雙星兒的个人专页

一直沒有想過真的可用OpenRice 可訂檯，原來非常方便。而且有折，非常值！以前好少入沙田食自助餐，因為地點問題，始終覺得同朋友去尖沙咀會好d，因方便大家。但今次因太遲訂檯，所以無咩地方可選擇。去到首先拎左主打食物，龍蝦，蟹腳。原本以為蟹腳會好味d，但食落後，龍蝦🦞鉗好味好多。飲品原來只包一杯，所以加錢任飲，加$88任飲紅酒白酒，啤酒，汽水，咖啡。之後我再試埋佢地既甜品，其實我唔算食好多野既人，所以樣樣試少少。最好味係拿破崙。今晚仲試左個中湯，好好飲，好少飲中湯既我，都左2盅。今次晚飯，其實飲野多過食野…查看更多

已經經過好多次，但因每次都唔岩時間，所以無入去食。今日專登出深水埗試下。見到餐牌，好多野都想試，但驚食唔晒，所以叫住佢最出名既生煎飽，我最喜歡的酸辣湯同埋擔擔麵。酸辣湯比出面食開既細碗，但好好味，飲落唔會好杰。所謂貴精不貴多。味道好岩我。擔擔麵一d 都唔辣，好香花生味，辣多少少會更好。生煎飽都好好食。另外仲試埋當日推介既波士頓龍蝦包，其實似小籠包。可能即叫即蒸，所以差唔多食完先到。味道都唔錯。總括黎講每樣食物都好好味。一定會再去食。正正正！…查看更多

約左朋友去APM ，想靜靜地傾下計，又想坐得舒服d。諗來諗去，行晒成個APM, 後都係決定食呢間， 因為見到個餐牌 忽然好想食担担麵，而且見到門口又唔算多人等，所以決定不妨試下。得左唔駛30分鐘，入到去，環境都不錯。點菜當然必揀我想食既擔擔麵，另外仲叫左陳醋肴肉，上海炒年糕，四喜烤麩。我通常食烤麩都係凍食，呢度熱食，所以我唔係太鍾意。 其他都唔錯。食食下覺唔飽，又睇下個餐牌有咩食，見到生煎飽，咁又想試下。但試完之後，覺得都係祥興記既好食好多。不過，都可再黎，不過下次想試沙煲雲吞雞。…查看更多

今日早上，突然想出去食早餐。去到餐廳，9點已經排隊入座，不過都算很快有位。入到去，好幸運地安排左一張4 人檯給我們。唔駛同人迫。其實呢次係我第二次黎食野，對上一次係食下午茶。服務員既職責分得好清楚，唔係個個都可落單。日日食麥皮既我，見到佢有個黎麥麥皮。但見到價錢，我真係覺太貴， 仲要唔係餐。所以今日我地叫左一個仿鮑魚片火腿通粉餐及沙爹牛肉麵餐就算。原本想沙爹牛肉想轉埋通粉，但餐牌寫明唔可以轉！很可惜。味道各樣算中規中矩，通粉份量算多。其餘無咩特別。…查看更多

因有Litle Twin Star 聖誕裝飾。所以去左megabox行一轉，順便食埋晚飯。可能岩岩食飯時間，周圍都係人，好難搵位，好迫。等左好耐先有位。而且想食既野無晒無蝦，無雞翼。所以唯食肉丸！…查看更多

係旺角行到攰,飲下野食件cake, 順便抖下。 今日見好耐無食朱古力蛋糕，所以試下。（以前無食過Starbucks 既）。件朱古力蛋糕好好味，朱古力味香濃，唔太甜，岩我口味。好正。杯飲品就普通。…查看更多

好耐無去過花園城，就諗住行下，順便食個下午茶。我印象中果度係好多茶餐廳，但原來因為太耐無去，好多舖頭已經變晒。經過一間冰室，好似幾特別，所以諗住試下。 因為肚餓，叫左個三文魚焗飯。等既時間都比較耐，應該即焗，味道唔錯，唔太咸，岩岩好！我仲加左個湯，整體味道好滿意。下次可以再黎，試第二樣野。…查看更多

之前食過特色套餐，幾抵食，一個人食係超級飽。今日咁岩又經過舖頭，又未食午飯，所以走入去。今次仲再試鮮蝦生煎包。味道同招牌生煎包一樣好味！下次試黑松露生煎包！唯一地方坐位較少，坐位不太舒服。…查看更多