marukocoffee的个人专页

好朋友帶我嚟呢度食生日飯！真係好有水準！開頭覺得咕嚕肉咁普通，唔諗住order，不過好在有叫，非一般的咕嚕肉！表皮爽脆，好鮮嘅菠蘿！超讚粉絲蟹煲，開頭以為係一隻蟹，原來已經拆晒肉，驚喜！柚子芥末蝦球白花炸子雞，呢個有少少誤會，見識少，冇留意百花原來係釀蝦膠，食唔到蝦嘅朋友就冇得食嚕。呢個唔使特別介紹哇哇哇！戲肉到了！上枱嘅時候覺得好震撼呀，因為慶祝生日，夥計哥哥為我哋預備咗蠟燭同埋生日牌！真係好大塊，好厚肉，同埋個汁係超好味。最後仲有糖水送。不過如果熱少少更好。。整體嚟講都好滿意！好多謝好朋友嘅安排！…查看更多

今日嚟咗呢度食晏晝，未係好多人。裝修咗之後都好新淨光猛，環境算係幾舒適，但食物質素同之前嗰間一樣，普普通通。朋友揀咗天婦羅，蕎麥麵定食 $179我揀咗壽司定食 $228 另收加一服務費。總括嚟講，食物質素普通，性價比不高！唔會特別有意欲再嚟食。…查看更多

因為想打冷，隨意上網找找，見到呢一間紅伶飯店，所以就嚟試吓。好近地鐵站，轉過彎就係，食物都好滿意。好夠鑊氣！$99個人最鍾意呢個小炒王$119，非常出色鵝片份量都好足$159椒鹽鮮魷$119臨尾食返個蠔仔粥（細$42）覺得好鮮味。呢度係兩個人份量，再飲咗兩支啤酒，真係飽到行唔到！呢度適合大班朋友，可以再食多啲嘢。整體嚟講都好滿意，夠晒地道，不過如果鍾意安靜少少坐樓下可能會舒服啲。味道、服務都很好。打電話嚟book位，姐姐好友善。有機會會再嚟！…查看更多

呢日中午嚟咗呢度食晏晝。星期六下晝成間舖都冇乜人。市道真係麻麻地？之前平日夜晚嚟過呢度食晚餐，抵好多！星期六冇餐，性價比的確不高！不過味道、環境都算OK。坐得幾舒服。呢個沙律唔講以為係送嘅頭盤。但係佢都要舊幾水！飲品就幾靚仔。左邊呢杯熱情果係幾好飲。海鮮pizza。合格。燒豬排骨！$298最有驚喜係呢一個雞蛋仔。賣相同埋味道都OK 香港食肆的確好難做生意。星期六假期下午時間可以咁嘅環境。食個午餐，人均消費都要三百幾！ 仲有食咗一盒春卷。不過唔記得影相。…查看更多

呢一晚嚟咗呢度食晚餐！餐廳喺工廈入邊，但係都乾淨企理。坐得舒適。夜晚冇乜人！真係生意難做。我哋揀咗set dinner。上菜都好快。呢個牛牛係煮得幾好食。雖然樣子一般。龍蝦沙律。開頭睇唔到舊龍蝦！蔬菜都好新鮮。原來有甜品送的。整體嚟講人頭費二百零蚊，算做合理，味道和環境都合格。不過服務就有點茶餐廳格局，問叔叔攞多一套餐具，佢叫我自己去隔籬枱拎。明嘅，呢度唔係咩高級餐廳。但係感覺有啲奇怪！落單時候都係很茶餐廳feel。…查看更多

週末同朋友傾偈嘅好地方呢度嘅裝修都幾別緻，好光猛同埋開陽！不過因為我哋坐入邊，就享受唔到陽光啦。呢杯開心果椰椰咖啡，食到粒粒嘅開心果，幾清新！上枱嘅時候呢杯菠蘿話梅梳打，着燈！打卡一流豬手脆卜卜！呢個西班牙海鮮飯，雖然唔係好正宗，都合格。唔太濃味，應該係話唔太夠味！不過整體嚟講，呢度嘅食品唔會好鹹，感覺冇味精。整體嚟講都坐得舒服。旺角呢個地方，二百零蚊有兩個主菜，兩杯特色飲品，價錢對得住。店員都幾有禮貌！ …查看更多

琴晚去咗呢度食飯，其實都冇留意餐廳主題。見到食物啱食同埋好似幾舒服就揀咗。點不知食食吓，見到有衝浪表演睇。都幾得意！餐廳位於airside六樓。地點都幾舒服，食物和服務都唔錯。雞肉沙嗲串燒，掛住食，淨係影咗一串呢個蟹肉煎蛋餅都幾驚喜。泰式炒飯要蝦需加$20 ，不過得三隻。OpenRice訂位，食滿$500有免費甜品！好少見芒果糯米飯整得咁精緻，雖然個芒果唔係好甜，但係顏值滿分，仲有金箔！其實食物選擇唔算好多，不過如果多少少脆口小食會更好！例如春卷、蝦片嗰啲。就係食食吓，聽到有大浪聲！跟住就有人表演啦！可能坐得近，其實大浪聲係有啲啲嘈。但係係可以接受。不過就真係幾得意囉！整體都滿意，舒適！…查看更多

星期六12:30嚟到，好在唔使等位。入面嘅位置都唔算好闊。不過坐到個花花位隔離，影相幾靚。Lunch menu $168+10%想食其他款式就要加錢。感覺上唔係太抵喎！欣賞佢啲杯碟都好靚，又真係幾日式嘅。不過我哋叫咗咖啡後上，佢一嚟就上咗。要扣少少分！我揀咗帶子意粉，味道實在很一般！沒有驚喜。不過帶子就有好多粒。朋友揀咗漢堡扒重點係呢一個布甸！真係好軟滑，震震震！$38整體嚟講，呢個價錢都可以接受，味道只會形容為不過不失。但係甜品就冇令人失望既。不過希望佢會換Menu，因為新鮮感嘅嘢，過咗熱潮就冇㗎啦。服務都OK，店員有禮貌！食完90分鐘就會嚟埋單，唔會俾你坐得來。原來出邊已經有唔少人等緊位，所以都係理解的。…查看更多

新年，嚟咗呢度同朋友仔開年。一入到嚟好光猛，好舒服，服務好好！我哋都冇留意到，原來個brunch係有前菜同埋甜品buffet，好驚喜。buffet嘅食物質素非常高！OpenRice訂位有七折。鍾意飲酒嘅朋友加298可以有free flow 汽酒!呢個景色，值回票價！不過如果怕曬嘅話，可能就坐返入面好啲。甜品corner都充滿新年氣氛出色嘅海鮮盤呢個係鵝肝小漢堡包驚喜，海鮮盤都好新鮮，最欣賞隻鮑魚同埋長腳蟹朋友仔揀咗比目魚我揀咗海鮮risotto經理好友善，幫我哋影相，好有禮貌整體嚟講好滿意，會再嚟！…查看更多

今晚嚟呢度同朋友仔團年，兩個人，嗌咗四個小菜。有驚喜喎，衷心地覺得呢度嘅小菜幾高質別緻。當然價錢係比普通酒樓貴少少。但係坐得舒服。呢個冰梅骨，甜甜酸酸，醒胃細細個聽媽媽講話柚皮好難整，難得呢度有，就嚟試吓。個人覺得冇乜特別，叫做試過吓咁。小炒王冇諗過呢個前菜鮑汁雞腳咁大兜懷舊菲林芝麻糕整體嚟講都幾滿意，無論係味道同埋服務。…查看更多

都好多年冇再食鼎泰豐。今日要係附近搵嘢食，就嚟到呢一間。面積好大，好多遊客。但係兩個字，難食！完！咁嘅質素，咁嘅價錢！唉…. 豬扒最嚇人！係服務叫做OK，店員有禮貌。…查看更多

之前偶然經過呢度，都好想嚟試。今日終於試到啦！以呢一個格局嚟講，價錢都算幾合理。食物同埋服務都好唔錯！Set lunch呢個Sharing starter(兩份），樣樣嘢都幾好食。嗰陣都擺得好靚。蜆意粉，啲蜆好新鮮，不過幅相睇唔到。肉醬小雲吞，惹味呢個卡邦尼就有啲奇怪。上面係一隻煎蛋。Benedict係佢哋嘅推介item，的確整得唔錯甜品Tiramisu哈哈，我哋六個人，嗌咗兩個set lunch，同埋另外兩個main，都夠飽。餐唔包嘢飲，另外order的。總括嚟講，都係一個與朋友相聚嘅好地方！出邊係望住呢個景色。夜晚應該仲靚。店長moon都好友善親切。不過唔「好」澱粉質，想食扒或者多啲肉嘅，選擇就唔算好多啦。…查看更多

因為唔係任食，佢就唔限時間。食物份量普普通通，性價比不高。但係就幾好坐，唔使食到趕喉趕命咁。一嚟有碗糖水飲吓，都幾搞笑$98 豚肉餐，食物份量一眼見晒，另外有罐汽水。（右上角嗰碟牛肉唔係呢個餐嘅）唔知係咪做promotion，今日唔使加一。…查看更多

琴晚來這裡，環境、服務都好！食物份量足！呢個價錢，性價比高香煎三文魚，有少少overcooked, 但配菜多羊扒有兩件豬鞍好味食物合格，但可以再做好d。加油！不過非常欣賞佢地一班後生仔都好有禮貌，覺得佢哋好有誠意、值得支持鼓勵粉紅色環境好靚。又可以劃生日碟！…查看更多

今次真係長知識，原來訂位一定要食指定既任食套餐，如果冇食指定套餐，會當你缺席！請大家留意啦。定量 $88/西班牙豬梅肉set （質量OK）定量 $98/上腹五花牛set （牛比較硬）因為係女子，食量不大，所以食定量已經好足夠。總括嚟講，服務，食物都係開心嘅。不過明明已經出席咗，又無端端俾人當冇出席來計算，感覺就很差囉！所以大家留意啦，如果唔係食佢嗰啲任食套餐，唔好訂位啦， Walk in好過啦。…查看更多