myotime0.0的个人专页

好耐無得外遊，難得有間日本風餐廳🎎🎎，一定要感受下🇯🇵🇯🇵🍽<鹽燒雞皮一本/ $22>燒得好乾身，好脆好香口🉐🍽<三文魚3件/ $28>厚肉鮮味，啖啖魚油，好好味😋😋🍽<燒冰火菠蘿/ $25>好有特色嘅燒菠蘿，面頭有層焦糖，幾特別🍍🍍🍽<赤蝦/ $50>超多膏，超大隻，超鮮甜，如果鍾意食蝦頭嘅就一定唔可以錯過入面啲膏🦐🦐🍽<油甘魚3件/ $35>厚肉多脂肪🐟🐟🍽<燒長蔥一本/ $16>燒得啱啱好，外面香脆，內裏仲保持有大蔥香味同爽脆🔥🔥🍽<石燒美國安格斯扒 250g/ $168>食加玩嘅體驗，一路睇住佢燒，一路聞住牛油香氣，好好得意🤩🤩…查看更多

一早聽過呢度，今次真係慕名而來，無揸車來，要花D心思研究下條路點行上來，揸車嘅話第一次來都係要有少少冒險探路嘅精神先搵到路到餐廳正門，未開始食就開始玩左先嘅餐廳，因為要搵路行少少級先到到正門室內裝修係好外國風情，好摩登嘅設計，張櫈都好舒服，環境係好唔錯嘅一個地方，拍拖來係好浪漫嘅餐廳，而菜式都比較特別，嗌左出面好少見到嘅來試下🍽<麵包 Bread>拌湯唔錯，淨搽Cream食都好好味🍽<法國泥蟹湯 French mud crab soup>[法國泥蟹肉·白蘭地忌廉·法蔥 French mud crab meat, Brandy cream, Chive]好特別嘅海鮮湯，同平時龍蝦湯嘅感覺有少少似，但唔係龍蝦湯嘅濃郁感，而係有泥蟹獨特嘅蟹鮮味，幾特別嘅一碗湯🍽<紅菜頭腌製三文魚配青瓜乳酪·無花果黑醋汁 Beetroot gravlax salmon w/ Tzatziki cucumber. Fig balsamic sauce>[塔斯曼你亞三文魚·紅菜頭·青瓜乳酪·無花果黑醋汁 Tasmania Salmon, Beetroot, Cucumber Yogurt, Fig balsamic]好健康嘅Starter，每片三文魚都有被染上紅菜頭嘅獨特紅同味道，色味都上左，配上無花果黑醋汁同青瓜薄片，清新嘅配搭🍽<蘋果木煙燻西班牙乳豬 Apple wood smoker Spain sucking pig>[西班牙乳豬·法式薯仔蓉·燴紅椰菜·印尼燒烤汁 Spain sucking pig, potato purée, Sauerkraut]玩味十足嘅主菜，帶著個煙燻塔上台，鼻哥先食，再擺上薯蓉紅椰菜上面時，完全感覺到豬仔皮嘅脆，當將薯蓉椰菜夾埋有蘋果甜嘅燒烤汁，會發覺出奇地夾，而聯想到廣東燒乳豬配白飯梅菜嘅歐洲版，好有趣🍽<香煎鵝肝配自家製鴨批 Pan fried foie gras w/ home-made duck terrine. Figs salsa>[法國鵝肝·鴨批·無花果莎莎·無花果汁 French foie gras, Duck terrine, Figs salsa, Fig balsamic]一個Starter變成飯後小食，鵝肝嘅香同滑會令你流連忘返，加上有粉嫩同厚實嘅鴨批方塊，係鵝鴨一齊唱雙簧嘅美味🍽<阿拉斯加焗雪山 Baked Alaska>熱硬凍軟於一身嘅甜品，好睇好玩又好食，正阿…查看更多

好簡約風嘅設計格局，有室外，室內，有一個VIP Room，有一大幅女神式打卡牆，一入到來寬趟舒服，配埋好Soft嘅BGM，起繁華嘅尖沙嘴屬忙裏偷閒嘅樂土Menu選擇有好多，而且係美式多肉type，法式精緻type，意式芝士type，總之係林林總總好多你揀，今次就Order左🍽<明太子蛋黃醬薯條French Fries with Cod Roe Mayo🍟> 一上檯就feel到熱辣辣新鮮炸起嘅薯條，個溫度係要攤一攤先可以擺入口，唔係一定會焫親，沾埋明太子蛋黃醬，好好味😋🍽<藍芝士汁燒烤醬焗雞翼 Barbecue Chicken Wings with Blue Cheese Dressing> 好特別嘅配搭，原先係想Order水牛城雞翼，但間呢個藍芝士汁好似好特別，所以嗌左呢款，熱騰騰嘅炸雞翼搭埋好Fresh嘅芝士醬，好清新新穎嘅配搭🍽<黑松露野菌 Black Truffle and Mushrooms 🍄>長方型嘅Pizza，一塊一細格，一上檯香氣十足，仲有好足料嘅菇，好healthy 💪🏻🍽<芝士菠菜龍蝦蟹肉意粉卷 Spaghetti with Lobster and Crab Meat in Tomato Cream Sause>好少見嘅意粉卷，包住好彈牙滋味嘅龍蝦蟹肉，啖啖海鮮感覺好正🍽<油封鴨 Duck Confit🦆>一個Dinner Set嘅油封鴨，有湯有甜品同飲品跟餐，個鴨配上橙皮同檸檬調和嘅醬汁，平衡得唔錯👍🏻，而且個藍莓芝士蛋糕好突出，好好味🍹<柚香紅顏 Lady Yuzu>有Yuzu，Orange，Tea嘅特飲，柚子同橙嘅味道配搭唔錯，令人感覺夏天嘅來臨…查看更多

原來中東印度菜可以咁好味😋‼️Highly recommended 🆙🆙🆙一入到餐廳已經俾佢嘅環境震懾左一下😍好高級好靚！服務又好👏🏻👏🏻勁賓至如歸☺️當每個菜式上枱時，ᴡᴀɪᴛᴇʀs會介紹一下菜式同醬料...偏甜❓偏辣❓點食法❓好清晰👍🏻餐前每枱一碟popper, 附上2個醬汁, 份量適中！紅色酸甜辣；綠色好辣🤣🤣🤣Mushroom soup🍄Creamy mushroom soup磨菇湯好味係必然架😋而且佢落左少少洋蔥🧅唔會漏👍🏻👍🏻加上佢連個湯碗都熱辣辣好加分呀🤩Fig Salad 🥗Mixed Salad served with fresh figs and cheese沙律配上無花果簡直係錦上添花😝而且黑醋汁酸酸甜甜好開胃😃Shish ToukChicken marinated with Arabic spices served with bell peppers 🫑 ᴅ雞肉串燒外脆內滑，配上燒到超甜嘅三色椒，成個口感好match👍🏻好正！Mixed GrilledBeef kebab, lamb kafta and grilled chicken breast served with side salad and chips 🐂牛肉多筋好煙韌🐑羊肉嘅羶味香噴噴恰到好處🐓雞肉大件又嫩滑配合3隻sauce 嘗試左多種不同嘅味道☺️大滿足🈵Sweet LassiStrawberry Lassi味蕾享受一翻後飲番杯lassi...真係好爽😄雖然睇落好多醬汁，但一d都唔重口味！而且menu有額外健康餐單so healthy👍🏻👍🏻…查看更多

超級推介‼️‼️‼️⁣食完呢間即叫即蒸點心，我唔想再去茶樓飲茶喇🙈🙈平時茶樓嘅點心實在太粗製濫造🤨⁣好耐無食過原汁原味嘅點心🤗真係食過番尋味❤️⁣⁣其中幾款好值得食❗️⁣⁣1️⃣豬仔流沙奶皇包/$24⁣流沙包要小心食！因為佢個流心好熱好流心，小心佢會爆開！⁣唔再係呃人嘅實心奶黃包真係好開心🥳⁣⁣2️⃣帶子菜苗餃/$28⁣亦都好特別！因為皮薄又有鮮味👍🏻超級推介！⁣⁣3️⃣水晶蝦餃皇/$28⁣我終於食番ᴅ薄皮嘅蝦餃，真係好好味😋⁣唔再係出面茶樓又厚又硬又凍哂嘅皮，入面幾多蝦都無用🥲⁣⁣4️⃣手工燒賣/$25⁣手工燒賣超有特色，可能係手工嘅，所以覺得好原汁原味👏🏻⁣⁣5️⃣山竹牛肉球/$18⁣都有驚喜🤩無平時出面咁爛嘅碎肉！感覺好ʀᴀᴡ！⁣⁣6️⃣帶子腸粉皇/$32⁣要推介！佢個皮好薄好滑！加埋帶子個鮮味，少見而且有特色👍🏻…查看更多

試業中嘅餐廳，所有嘅裝修都好新好靚，仲有一個藝術品嘅時鐘做擺設好特別，樓面好特別，有室內有室外中間係一道玻璃門分隔，一間餐廳有兩種風格，適合唔同嘅時段喺lunch較早嘅時間冇乜人就已經坐咗入去，但就算落雨都係lunch time人頭湧湧不斷有人入嚟直到坐滿就睇到啲嘢幾好食🍽<椰菜忌廉湯>好清新好健康🍽<慢煮美國牛肋骨配薯蓉及青醬/$158><Slow braised dry aged beef rib finger with seasonal vegetable and mashed>好中式嘅西餐，用慢煮嘅方式配上西式嘅食材，竟然煮到中式嘅味道，個人認為同紅燒嘅味道相近，配埋薯蓉同埋時令菜配搭唔錯🍽<碳燒阿根廷安格斯肉眼配時令蔬菜 粗薯條/$198><Grilled angus ribeye with seasonal vegetables and fries>廚師掌握火候非常好，今次嗌左三成熟，成個肉眼好林，上枱嘅時候仲係粉紅色一啲都冇過熟，碳嘅味道同鹽嘅味道相融合，唔使點醬已經好好味質感肉質好正，再配埋一齊碳燒嘅茄子同粗薯條，好美味，下次可以再嗌🍹<Black Currant Organic Sparkling Juice/$48>唔係咁多地方飲到嘅sparkling juice，唔錯🍹<Piccolo Latte/$32>奶同啡嘅味道好融合好好味…查看更多

今晚想食泰國野，九龍城梗係不二之選！🍽<泰式酸辣椰汁雞湯 (小)/$68>平時通常都叫冬陰功湯🥘但今日見到酸辣配椰汁🥥即管試吓佢。雖然係細碗但其實份量都好多，兩個人平均每人飲到兩個飯碗咁多，椰奶香濃郁，雞件大又滑！🍽<泰式老虎笑/$98>原來老虎笑係一個牛扒，佢嘅辣唔係西式黑椒嘅辣，而係泰式酸辣，所以就好似食緊泰式辣配西式牛扒好特別！👍🏻🍽<泰式椒鹽軟殼蟹/$138>呢個軟殼蟹🦀絕對值得食！因為佢真係好大件同好多件，完全估唔到佢係有一隻蟹定兩隻蟹，而且每一件都啖啖肉！加上佢嘅配菜好足料，有好多洋蔥🧅同炸蒜，一啲都唔馬虎！所以都真係幾抵食！💯🍽<泰式牛筋腩炆通菜/$70>喺Menu竟然見到牛筋腩配通菜，覺得好少見就試咗佢！一出到嚟同平時嘅通菜真係好唔同，並不似通菜炒牛肉咁樣碟上，佢係湯浸通菜配牛筋腩，而且一啲都唔油膩，湯汁仲可以飲！好有特色！🍽<芒果糯米飯/$50>完全勾起左我去泰國🇹🇭嘅回憶，好似去咗次旅行咁！但係都好似去旅遊咁滿足！🈵🍹<即製芒果沙冰/$28>超大杯又抵飲！不過佢有少少似芒果乳酪🥭嘅味道，即刻覺得好健康！💪🏻🍹<珍多冰/$22>泰國餐廳唔少得嘅珍多冰！…查看更多

來食懷舊嘅味道，呢間餐廳起八文樓都算屹立左好耐，司機嘅大本營，平時都見唔少的士泊起附近，星期日朝早總會見到一群電單車手同一排飛鈴，幾特別嘅景象成日都覺得司機有幾個輪，會識搵野食，食好嘢，跟佢地食就無錯今次LUNCH就嗌左🍽<滑蛋叉燒飯>一碟好傳統港式小炒風味，雖然無新式冰室茶記嘅香濃奶香，但擁有越來越少嘅家嘅風味，調味得當，叉燒夠份量，飽肚一流，跟餐仲有薏米冬瓜懷舊中式靚湯，正啊，加多杯習慣嘅凍鴦提提神…查看更多

起附近剪完頭髮，準備去搭巴士翻屋企途中，行過登打士街，心思思口痕想食野，沿路行都無野吸引到 好Sad…去到花園街路口就感覺突然少人左（平時行過好擠迫），一望原來係排隊神店，重要係撞正無人排隊，係無人排隊，係可以即刻買到唔洗等啊，滿心歡喜無人排隊梗係慢慢揀🍽<大皇牌套餐（大生腸/大墨魚/豬頭肉）>好抵嘅組合，最衰係腎已經賣曬，老闆娘好好人咁轉左豬頭肉，正啊，色香味之中，係香唔係好聞到，帶緊口罩啊嘛，三大串賣相都好靚，整齊排列，好吸引豬頭肉雖然係陪襯，都好正，好爽口彈牙墨魚唔洗講，大大舊，煙煙韌韌，好味生腸係排列得最整齊，賣相最靚，口感最正，爽脆彈牙，無得頂最正係個混醬，甜醬一食就好鮮味，明顯好重海鮮，芥末好嗆，比佢嗆左幾野，但好夾，加埋秘制豉油提鮮，成個組合無與倫比🍽<滷豬耳>爽脆嘅豬耳跟著皇牌大哥都無得輸，掂埋個混醬，又爽口又美味期待下一次可以奢望唔洗排隊仲可以搵埋火雞腎弟弟…查看更多

近排來得啟德多，就來將呢度變成飯堂咁滯，主要原因係呢一帶真係無乜嘢食，加上呢間餐廳質素都幾好，咁就繼續來，試埋其他出品早餐尾段，午餐未開始，等位情況都係一般，今次就無等到位直接入坐，來過就大概知有咩出品，好快就嗌左焗飯🍽<墨西哥瘋狂辣肉醬焗豬排 $51>姐姐落單嘅時候好窩心咁告知焗飯要等20分鐘，姐姐又俾早餐時段偷步落單，所以等左一陣就有得品嚐來到熱辣辣，份量係多嘅，最驚喜係佢個豬排係超級超級超級滑，第一啖食落去以為係食緊雞排，食到有豬肋骨先確認係豬排，唔錯唔錯，撈埋辣辣地嘅肉醬幾特別，好味，呢個焗飯下次可以再嗌🥤<凍奶茶少冰甜 $3>反而今次個奶茶就差少少，睇色水都覺得茶唔夠濃，加埋少甜就更加水水嘅感覺…查看更多

上環宜家除左Soho Area一帶，都無乜嘢食，尤其係out of office hours就更加嚴重，難得仲有間像樣嘅稀有小炒，梗係要好好珍惜，食多D🍽<沙爹牛肉飯>沙爹牛何謂港式重要標誌性菜品，又早餐開始可以食到落晚餐，襯出前一丁到白米飯都得，每一間都有各自各嘅風味特色，牛肉炒得嫩滑唔韌，每一塊都大大塊，同菜心一齊炒，健康又味美🥤<凍鴛鴦>加埋個人習慣餐飲，好味要Keep住來支持保存上環小炒尚有的一席位…查看更多

每次行過九龍塘Taste嘅熟食區都會流曬口水，不過本身又唔係住呢頭，又畢業好耐，基本無乜機會起買到熟食今次6就把握呢次機會，Lunch都try try佢，來個到會Lunch去到Hot Food嘅區域，花多眼亂，不同區域嘅姐姐都好落力推薦各款美食，最後買左🍽<有骨黑椒燒豬手（原隻） $88>姐姐好好人，幫我切到細細舊，方便一啖一舊，如果可以加番熱少少就應該更加好味，遇上出爐應該好正🍽<南乳烤雞 $68>出面好少見到攞南乳來燒，幾有風味，姐姐超好人幫我斬件，正🍽<幹燒伊麵（1包）$25 >好味又抵，宜家25蚊可以飽肚好難搵🍽<素餃子🥟 $12>唔錯嘅小食，下次試埋其他味…查看更多

唔係住堅尼地城嘅朋友仔，總覺得食到真滋味係要靠緣份，一間細細間嘅小食店，總係伴隨著一條小龍，可見極受歡迎有緣底下，品嚐了🍽<火雞腎 $15>大大隻，好有咬口🍽<蟹鉗+墨魚餅+雞中翼 $18>蟹鉗可以連殼食，墨魚餅彈牙，雞中翼有嫩滑多汁早兩日都見到老闆通告來緊5月下旬到6月頭會停業翻新，期待新景象嘅來臨，會有新品種可以嘗試，係呢段時間都無得過來排隊等食，唯有要忍忍口，等有新面貌嘅時候再來食最馳名嘅烤雞髀…查看更多

以前搭飛機先會來啟德，宜家係搭地鐵都可以來到Lunch時間起啟德宜家無咩選擇底下揀左呢間來嘅時候已經有條長隊排緊，幸好同行率先攞位先唔洗等，感謝樓面佈置好有工業風，電線，照明燈，鐵片互相組合襯托，並將店內主打菜單化未裝修風格一部分菜品係茶餐廳菜系，應有儘有，今次選擇傳統中菜🍽<梅菜扣肉飯>份量好足，擺盤整齊，扣肉、梅菜、醬汁味道平衡，扣肉入味肉淋加埋梅菜鹹香配飯底，啖啖滋味👍🏻👍🏻🥤<凍鴛鴦>少冰甜係個人習慣，茶啡奶有色水上睇都好靚，飲落個味都出，無搶味PS 米飯中除白米之外仲加左super嘅藜麥…查看更多

大圍站附近美食林立，今次經食家介紹再鑽窿鑽旯搵到離地鐵站口比較遠嘅小店（大圍美食小區嘅角落頭）出面睇真係一間好細嘅小店，係面積細，三角型嘅樓面除左檯之外仲有各種食材，汽水，雪櫃，係麻雀雖小五臟俱全店面得一個姐姐睇曬，加埋廚房入面嘅主廚姐姐，來來去去都係得佢地兩個雖然牆上Menu有好多越式美食，不過第一次來到梗係要叫主打熱門🍽<雙蛋豬排蔥油飯>雖然賣想係普普通通嘅港Style碟頭飯，不過份量係巨量級，尤其係蔥油，係我見過無額外Request下份量巨多蔥嘅，D蔥係有爆香過嘅，好味指數極高，就咁攞來撈白飯都可以食到好多碗，再夾埋外面香脆惹味內裡嫩滑好淋嘅秘制豬排，滋味十足，而雙蛋同豉油都係不必可少嘅角色仲有咖喱同撈檬都好似好正，下次要再來先…查看更多