charlotteleung0317的个人专页

身邊有個gym L friend，有時同佢出街都要俾佢篩選一大輪先至揀到食咩，而我一提議揀poke bowl佢都即刻話OK！今次嚟到深水埗大南街嘅呢一間Poke Go! 之前食過灣仔分店嘅水準都相當高，而且熱食健康嘢食嚟講絕對係可以食飽你！門口chill chill風格！入邊都坐得好舒服，好闊落~因為我哋兩個女仔所以都只係一人叫到一碗，就無額外叫其他小食第一碗我朋友揀咗三文魚，配豆腐，粟米，仲有海帶！而醬汁方面就揀咗鰹魚醬油，而且醬汁可以分開另上㗎😆第二碗就揀咗三文魚，豆腐，雞蛋絲同埋溫室青瓜🥒 醬汁方面就揀咗山葵乳酪醬，呢個醬係我第一次食，覺得酸酸Mei Mei 之餘又有少少Wasabi味，幾清新！唔好見佢影落好似細細碗咁樣，三文魚嘅份量都好多，其實食晒真係飽足兩餐，因為佢將啲配料都塞得好實淨下😂我哋都食唔晒碗嘢🥺不過朋友就好滿意今次嘅晚餐，因為唔使再食啲肥膩嘢啱晒佢呢啲健身人士😆…查看更多

今日同朋友嚟到旺角呢一間做緊半價嘅日式燒肉食放題，門口嘅侍應姐姐見到我哋已經推薦我哋食「雨」餐，因為有和牛西冷排，a4和牛仲有刺身生蠔任食！地方唔難搵，地鐵站一上去TOP就到！位置亦都好闊落！我哋見到餐牌有半價咁抵，叫最貴嗰個餐都唔肉赤！飲品櫃亦都有大家喜歡嘅無糖飲品🍸見到塊和牛西冷真係超級引，肥瘦均勻之餘，仲要入口即溶！另外其他嘅A4和牛就睇相都覺得吸引🤩我個人就覺得三角腩位係最正，肉味好出另外仲有個鮑魚，鰻魚同西京燒嘅拼盤！啲魚都好新鮮，我覺得個西京燒醃製嘅醬汁好啱我口味，甜甜地唔需要再點額外嘅醬汁！後尾再叫咗啲牛舌雞翼同埋生菜！蔬菜我覺得最出色嘅係個粟米😂😂😂又甜又大粒人均四百幾蚊就食到咁高質素嘅任食日式燒肉放題，其次就係坐得好舒服，上菜亦都好快，如果朋友聚會嘅話都推薦呀！…查看更多

今日同朋友去咗葵涌KCC嘅 Season Cafe，估唔到咁有驚喜！餐廳走舒適風格，配木系家具，燈光柔和幾chill，仲有啲綠色植物點綴，坐得舒服唔侷促，啱晒同朋友傾偈打卡。 頭盤叫咗 意式扒大蝦黑醋欖油沙律（$118），大蝦爽口彈牙，煎到微微焦香，黑醋汁酸甜開胃，混埋火箭菜同車厘茄，清新得嚟又唔會太寡，橄欖油香氣好突出~主菜必試 珍寶至尊烤菇手打美國牛肉雙層芝士漢堡配薯條（$158），真係「珍寶」級！漢堡扒超厚身，肉汁爆棚兼牛味濃，夾住半溶芝士同烤菇，口感層次爆炸。薯條即炸脆卜卜，仲有松露醬點綴，勁邪惡但停唔到口！ 蟹肉菠菜羅勒忌廉意粉（$128）都好出色，忌廉汁creamy得嚟唔膩，蟹肉份量足，每啖都食到鮮甜，菠菜同羅勒提味，意粉軟硬適中，掛汁力滿分！ 飲品揀咗 檸檬薄荷梳打（$45），清新到震！薄荷葉撞檸檬嘅酸爽，加埋氣泡感，解膩一流，夏天飲仲正～ 抵食指數：★★★★☆回頭指數：★★★★★…查看更多

今日有過到嚟尖沙咀呢邊梗係唔少得去美食集中地嘅厚福街睇吓有咩啱食啦，但係因為最近減緊肥，所以最後選擇咗入去水門雞飯，入到去因為係lunch Time，所以人都比較多，要喺門口等一陣位。坐低之後就自己scan QR code落單，不過我自己本人就鍾意睇一大張餐牌，感覺上可以一眼睇得到成間餐廳有啲咩食。咁餐廳入邊嘅選擇都比較多，由於我需要攝取蛋白質嘅關係於是就直接叫咗半隻海南雞一碗牛肉船麵，一個馬拉盞通菜同埋嘢飲方面就叫咗一個椰青半隻。海南雞嚟到嘅時候，見到份量亦都唔少，其實兩個人食都差唔多，而且肉質嫩滑，雞皮亦都唔會好肥膩，而且配上佢哋店舖嘅辣汁，簡直就係非常惹味。船面嘅話就見到好多餸，差唔多有成四/五大塊嘅生牛肉，而且湯底唔會過鹹，幾適合我嘅口味，同埋配搭上幾粒牛丸，整體上嚟講呢個價錢同埋質素都係非常之抵食。另外叫咗一個馬拉盞通菜，估唔到50幾蚊嘅菜量有咁多，差啲食唔晒，通菜鑊氣好夠，而且調味都係偏濃，所以配搭上和牛船麵食嘅話就啱啱好，亦都可以增添返呢一餐嘅攝取蔬菜份量。由於減肥嘅關係都唔想飲太多甜嘢就直接叫咗一個新鮮嘅椰青，咁店家亦都好窩心咁將椰青放喺一個盤上面先至俾我，因為椰青始終形狀有機會喺枱上面郁嚟郁去。總數埋單食咗240幾蚊雖然一個人嚟講呢個食量係有啲多，不過因為減脂增肌嘅關係就唯有攝取多啲protein啦！整體上都係推薦大家過嚟食，見佢平時啲lunch set都係50零$60就有一個，而且仲有下午茶揀！如果上班一族喺附近返工嘅話都可以考慮吓！…查看更多

今日嚟尖沙咀做facial，因為夜晚要上堂所以唯有五點零左右搵少少野食醫下個肚先，經過依間冰室見到入邊有好多選擇，又有下午茶揀，決定入去試吓！喺冰室嚟講入邊都坐得幾闊落幾舒服，而且有卡位坐~scan qr code就可以落單，個系統勁多野食揀，搞到唔知食咩好，最後我揀咗招牌古早鹽焗雞飯，花生醬西多同埋檸檬可樂☺️首先講佢哋嘅招牌古早鹽焗雞飯！一上枱已經聞到雞香，雞肉嘅份量好多，而且雞肉亦都唔會話過分烹煮，令到肉質難咬，鹽味滲透入肉，基本上都唔需要再點薑蓉！跟餐送嘅例湯係佢哋嘅老火湯，雖然唔知係咩湯，但係入邊嘅材料亦都煲到超腍，雞腳基本上亦都皮肉分離，感覺係煲咗好耐嘅老火湯講完主食，一定要推介佢哋嘅特厚花生醬西多！真係厚到我擔心自己食唔晒，新鮮出嚟嘅西多士真係唔一樣，加上邪惡嘅牛油同埋糖漿，我切開已經見到中間嘅花生醬流緊出嚟，真係邪惡！另外比較貼心嘅位置係佢哋嘅糖漿係分開俾你嘅，所以你可以按照自己嘅需要去睇吓落幾多。最後講返杯無糖凍檸樂，唔係間間餐廳都可以揀無糖可樂，所以覺得都幾貼心，加上食完西多士再配返無糖可樂真係透心涼！價錢方面都幾親民，喺尖沙咀食咁多嘢買單都係百零蚊～…查看更多

依間店我返大陸有時都會飲，不過見佢開咗嚟銅鑼灣鬧市，咁就唔使專登返大陸飲啦！唔係個個都鍾意薄荷朱古力，但係我見到酸奶呢個餐牌之後就比佢嘅薄荷朱古力乳酪奶昔吸引咗！一講起乳酪奶昔，平時都係啲水果味，但呢杯真係幾驚喜！首先一定要讚下佢個外表，淺綠色嘅薄荷乳酪，加埋杯面同杯底嘅滿滿朱古力碎，底層我仲加咗雪糯糍粑！口感帶住淡淡嘅薄荷香，完全冇一般乳酪嘅酸味。薄荷味清新提神，但又唔會好似啲牙膏咁嘅假薄荷味，而係好天然嘅感覺。最特別係佢嘅口感，幼滑得嚟又有啲微微嘅乳酪香~最底層嘅雪糯糍粑簡直就係令我對呢杯嘢飲更加加分！平時都好鍾意飲手調飲品，又會加珍珠或者煙煙韌韌嘅嘢，而呢個雪糯糍粑佢嘅煙煙韌韌加埋落乳酪奶昔度係非常之配搭！口感超like!每飲一啖都會飲到杯面同杯底啲朱古力碎！雖然價錢唔算特別平($47/杯)，但份量係夠飽肚，可能加咗乳酪入去~如果你鐘意薄荷朱古力味，又想飲啲清新嘅嘢，呢杯真係好值得試！…查看更多

依日去中環覆診，覆完診有啲肚餓想食少少嘢又唔想太飽，經過依間車仔麵就入咗去~我叫咗個菜底嘅五餸麵，因為唔想食太飽。首先講個湯底先！佢哋嘅豬骨湯唔會太咸，我仲加多個濃香沙嗲醬，個醬濃味得嚟又有少少辣，好惹味呀！佢哋啲配料真係幾足料，成碗嘢$73就有成五樣配料。牛柏葉唔煙韌，爽口易咬，加上又掛湯~牛腩煮到勁腍，一啲都唔柴！肥瘦相宜，口感咬落去亦都唔錯。另外金錢肚同埋特製嘅豬紅都好好食，豬紅好入味，一啲腥都無，我最怕豬紅無味！最正係佢個菜底同埋蘿蔔，勁入味，又無渣，睇相都知佢勁好食😋至於個豆漿就係來貨嘅，不過都唔會過甜。今次食得好飽，叫唔落小食，睇圖就好吸引，下次一定會再試！整體來講依間佢喺中環鬧市嘅車仔麵，價錢平民，而且用料充足，大碗夾好食，所以經開附近或者平時喺附近返工都好建議過嚟大家食返碗車仔麵，夠方便！…查看更多

咁啱係港島，同朋友太耐冇見諗住搵個地方食飯同好好咁傾吓偈，就揀咗喺堅尼地城嘅Slow House食飯，地點好近地鐵站，亦都好容易搵！餐廳環境好闊落，坐得舒服，而且亦都佈置得好文青！先講飲品，我哋叫咗檸檬茶同白桃茶白桃茶就真係好貼心，入面真係一粒粒白桃，唔係好似出邊嗰啲咁淨係落糖漿，啲桃香同茶香夾埋一齊，入口都好舒服講返個紅菜頭湯先！賣相已經好靚到唔捨得飲，飲落口又係另一個驚喜，完全冇紅菜頭嗰種生地味，反而係香甜滑溜，食到紅菜頭蓉，仲加咗少少忌廉~沙律酸酸甜甜咁，都好開胃~最驚喜嘅係個煙燻慢焗牛腩漢堡！個牛腩慢慢焗咗之後，同平時食牛腩嘅質地完全唔一樣，咬落口juicy，油香好重而且啖啖肉！個包底亦有用心煎過，包皮好香脆，一啲都唔覺漏！黑松露意粉一上枱都係好靚，成個磨菇放喺頂，即刻影返張相先！一上枱已經聞到陣陣松露香，啲意粉煮得好啱啱好，忌廉汁香濃又唔會太heavy。最後兩個人食咗$249，總結嚟講都幾滿意😀…查看更多

同大家分享個餃子店啊!一入到去已經聞到陣餃子香，鋪面亦都寬敞，裝修簡潔，唔會俾人覺得過於逼夾，坐得幾舒服餐牌有10幾款餃子可以選擇，唔驚搵唔到自己想食嘅味道！另外小食亦都很多元化^_^首先要講嘅係佢哋嘅皇牌 - 至尊松茸湯餃。一啖咬落去個湯汁即刻爆哂出嚟,入面菇味濃郁，個餃子皮厚薄度都啱啱好！另外湯餃會包一個湯，係無味精嘅粉葛湯嚟~加埋佢哋配上嘅菇菌醬，簡直就係Bonus!雲耳椰菜豬肉餃同韭菜豬肉餃都係以煎嘅形式，煎得勁脆身，睇圖都見到，咬開個豬肉餡好juicy,雲耳爽口椰菜甜甜哋,咬落去層次感十足喺呢度最大驚喜就係重慶鮮肉雲吞。個皮薄到睇到入面嘅餡,浸喺個麻辣湯度,好食到癲! 入面嘅肉質亦都好實淨！加埋芫荽🌿入個湯入面吊一吊個味！滿足~最後仲叫咗杯蜂蜜檸檬薏米水,解哂之前啲油膩。薏米熟得啱啱好,檸檬蜂蜜嘅比例調得幾好,又清甜又解渴，唔會過甜。呢間餐廳最緊要係價錢平民化,啱哂返工一族放lunch同收工食食。…查看更多

最近發掘了一間CP值超高的泰式餐廳「泰排檔」，價格親民得讓人跌眼鏡，味道絕對不馬虎！今次點了七道菜，每一道都令人回味無窮。必試的和牛船麵，麵條彈牙有嚼勁，和牛片香嫩多汁，醬汁香濃不膩，入邊仲有泰國和牛丸，完美平衡！金不換炒豬肉碎飯是我的心頭好，香辣夠勁，豬肉碎粒粒飽滿鮮甜，撈著煎到脆邊嘅荷包蛋，叫人停不了口。虎蝦醉貓炒河更加驚艷，河粉吸滿鑊氣，虎蝦新鮮彈牙，醬汁香辣過癮。好難得喺香港食到質地咁煙靭嘅泰國河粉，絕對係會再想食多次！叫咗個食泰國嘢必叫嘅飛天通菜！通菜食得出佢新鮮！質地爽口！炸粟米蝦餅外皮酥脆，內餡紮實多料，蝦肉鮮甜，配上酸甜醬汁絕配。燒豬頸肉肥瘦適中，醃製入味，外皮微焦帶點焦香，肉質嫩滑多汁。甜品愛好者嘅，我再叫多咗個芒果糯米飯，質素亦都非常高！最後壓軸的泰式斑斕雪糕，濃郁椰香配上清甜的斑斕味，口感綿密細滑，完美為這頓饗宴劃上句點。整體來說，以這個價位能吃到這水準的泰式料理實在難得。餐廳環境簡單乾淨，服務態度親切，份量十足又美味，絕對是聚餐的好選擇。建議趁還未太多人發現前來嚐鮮，相信很快就會變成區內熱門食店，另外這樣的價格絕對超值！人氣指數：⭐⭐⭐⭐⭐性價比：⭐⭐⭐⭐⭐推薦程度：強烈推薦！…查看更多

平時可能都食開肉所以冇乜勇氣去食素食，就算平時食咖喱都要配吉列豬扒，不過朋友今次就帶咗我去食呢一間夠晒正宗同地道嘅印度菜，令我對素食有另外一番嘅體驗。佢係樓上鋪黎嘅，需要搭lift上2樓，不過入邊裝修得好文青好印度風情，有掛畫。而且空間感係比較大，坐得好舒服😌枱面會有兩支水，我本來以為係唔使錢，但係原來係要收費㗎🤣🤣🤣我哋睇完餐牌之後總共叫咗兩個咖喱，令我印象最深刻嘅係蕃茄奶酪咖喱，因為入邊一粒粒嘅芝士真係好正！！！雖然咖喱係細細兜咁樣，但係我哋額外再叫咗兩個酥餅，分別叫咗一個係蔥油味另外一個係原味，兩個都係即叫即整，熱辣辣點咖喱好好食！!!呢一粒就係蕃茄奶酪咖喱入邊嘅芝士啦！係咪好邪惡呢？餐廳入面嘅服務員雖然唔係個個都識講中文，不過佢哋嘅服務態度都非常好👍🏻…查看更多

其實我本人就唔係話好鍾意食拉麵，但有一次去日本旅行食到一間非常好食嘅雞白湯拉麵，令我愛上左依隻味道。今次嚟到尖沙咀覓食，知道立體派呢間拉麵專做雞白湯，就決定去一試啦！我哋兩個人就分別叫咗兩款拉麵，除咗叫招牌嘅特級白湯拉麵之外，我哋仲試咗海體醬油湯。先講講個招牌作品啦。果然冇令我失望，白湯有好濃嘅雞味，絕對食得出佢係真嘅雞煲出嚟🤣 濃郁得來又唔會好重口味，唔會有平時食豬骨湯嘅油膩，會有清新嘅感覺，呢個亦都係我鍾意食雞白湯嘅原因！而且拉麵亦都可以同店員講想要硬身定係軟身，另外拉麵配嘅糖心蛋亦都做得好好，醃得夠入味。另外醬油湯底配嘅豬腩肉都好有驚喜，表皮燒得幾香，而且非常大件！最後講吓我哋叫嘅小食，佢嘅炸雞好鬼多汁而且一定一定係即炸嘅，呢啲就一定有保證啦～ 韭菜餃都係佢哋自己手作嘅，煎得香脆之餘又唔燶。不過我就建議大家唔好叫兩樣都係肉嘅小食，因為佢拉麵已經好多肉啦。可以試吓佢嘅菠菜！飲品方面我哋就叫咗烏龍茶，係平時出面買唔到嘅日本茶，都幾特別㗎！…查看更多

早前有朋友推薦我試吓依間喺銅鑼灣嘅酸菜魚餐廳，仲話絕對唔會令我失望！餐廳整體唔係好大間，但係環境絕對乾淨。仲安排咗我哋坐梳化位，非常舒服嘅！嚟到就梗係要食酸菜魚啦，我哋兩個人就叫咗一個細嘅，另外仲有中size同埋大size嘅。話就話細份，但係份量絕對唔細！佢除咗有勁多我最愛嘅酸菜之外，魚嘅份量亦都好多！所以兩個人食一定有突！酸菜魚仲可以俾我哋加配料，我哋就加咗午餐肉同埋寬粉。午餐肉就都係正常水準，寬粉就超彈牙，同酸菜魚個湯好夾！講返個酸菜魚先，我覺得酸菜魚最重要係個湯底夠酸，而佢就絕對做到。另外麻嘅味道亦都好足夠，絕對係有平時喺內地食嘅酸菜魚嘅水準，甚至可以話係超越某啲舖頭添！另外我哋仲叫咗糍粑小食 ，唔知大家有冇食過。佢係有少少似炸咗嘅麻薯咁，外脆入面就QQ嘅，仲會有啲黑糖俾你點嚟食。我同我朋友就十分之鍾意！嘢飲方面就叫咗兩杯特飲，分別係荔枝梳打同埋提子梳打，唔會太甜又大杯！ 雖然依間餐廳價錢可能比平時內地食嘅酸菜魚貴少少，但我覺得以餐廳環境同埋食物質素來講，絕對對得住呢個價錢！叫埋三五知己嚟傾偈慢慢食就最啱啦～…查看更多

之前都去過樓下冰室食嘢，就係食佢嘅招牌瑞士雞髀🍗都已經覺得好入味好好食，而且個瑞士汁係我鍾意甜甜地嘅味道。而今次再次經過樓下冰室，決定食下招牌以外嘅產品！飲品方面叫咗綠豆椰汁冰，杯底下滿滿綠豆，飲每一啖都有🤩甜度適中，配上椰汁感覺清新！當然唔少得叫咗個招牌嘅瑞士雞髀！水準保持到！同上次食嘅一模一樣！唔會質素參差^_^煮食方面叫咗個咖喱牛腩飯，牛腩炆得好淋，有小小根但係唔會好煙韌，入面有薯仔，不過牛腩嘅份量比較多🤩足料抵食！仲叫咗個吉列豬扒配雜果沙律，佢會配一個滑蛋三文治，呢個餐真係兩個人share食都得，因為最後我都有成份三文治食唔晒😅吉列豬扒係即刻炸嘅，唔會太油膩，豬扒肉味亦夠濃，旁邊黐住少少脂肪，仲有條骨添🤣真係好大塊！另外佢個雜果沙律亦都唔係用罐頭嘅水果，值得一讚！食咗咁多肉就叫返個菜食啦！我哋叫咗芝士焗西蘭花，份量又係好多，睇圖片都見到佢啲芝士完全係唔吝嗇😂啖啖芝士，本身想食返個清淡啲嘅菜又變成邪惡🤣不過都好食！兩個人叫到成枱都係嘢食都只係$191🤩真係大件夾抵食！…查看更多

今日嚟到屯門，見到平日打開邊爐嘅舖頭竟然出咗新野，叫做海鮮鍋燒，鐘意試新嘢嘅我就走咗入餐廳了🤣餐廳環境舒服😌我哋揀咗依個放題，又有海鮮又有肉！嘢飲方面除咗汽水仲有自家製作嘅沙冰或者熱飲。外面亦都有好多打邊爐嘅材料可以選擇，而且亦都有蓋蓋住，比較衛生。亦都有乳酪雪糕可以俾你自行領取，佢嘅乳酪雪糕出奇地好食😋唔似出面其他商店咁會變咗成舊白色嘅冰🤓食之前會有舊牛嘅脂肪比你，以免痴底。安格斯，牛小排，手仔骨同牛舌係推介！！肉味濃，唔出面用其他野加工過嘅嫩滑，反而肉質會厚實小小！鍋燒嚟到，店員有好細心同我哋講唔好將火力較多過700，因為油會彈到自己。食肉同海食飽咗，都要食返少少菜去緩和返。佢有十幾種湯底比你揀！一定會揀到眼花撩亂！我地就揀咗番茄同壽喜燒，佢蕃茄味超濃，好出色，再加多小小蕃茄入去煲真係超入味🤣最後買單兩個人先508蚊，以任飲任食嚟講都真係相當唔錯！…查看更多