晞豬's Profile

一點幾成個商場既食店門口幾乎都有條龍，見到呢間有人出黎有位即刻入去啦，好餓呀～坐低見再斜對面有一家三口肥嘟嘟佢地三碟都食剩大半碟我仲同男朋友仔講唔通真係食少少都肥🤪男朋友仔叫左個白咖哩香茅豬扒飯配咸檸7加小食鳳爪～我就想食個重口味蝦醬炒公仔麵配龍眼冰飲品有水準咸檸打碎左成杯好濃味龍眼冰多龍眼，色又正，味夠濃前菜鳳爪足料正常味冬蔭公得咸味，不過佢送既就算啦白咖喱香茅豬扒以為會好似沙X王嗰個咁好食，點知原來係椰汁炸豬扒⋯⋯暖既椰汁入邊有啲豆卜同洋蔥，成兜嘢冇味又唔咸，再加埋個豬扒好韌，飯又好泰國飯（好正宗咁好鞋口）自稱垃圾口嘅男朋友仔都頂唔順食咗一半都冇碟頭相當大嘅蝦醬牛肉炒公仔麵見到賣相都幾吸引幾足料，但係佢呢隻櫻花蝦醬其實係唔鹹嘅⋯⋯佢應該用泰或蝦膏炒牛肉都幾多但係冇味嘅以為食緊豬肉公仔麵彈牙係無味囉預期嘅重口味完全成碟都可以無味好犀利公平D講個水吧同小食係冇問題，淨係個主廚好有問題🤨係咪今日唔記得落鹽忽然明白點解一家三口肥嘟嘟會食唔晒，平時好堅持食晒啲嘢唔浪費既我都搞唔掂⋯⋯…Read More

在家抗疫左好耐⋯⋯因為要採購，等到四點餐廳無人就黎食個下午茶～下午茶大部分都係南洋麵、粉，咁都係喇沙咖喱干路同普通公仔麵或美極麵價錢由三十幾至四十幾蚊不等咖喱雞絲乾撈油麵包一杯嘢飲，加$3叫咗杯南洋奶茶，奶茶正常但個杯好瘦～咖喱有啲辣都好味嘅，雞絲都OK夠粗身，但係個份量真係好細⋯⋯食幾啖就冇嗰碟好淺另一個茶餐豬扒公仔麵配咖吔多士炒蛋，炒蛋夠滑，多士夠多醬、厚身都好食。豬扒公仔麵⋯⋯豬扒夠冧唔夠香口，公仔麵無味⋯⋯埋單90唔算貴，勝在無人🤣…Read More

學校測驗早放接外甥們放學，因為要補習既關係所以唔去得嘆，俾佢地揀⋯⋯小朋友除左食日本野就係日本野🤦🏼‍♀️十一點剛開門無乜人，入到去仲有濃濃既漂白水味🤣野食既選擇唔多價錢正常，雖然叫豚豚似豬肉做招牌菜但多見咖哩既食品多。正值午市有套餐，凍飲另加8蚊咖哩肉餅蛋飯～賣相麻麻地，日式咖哩正常味咖哩牛肉烏冬，咖哩味差唔多但無咁杰，size正常，烏冬有啲彈性尚可吉列豬舊豬個吉列好脆，但肉唔夠軟無肉汁親子丼，好似好大個但其實好淺，味道反而最穩陣價錢唔貴味道正常不過無動機再回頭…Read More

黎開呢頭搵個朋友仔，以為工廠區除左樓上間連鎖咖啡店就無乜選擇，點知見到間難得既休閑小店～雖然地方細細得幾個位，但算多飲品選擇～坐咗喺吧枱，哥哥仔好nice佢得閒而又無咁多客既時候會同你傾下計～聽得出佢都想香港有種台式咖啡店既既休閑～朋友仔叫左杯cappuccino而我叫左杯hojicha latte 好好心機拉花花～入口醇香又滑口，沉鬱嘅茶味令人想一口接一口～最緊要係黃既🤣價錢我覺得值得～希望佢可以愈做愈大間，令客人有多啲放空既空間…Read More

呢啲時勢除左交收抗疫物資外都唔會出去，今日約左個好朋友交收，平時最愛hightea既我地，因為啲tea多數到藍🙄同埋啲酒店好多大劣人好高危⋯⋯所以選左間可以坐得舒服啲既黃店呢間bookmark左好耐想同茹素既媽咪黎試但一直無食，今日選左下午茶時間黎叫做無咁多人門面日系簡約Menu同我上網睇無乜點改動🤣所以一早諗定食乜，可以走五辛、走蛋奶真好靈活，好適合信佛食全齋茹素既人士mocha同hazelnut latte先黎飲品（跟餐加錢）飲品味道比較淡，可能配合素食口味要清啲～相當欣賞用紙飲管夠環保不可能漢堡包配蕃薯條新派素食就有呢度特別，舊新肉真係勁似牛肉，無論質地同味道都似，配埋芝士同醬汁完全係好食唔乾又健康，蕃薯條香脆帶甜冬蔭意大利飯其實想食芫茜飯但無左咁見隔離枱食緊好香就叫一個，食落無真冬蔭既酸辣，飯比想像好食同入味，飯粒唔會太軟又保持飯粒，其實我唔太喜歡正宗意大利飯粒中間硬痴牙既，呢個完全無呢個問題埋單三百又唔趕人坐得舒服又夠安靜，黃店都有好食既，睇下識唔識揀既啫…Read More

黃店黎講佢都算細間喇，黎左幾次都full，終於有日約夜啲就等到一次喇～環境係充滿懷舊feel，呢停留響7080年代舊屋家具裝修，有種返去呀婆屋企既親切。不過裝修懷舊都要睇時間先有feel，明顯係要下午無人黎先有得有feel,人山人海就剩係得個嘈字，因為啲枱唔迫迫地，食到夜先有啲花樣年華feel講嘢食，其實正常味得黎唔算平（其實都預左既）飲品選擇唔多，朱古力沙冰有一種平價朱古力味道，唔夠濃松露薯條個醬幾好食，用肥仔薯條不錯，呢個算係成餐最好食架喇大蝦柚子沙律，蝦大隻凍蝦唔梅，但碟頭細左啲⋯⋯黑松露大蝦意大利飯，賣相靚仔，但味道平庸左啲唔夠creamy，之前碟薯條醬仲松露啲⋯⋯可以再多啲菇粒加啲口感，同埋又係果三粒蝦都要有味架喂🤣兩個女仔仲要夜黎先有位，如果想食就早啲喇…Read More

以呢個平民價食上海菜性價比係高既，但要講到好好食或正宗又唔覺得其實前後黎過兩三次，分別食早午同下午茶開頭見佢係魚湯上海麵好似好健康就試下～口水雞上海麵個汁幾好味，唔算好辣到～唔係辣到無晒又腌到雞好鞋果啲。魚湯就唔覺魚味淡淡既湯咁～排骨無雞咁好食味道唔鹹都好，肉質還在在做見到下午茶時間多數都係老人家黎食餃子多，我諗因為味道比較清淡～午飯就多啲唔同年齡層黎食lunch嘅，午飯套餐仲抵食～之前都有叫過上海粗炒比想像中大碟，味道正常唔算好好味，但係真係好抵食。…Read More

以前成日黎，我朋友話俾我聽間野黃到金又黎支持下一到附近見到門口多人到呢⋯⋯有時間望下寫支持下門口個連儂牆仔（openrice是咪要攪攪有bugs！upload相有問題）講野食海鮮泡菜煎餅真係麻麻哋⋯⋯賣相唔靚冇乜海鮮泡菜味都冇乜芝士玉子呢個都算OK切開有啲流心嘅小巷炒雜菜呢個反而有啲街頭風味辣辣地幾好味豬手如果佢切口啲仲好而家博得滯個豬皮冇咗嗰種咬口～唔算鹹食到肉味唔乾嚟呢度梗係食安東奶奶雞啦～最好味個燉雞佢個汁真係有少少辣先好味😋我哋加咗蠔仔半隻份量都唔少，配菜好入味，冬粉簡直係成碟雞嘅精髓～～如果可以加冬粉就好喇最驚喜係一路食耐唔時有人嗌口號😀好忙接口號～同背景音樂係播住香港國歌～～黃到吖🤣🤣…Read More

叫得古道具，啲道具係有番咁上下復古同靚既入門口已好吸引，連木椅既質感真係正入面其實有野賣既，啲道具有打價錢地方唔大一眼見晒，椅子枱都是復古傢俬，有啲硬哈哈可能星期六有啲晏得個brunch會食得飽我掛⋯⋯另外朋友仔食左飯（真係醒喇⋯⋯）只係叫左個甜薄餅，自助埋去櫃檯落order我個brunch～餐湯南瓜湯滑口味濃但得半杯同埋隻杯崩咗⋯⋯三選一選左左芝士火腿薄餅，同我去上環果頭食果啲法式薄餅唔同質地，似普通pancake⋯⋯佢脆脆地，但無乜芝士囉，好彩火腿唔死咸沙律有點hea蛋糕係朱古力mousses 同芝士餅，朱古力一般，芝士餅比較好食，入口滑又芝味我杯宇治綠茶辻本紅豆牛奶，香滑濃郁紅豆大粒好有豆香朋友仔個士多啤梨藍莓薄餅，賣相唔錯正常味道成餐除左打卡，環境尚算舒適寧靜，唔好期望好食或食飽，反而當上黎飲杯野hea個下晏就好…Read More

旺店成日俾人話啲嘢唔好食呢間黃得黎又好食就梗係要去幫襯下～都成9點用app訂枱有8折～入面full house要喺門口等一陣~三個女仔叫六樣～其實仲想食不過我地晏去唔阻人收工燒豬頸肉吹口香口最正係佢跟咗幾個汁一齊上有任你點～（包括泰式雞醬、泰式辣醬、泰式乾辣椒粉、酸辣汁、青檸辣魚汁、魚露）青咖喱雞配薄餅～我哋另外叫多咗份薄餅嘅。其實我地係想食青咖喱泰國圓茄子menu無嘛，青咖喱配茄子其實絕配冇得頂～我哋食晒啲茄子留低晒啲雞粒🤣雞都係襯黃咖喱多啲其實因為我喉嚨痛好多辣野我都冇叫到，叫咗個好Mild嘅炒雜菜好足料好大碟！泰式炒金邊粉配埋個蛋網～正宗味道賣相靚仔呢個好食既蝦醬炒飯其實我平時好鍾意食，但係啲朋友成日話我重口味～佢嗰隻泰式蝦醬其實唔係中國蝦醬個種咸架～佢配埋醬油撈埋一齊炒真係好惹味好好味架～仲有兩粒豬手同平時會有既臘腸薄脆同蛋～蛋煎糯米飯配芒果～～即係芒果糯米飯啦～飯同椰汁係咸嘅先係正宗架！佢咸架～不過甜品我都想要返蒸飯唔想煎哈哈侍應好招呼，地方細細可能我地夜去都唔覺好嘈，仲有window seat haaaa ~~出門仲見有口罩唔怕你食完無口罩用…Read More

啲人話澳牛大佬有禮貌左仲唔使等位自從畢業後無黎過就去懷緬下，因為當時係學生趕食lunch快食無問架哈哈，啲大佬唔會話我地，而當時既炒蛋係好味既十年後既今日特登黎食又真係無晒自由行無左條人龍，直入門口哥仔語氣禮貌又真係好似好左，入面仲有幾多吉枱⋯⋯非常時期佢地俾我一人坐一張小小的四方枱（食過就知有幾小小的），枱上仲有酒精搓手液會唔會貼心咗啲🤣早餐時間坐低都唔使諗啦即叫炒蛋多士，雖然想食牛通，不過有早餐就食早餐～其實比起以前佢無咁好食個蛋無左奶香，通粉正常，多士厚脆既，一邊食心想食完加個鮮奶燉蛋白，點知哥仔無花花俾個呀姐搭枱⋯⋯隔離係仲有啲吉枱架⋯⋯攪到我要加速快食唔叫甜品喇⋯⋯（其中一個我十年唔黎原因係人大左胃頂唔順快食）到出去俾錢唔覺入面侍應細心禮貌左喎，咪又係咁…Read More

原本一行七人諗住幫襯另一黃店但係佢得啲戶外位唯有轉場⋯⋯晚飯時段難得有位就嗱嗱聲過去原來係長大枱相當開揚🤣似搭枱嗱嗱聲食多啲⋯⋯但價錢係中價餐廳水平肚餓～嗱嗱聲叫嘢食狂叫小食，叫咗兩個薯條份量都大嘅不過唔係粗薯條芝士唔算多，夠鹹香水牛城雞翼汁好足，汁好味食一隻好～雞肉乾左啲啲再加咗個雜物拼盤～炸魚蝦雞（無金錢壺蘆蟹🤣）仲有咖喱角，唔知是咪唔夠就多左啲春卷，整體香口正常味，係個沙律醬少左啲同勁難點，呢個好抵食好快黎安格斯牛配薯菜，七成煎得算係咁，切開仲有少少汁肉味夠，不過接近二百蚊就唔值再來茄汁雜菌虎蝦意大利粉～汁夠茄唔會偏甜，菇菇唔算多，蝦得一隻唔預佢新鮮蝦但個頭唔好黑囉⋯⋯見到唔多開胃限量十二份既刺身帶子海膽明太子意粉，明太子意粉夠咸香唔會好咸，帶子得兩片但真係唔覺海膽既味⋯⋯唔落海膽加返多啲帶子啦一係叫左兩個肉醬千層麵，除左其中一個個邊焗乾咗⋯⋯個人覺得最好食最抵食，肉醬夠多汁夠濃，芝士拉絲夠多。飲品其實叫左好多但餓得到無影，芒果冰糖水落多左啲差唔多食晒先出現既春雞配意粉⋯⋯茶仔咁既樣⋯⋯啲粉可唔可以係咁意搵啲汁上色先呀⋯⋯有啲hea…雞無問題正常味唔乾仲有汁既⋯⋯單數人長枱俾人搭枱，單出黎果個真係搭枱食飯feel…又嘈枱又迫價貴都算喇但野食一般⋯⋯埋單每人接近三百蚊其實真係唔使食靚裝茶仔咁囉⋯⋯…Read More

環境氣氛表演美食有水準好朋友呀妹請食飯～隔呢full house就book bistro,其實我無所謂仲causal傾計添門口個轉轉門已經好開心好懷舊，諗起以前細個老豆成日帶我地去西餐廳鋸扒就係呢啲門，而家真係除左酒店就無見過喇。入到入面真係心心眼😍天花彩繪玻璃和鋼琴彷彿回到過去水晶燈懷舊卡位仲有啲位係賣古董Menu價格預左唔平，就睇睇質素如何叫左兩杯signature cocktail Jasmine Doux（茉莉花茶加酒）飲落飲檸蜜， 同鴛鴦（咖啡酒加烏龍茶）飲落似朱古力，兩杯都飲唔到酒既哈哈頭盤三文魚mousse溫泉蛋香草沙律醬伴蕃薯絲⋯⋯似分子料理既名，賣相完全係雀巢～三文魚mousse似個汁多過香草沙律醬，溫泉蛋稍硬，全碟味道mild，入口其實只有蛋黃同魚籽味道。另一頭盤三文魚薄多士好脆唔油主菜安格斯牛柳鴨肝黑松露薯蓉牛比想像好食配鴨肝都唔漏，薯蓉好夠密但無黑松露味楓糖煎帶子檸檬薯粉粒大黃梅子汁食唔到甜既帶子煎得幾好個心仲軟，無檸味既薯粉粒質地似芝士，黃梅汁又係無乜味甜品無花果配雪糕，無花果煮熱左，配凍雪糕，雪糕太少唔多食晒兩粒無花果兩段表現時間，上半場，鋼琴加英文情歌下半場，funny懷舊金曲夜服務員態度一流，表演者專業，環境目不暇給，氣氛浪漫，食物分量細我唔飽呀，價錢唔平咁有人現場近距離表演值得既…Read More

呢排社會氣氛令人想搵地方抖抖氣，星期六去密度低啲既地方放空。朋友仔介紹大埔隱世店。 門口有幾枱，其實唔熱都幾好既，入面仲有搖搖鞦韆三點左右到都滿晒，有樓上但都係坐樓下bar枱位坐。店面簡約，有手作陶瓷賣Bar枱後既裝飾都好友文青味飲品好多種有茶有啡，手沖既cold brew都有，定價進取。蛋糕都有幾款，睇材料唔係大路批發買返黎果啲因為剛食飽就黎，就叫一件檸檬芝士蛋糕share。賣相吸精，紫色嘅碟豆花配淺黃色芝士仲有一齊朱古力，姐姐仲特別介紹佢地既成份，分別係本地花農種既蝶豆花，係食得既食用花，用意大利大粒檸檬做既檸檬芝士。芝士檸檬味唔酸但令到個芝士唔漏，朱古力味出既無搶味，下面蛋糕係比較硬身既配上面軟身芝士入口唔會一陣風，滑口但又食得出兩種質地既層次。本身好喜歡食日本咖啡啫喱，但呢杯coffee jelly latte入面果啲係批發野無乜味又唔甜，latte⋯⋯明明見佢用明治盒裝奶但奶味唔出啡味又唔濃⋯⋯有啲失望兩人埋單$240，叫做無市區cafe 啲枱咁密同，件蛋糕好過杯咖啡，定價進取，價錢係當買地方hea耐啲睇下書發吽豆既。…Read More

又係活動前食飽是常識，一行六人食個晏，諗住慢慢食施施然落隔離街行。呢間出名豉油西餐，裝修懷舊風情幾靚架～仲有紅地毯轉轉樓梯上黎。上到去全部客人都係操普通話～嘩～咁呀經理就西西面了～可能一見講廣東話既香港人就唔想做我地生意掛～佢行黎行去指左我地去中間張枱，其他待應姨姨同哥哥好nice仲會解釋咩出名野食，仲不停加水加茶好好服務😗咁叫左佢地既招牌瑞士汁炒河同免治牛肉飯醫肚～瑞士汁真係幾好味喎唔咸又唔死甜夠色又有啲醬油味，成個河粉滑口食到尾都唔咸另兩人叫免治牛仲諗住要加錢加蛋，原來已有一隻。全牛肉既威力個汁好濃好夠撈飯，肉碎唔硬又有顆粒但唔結塊。食緊有另一啲國語遊客上黎，呀西面經理唔俾佢拖佢地啲喼入去～仲聽到好大聲「jip」果幾個客🤣🤣🤣我以為去左澳牛～～睇黎係呀經理既問題黎佢一視同仁唔是針對香港人喎🤣🤣…Read More