Golden Goal的个人专页

一直想去食漢法，但因為實在太多人排隊，便打消了這個念頭。偶然路經旺角，發覺開了新店，大門口貼滿了很多明星的合照。可能由於新開張的關係，不是太多人不用排隊可以直接入座。入面的裝修很有特色，走的是懷舊路線。我點了自己最喜歡吃的豬潤牛肉米粉，因為聽說是最出名的。牛肉的味道不錯也不會太韌。湯底偏淡，我期望會香濃一些。重點就是我最期待的豬潤，可惜可能是加工處理的關係，有了那種爽脆的口感，但是卻沒有了豬潤應有的味道，整體上來說只屬一般。下次我會試下其他食物希望會有驚喜。…查看更多

近來發現在社交平台有很多關於渣華茶冰廳的帖子，今日路過北角區決定去試下很多人討論的沙爹牛肉麵。午餐時間去到，由於人多關係坐得很迫。待應態度良好，沒有在網上傳說的呼呼喝喝。我叫一個特餐，蝴蝶酥其實是一個壓扁了的提子包。炒蛋不錯，算是中上水平。我要了沙爹牛肉通粉，沙爹湯底非常咸，以我一個吃得很咸的人來說都受不了，最差是那些牛肉，是我吃過其中一家最難吃的，非常硬和"鞋"。我真的奇怪為什麼網上會有那麼多人推薦他的沙爹牛肉。應該以後都不會再去吃了。…查看更多

今日去早上去宜安街小巴站坐車， 打算食埋早餐先上車。發現有一間懷舊茶餐廳，應該是七八十年代的裝修，幫襯的似乎都是熟客。現在但凡這種懷舊餐廳結業都要大排長龍，於是決定去食入個早餐先。 這裏有多款餐廳供選擇 我決定要了一個E餐加一杯熱華田。午餐肉奄列好吃不油膩，火腿通粉正常，熱華田也很濃郁。這店有午市和晚市，午市以碟頭飯和炒粉麵為主，晚市則有小菜套餐供，價錢比附近的茶餐廳和冰室都便宜，喜歡懷舊茶餐廳的朋友可以來試一下。…查看更多

疫情以來一直想去深水埗吃小炒，不過之前怕人多 不敢去。現在疫情差不多過了，於是約埋一班朋友去 深水埗萬發，福華街嘅一間店比較多位，所以去這一間。星期日晚好在訂了位不否則都幾難搵到枱。我哋八個人叫咗八個小菜。當中黑椒薯仔牛柳粒仍然係最好食，小炒王，雞蛋焗魚腸和大蝦粉絲煲保持水準，薑蔥魚鮫有驚喜，大家都覺得好食，雪裏紅芥蘭窩比較鹹，潮式炸豆腐就冇乜特別。我個人覺得乾炒牛河畀酒樓嘅做得好。我哋叫咗黑可樂係樽裝好細支，反而正常可樂係罐裝，一樣價錢就覺得好唔抵。唯一覺得美中不足係坐得太迫，亦因為樓底矮所以好嘈，就算我哋成班大男人大大聲都未必聽得到對方講嘢。埋單每人都係$160非常抵食。…查看更多

今天正好到佐敦辦完事，本來想找個地方飲下午茶 突然醒起有個地方法包非常好食，已經差不多五六年沒有去了，一於去買嚟食。小店地點在八文樓在佐敦地鐵站行過去大約要十分鐘。去到見到老闆老咗好多，真是歲月催人。 我叫咗一個小法包。由於前面有另一位客人叫了四個包，所以等了十多分鐘，不過等待是值得的，因為包是現做的，皮脆包熱，餡料份量和味道都剛剛好，四十元實在是物超所值。以前胃口比較好會要大法包一開三。美中不足是因為沒有堂食，要上街上找個地方脫下口罩吃東西不是很方便。 下一次去佐敦一定再幫襯，希望到時不用再戴口罩了。…查看更多

今日搭小巴去觀塘，在宜安街落車，跟住響附近搵嘢食，見到聯安街有間茶餐廳，一於入去食個下午茶餐 。呢間茶餐廳古色古香，全部木櫈裝修。睇下餐牌都有好多選擇。我叫咗個下午茶炒粉麵餐嘅豉椒牛河，跟杯熱菜蜜。熱菜蜜先上，係我飲過最淡嘅熱菜蜜，可以話係熱菜蜜少少甜。跟住上豉椒牛河，由於係下午茶餐嘅關係，份量大概係正常嘅八成。味道方面正常，但係就非常多油，我食食下要打斜隻碟，隔咗啲油繼續食，我見其他枱都係食碟頭飯，不建議在這家茶餐廳吃炒粉麵。 餐廳服務正常，價錢亦合理，46蚊埋單。…查看更多

今天中午和同事在定安街附近找地方吃午餐，我們決定去找一間大家都沒有去過的，結果發現了這一家龍騰閣。可能由於現在是疫情期間又有二人限聚令 ，所以一入去就有位置。餐牌每天都有7不同的菜式，輪流替換 。我點了一個茄子豬扒飯而我朋友就點了京都骨飯。茄子豬扒有蔥油汁，味道不錯。我朋友說 京都骨味道也可以。食物的份量很大男士絕對吃得飽 價錢連熱飲才是40元，在這一區算是比較便宜了。而這裏新裝修所以也坐得舒適，下次一定會再嚟幫襯。…查看更多

星期日晚經過旺角突然間想起呢間餐廳，一於去醫下肚先。可能由於疫情關係，得三枱客，坐得好舒服。座位已梳化為主，枱唔會放得好迫所以適合同朋友嚟傾偈，有三張大枱可以望到街景。啲職員好有禮貌，響門口幫客人用消毒劑消毒衣服。我叫咗個和風牛肉湯烏冬，味道唔錯，溫泉蛋處理得好好，湯底唔會太鹹啱曬我，分量好大，勁多牛肉，一個男仔絕對食得飽。雖然有其他食物但係因為我只得一個人所以未有機會試，下次會再嚟試，特別係鹽酥雞同埋各式各樣嘅多士。…查看更多

今日又去太子打波，打完波又要搵地方醫肚，第一時間就諗到去巨人冰室，一來嗰度冷氣夠地方乾淨，以來嗰度啲食物唔貴味道又好，又界限街運動場行去都只係5分鐘。老闆娘安排我坐係一個單人卡位，等我可以有地方放我的球拍。我叫咗最鍾意食嘅蔥油豬扒蛋飯，加一杯凍檸茶。以前淨係食白切雞先有蔥油，依家食豬扒飯都有蔥油啦。豬扒鬆軟，蔥油夠香，煎蛋係半生熟蛋，用嚟撈飯真係一流，連凍飲都係$59蚊咋！太子區來講算係非常實惠，我下次打完波一定會再去幫襯。…查看更多

今日去鰂魚涌熟食中心午飯，這裏有好幾家店 ，今天選擇去東記。老闆娘安排一個靠近牆邊座位， 有一些雜物在旁邊。我坐下點了一碟乾炒叉燒河及可樂一罐。然後發覺在靠邊的雜物內有大量小曱甴爬來爬去，數量不少於20隻，我立即跑到去另外一張枱坐下來。我明白這種熟食中心有曱甴是難以避免的，但是數量之多我實在難以接受，何況那些雜物是放在桌上的，所以是有機會爬到我的食物裏面，我希望東記可以處理一下這個問題。食物方面叉燒乾炒牛河夠鑊氣，份量足，加上可樂加冰底也不用加錢，經濟實惠，如果衛生方面可以改善的話我還是會再去吃的。…查看更多

一直都有幫襯開萬發食小菜，呢間鋪頭已經開咗一段時間，今日終於有機會試吓。呢間鋪頭唔太近地鐵站，由深水埗站行去要大概8分鐘，唔熟深水埗嘅朋友我建議行長沙灣道再轉入黃竹街會比較容易搵。店內環境比一般深水埗小菜館舒適，亦冇咁嘈。我哋四個人叫咗四個餸。入咗單唔夠2分鐘就出咗碟豉椒炒花甲，味道同份量都可以接受，但唔算太突出。跟住嚟半隻霸王蔥油雞，雞肉嫩滑，砂薑醬一流。這味餸比較滿意。跟住上啫啫生菜，石鍋非常夠熱，上枱仲滾左5分鐘。但隔一陣發覺好多油，所以奉勸大家要盡快夾在碟上唔好留在砂鍋度。最後到係砂鍋焗魚頭魚頭入味，夠香。但係鍋裏面有好多豆腐同火腩，魚頭嘅份量較少，美中不足。有機會你再試吓佢其他招牌菜。買單四百幾蚊算係經濟實惠。…查看更多

今日中午要在九龍灣搵食，在德福二期走了一圈，經過小王牛肉麵，決心試一下他的牛肉麵 。可能時間較早客人不是很多，不需等位。 這裏有午市套餐，半筋半肉麵加一杯冷飲才是65元，在德福來說這個價錢算是中等。 我個人較喜歡台灣麵食，而半筋半肉麵可以看出一間台灣麵店的水準。這裏的半筋半肉麵 牛肉較入味，而且燉的時間足夠，反而別牛筋不夠淋。未能做到完全起膠的口感。湯頭偏鹹 但可以接受，麵質只是一般。而我最喜歡的鹹菜則非常惹味。這裏的服務只是一般，有什麼需要有很難找到服務員的注意。…查看更多

今日要到深水埗工作，特意去大埔道春潤堂 吃油渣麵。由太子站地鐵站走過去大約七分鐘。 這家店舖不大，只有七個座位，很多人都是外賣，我卻喜歡坐下來吃。點餐不用點餐紙，阿姐可以完全記得。我喜歡吃豬腸和豬紅，所以叫了一個豬油渣豬腸麵加豬紅。豬紅的味道只是一般，但豬油渣和豬腸都是水準之作，豬油渣和麵一起泡的，所以麵也非常香滑，。豬油渣很有鮮味，而沒有我最怕的油益味。豬腸寫得很乾淨，味道也調教得很好，亦把肥膏去乾淨，值得一讚 。日後再去深水埗一定要再吃。…查看更多

呢間舖頭非常隱蔽，唔太容易搵，但係為咗搵嘢食就捐窿捐罅都要。之前食過呢度嘅喇沙，絕對係水準之作，海南雞飯亦都唔錯，但相比之下喇沙比較有特色。一直想食呢度既肉骨茶，但係中午實在太多人，知道佢星期四晚開夜市，今晚一於放工去試下。 佢個肉骨茶係馬來亞式，個湯有重當歸味，非常有特色，豬肉又淋又入味， 仲有少少軟骨咬落非常有口感， 點黑醬油嚟食就絕配。 呢間舖頭唯一嘅問題就係位置唔多， 堂食比較迫夾， 如果中午嘅話都係外賣返公司食舒服啲。…查看更多