doublefatties的個人專頁

唔計任食既韓燒好似愈執愈多，有d想食豬五花，決定再訪呢一間。雖然係平日晚飯但都訂左位穩陣d，同上次一樣都係有真韓國oppa serve我地，同埋好好服務，我地食左個幾鐘佢都換左幾次燒板，又好勤力加菜，service真係好好。仲記得之前試左一隻牛拼盤，記得牛護心肉係特別，同埋喜來烤肉都唔錯，所以除左豬五花就叫左呢兩樣啦。除左肉之外仲叫左個大醬湯，都幾足料，有豆腐同海鮮，同埋唔會太辣，本身仲驚太辣食唔到。豬五花今次試有醃過果種，好入味！就咁食既話可以唔使點醬都得。同埋五花肉質素都keep到，有厚度，食落都有質感！生菜包住食既話就加d豆辦醬會好d。喜來烤肉厚身既，其實份量都算幾多，每人都有好野戈舊。肉有牛味又唔會太肥，推介大家叫呢款肉，好次之試食都唔係間間有呢個部位。兩個女仔食唔算食到好多野，好想試埋其他部位，下次要拉大隊黎先得！ …查看更多

第一次嚟呢間，之前朋友話分店食過質素唔錯，今次我哋去試吓尖沙咀店。去日本餐廳我好鍾意睇吓佢哋啲杯杯碟碟有冇誠意，呢間餐廳印埋自己個名，而且餐具都好有質感，唔錯。其次就係睇吓餐廳比咩茶我哋飲，好多都係比煎茶，呢一間就似平時食迴轉壽司咁，有綠茶粉俾我哋自己㗎。綠茶粉感覺都幾高質，唔錯。前菜我哋叫咗刺身沙律，估唔到刺身嘅份量會有更多，加埋一啲甜甜酸酸嘅沙律醬，食下食下停唔到口。另外我哋仲叫咗海膽蒸蛋，本身以為只係得一兩舊海膽，估唔到海膽多到就快遮住啲蛋。雖然就冇平時食海膽壽司啲海膽咁靚，但係不過都係甜甜地嘅，食落似日本馬糞海膽，唔似加拿大膽。三文魚同赤貝刺身都食得出好新鮮，而且份量都唔少，對得住個價錢。壽司方面係用赤醋飯，感覺上特別啲，而且飯嘅軟硬適中非常好。我哋最後仲要多咗一個雜錦海鮮飯，刺身份量好多，兩個人差啲食唔晒添！同埋個飯仲有我最鍾意食嘅吞拿魚腩蓉，好滿足。如果下次返嚟要試吓佢啲燒物！望落都好似好唔錯啊！…查看更多

讀大學嘅時候呢度簡直係我嘅飯堂，不過返咗工之後越來越少食韓燒，今日突然間經過，同朋友二話不說入去回憶一下大學生活。真心估唔到冇食咁耐，價錢竟然冇貴好多，相比起學生時期，更加可以放膽咁嗌更加多嘅肉正呀。嘢食味道之前已經有一大碟泡菜，同埋普通嘅涼菜俾我哋食，泡菜唔會太辣，亦都唔會太鹹，我哋差唔多清晒成碟！爐邊嘅蛋汁簡直係呢度嘅皇牌！特別係有芝士嗰邊，正到爆啊！我哋叫咗三碟肉，冇諗過份量係咁大㗎，喜來烤肉嘅肉質好好，望落去好鮮紅，感覺好新鮮一定一定要叫五花肉，係我嘅最愛，油脂分布平均，秘製醬汁味道好，加埋生菜包埋一齊食冇得彈。以為呢度主打燒肉，但原來韓式拌飯都做得好好食，我哋食晒一個飯啊…查看更多

返工返尖沙咀厚福街嘅嘢都食得7788 ，聽朋友講最近開咗間新嘅cbd主題餐廳，本身都未試過CBD嘅嘢，都係抱着試一試嘅心態去食。餐廳嘅主題似乎係用紫色，門口好大個燈牌，就咁睇有啲似係一間吧。我同朋友一人叫咗一杯嘢飲，兩杯都係梳打，兩杯唔會太甜，而且幾易入口。同埋都幾鍾意佢嘅杯杯碟碟，己有格調喎。我哋叫咗一個poke bowl，上菜嘅時候都打咗個突，都幾大份喎，又有三文魚又有吞拿魚。佢哋加咗啲青豆，識落己有口感，脆脆地咁，幾得意。我哋仲叫咗一個蒜香大蝦意粉，食得出大蝦唔係啲平價貨，蝦肉好彈牙，而且成個碟咁長，抵讚。意粉方面覺得份量可以再大啲就好啦，不過女仔食到啱啱好嘅，鍾意食蒜香意粉嘅話應該都會鍾意食，好香蒜蓉味，用咗扁意粉所以都幾彈牙，唔會煮到太淋。最後我哋仲叫咗牛扒，因為朋友係一個牛魔王，去到邊都要食牛。好香牛味，而且值得一提嘅係配菜有菊芋蓉，唔係薯蓉，識落好清新，唔會好油膩，我哋清左碟添。同埋擺盤都值得一讚，上面嘅炸蓮藕片令到成件事靚咗。總括嚟講食物嘅質素都好好，唔知係咪心理作用，食完之後好似真係有放鬆少少，可能食完好嘢都已經放鬆啲掛哈哈。…查看更多

喺尖沙咀除咗食連鎖店之外，好似都幾難搵到小店可以食，朋友話呢間小店嘅嘢食做得唔錯，而且仲係良心小店，咁一定要支持下，睇吓啲嘢食係咪真係好食先。呢度嘅裝修都幾有格調，同埋超鍾意餐廳嘅插畫，畫得好靚！我哋叫咗兩個主食，軟殼蟹意粉都做得唔錯，意粉質感幾好，唔會太硬。軟殼蟹炸得好脆！但係又唔會太油膩，幾啱女仔食。份量都好適中，唔會唔夠飽。仲有炸魚薯條，見到超大夠啊，仲有兩大舊魚，薯條都幾有誠意，唔係普通茶餐廳嗰啲雷電薯條，好味。小食我哋仲叫咗牛柳粒，好香牛肉味，食得出啲牛肉係有質素嘅牛肉，唔係啲好平價嘅牛肉。杯嘢飲相嘅時候我哋都爭住影相，因為好靚呀整得，同埋欣賞佢哋係用紙飲筒，夠晒環保。…查看更多

今日同朋友喺旺角行街，想試吓啲新嘢，佢推介左呢一間食羅宋湯嘅舖頭。佢話上次喺另一間分店試過唔錯，就試吓旺角分店睇吓點。我哋見到都有幾多唔同嘅套餐可以揀到揀咗豬仔包同撈麵，因為可以試吓唔同嘅嘢。叫咗一個咸牛脷豬仔包餐，因為平時好鍾意食牛舌，鹹牛舌都係第一次試。估唔到又幾香口喎，你去平時食嘅牛舌多一份咸香，同埋都夠淋，幾正！呢度一定要飲羅宋湯啦！個餐包左羅宋湯，大大碗，而且超級足料，有好多牛腩粒，而且味道啱啱好！唔會太酸，唔會太咸！好正！跟餐小食我地揀左辣雞絲，雞肉夠滑又香口。撈面好大碗，男士都實夠飽！唔會太油好抵讚。麵質夠爽口！…查看更多

已經太耐冇去旅行啦，我同朋友都好懷念當初一齊去西班牙嘅時光諗起好耐之前喺酒吧街如果一間食西班牙菜嘅餐廳係幾好食㗎喎，於是今日就翻返嚟酒吧街搵吓睇吓搵唔搵得返呢間餐廳。咁當然就係要叫兩杯野諗吓先啦，朋友叫咗virgin mojito，佢話飲落好清新，同出邊嗰啲有啲唔同，係好飲過其他嘅我就試吓啲特別啲嘅嘢見到佢哋有一杯叫做益力多嘅酒，但係餐廳話俾我聽佢哋冇落過益力多喺入邊，飲落真係超驚喜，係好清新，又好似真係多味嘅走，咁都好香水果味，但係又唔會太甜，我會為咗呢杯野再返嚟啊。我哋咁掛住西班牙野，咁梗係要叫好多唔同嘅tapas啦！當日我哋都叫咗唔少嘢食架，上菜嘅方式好特別，好似一個雀籠咁樣，同港女hightea有得揮！好推介牛舌，煮得好嫩滑！我哋仲叫咗個蟹肉餅，食到好多蟹肉，睇相都見到有好多蟹肉思跌出嚟咁滯！唔好睇小呢度一份份點心，食下食下都好飽㗎啦，加埋兩杯嘢飲，真係有啲解咗西班牙相思之苦呀…查看更多

喺旺角食來食去都係嗰幾間今日咁岩行過見到呢間新餐廳個樣好似唔錯喎同埋睇落啲座位都幾闊落，應該坐得幾舒服，於是我哋就揀咗呢一間我哋叫咗一個套餐，包咗好多樣嘢食頭盤有黑松露蝦球薯仔沙律，同埋蒜蓉包要讚下黑松露嘅份量真係唔少㗎喎，食得出好重嘅黑松露味，而且蒜蓉包超香蒜蓉味，而且個包軟硬適中好正另一個頭盤係火腿煎三文魚配青醬，三文魚夠Juicy，而且青醬嘅味道都啱啱好呢一款就比較似平時食開嘅紅燒乳鴿嘅size，不過當然係西式口味啦，味道適中，唔會太鹹，而且份量其實都唔少㗎食到呢度之後就有一個溫泉蛋蠔汁意粉，朋友係超鍾意食碳水化合物，終於有啲碳水化合物啱佢啦跟住係牛柳，個樣好精緻㗎，估唔到翠玉瓜好厚切，而且剪得幾好味最後仲有兩款唔一樣嘅甜品添，一款係朱古力味另一款係藍莓味，我自己呢就鍾意朱古力味嗰款多啲啦差啲唔記得講我哋仲叫咗兩杯嘢飲添，兩杯都係酒精飲品，加埋就Perfect啦…查看更多

早前喺銅鑼灣試過呢一間，知道原來係尖沙咀都開咗分店喎，一日同朋友放假想食lunch，就決定試吓尖沙咀嘅分店啦同銅鑼灣嘅分店一樣，呢度嘅裝修都好特別，好有獨特嘅風格，好啱打卡。講吓嘢飲先，我叫咗一杯蜂蜜青檸梳打。好有心機嘅，蜂蜜同埋梳打水係分開嘅，而且梳打水見到係紫色嘅，應該係用咗碟豆花？望落去好似中學做實驗咁樣，好得意呀。睇吓呢度啲餐具同埋紙巾都好有心機，佛係減肥簡直就係我嘅心聲啦。你都煮食啦，呢個墨魚汁pizza，好足料，見到滿滿嘅芝士，最衰我哋唔係好識影相，如果唔係就可以影到拉絲芝士啦！我哋仲叫咗一個意粉一齊share嚟食，見到份量都好大㗎，面頭白色嘅係魷魚，好好咬口，而且意粉嘅軟硬都好適中，唔會太過硬，啱晒我哋口味總括嚟講尖沙咀都坐得幾舒服，同銅鑼灣店一樣保持到水準，下次會再嚟啊。…查看更多

疲情下冇得去日本，但我同男朋友都好掛住東京食過一間專食蛋既鋪頭，由其是係玉子燒。既然冇得去我地就搵下其實香港會唔會都有得食類似既野，點知真係搵到原來呢間係食蛋既專門店！不過我地都關心d蛋係大陸蛋定係邊度既蛋，好彩呢度有講明雞蛋由沖繩縣直送，我地就放心試啦！我地見到好多人都叫玉子燒，咁睇黎係必試，但我地又揀唔到要咩味好，於是就叫左五隻味既拼盤，樣樣都有得試下！玉子燒好夠熱，好juicy而且topping都好夾，有日本食既玉子燒既水準！我就最鍾意蟹子味！我地見到有一樣好得意既dish！叫芝士明太子筷子燒，我地都未見過。感覺似係mini大板燒再加太陽蛋，都幾足料，＄38好抵食然後我地再叫左燉牛肉蛋包飯，面頭既蛋炒得好滑！飯粒粒分明唔會太軟，牛肉都好入味同埋淋！當然我地黎既其中一個原因就係梳乎厘pancake！！！我地叫左原味，pancake軟硬適中，加埋唔會太甜既cream同埋糖漿真係好夾，我食左咁多間pancake呢間絕對係頭3！下次會因為pancake返黎haha…查看更多

疫情之下冇得再去旅行，同男朋友都好掛住之前喺日本食嘅拉麵，突然間發現原來呢一間已經開咗嚟香港，但係我哋一直都唔知，所以我哋今日特登係屯門出嚟尖沙咀試。同日本一樣好貼心，有一次性嘅圍裙俾我哋用，唔驚拉麵汁彈到周圍都係。等嘅時候見到師傅用鑊炒好香嘅芽菜同埋粟米芯！男朋友叫咗增量x2叉燒拉麵，我就叫咗一個特製麻辣拉麵。增量叉燒拉麵真係好大嚿叉燒，不過就冇蛋，如果想食蛋嘅話就要另外叫，舊叉燒整得超級好食，睇得出係整熟咗之後又再燒一燒，所以超級香口，而且啲肉好林，入口即溶。我個碗就有糖心蛋，個蛋好流心，唔會過熟，個湯底好濃，說同日本個湯底一樣係有啲肥膏嘅感覺，所以超香口，感覺好正宗。同埋兩碗拉麵都係有粟米芯㗎！同埋要講一講個面底，最唔鍾意食到嘅拉麵就係好似即食麵咁嘅普通拉麵。但呢度嘅拉麵偏向似沾面嘅面底，比較硬身，好有誠意，唔係求其喺街見到嗰啲拉麵。如果你都好似我咁係鍾意食硬身嘅拉麵嘅話，呢間係唔錯嘅選擇。因為呢度嘅叉燒實在太好食，我哋決定要加碼叫多一碗肉飯，食完舊叉燒之後仲剩返少少飯到埋落去個拉麵度，好似啲日本人咁樣加埋個湯底食，真係好滿足。…查看更多

今日同朋友特登去donki入貨，向完之後想聽近地食啲嘢就返屋企，唔想特登搵地方，今晚俾我哋見到美麗華呢度有間Cafe好似都裝修得幾靚，今晚就試試佢。我叫咗杯青檸梳打，朋友就叫咗杯lemonade，兩杯都唔係好甜，啱晒我哋嘅口味，而且Soda都幾夠氣。叫咗個煙三文魚沙律，估唔到煙三文魚嘅份量都幾多，咁樣為返黎計個沙律都算幾抵食喎。而且三文魚嘅味道都唔錯，唔會好死咸，呢個茄汁大蝦意粉估唔到有三隻大蝦咁多，意粉煮得幾彈牙，而且賣相其實都幾靚啊。之後仲叫咗一個味噌蟹肉闊條麵，份量都算幾多，而且我哋兩個都好鍾意食芝士，見到面頭咁多芝士已經好興奮。好彩闊條麵煮得啱啱好，夠彈牙，因為我好怕食啲太淋嘅闊條麵。我哋仲叫多咗一個青醬雞肉長通粉，原來雞肉係雞胸肉嚟嘅，初頭有啲驚會唔會好鞋呢，點知原來都好juicy，幾滑！總括來講性價比都好高，而且坐得幾舒服，好啱朋友嚟傾偈，下次都會再返嚟。…查看更多

朋友喺銅鑼灣返工，約咗佢食lunch，佢食過話覺得呢間唔錯，又知我鍾意食壽司，所以帶咗我嚟呢度食。呢度環境都幾好，而且都幾闊落，唔會怕講嘢身邊嘅人聽得到。唔緊嘢食嘅時候發現原來而家做緊優惠， $800就可以減$300 ，超級抵呀咁一定叫夠$800啦。我叫咗一個餐有係茶碗蒸嘅Lunch Deluxe，原來個飯有成10種刺身，店員唔講我都唔知，啲海膽超靚，入口勁甜唔會好腥，拖羅都好好食，入口即溶！朋友就叫咗刺身set，擺盤好靚呀，我哋兩個嘅刺身有啲唔同，所以我哋都share左食，佢嘅魷魚爽口彈牙，好新鮮。差啲唔記得講下餐前小食，係好好味嘅茄子，入口即溶，同埋啲汁唔會太鹹，好啱我哋口味。最後仲有甜品添，呢間咖啡或者甜品，咁一定係揀甜品啦。係抹茶雪糕餅，抹茶味好濃！為今次嘅午餐畫上完美嘅句號啊。…查看更多

My friend and I accidentally bump into this restaurant after work. Both of us have never tried Lebanese food. To be honest, we are not fans of middle east cuisine but we both wanted to try something other than Japanese or Chinese food. And wow, the food here really surprised us.We ordered the starter called kebab. It is like meatballs but a juicy one. We really like the texture and the dipping salad cream.We ordered two cocktails. Both of them look gorgeous.We couldn’t decide what to eat as we have want to try so many things. At last we chose the mixed grill. We were both shocked when the waiter brought us this. It is stunning. The portion is really big and with your very full after that. The quality of the meat is really really good, especially the chicken and beef.The environment here is really nice and relaxing. You can do a Shisha on the sofa next to the windows.We will come back definitely.…查看更多

今日去咗酒吧街同朋友飲嘢，大家都未食晚飯，於是揀咗一間有得食主菜嘅餐廳。好似係香港食西班牙菜，因為平時都會好貴。坐低有我最鍾意食嘅粟米片，食完仲可以refill，食到停唔到口，不過好熱氣所以冇食好多。頭盤叫咗西班牙火腿，餐牌話係即時爆出黎嘅，加咗$20要買哈密瓜，哈密瓜幾好夠甜，火腿份量比想像中多。呢一個頭盤非常好食，法包上面有好脆嘅乳豬，食落口勁香。呢個係牛油果軟殼蟹卷，超級大份，淨係食呢樣都夠晒飽。主菜叫咗紅酒汁煮牛面肉，牛肉好淋，而且份量都係好大。臨走之前先發現原來呢間攞咗冠軍，不過今次就冇試心啦下次再試吓呢度啲cocktail。…查看更多