇乜味道。其實乜係墨魚頭呢？但係又有墨魚腳嘅？米線，湯底呢兩位主角都好出色，可式今日兩位配角有失水準，希望下次唔會啦！…查看更多

塔塔子留意左呢間印度餐廳一段日子，睇左唔少網上介紹同訪問，今日終於一試食印度咖哩唔洗去到尖沙咀，觀塘都有！地點算就腳，喺裕民坊行藍色行人天橋就係。餐廳環境算寬躺，唔會好逼。可惜佢播嘅係港台流行歌曲，如果播返印度音樂應該會氣氛仲好呢度嘅咖哩款式唔算多，我叫咗香料咖哩，竟然有得配軟殼蟹好特別～香料咖哩入口唔會太濃，有少少蕃茄味，香料味，令人想一啖接一啖都唔會漏。軟殼蟹夠哂大隻，香脆配奶油烤餅，烤餅有啲似中式薄撐嘅口感，仲煙靭一點。另一個set叫左奶油咖哩雞，配蒜蓉烤餅。呢款咖喱比較creamy，會比香料咖喱香濃一點，雞件都大大件，份量比軟殼蟹多，呢款烤餅似麵包口感，當然會煙靭啲，呢款仲可以索好多咖哩，不過我略嫌蒜味會搶左咖哩嘅風頭～另外仲叫左炸乳酪波，外表好似椒鹽豆腐咬落係一粒芝士！呢款芝士唔會好濃，反而帶有奶香，面頭有少少辣粉，再點上綠色薄荷醬會添上少少清新感，口感豐富，值得一試！食咖哩緊係要飲返杯Lasi解解辣！完美的一餐…查看更多

塔塔子係呢一區嘅街坊，陪過呢間泰國餐廳搬兩次鋪，今次開喺匯景商場比較靜嘅鋪位，仍然不損佢嘅人氣～鋪面寬敞，乾淨企理，啱哂一家人黎食！珍姐嘅泰粉對我黎講真係充滿昔日情懷，我讀中學就開始食塔塔子今次叫咸肉拼札肉金邊粉，咸肉係姐姐嘅招牌菜，外皮香脆，一咬又有少少油香，肉質唔會乾硬。佢有咸肉炒菜，咸肉炒飯，但係塔塔子認為最夾係配湯麵咸肉嘅咸香令湯底多一份滋味！好食而泰式札肉亦非常厚切，大大塊，仲帶有黑椒味一心想飲泰式奶茶，可惜店員稱呢度只有港式奶茶，於是叫杯熱奶茶就算了，餐飲不過不失，如果有泰式奶茶就更完美。…查看更多

難得最近疫情放緩，同男朋友仔出嚟嘆吓下午茶，預先已經預訂咗人氣唔錯嘅Paper Moon下午茶，點知唯一可取嘅只係海景，食物完全令人失望。之前聽朋友講，同埋好多YouTuber介紹都話呢度嘅下午茶性價比好高。又話有龍蝦尾同埋生蠔。可惜今日嚟到食下午茶，龍蝦尾已經變咗蟹腳，生蠔變咗幾隻蝦。首先蟹腳好瘦，冇乜肉，好彩尚算新鮮。嗰幾隻蝦，完全冇味，就好似快餐店嘅到會咁。唔知點解兩杯奶凍又會同啲蝦擺埋一齊。相信呢間餐廳知道自己咁樣偷工減料，驚客人唔夠飽，於是乎提供大量澱粉質。啲包好大件但係啲餡超級少。可能塔塔子見識少啦，食開嘅都係英式下午茶，莫非意大利式下午茶就係咁樣？聽聞意大利嘅甜品出名好食，可惜呢個下午茶嘅甜品簡直係不值一提。蘋果批個皮係林嘅，仲有件好恐怖嘅粉紅色棉花糖，其他糕點真係難食過X心西餅。macaron 味道正常，因為相信都係買返嚟嘅。Cocktail有啲似李斯X林…應該留返萬聖節推出。唯一可取嘅只係餐廳有維港景色， 590幾蚊嘅價錢相信有$500就係比維港嘅。下午茶都整到咁，相信都唔使黎試佢嘅正餐。…查看更多

塔塔子趁週末去到東大街搵食掃街，點知發現左一間清新咖啡小店，於是入去嘆杯啡抖一抖塔塔子不嬲都有選擇困難症...左揀右揀，店主就推介左未上menu既新產品Tiramisu Latte！同平時飲開既奶泡好唔同，係入口順滑既Tiramisu加上可可粉，同咖啡非常襯，係一杯可以飲既tiramisu!另外仲叫左件Cake，店主叫佢做Happy Birthday Cake，下面係香濃但唔膩既朱古力蛋糕，店主話上面既cream用上mascarpone cheese，亦有tiramisu既影子～加上核桃，好味又唔邪惡簡約文青裝修，店內好細所以外賣為主，不過塔塔子就選擇企靠窗吧枱～享受寧靜時光…查看更多

塔塔子比光猛新淨嘅門面吸引，以為呢間係素菜餐廳，原來係泰國菜店員好友善，閒聊間先知道餐廳名大有來頭，原來係泰國一個皇朝名，而家仲係當地一個地方名呢。頭盤叫左蝦膠皮蛋$68，簡直泰唔簡單！彈牙嘅蝦餅包住流心皮蛋，好特別！仲要好多件，好抵食蒜蓉炒芥蘭$69，超級有鑊氣，讚咸豬肉炒飯$65，好有驚喜！咸豬肉外脆內嫩，蕃茄仔又中和返油香感覺，好味又清新咁大碟泰式豬手只係$68，泰抵食！質地入口即化，肥瘦適中，食唔停口塔塔子仲叫左泰式奶茶，龍眼冰，為泰美味的一餐畫上句號…查看更多

無論咩天氣，塔塔子耐唔耐都會想打邊爐特別係麻辣火鍋今日黎到荃灣比「任食」呢兩個字吸引左，因為實在太餓啦！而價錢更加嚇一跳，平日晚上平到你唔信塔塔只叫咗個鴛鴦湯底，當然有必食麻辣，仲有胡椒豬肚～麻辣湯底唔係好辣，反而好香好惹味！胡椒豬肚就夠哂足料！每款肉類都試一試，每次嘅份量唔會太多，岩哂樣樣想試嘅塔塔子！佢地仲好細心用唔同顏色去區分唔同肉類對返落單張紙～海鮮都好新鮮，有塔塔子最愛嘅蝦蝦自助區包羅萬有，無論係急凍類，肉類，菜類都超多呀～～芝士竹輪好好食烏冬係打邊爐必食嘅！索哂湯底嘅精華～除左罐裝飲料，仲有唔同新鮮野飲～最估唔到係有茶包消膩一流好細心甜品～最吸晴當然係D牌雪糕啦! 正呀可惜塔塔子只有一個胃，如果唔係真係食極都冇盡頭呀！…查看更多

最近天氣麻麻地，本身相約朋友去將軍澳踩單車，可天公不造美只好比塔塔子藉口唔做運動～變左喺單車公園搵餐廳hea一下店內環境寬敞，好有空間感，令人非常relax!塔塔子同姊妹都比較喜歡食得健康～ 所以叫左呢個田園炒蔬菜做小食，配上惹味麻醬，仲有多款蔬菜，越食越有驚喜豬排非常厚切咖哩汁香濃但辣度適中，撈飯一流好邪惡嘅意粉！creamy嘅車打芝士汁掛滿每一條意粉，鮮蝦夠多又大隻，份量滿分好滿足喔！姊妹叫左綠茶多多，即係綠茶mix益力多嘅特飲綠茶嘅清香減輕甜膩感，讚～塔塔子想飲熱飲，叫左檸檬生薑茶，非常清新，呷一口熱茶令完美嘅一餐劃上句號，好放鬆～待應服務貼心，令人喺度非常自在，絕對係同朋友傾計嘅好地方…查看更多

塔塔子一向好鐘意港式嘅特色美食麵食黎講，車仔麵係我嘅不二之選～最適合貪心嘅塔塔子～今日黎到北角呢間隱世車仔麵店，裝修簡潔得黎夠乾淨，坐得好舒服抵讚！叫餐係出去買飛，喺收銀姐姐面前見到咁多選擇嘅menu，真係有d緊張！於事就跟佢地嘅推介啦！眼闊肚闊嘅塔塔子叫左：豬扒，豬腸，白籮白，咖哩魷魚，甜酸齋呢個豬扒真係100分首先係新鮮即製，好細心咁另上充滿香茅嘅芳香，脂肪比例岩岩好，口感100分呀！甜酸齋：充滿口感，加上酸酸甜甜嘅汁，令人食唔停口豬腸同咖哩魷魚都好入味，湯底都好夠味，叫小辣都覺得好香口，但食完唔覺好口乾，值得一讚而麵底仲有分大細，塔塔子想試多d配料就叫左細，相信叫大嘅話一樣可以滿足大食嘅你地呢～～呢間車仔麵之家真係誠意十足！地點有d隱世，而且同佢寫嘅地址條街唔同，係由書局街行入去呢…查看更多