sytsang523的个人专页

今日和朋友入去大澳行一轉，咁啱經過呢間餐廳見環境幾靚幾有風味，就決定試吓呢間，我哋沒有book位，平時應該都幾爆棚，咁啱老闆話有人放飛機可以比我地Walk in，入面環境清幽，打卡一流，最低消費每人$125/位，一杯嘢飲加一個主食再加一個甜品，喺門口點完餐比完錢就可以入去。入座後不能轉位，我哋想轉個靚啲嘅風景位都冇得比我哋轉食物質素一般，普普通通食得落口，甜品太甜，真係只係食景的Cafe，岩晒打卡人士…查看更多

今天來到深水埗的一間特色餐廳，土耳其異國風情👳🏾‍♀️👳🏾‍♀️入門口有三張比較特別的枱，當然我選擇了其中一張，最接近門口的，坐得比較寬躺舒適，非常休閒和舒服，然後入座後點了一個Allday breakfast和一個甜點和一杯咖啡。Allday breakfast牛油果真心唔錯，夠哂淋身，而黑松露滑蛋非常香，甜品是芒果芝士蛋糕，裝飾得非常靚，最後在這裏躺了很久，也沒有店員的催趕，這點真的非常好！…查看更多

今年生日男朋友帶我嚟到呢度食生日晚飯，我哋訂了7:00兩位，但是一個客人都冇，呢度都幾得意，前面有個鐵板爐，所有食物都在你面前，你即場指俾師傅睇你想食咩，個師傅佢哋就會即場燒俾你食，然後師傅燒完後就會拎個勁大嘅撐船個木漿遞俾你，好得意好搞笑，聽說呢間餐廳得到米芝蓮推介。首先我哋先來一碟刺身拼盤，感覺唔錯，都幾新鮮。然後就點了燒雞翼，鰻魚，大蝦，銀雪魚，味道都唔錯，燒得幾入味，幾夠火口，最緊要係個環境氣氛都好好，真係好適合慶祝一啲特別嘅日子。…查看更多

最近網上見話呢間放題新開張，有試業價優惠$98，另收加一服務費，不過淨係得午市呢段時間先有優惠，所以就同屋企人一齊去試下，呢個優惠既食物選擇不太多，得幾十樣野係可以選擇，但味道真係一般般，有啲係完全食唔到落口，其他都只係勉強入到口，不過呢個優惠價$98去衡量的話，都尚算可以勉強接受，但如果係其他價錢去食呢啲質素嘅話，真係接受唔到。不過其他嘅服務都尚算可以，無漏單出餐快，呢啲都OK，不過都應該唔會去食多次的了…查看更多

今晚同男朋友入左去大埔行下，順便睇吓有咩食，行行吓見到呢間野嘅裝修幾得意，好似幾唔錯，所以我地就決定入去食，呢間係食日本菜的。我哋坐低左一陣，啲員工服務態度好好，會過嚟介紹有啲咩菜好食，仲有玄米茶飲，我地最後叫咗個刺身拼盤，海膽飯同埋散叫咗其他既刺身，上菜速度都好快，侍應一遞到上枱，哇，擺設得好靚，份量都好多下，帶子同埋生蝦都好鮮甜，好好味，成個刺身拼盤都係$198，個海膽飯$99，食落去都好好味好鮮甜，唔錯，值得推介…查看更多

大埔一個偏僻的地區竟然隱藏着一間Cafe，我同個朋友星期日去大埔行行吓街見攰諗住搵個地方坐低食Tea，上網就見到呢間食評都唔錯，所以就決定去咗呢度食，我地叫左個All day breakfast同蟹肉帆立貝意粉，都有好多唔同嘅食物，漢堡扒薯餅牛角包仲有我最愛既黑松露炒蛋，仲叫左個蟹肉帆立貝意粉，真係拍得住出面西餐廳啲質素，呢度環境好舒服，最啱同朋友過嚟傾吓計食下野，價錢方便都唔太貴，真係一個唔錯嘅選擇Good…查看更多

一入到去個環境超有風味，仲有好多位着住店小二制服的員工會問你客官請問幾多位，真係好似置身於古代嘅感覺，一坐低就有位店小二問我，客官想食啲咩野，仲帶我去試着古代的衣服，有好多皇帝皇后的衣服，非常壯觀，店員也很認真地介紹給我，這天晚上拍了很多照片，真的非常好好玩，食物質素也不錯，特別是麻雀椰汁糕和象棋牛奶凍，真的非常特別，外型很逼真，很欣賞店家的創意，另外還點了一個即撞木桶豆腐花，豆腐花非常滑，這晚真的很滿意。…查看更多