vinvinlai的个人专页

幾個大學同學約聚會, 大家都係住係油尖旺一帶, 咁理所當然都係選擇係返呢度附近。其中一個舊同學推介左呢間餐廳, 不過不設BOOK 位, 咁無計啦, 住得最近既我就唯有提前半個鐘頭去等位。等待時間約45分鐘, 都有少少等到閔閔地, 不過算, 抱住咁多人等位野食都唔會太差既心態。坐低就點左招牌既豬手, SUISHI 同埋主食通粉。雖然等入座時間好長, 但上餐既速度都好快, 20分鐘就上齊野食。個豬手確實係非常好味, SUISHI 同埋通粉都不錯, 抵佢咁多人排隊去食既。服務都非常好, 環境也不錯, 由於離我家非常近, 所以有機會都會帶老婆阿仔過黎食下。…查看更多

又到午餐時間, 天氣太熱又唔想出去食, 外賣確實係不錯既選擇。問左同事有咩推介, 建議左呢間餐廳。望望MENU 都有好多選擇, 諗起好耐都無食過青咖哩, 於是就點左個青咖哩雞飯。送餐時間都唔算太耐, 約30分鐘就送到了, 青咖哩唔太辣(唔食辣既朋友都不用擔心), 不過好有一浸棷香味。 雞同飯既份量都好足, 跟飯仲有個免費熱飲可跟, 全餐只係65蚊, 個人覺得非常抵食, 建議推介。…查看更多

老婆正日生日, 丟低阿仔兩個人一齊去食好西慶祝, 諗黎諗去都唔知食咩好, 經表妹介紹, 話呢間酒店內既餐廳又好食, 價格都算可以, 所以就鎖定BAYFARE 了。不過BOOK TABLE 前有段小插曲。我自己係6月中打電話去BOOK 時就話無位, 本來諗住就放棄搵第二間架啦。表妹聽到我話FULL 左, 佢就自己打電話去, 點知佢就BOOK 到, 不過要坐高台。馬上黑人問號, 但佢既BOOK TABLE 手法就唔同大家SHARE 啦。講返野食先, 質素非常高, 我自己最欣賞係佢個牛扒, 落ORDER 時好後悔叫左MEDIUM, 因為我同老婆其實都LIKE 生生地既, 不過雖然帶少少硬, 但非常有肉味, 且極好食, 建議食到生既食客下次都係叫返MEDIUM RARE, 會非常好食。其他值得握介既仲有BABY SQUID, SQUID 非常鮮味, 而甜品既CHURROS 都極美味, 鐘意食甜品既千萬不要放棄。埋單計都係約1000蚊, 係五星級酒店食到咁飽都係呢個價絕對抵食。奇怪係餐廳明明仲有大把位, 都唔知點解最初我BOOK 既時間就話FULL 哂。…查看更多

今日有同事FAREWELL, 咁多年合作無間點都要請佢食餐好既, 問佢想食咩, 居然話想食PIZZA HUT, 於是馬上上PIZZA HUT 網叫送餐。上網登記做會員仲可以馬上減100蚊, 超抵食呀。於是11點16落ORDER, 約12點LUNCH HOUR 就剛剛可送達, GOOD FIT!!好耐無食過肉絲意粉, 味道好懷念, 仲係童年食既味道, 不錯。不過PIZZA 就遠低於預期, 可能又係我本身唔太好食PIZZA, 感覺非常淡味, 同埋太硬。 其他野食都尚算合格, 500幾蚊5個人食, 每人都係100蚊黎講都算好抵食架啦…查看更多

下午準備帶阿仔去玩具反斗城放電,  路經羅麥記又見到冇咩人排隊, 於是就一家三口入去食過午餐先。 叫左個雞絲米俾阿仔食, 老婆就點左個肥牛炒烏冬, 我自己就點左個魚旦粉。上餐速度還算可以, 15分鐘就上齊餐。不過非常奇怪係我問WAITER 要醋, 居然回答我沒有醋。作為提供湯粉面既餐廳係完全不能接受。ANYWAY 魚旦粉還算可以, 起馬叫唔難食, 但同傳統粉面餐廳仍有好大既距離。偷食左老婆幾啾炒烏冬, 略嫌太多酒, 當然亦理解炒烏冬係肯定多油既。 3個人食左182蚊, 平均每人62蚊, 作為係奧海城既餐廳又坐得舒服黎講, 都尚算係唔錯既選擇。…查看更多

下午時間餓餓地, 點左個一人餐落樓下自取, 用OPENRICE 既訂餐服務, 非常方便。 一個餐包一個瀨粉, 一份炒蛋再送一罐可樂都只係41蚊, 非常抵食。作為西關既常客, 真心覺得佢既食物水平非常不錯, 唯獨等餐時間有點長, 所以提提大家一定要預早15-20分鐘落左ORDER 先慢慢行過去取餐。 值得一提係佢既黑松露炒蛋非常好食, 個人覺我比澳牛既炒蛋仲要好食, 建議大家試試佢。…查看更多

諗起好耐無食過台灣牛肉面, 見到附近就有呢間段純貞牛肉面, 之前聽D FRIEND 極力推介, 咁當然去試一試佢。可能去既時間尚早, 12點多少少就入座, 見到個價錢都算少少貴, 一碗面+一杯野飲就要102蚊, 但如果好味既又無咩所謂。於是點左最愛吃既牛筋面+跟餐既胚芽珍珠奶茶。上餐速度非常快, 可能因為人唔多(目測只有1/3入座率),  跟面黎既仲有碟咸菜。不過咸菜真係太咸, 食左一啖就無再食。見到熱辣辣香噴噴既牛筋面, 唔知食邊樣先好, 決定先飲啖湯!!!嘩, 好好味, D 湯好濃味但又唔覺得咸, 好有係台灣食牛肉面既感覺, 再咬一啖牛筋, 好林好入味, 香港好難食得咁入味既牛筋, 真心覺得唔錯, 而且牛筋份量都好足。面方面, 我點左幼面, 質地好好, 配合埋個湯底好好味, 呢個幼面真係無得輸。整體成碗面真係好正, 真係要挑剔既只係面太少, 如果面既份量不加多少少就PERFECT…查看更多

慶祝父親節, 除左叫左D老豆最LIKE 既刺身外, 當然要再叫D熱食, 諗起都好耐冇食過小龍包同雲吞雞, 當然又再FOOD熊貓叫送餐啦。整體水平確實係唔錯, 作為大眾化既上海菜黎講, 味道就不用挑剔架啦, 而小龍包, 糖焟魚都係必點, 當然都要點我最LIKE既賽磅蟹啦。而雲吞雞都唔錯, 個湯好鮮味, 初初仲以為外賣會細份D同擔心D湯會凍哂, 但食落又OK 同夠大份, 6個人每人一碗都無問題唯一美中不足係之前外賣係有85折的, 但而家只係得返9折, 6個人食合共900蚊, 人均150蚊, 都算合理既價位。…查看更多

慶祝父親節, 當然要食好D同食豪D, 而老豆又鐘意食刺身, 所以點左呢個外賣自取。價錢合理, 3份油甘魚刺物都只係130蚊左右, 再加一磅三文魚刺身同阿仔鐘意既炸蝦SUSHI 同芥辣八爪魚, 宧係4舊水左右。油甘魚非常鮮甜, 值得推介, 三文魚就正正常常。師傅非常有禮貌, 雖然只係外賣自取, 未有係裡面用餐, 但環境還可以, 當然小店只可坐4-5人ONLY, 不過都好值得推介。…查看更多

睇完NBA決賽, 見到CURRY 順利幫勇士拎到冠軍, 咁當然要去食下CURRY 慶祝下。路過荃灣荃新天地, 見到呢間又有咖哩又有拉面既餐廳, 點都要試下既。有個69蚊既LUNCH SET, 一款拉面+一款小食, 諗住都幾抵下, 就叫左個咖哩飯+豬軟骨拉面, 再加5蚊叫杯奶茶。首先上既係咖哩飯(好合理, 就咁裝D飯再林D咖哩汁) 味道還算不錯, 咖哩唔算辣, 不過都有咖哩味, 我會比中上既分數。食完個飯, 拉面就上啦, 先飲啖湯試下先, 嘩嘩嘩!!不得了, 勁咸, 且味精極重, 理解可能湯底唔夠入味, 但落太多味精都真係唔太好。而豬軟骨亦非常一般, 嚴格黎講可以用難食黎形容, 面既質地都好硬, 可能係我唔太鐘意食太硬既面所致。總體而言很一般, 相信我都唔會再幫襯(就算再食都可能只食咖哩算了)。不過環境都可以, 坐得都舒服, 而服務亦都唔錯。但因為食品水平, 所以我都唔推介了。…查看更多

老豆下午專登搵我食LUNCH, 見佢咁有誠意坐車過黎荃灣, 當然要迎合佢食廢老最鐘意既飲茶+點心。果然聽到話去飲茶, 馬上變了HAPPY SON, 仲主動拎點心紙點佢最鐘意既野食(點完仲唔問我有冇野加就直接俾左侍應) 不過都冇咩所謂, 最緊要老人家開心。整體點心水準不過不失, 全程叫左5個點心加一碟河粉, 較為失望就係呢個河粉, 班腩有少少梅, 感覺唔太新鮮, 如果改善到既就無咩可挑剔了。用餐環境還可以, 冷氣就唔太足夠, 食到有少少出汗。 同埋枱都擺得有D迫, 基本上可聽到隔離枱既人講野。服務還可以, 雖然都冇咩野要侍應服務。(而家酒樓好多轉用QR CODE 落單, 所以基本上侍應數量都大減。)--好在呢間酒樓係QR CODE 同寫紙仔都可以。…查看更多

今早遲左起身, 無食早餐下返到公司, 到9點幾時實在太肚餓, 於是再一次FOOD熊貓叫左海皇既粥粥套餐。都算非常抵食, 35蚊有個皮蛋瘦肉粥, 仲有一份腸份, 皮蛋瘦肉弼都好多料, 超多我最喜歡既皮蛋, 而且味精唔算太重, 唔似其他粥店咁超重味精。腸粉尚算OK, 以呢個價錢黎講都無咩野好挑剔。可能太耐無食海皇粥店, 感覺比以前好食左(可能又係我今早太肚餓了)…查看更多

都係我既錯， 星期日帶左阿仔去九龍灣學單車， 學完後黎左megabox 搵野食， 阿仔已經餓到發哂脾氣， 老婆又話想食茶木， 就拿拿臨衝左入去。點餐時已發現有d 唔對路， 不過都照點左面， 餃子同炸豬扒。坐坐下先發現呢個餐廳同茶木係拍埋一齊， 但其實係兩間餐廳黎， 不過野食都合理， 最奇怪係一間餃子店黎講， 最好味既居然係炸豬扒。服務和環境還算可以， 不過價錢都幾貴， 人均消費都差不多80蚊…查看更多

這間連鎖過去一直是我最愛既日式鎖店-沒有之一, 以前成日去尖沙咀APPLESHOP 隔離食, 炸蝦炸蠔炸豬扒豬柳都係我既必食, 今日黎到YOHO, 見到又有TONGKICHI, 心諗一個人唔知食咩好, 不如又食下炸野。坐低就點左SET LUNCH 既炸豬扒配烏冬, 見過SET 貴左好多, 疫情前唔駛一舊水, 而家要130+, 心諗都冇咩所謂, 最緊要好食, 等左約10分鐘左右就到餐, 豬扒炸到有D硬同太干身, 一D都唔JUICY, 同埋感覺無以前咁新鮮咁有肉味(咁又未至於非常差既), 可能係我以前係尖沙咀分店食得太好, 總係覺得YOHO店不如尖沙咀店。且烏冬份量唔多, 我唔算非常大食但都唔係好飽, 我以為SET LUNCH 烏冬都可以飯咁REFILL, 點知WAITER 話烏冬無得REFILL, 有少少失望, 最後只好狂食菜, REFILL 左5次菜食飽算。(利申: 我好鐘意食呢個日本椰菜, 老婆話去DONKI AEON 呢D 度買都幾費, 所以無限REFILL 一定要狂食)。 雖然唔可以話好差, 但按呢個價錢, 個人期望值就會高D 架啦, 可以真係先入為主, 總係覺得尖沙咀店好食好多, 以後都係去返尖沙咀食算了。…查看更多

下午茶時間， 諗緊屋企煮出前一丁好定落街食野好。 不過見過街落緊雨， 又唔想食邪惡公仔面， 於是通過openrice 平台叫左呢間餐廳既外賣自取。提提大家， 如果想食呢間餐廳， 記得記得記得提前15-25分鐘落定order, 不然就要有企係門口等20分鐘既準備。一個顛倒我對瀨粉概念既瀨粉， 不過算唔錯好味， 建議大家試辣既[即係加菜圃], 不然味道會好啖。跟餐可叫一個小食， 因為我叫左兩個餐， 所以跟餐叫左炸燒賣同芝士薯條。 兩款小食都唔錯， 不過炸燒賣略嫌太多炸粉。但考慮到2個餐都唔駛90蚊， 連埋老婆阿仔3個人食都唔駛30蚊， 真心算非常抵食了…查看更多