Cancanduckie的个人专页

好正好chill嘅馬來西亞菜。平日lunch time烈日當空都會有好多人去排隊！餐廳亦好Nice咁會準備埋冰水同扇俾你遮陰筒撥涼。同一般舊式馬來西亞菜唔同，佢嘅裝修俾人感覺好清新。碗喇沙嘅份量對女仔講啱啱好，食物唔會油淋淋，麵亦都好有咬口！食完唔會覺得食咗滯。而我最鍾意嘅就係個班蘭咖央多士。因為加咗班所以你平時嘅咖央多士清香好多，仲要將佢打到好似cream咁樣軟綿綿，夾喺脆一脆嘅多士中間，真係超好味！😋😋本身麻麻哋馬來西亞菜嘅我都覺得一定會再光顧！👍👍..#cancanduckie_malaysian#cancanduckie_laksa#cancanduckie_wanchai…查看更多

同朋友用OpenRice訂位，本有八五折，點知到埋單嗰陣一個類似老闆娘先至話佢同事唔記得講套餐冇擴，仲話其實OpenRice訂位嗰陣啲細節有講到套餐唔包，嘢飲唔包，最離譜係話海鮮都唔包！你間嘢食蒸海鮮，唔通特登入嚟蒸吓牛雞豬，蒸吓菜當一餐？啲餐牌完全冇寫套餐唔可以用優惠，最搞笑係佢仲要話因為嗰日啲同事忙唔記得同我地講！😂😂😂😂 嗰晚成間野數埋我哋最多得四五台，啲侍應仲勁得閒咁同我地睇新聞，自己走過嚟搭嗲講政治，我真係見唔到佢哋有幾咁唔得閒！ 😅😅😅 幾個套餐俾人揀，但係又唔講唔用得優惠，擺明就係想啲人用正價食啦！同個類似事頭婆傾完之後，佢俾咗張好似$15定$50嘅小食優惠券我哋，前提係要食滿$3000先至可以用。難道覺得我哋仲會返嚟嗎？🤣🤣🤣🤣講返個套餐：黑松露蒸蛋普通蒸蛋，加好細pat嘅黑松露醬沙包蜆同海蝦唔記得影，有三隻沙包蜆同兩隻海蝦，個蜆都OK，不過有一隻係臭嘅，朋友嗰三隻就冇事。蝦就肉質麻麻，不過未去到霉嘅。冬蟲草大蓮鮑魚大連鮑之中呢個都係我同朋友食過前所未有咁難食， 有啲酸宿味，隻鮑魚質地又唔得，難食！蒜蓉蒸帶子呢個係成餐裏面最好嗰樣。雖然係有沙，但係因為有蒜蓉，所以個味黎講已經係成晚最好嘅海鮮！其實去到呢個位我哋都已經放棄左呢一餐！花蟹第一張圖係第一隻蟹，我朋友食咗一啖就已經即刻叫我試吓仲食唔食得。啲肉霉到係睇到一pat pat，忍唔住叫人換返隻。第二隻好好多，起碼啲肉係一嚿嚿，細隻同冇乜肉就一定㗎啦，都係果句，已經放棄左。冬瓜盅有桶蠔，豬腩片，四寶丸，娃娃菜俾你打邊爐。桶蠔我同我朋友都係咬咗一啖就算，豬腩片唔好味，四寶丸我哋都只係食咗兩粒，之後食下啲瓜同菜就算數。埋單每位大約$500 ，唔值得嚟仲要係難食，我哋兩個一啲都唔飽，所以之後轉場去食甜品🙈🙈…查看更多

同朋友講話想去新嘅K11食pancake，點知佢真係帶咗我嚟K11食pancake！身為路痴嘅我完全冇察覺行錯路。。😅😅🙈🙈 我哋夜晚9:00食完飯過嚟，所以都唔多人排隊，但係其他嘢已經賣晒，只係賣剩 soufflé 了！ 🍰😲 🍰 𝙱𝚎𝚛𝚛𝚢 𝙲𝚑𝚎𝚜𝚜𝚎𝚌𝚊𝚔𝚎 𝚂𝚘𝚞𝚏𝚏𝚕é ($95)個班㦸普通，冇平時梳乎里嗰種空氣鬆彈感，同埋略嫌冇乜味。啲士多啤梨同埋紅妹藍莓亦都比較酸，整體來講真係好麻麻🍰 𝙲𝚊𝚛𝚊𝚖𝚎𝚕 𝙰𝚙𝚙𝚕𝚎 𝚂𝚘𝚞𝚏𝚏𝚕é ($95）自己就鍾意個焦糖蘋果梳乎厘班㦸多啲，班㦸一樣麻麻，但係有得配埋個雪糕,焦糖蘋果，仲有脆合桃，個配搭都好難出錯不過呢間野真係名過於實，一啲都唔值呢個價。…查看更多

𝚂𝚙𝚒𝚌𝚢 𝚋𝚎𝚎𝚏 𝚒𝚗 𝙲𝚑𝚒𝚕𝚕𝚒 𝙾𝚒𝚕⠀⠀上個星期同同事們食lunch搵到呢間川菜館。午市有湯+前菜+主菜+飯嘅套餐，只係60幾70幾蚊已經有咁多嘢，性價比好高！食物方便亦都唔錯，如果水煮牛肉可以再辣啲就好了！🔥⠀⠀🥘海米冬瓜湯⠀⠀🍽 手拍黃瓜⠀🍽 煙燻鴨蛋⠀🍽 巧手鴨胗⠀⠀🍽 水煮牛肉 ($78)⠀🍽 酸湯龍脷魚 ($78)⠀🍽 回鍋肉 ($68)⠀⠀🍚 配白飯⠀⠀…查看更多

同事好味推介 - 魚蛋炆腩河 🍜（$42）聽左我位同事推介左咁多次，終於試到呢間- 安利魚蛋粉麵！好早去到但係都已經有人排隊！因為搭枱嘅緣故，坐低前已經睇到隔離嗰碗河粉係晶凝通透滑捋捋嗰種，所以已經確定一定會嗌河粉！ 🤩🤩 但係個人又貪心，又想食魚蛋，又想食炆牛腩，所以就決定咗叫雙拼！ 😜碗河粉一嚟到，個炆牛腩湯底已經香到無倫，即刻忍唔住飲啖湯先！好濃好正 ！👍🏻 河粉同心目中諗嘅一樣，滑捋捋，唔會係嗰啲好厚嗰種。 牛腩超級入味，就算連啲肥膏位我都差啲想食埋！ 🤣🤣 魚蛋就較為失色少少，不過亦都不錯！總括嚟講平靚超級正！ 我而家已經有啲掛住碗河粉 🤤🤤，應該好快會再去幫襯！❤️❤️…查看更多

又同🐷先生一起去覓食了。馬神開咗咁耐都冇試過，終於決定今日lunch Time行過去試吓！好似話呢排做緊優惠，所以午市套餐變得都好抵！我叫咗個牛肉涮涮鍋 （$88），而🐷先生就叫了個麻神招牌老饕煱（$88），原來係麻辣鍋加牛雜！牛腩，牛筋超焾！湯底亦都充滿藥材味，相當唔錯！我就叫了昆布鍋。而我都會建議如果係情侶，或夫婦二人的話可以咁做，因為到辣得滯，或者唔想用麻辣鍋的時候起碼有清湯。因為自己鍾意放肉類，丸類，和少量烏冬在麻辣鍋，然後蔬菜，餃子，和剩下的烏冬就放在昆布鍋 （因為這些比較以吸油或變得太辣）。兩個人食嘅話，相當休息！但係因為麻神以鴨血果凍出名，所以也決定一試。熱騰騰出來，真係好好味，質感真的像果凍一樣。之後扮放進麻辣鍋內，除了吸了湯底的辣味，還隱約有一些甜味！👍👍👍雖然牛肉不是特別出色，但以這個價錢來說，已經很不錯了。還要配合舒適的環境，極之適合一班人週末上來打個邊爐呀！…查看更多

呢排🐷先生都好忙，所以唯有自己一個人去搵食了！之前有家人過生所以都沒有要戒牛肉，而且一直都好想食韓燒，不過礙於朋友們時間都難配合，🐷先生又話熱氣，所以便不了了之了。昨日在Facebook見到有飲食雜誌報導這間位於Moko 新世紀商場內food court 內的小店推出一人韓燒便即刻去試了！這個是燒烤餐的餐牌，裏面還有主食套餐，炸雞套餐等等。值得一提的是六點前是午市，沒有加一。六點後是晚市便會收加一。我平常也是五點放工後便吃晚飯，所以這個午市套餐超啱我！ 😊我選了個4號 Taste 雜錦套餐 - 牛臉肉，雞肉，護心肉 + 紫菜包飯 （$98）咁嘅價值居然有咁多嘢食！ 😲😲 除了三款烤肉和紫菜包飯外，每個套餐跟三款前菜，沙律，同蔬菜拼盤，烤盤旁的泡菜雞蛋和雞蛋是任添。如果食量細啲嘅人都應該食唔哂呢個餐。🙈🙈 （使唔使咁多菜呀？！）牛臉肉的牛味不是特別突出，但是這個價錢來計算不錯了。雞肉和護心肉也不錯。包牛肉當然要加生蒜！但是拼盤的生菜較差，實在好難包到嘢囉! 😅😅紫菜包飯都好足料雖然係任加，但係因為個餐有咁多嘢食，所以連我都只食到1⃣️輪！🙈🙈好耐冇食韓燒所以好滿足，一個人居然淸哂！成波應該不遠了！😂😂 下次試其他餐先！ 😋…查看更多

前兩日去咗一間去我之前去過兩次嘅壽司店，今村係一間不花巧嘅壽司店，個人最欣賞係今村師傅的熟成處理，令魚肉更鮮嫩和更有層次。這次選了一個 $1600 的 sashimi & sushi omakase。 一開頭的魷魚和魷魚肝制醃得入味，魷魚嘅軟韌度剛剛好！左口魚就不過不失，個人喜歡邊位嗰舊多些。深海池魚嘅嫩度再加上微暖的壽司醋飯，是我這餐最喜歡的一道。😋😋 海螺由一位看得出是新手的師傅去切，簡直是薄得可憐，一點螺應有的咬口也沒有了。😤😤 之後的剝皮魚壽司，也是由今村師傅準備後再交給那個新手的師傅，再傳送到我們的碟子上。但是他中途弄返了，要夾返起我的剝皮魚肝再放上去。不美觀，也少了一部份。😤😤白子不是太肥美，份量亦不多。黃金魚子蒸蛋好好味，魚子脹卜卜！再來一件刺身，鰤魚加蘿蔔蓉，味道不錯，油潤得來有嚼頭！金目鯛，海膽，和小肌也不錯。自己十分喜愛鮟鱇魚肝，很喜歡那種細膩的質感，被稱為海底䳘肝無誤！但快樂嘅時間好短暫，之後的希靈魚子壽司就真係不懂得欣賞。🙄🙄 魚子壽司嘅份量好少，真係食得唔係咁過癮。中toro (chutoro) 和海鰻壽司也十分普通。這餐只可以講是不過不失。。價錢貴，份量少！可以講是不值的一餐。…查看更多

琴晚同🐷先生同埋一班好朋友去打邊爐，經朋友介紹，知道尖沙咀嘉芙中心地庫開咗間好貼地，好本土feel嘅一間火鍋！有燈箱喺出面，但係要望入去地牢位先望到個招牌，未去過嘅朋友仔可能要搵一搵，因為唔係喺嘉芺中心入面，而係喺隔離有一條短樓梯落去。個裝潢真係好正，好似以前屋村嘅大排檔一樣！蜆蚧米通鯪魚球($48)，加咗米通令個口感更豐富，值得一試！仲有錦鹵鮮蝦雲吞($48)，都好好味！個汁好似淡豬腳薑嘅味咁，非常開胃！其實呢個菜式係一個廣東鄉土菜，炸雲吞同埋有豬潤、魷魚嘅甜酸汁。中式婚禮裏面可能都會搵到呢個菜式，因為 ‘甜酸，甜酸’ ， ‘添孫，添孫’ 呢！叫咗個原盅燉花膠鮑魚淮山杞子烏雞湯($368), 超級足料！可能我太耐冇返屋企飲湯嘅關係，飲完真係暖哂胃，超滿足呀！👍👍👍 飲完湯再用剩低嘅湯打邊爐！之後再叫左個老成都麻辣鍋($88), 多啲人就可以一次過滿足晒兩個願望！ ✌️✌️ 雖然我唔係好食得辣但係又好鍾意食麻辣鍋，人生真係矛盾！ 🤦🏻‍♀️🤦🏻‍♀️🤣🤣加拿大象拔($780) ，朋友們喜歡切條，但係其實我個人比較貪心，鍾意先食切片，後食切條！ 😂😂😂隻奄仔蟹($188) 爆哂膏，又多肉！啲膏非常creamy，正到爆！👍👍👍打邊爐最鐘意叫到成枱都係！當中我最推介： 1）手切本地靚牛肉(大)($298)，睇相都睇到有幾好味，全部係靚位，嫩肉得來又重牛肉味！2）西洋菜餃($58), 食得出係新鮮嘅，秋冬梗係食西洋菜啦！ 3）鐵棍淮山($38)，一食就知同平時嘅淮山唔同！其實鐵棍淮山嘅營養價值，藥用價值同埋口感都比其他淮山有一定嘅差別！真係好好味，我哋都叫咗三碟！ 😂😂😂 4）野生竹笙($78)，打邊爐食色嘅一定食野生嘅竹笙，冇經漂白，咬口爽彈，最重要係佢可以吸盡湯嘅精華，清湯同麻辣湯底都一樣咁正！😋😋😋 仲有 5）香菇貢丸($68) ，好好味，仲要好彈牙！ 6）阿肥墨汁丸($68)/ 腸($48)， 有墨汁幾香，墨汁腸仲要甜甜地，好特別！7）手工炸魚皮($48)，全部朋友都讚，炸粉薄身，香脆得嚟帶係又會食至塊魚皮！正！👍👍👍其實真係好少可一間餐廳裏面我會有咁多野會推介，但係真係每一樣嘢都好好味！選料真係用心，價錢亦相宜！一定會再光顧！👍👍👍…查看更多

住西營盤嘅朋友介紹呢間英記麵家俾我，今日俾佢放咗飛機之後就自己去咗食。店內都好多一個人放lunch嘅人去食！其實價錢都唔平，食咗牛雜麵都差不多$40。雖然選擇唔多，但係每一樣都想嗌。我最後就叫咗個牛肚河，再叫咗碟油菜。啲牛肚係靚嘅更錢肚，厚身，質地爽！睇相就知係靚！湯底就普通啲。菜都OK，唔老唔多渣，份量亦都多。。最後呢餐午餐係＄57 ,喺西營盤嚟計算好平架啦。因為近返工，所以呢頭咁平靚正嘅選擇係會再幫襯嘅！…查看更多

到呢度嘅buffet用渣打卡有半價之後，🐷先生就即刻約埋佢啲朋友一齊來試一試。個buffet主打係海鮮同埋海膽。有龍蝦、長腳蟹、麵包蟹、海膽及多款海膽嘅菜式。龍蝦最多人攞，雖然唔係特別靚，但係起碼都可以捉到我想狂拆海鮮嘅意欲！海膽嘅份量當然係少，每次只可以攞一件。有遲到嘅朋友到後段嗰陣，個個食飽嗰陣先至去排就最醒目！😂😂呢個䳘肝薄餅都幾正！西班牙海鮮飯都好搶手！我同🐷先生就欣賞呢度嘅咖喱。有牛肉、魚、豆、雞，全部都幾好味！個牛肉我到最後都食唔落，真係好多嘢食下。每位朋友都食到好飽。不過呢個buffet的確有半價先至值得來，如果原價就唔抵了！…查看更多

今晚撇低🐷先生，同朋友門去食飯！由於每次食飯都會有人遲到嘅關係，所以已經叫定小食和sake預備等！😂😂 玉子麻麻哋，飽肚但係唔滑。螢光魷魚係我嘅個人喜愛的，但係呢度嘅都只係普通通。叫咗個7點盛刺身拼盤（$480），有三文魚、甜蝦、油金魚、帶子、海膽、池魚、同埋toro。全部都係厚切。橫掂都係想燒海鮮，所以一次過咗個三人份嘅焱丸活貝大盛（$368 + $184）。有帆立貝、生蠔、鮑魚、同蜆。你先唔係特別靚，所以我自己就覺得唔係太值呢個價。同埋可能人多嘅關係，完全冇乜Service可言。另外再嗌咗蟹味噌甲羅燒（$68），啲蟹膏好香，加埋魚子、蟹肉、蔥、同埋鵪鶉蛋。食浜燒唔食呢樣唔會叫完滿㗎！😂😂…查看更多

星期六都要返工，緊係約住附近嘅朋友食吓lunch喇！呢間小店喺雜誌、facebook、同instagram 見過好多次，終於有得試喇！間嘢喺正第三街街頭，公園對面。加上西環成日都超好太陽，個feel係正嘅！入到裏面唔係好多人，大約6個人度。我想食鹹點，但係當然又想試佢個pancake。 所以我叫左個mushroom omelette，朋友就叫左個 running honey pancakes。不過等咗差唔多半個鍾啲嘢食先到。。個omelette略嫌蘑茹少左啲，同埋芝士多左啲。蛋冇乜香味，中規中矩喇！呢度始終係pancake出名！Pancake 好有午油香，鬆軟度啱啱好，同埋過咗好耐都唔會淋pat pat。隻honey 冇溝稀，好香，好好味！加埋啲焦糖脆脆真係好正！隔離枱都叫咗個strawberry pancake。睇落好正，下次試吓先！…查看更多

今日行遠咗少少食晏，搵朋友前路經呢間咖啡店，見到餐牌上都係健康嘢食，啱唒減緊肥嘅我，所以即刻入去嘆吓！午餐有三款，價錢全部都唔貴，我就揀咗個輕怡午餐，紅菜頭香橙沙律午餐($68)。扁豆湯 (Lentil soup) 偏鹹，飲到一半已經要飲啖水。。😅不過個主菜，紅菜頭香橙沙律 (Beetroot orange salad) 就好正！用料新鮮，少少橄欖油已經夠哂味。隻橙唔係平時啲橙，好清甜，啲核好似西柚嗰啲咁。最正係啲合桃同埋個菲達芝士 （Feta cheese) , 陣羊奶鹹味令人食慾大增！好健康嘅一餐啊！呢一餐超滿足！呢一間悠閑咖啡店喺香港大學對面，各位學生又多一個選擇！😘地址如圖：…查看更多

喺得呢頭返工，成日都喺附近搵嘢食！自己一條友 又唔想食咁貴,所以就揀咗呢間所謂嘅fusion嘅車仔麵!第一次去所以叫咗佢招牌湯底之一 - 冬陰公湯底！其實餸菜嘅選擇唔多，我就揀咗心心魚蛋，墨魚餅，同埋流心蛋！份量都有咁上下！其實每個餸都有三件，只係因為我覺得心心唔應該有三個，所以將第三個推左落湯裏面！😂😂仲影完相第一時間食咗佢添！心心魚蛋嘅味麻麻，加工得嚟得個甜字，墨魚餅當然亦都係普通啦。個流心蛋可能都浸喺湯裏面一段時間所以都熟熟地。。個韓國拉麵其實就係辛辣麵走辣而已！😂😂幾細心，有辣椒乾同埋炒蒜。仲有紙圍裙同埋儲物籃。可惜啲待應同收銀態度極差。仲要見到佢有紙巾提供，但係問佢攞紙巾嗰陣又只係攞兩張過嚟。攪到件事變得又冇禮貌、又小家！嘢食嘛嘛，態度又差，應該唔會再嚟。。…查看更多