waisikongcouple的个人专页

👦🏻👧🏻去Element行完街，就上左露天廣場睇下有咩好食，今次就一齊黎左Flaming Frango食lunch，餐廳主打葡國菜，環境一流。🌟餐湯忌廉湯飲落清甜，唔會太膩。🌟 Peri-Peri Chicken - House Special Frango Tumeric Rice, House Mixed Salad （1/2 Chicken）半隻烤雞，外層燒得超香，帶有濃濃炭火香味，一切落去雞既油脂瞬間爆出來，餐廳提供3款自家製既醬汁，每一款沾落雞肉都有唔同既體驗，沖擊味蕾。而薑黃飯粒粒分明，薑黃味夠哂濃，同雞肉簡直天作之合！🌟 Classic Beef & Cheese Burger / Peri-Peri Fries漢堡入面既牛肉餅燒得外層焦香，中心保留左粉紅色Medium Rare，一咬下去肉汁直接爆開，超級juicy，加上其他配料，簡直一絕。而薯條簡直係惡魔既吸引，粗切帶皮薯條炸得金黃酥脆，👦🏻食完直頭想叫多一份！🌟Iced Lemon Tea / Hot Lemon Tea…查看更多

👦🏻同👧🏻去完旺角睇戲，天氣咁凍，梗係要去烚下烚下暖一暖個身啦。今次就黎到位於旺角既牛牛鮮，餐廳主打潮汕牛肉，今次就試左海鮮潮汕牛肉放題（送海鮮拼盤&手切牛肉圈）。🌟潮汕牛肉圈牛肉圈包括左吊龍、胸口油、五花趾、匙柄同埋雪花，吊龍油花分佈均勻，牛味超香，蘸上沙茶醬簡直一流享受；胸口油入口即化，牛香混住淡淡甜味；五花趾一層瘦一層肥，超正；匙柄肉質最嫩最滑，幾乎無需咀嚼，口感無敵；雪花油花多到似雪花咁，入口即溶。咁多款黎講，👦🏻最推薦係吊龍，而👧🏻就推薦雪花。食完牛肉圈可以手機再落order。🌟海鮮拼盤跟餐送既海鮮拼盤包括鮮蝦，桶蠔，鮑魚同埋花甲，全部都夠哂新鮮，最值得推介一定係桶蠔，桶蠔食落鮮美無比，淡淡清甜，蠔肉結實。🌟自助區自助區果度有好多野食，包括紫菜響鈴、炸物、鵝腸等等，全部都唔錯。🌟手工蟹籽蝦滑/手工黑松露蝦滑手工蟹籽蝦滑晶瑩剔透，食落超彈牙；而手工黑松露蝦滑食落都感受到陣陣松露香，兩款都值得大家黎試下。…查看更多

👦🏻同朋友去完旺角金雞篤波🎱，梗係要搵d好野醫下肚仔，今次我地兩個去左位於旺角黑布街既申子居酒屋，餐廳裝潢完全同日式居酒屋一樣，岩哂鐘意去居酒屋飲番杯，食下野，傾下計既朋友仔😼。🌟申の麻辣牡丹蝦呢個牡丹蝦個形狀擺盤靚爆，麻辣醬汁辣得嚟唔會太過火，食落啖啖都係蝦既鮮甜同辣勁。而蝦頭就採用左炸既方式，食落夠哂脆。🌟拖羅蓉米紙卷拖羅蓉肥美油潤，外層米紙夠哂薄，搭配埋青瓜等夠哂fresh既配料，食落唔會heavy，夠哂開胃。🌟極上鹽燒香蔥牛舌芯牛舌芯切得厚薄岩岩好，燒得微焦而帶炭香味！入口爽脆唔靭，簡單用鹽同香蔥調味已經帶出濃厚肉香。咬落肉汁輕輕滲出，配埋蒜蓉蔥絲一齊食，簡直一流！🌟千層牛肉卷串千層牛肉卷串食落極濃牛味，牛肉夠哂厚身，👦🏻朋友都想話再叫多串！🌟海皇廣島蠔炒面廣島蠔肥大飽滿，外脆內嫩爆汁；而蝦肉鮮嫩彈牙有咬口，同埋面底一齊炒，蠔鮮同醬油香完全逼入面條，鑊氣滿分💯。…查看更多

尖沙咀韓國街餐廳數量唔少，但可以當然屹立不倒嘅就唔多。其中一間就係今次👦🏻👧🏻去嘅OPPA Coffee Bar Restaurant！食物質素相當不錯，份量亦對得住價錢，係同朋友聚餐嘅好選擇！🌟雞肉蛋漿熔岩炒飯上菜時侍應會倒入蛋漿，再加上芝士，炙燒至香噴噴後就將佢地撈落飯度，每粒飯粒都充滿芝士同蛋香，拉絲感極強，邪惡至極！🌟蜜糖牛油無骨炸雞蜜糖牛油甜而不膩，啖啖都充滿密糖，特登簡左無骨版炸雞，食落外層脆到爆，肉質 juicy 到滴哂汗，配埋酸蘿蔔解膩夠哂貼心！🌟炸紫菜包飯紫菜包飯就成日食，而呢個咁特別既炸紫菜包飯真係第一次食，紫菜包飯炸到金黃酥脆，內餡包括午餐肉，蘿蔔絲，蛋絲等等，外層似天婦羅咁脆卜卜，咬落去飯粒仲保持彈牙。…查看更多

喺元朗周圍闖蕩，發現平時比較少到訪嘅位置 - 水車館里附近，竟然有間餐廳出面排咗人龍，深信係唔少街坊嘅愛店，區外人決定一試！Lunch嚟講價錢唔算貴，食物質素仲要對得住價錢，食完覺得會再Encore！🌟餐湯 - 南瓜湯是日餐湯有南瓜湯/羅宋湯，👧🏻同媽咪都揀咗南瓜湯！南瓜湯質感棉滑，啖啖都係南瓜嘅甜味。再加少量忌廉，質感更加順滑。另外值得一提嘅係餐包用上黑糖麵包，再塗上少量牛油，香氣逼人。🌟炭燒紐西蘭肉眼扒.燴薯 紅酒燒汁見到有唔少客人都揀肉眼扒！今次就揀咗Medium，肉眼扒肉質軟嫩，好輕易就可以切件/咀嚼；肉味亦相當濃郁。燴薯就轉咗做炸薯寶粒，唔使次次食西餐都係食薯蓉/薯條。紅酒燒汁酒味亦相當濃郁，牛扒味道相當匹配。配菜仲有翠玉瓜、蓮藕、菇菌同甘筍。🌟吉列車打芝士豬柳 粟米汁意大利飯見到呢一個組合嘅時候，不禁想起Show Me Your Love 粟米肉粒飯！估唔到食Risotto都可以配粟米汁，夠晒fusion ！吉列車打芝士豬柳就係用兩層嘅薄豬柳，中間包住非常流心嘅車打芝士醬，外層麵包糠非常酥脆。🌟炸薯條跟餐加配小食有優惠，大大份嘅炸薯條都只係$10！薯條外層沾咗少量炸粉，質感香脆。🌟芒果百香果乳酪奶昔其實跟餐已經包咗凍檸檬佛手柑鐵音茶或餐茶，但係👧🏻因為到餐廳就會呢一杯飲品吸引咗！正價都要試吓！整體上芒果味會比較突出，亦都咬到百香果籽，叫得奶昔就預咗味道會比較甜，幸好有乳酪嘅酸味中和一下，飲晒都未至於覺得好有罪惡感。🌟接骨木花青檸梳打至於媽咪就叫咗比較清新嘅接骨木花青檸梳打，青檸味係飲品中嘅主角，清爽嘅青檸酸味加上清香嘅接骨木花香，夠曬圓滿❤️。…查看更多

👦🏻👧🏻去完旺角睇戲🎬，梗係要搵d好野醫下肚仔，今次我地兩個去左位於百寶利商業中心既天下糧倉，餐廳主打牛肉火鍋放題，價錢都幾實惠，岩哂鐘意食牛肉既朋友仔😼。🌟牛肉（一級肥牛/牛板鍵/封門柳/安格斯牛肩胛/澳洲M7和牛/牛脷片/澳洲和牛金錢展/鮮牛肉）牛肉整體黎講都油花均勻，牛味突出。比較值得推介既係封門柳同澳洲M7和牛，封門柳一塊肉雪花位入口即融、牛味濃郁；而澳洲M7和牛油脂分佈平均、肉質嫩滑、帶有濃郁牛香，食落有層次感，入口即融。🌟湯底（鴛鴦鍋）餐廳提供既湯底總共有12款，我地就簡左秘製沙嗲鍋同埋豬骨粟米湯，沙嗲鍋味道濃郁，微辣惹味，重花生味；而豬骨粟米湯飲落清甜，夠哂足料。🌟自助區餐廳提供配菜都相當豐富，包括手包餃子、海鮮、麵食，雪糕等等，而飲品就包括左各式汽水🥤，同埋出面好少見到既汽泡涼茶。雪糕櫃幾有驚喜，有成十幾款口味雪糕。仲有香港品牌Da Dino嘅多款口味雪糕，品質絕對有保證！…查看更多

今次👦🏻👧🏻去到荃灣搵食，搵到間新開冇耐嘅泰國菜 - 泰皇殿！新張期間仲有推出優惠，食滿$300就可以加一蚊換購冬陰功湯/咖喱炒青口，相當抵食！整體食物都好正宗又啱口味，值得一試！🌟柚子沙律前菜就揀咗個比較清新嘅小食 - 柚子沙律，酸酸美美，再加咗少量櫻花蝦，柚子一梳梳，Juicy得嚟相當清甜又冇苦澀味。🌟海南雞-半隻海南雞雞皮薄薄一層，油潤但唔油膩，雞肉入口嫩滑，半隻份量啱晒兩個人share，性價極高！🌟蝦醬通菜炒鮮魷通菜炒得啱啱好，通菜爽脆唔老，鮮魷彈牙又入味，蝦醬香氣濃郁但唔鹹，炒得均勻，每啖都食得出蝦醬同海鮮嘅鮮甜味。🌟泰式拼盤泰式拼盤啱晒咩小食都想試嘅朋友！有齊豬頸肉、炸蝦餅、炸雞翼、炸春卷同炸蝦片每款消息都可以配返相熟嘅醬汁。烤豬頸肉邊邊位燒至焦香，再加埋少少油脂位，好惹味！炸蝦餅，心信蝦肉成份頗高，又夠彈牙！🌟乾炒牛肉河呢間餐廳嘅乾炒牛河非常出色，個人認為係必食嘅食物！河粉好闊身，煙靭得嚟又有啲彈牙。望到碟底都唔係太油，牛肉又滑嫩又冇筋位。醬汁亦炒到相當惹味同乾身。🌟$1冬陰功湯雖然係特價食物，但份量同味道絕對冇因為價錢而減。香茅、番茄🍅、椰汁🥥同青檸味相輔相成，酸辣咸鮮出曬嚟。再加埋幾隻大大隻既大頭蝦🦐，鮮味十足。🌟Sapporo…查看更多

龍亭絕對係👦🏻👧🏻嘅鐵板燒愛店之一，同市面其他舖頭比較，食物質素相若之餘性價比更高，難怪可以喺飲食業艱難時期成為奇葩，逆市擴張！秋季到🍂，今次就揀咗食下時令嘅蟹皇蟹套餐🦀，蟹黃好味到欲罷不能🤪🤩！想再抵食啲，仲可以善用旅遊平台/餐飲平台提供嘅優惠！🌟前菜漬物三品前菜有醬油漬三文魚軟骨、三文魚牛油果他他同紅酒醋的洋蔥。醬油漬三文魚軟骨質感爽脆，係平時比較少食到嘅口感，再加埋少量海帶同三文魚子，幾清爽！至於三文魚牛油果他他幾creamy，味道就相對濃郁。紅酒醋浸洋蔥🧅中和咗洋蔥嘅澀味又唔會太酸。🌟魚子醬煙燻三文魚有機沙律菜卷用煙燻三文魚包住沙律菜，微微嘅煙燻味配上新鮮清爽嘅沙律菜，用魚子醬輕輕點綴，作為前菜係一個好嘅選擇。🌟白松露海膽蘭王溫泉蛋溫泉蛋烹調時間掌握得啱啱好，蛋白質感柔滑，蛋黃非常流心。店員建議將所有材料撈勻嚟食，啖啖都係海膽Creamy而又唔腥嘅鮮味同白松露溫柔嘅菌香味。🌟花膠麵豉湯呢一個花膠麵豉湯絕對係飲落無負擔，所有食材好和諧嘅湯。湯內有一片幾厚嘅花膠，質感有啲黏，骨膠原滿滿至於麵豉湯一啲都唔鹹，食完主菜後輕輕暖吓胃都幾舒服。🌟極品黃油蟹粉阿拉斯加帝王蟹松山站嘅其中一個highlight就係食阿拉斯加長腳蟹腳配黃油蟹粉！輕輕用叉一挑就起晒成隻蟹腳嘅肉出嚟，蟹腳又粗壯又長，味道鮮甜彈牙，就咁食已經覺得好好食！再配埋純度極高嘅蟹粉，甜甜地又帶啲鹹香。🌟鐵板澳洲牛柳粒/黑毛豬鞍每人可選一款鐵板肉類，除咗今次揀嘅牛柳粒同黑毛豬鞍，仲有小羊架、去骨雞腿🍗，需要加錢嘅薄切韓牛1++月同厚燒A5和牛可以選擇。牛柳粒燒得剛剛好，富有肉味得嚟仍然保持粉嫩多汁，輕輕點竹炭鹽作調味就剛剛好。黑毛豬鞍絕對食到肉嘅甜味，絕對唔誇張。🌟極品黃油蟹粉拌飯嚟到全民最期待嘅環節，就係大大鍋嘅蟹粉撈炒飯/烏冬。炒飯粒粒分明，感覺上除咗用蛋之外，冇作太多嘅調味，絕對需要用蟹粉撈埋嚟食！只可以講蟹黃撈飯絕對係帝皇級嘅享受🤩。🌟是日精選甜點是日甜品係柚子雪葩配紅豆爆珠。柚子雪葩一如預期嘅清爽，爆珠一咬爆就有完整一粒嘅紅豆同黏黏地有啲似西米嘅物體包裹住。遺傳餐飯或上完美嘅。…查看更多

今次去到偏離觀塘市中心少少嘅印度餐廳 - Corner 90 食午餐。星期六日可以揀食Set Lunch/ Brunch Buffet，兩款都可以任食沙律吧、湯、冷盤同甜品，只係午市套餐就要揀指定主菜，自助餐就可以任食熱食，兩款都包你食得飽！🌟湯//沙律//冷盤//甜品餐廳都有提供咗五種沙律，例如有南瓜、長通粉雞肉、Couscous非洲小米等，每款都有簡單嘅調味，整體都幾好食！是日餐湯喺菠菜忌廉湯，唔算濃稠，菠菜味濃郁得嚟飲落都唔覺得漏。Cold Cut亦有三款，當中👧🏻就最鍾意Parma Ham，乾身得嚟富有油香，再配埋哈密瓜食就最好不過。🌟香料烤雞咖喱今次係媽媽👩🏻第一次食印度菜，緊係從最易入手嘅Masala Chicken嚟開始！咖喱夾蕃茄味同香料味濃郁得來都幾平衡，非常易入口。至於雞肉份量亦頗多，事前用乳酪等材料醃過，質感嫩滑一啲都唔嚡餐，仲要配埋黑松露Naan Bread同香料飯Saffron Pulao，絕對會食唔停口。🌟烤肉眼扒烤肉牛扒就揀咗七成熟，個人認為其實原先質素都已經好好，筋位仲有啲爽脆。不過如果點生少少更好。再配埋紅酒汁就唔會覺得乾。半碟仲有薯蓉，質感相對結實，薯仔味滿滿。🌟香料奶茶//可樂跟餐有送餐飲，而👧🏻就揀咗要另外加錢嘅香料奶茶Chai Latte，香料味同奶香味豐富，肉桂味可謂突出。至於可樂估計係印度可樂，感覺上有啲香料味，都幾特別！…查看更多

之前行過大角咀最多餐廳嘅埃華街同大全街，發現有一間新開嘅潮州菜餐廳 - 潮興隆。晚市時間經過都幾多人，今次好好彩星期六下午唔算太多人。佢哋有提供午市套餐/下午茶，份量冇欺場，去開附近可以一試。🌟滷水三拼飯餐廳其實有提供鵝片/鵝肉飯，貪心啲就叫咗個三拼飯，可以喺幾款肉類中選擇，今次就揀咗鵝肉、五花肉、豬耳。整體而言滷水汁絕對食到香料味，但又唔會過鹹，所有食材都滷得入味。鵝肉細緻唔鞋口，五花腩肥瘦相間，豬耳夠晒爽口。🌟汕頭煎蠔烙估唔到午市都有部份小菜可以跟餐，有飯有飲品/湯。煎蠔烙一份八件，十分足料，啖啖都有肥美飽滿嘅蠔仔，蛋漿層混入咗蛋同薯粉，充滿打開食過又有少少煙韌。再點埋魚露，鮮味更加突出。🌟珍珠海鮮湯跟餐可以揀湯或者飲品，而湯仲要有兩款選擇，分別係蛋花湯同珍珠海鮮湯。珍珠海鮮湯富有濃郁嘅胡椒香味，再有少量海鮮，例如蠔仔同蜆。胡椒嘅濃郁程度可以媲美平時飲胡椒豬肚湯嘅香味。🌟涼拌拍青瓜當日想食啲小食，就額外加多咗個拍青瓜🥒，但原來叫滷水拼盤飯時都有提供呢一款小食🤣（早知可以試其他小食！）。用少量麻油、辣椒同大量芫荽🌿嚟拌青瓜，相當清新。🌟凍檸檬水…查看更多

👦🏻辛苦完公司d projects，梗係要去蘭桂坊輕鬆下，今次👦🏻就同朋友黎緊位於中環蘭桂坊既芝加哥串燒酒場，臨近萬聖節🎃餐廳已經裝飾好哂，裝飾好有心機！🌟 雞皮手打鮮蝦滑/無骨白鱔串/芝士北海道魚糕/燒魚肉燒賣/招牌燒法國鵝肝雞皮手打鮮蝦滑雞皮香脆無比，蝦滑彈牙到不得了；無骨白鱔串鱔肉嫩滑無骨，燒得啱啱好，表層帶點焦香，惹味到停唔到口；芝士北海道魚糕，完全感受到芝士嘅濃郁奶香，拎起仲有拉絲既效果；燒魚肉燒賣魚肉鮮甜，燒賣皮薄而煙韌；招牌燒法國鵝肝表面燒到金黃微焦，輕輕一咬，外面薄脆，內裏入口即化，濃郁嘅奶油香同鵝肝獨有嘅甘香完美融合，值得一試！🌟極品即燒乳豬/荔枝豚肉卷/椒鹽日本黑豚/崁燒豬頸肉極品即燒乳豬皮脆到不得了，一咬落去啪啪聲，食落肉質嫩滑多汁，仲有陣陣炭燒香；荔枝豚肉卷肉質鮮嫩，入面包裹住清甜既荔枝，果香同肉香完美融合，食落清新又唔膩；椒鹽日本黑豚肉質結實有咬口，外焦內嫩，每啖都好滿足；崁燒豬頸肉肉質軟腍有嚼勁，燒烤火候啱到毫釐，表層微微焦脆，內裏鎖住肉汁，食落油香四溢。😍🌟黑椒牛西冷珍珠飯西冷牛肉肉質嫩滑得來有咬口，煎到啱啱好，外面微焦帶點炭香，粉嫩多汁，配上黑椒醬汁濃郁惹味，微辣嘅胡椒香氣同牛肉好夾；而珍珠飯飯粒晶瑩剔透，每粒都吸滿咗黑椒醬汁嘅精華，仲帶d牛肉嘅油香。🌟紙鷂雞皮（蘭桂坊必食串燒）雞皮燒得金黃脆卜卜，內裏仲保留少少油脂嘅juicy感，火候控制得恰到好處，唔會太乾或者過油。🌟日本博多雞皮博多雞皮夠哂大份，比較大塊，食落脆卜卜，拎黎送酒一流。🌟黑松露薯條🍟黑松露醬汁塗抹得均勻，每條薯條都沾滿左濃郁嘅松露香，味道濃而不膩，食落好有層次感。🌟生力自啤（星期四買一送一）…查看更多

平時喺旺角TOP商場行街時，未必留意到呢一間餐廳。今次俾佢擺滿公仔嘅氛圍同食物種類吸引而一試！餐廳有提供Set Dinner/散叫食物，款款都咁吸引，下次經過大家都可以試吓下！🌟鮮魷魚圈明太子忌廉扁意粉首先講吓散叫嘅食物先！有香濃但唔過鹹嘅明太子醬伴彈牙嘅扁意粉，相當掛汁。魷魚圈份量都唔少又幾軟身。🌟鹹蛋黃雞翼Happy Hour 小食$48 一款，$88/128 2-3款，炸雞翼係單骨雞翼，可以食得相當方便。面層沾滿鹹蛋黃粉，夠晒惹味。🌟龍蝦湯晚市套餐包咗餐湯、沙律、主菜、餐飲、甜品。當日跟餐係配椰菜花忌廉湯，而👦🏻👧🏻就揀咗加錢轉為龍蝦湯🦞。龍蝦湯睇個顏色就知道足料！蝦味濃郁到不得了，感覺上有連埋龍蝦殼打碎。🌟牛油果鮮蝦沙律有千島醬伴牛油果、鮮蝦、車厘茄同生菜。牛油果份量相當多，差唔多有半個牛油果，🥑質感柔順Creamy。🌟鹽燒牛舌手工薄餅👧🏻絕對係比呢一個主食吸引咗！餐廳提供手工薄餅已經夠晒有誠意，但估唔到竟然有偏向日式嘅鹽燒牛舌嚟配西式薄餅。薄餅餅底偏薄帶少量嚼勁。餅底有薄薄嘅蕃茄醬，面層放滿薄切牛舌同芝士。牛舌嘅調味剛剛好，質感帶點爽口又唔會太韌。呢個薄餅絕對值得Encore ！🌟甜品跟餐甜品係Crème Brûlée ！面層隻燒咗一層薄薄嘅焦糖，底層嘅蛋漿層同樣唔太厚，質素較為結實，仲見到少量雲呢拿籽，用料都幾抌本！🌟熱檸檬水…查看更多

Butlery 呢間西式餐廳絕對係👦🏻👧🏻沙田區必食，已經食過起碼五次！餐廳提供嘅菜式眾多，款款都咁好味，難怪平日晚上會全場爆滿！🌟Pulled Pork Lasagna Roll平時食千層麵都係配蕃茄醬肉醬，但呢度嘅千層麵就用咗手撕豬肉，質感柔軟，口感更加豐富。而醬汁方面亦都非常多元化，面層用上白汁同蕃茄汁，再放上大量芝士，Creamy得嚟又唔會覺得漏。而千層面層側有混入青醬，滿滿嘅羅勒味。🌟Sea Urchin & Scallop Tagliatelle每次必食嘅就當然有海膽帶子闊條麵！海膽醬非常足料，鮮味滿滿。配上煎至剛剛熟，彈牙嘅帶子，爽口嘅闊條麵，每次都真係會食唔停口！🌟Spicy Wings小食方面就叫咗一份單骨雞翼，沾咗炸粉嚟 炸，相當香脆又唔會太辣。再點埋另上嘅燒烤醬同酸忌廉醬，味道都幾夾！🌟Banoffee Creme Brulee Pancake嚟到Butlery就當然要叫佢哋嘅甜品！佢哋嘅疏乎厘班戟做得非常出色，充滿空氣感，非常輕柔。而Banoffee呢個口味就第一次叫，一片片嘅香蕉配上甜美嘅拖肥醬同忌簾。拖肥醬焦香味滿滿，唔會太甜成個甜品識落都唔會覺得Heavy，推介大家一試。…查看更多

元朗絕對係Cafe嘅集中地之一，今次就揀咗一間比較近朗屏站，以乾花作為主題嘅餐廳 - 簡聚，同媽媽食一個Weekend Lunch。而餐廳提供嘅食物質素嚟講，價錢相當相宜，推介大家一試！🌟是日餐湯//田園沙律是日餐湯係蘑菇忌廉湯，蘑菇忌廉湯質感相當幼滑，輕輕食到蘑菇碎粒。至於沙律用嘅沙律菜相當新鮮爽口（真係明顯比出面食嘅沙律菜更可口😍），黑醋汁Balsamic Vinegar相當厚身，醋味沉穩，同沙律好匹配。🌟牛油果英式早餐All Day Breakfast相當豐富，有香草豬肉腸、大啡菇、牛油果、Parma Ham配沙律、煎雙蛋、薯餅。牛油果足足有半隻，相當Creamy， Parma Ham感覺上Age得幾耐，鹹香味十足，質感柔軟。大啡菇夠晒Juicy，薯餅香脆，煎蛋仲有啲燶邊，中心嘅蛋白則未凝固，質感相當好。🌟香煎盲鰽魚柳配日式柚子汁盲曹魚柳質感幼滑，富有魚油香，魚皮則煎至非常香脆。配埋鹹鹹地嘅日式柚子汁，簡單調味就可以食到食物嘅原味道。配菜仲煎薯仔，令人食得滿足。🌟青檸藍蝶花餐廳提供唔少特飲，跟餐轉特飲亦有優惠。青檸蝶豆花絕對係一個吸睛嘅選擇，清新嘅青檸味，酸酸May May，配埋漸變紫色，影相一流。🌟泡沫咖啡凍Cappuccino啡味同奶味相當平衡。…查看更多

如果要喺深水埗去食酸菜魚，👧🏻基本上每一次都係揀位於長沙灣地鐵站附近嘅魚你相聚。份量夠多，價錢亦實惠，所以都試過好幾次。🌟鯛魚片酸菜魚想食酸菜魚，可以自私食要一人餐，亦都可以叫大盤（2-4人份量），魚嘅品種有四款可以選擇，今次就揀咗非常爽口嘅鯛魚片。湯底亦有三款選擇，分別係老壇酸菜湯、麻花椒酸菜湯同檸檬酸菜湯湯底就揀咗老壇酸菜湯（微辣），酸度十足。酸菜魚內既配菜亦有好多，包括：舊上煙靭嘅闊薯粉、豆腐、萵筍、薯仔、豆腐皮、大豆芽、娃娃菜、海帶。今次👦🏻👧🏻仲有加料加咗肥牛！主食仲可以揀有幼薯粉/白飯/米線🍜，絕對會食得飽🤣。🌟花膠濃湯雞煲本來以為呢度只係食酸菜魚，但原來佢哋都有花膠雞湯。雞件份量頗多又厚肉，至於花膠就有兩大塊，有滿滿嘅骨膠原，湯底就比較重雞湯嘅顏色，偏黃一點。主食同樣可以揀米粉/薯粉/白飯，原來仲有一個隱藏餐牌可以叫菜底，所以今次就叫咗娃娃菜！🌟凍檸蜜跟餐飲品有優惠價，👦🏻👧🏻都叫左凍檸蜜，食辣野解渴一流。…查看更多