eatforme的个人专页

UCC 動漫既罐裝咖啡見得多，餐廳我就第一次去，店噴再三提醒用餐時間，但我個餐等左廿分鐘都未到。anyway，點左個波菜三文魚意粉。幾條波菜，三文魚肉丁，配上淡到爆既白汁，意粉都唔夠我爬幾下，知咩料啦。咁就一百幾喇。杯咖啡係出色既，冇冇酸味又有咖啡香，入口唔澀，再加d奶啊糖啊，都仲飲到啡香，好👌不過都係冇下次🥷…查看更多

午市食春水堂，一點左右唔駛排隊，坐底要杯水，即刻斟俾我。想特別講下個環境真係好嘈，街市咁，我個餐又等勁耐，咩玩法。檸檬愛玉，夠酸夠甜，眼都開埋，又唔會成杯冰，不過冇跟餐架，獨立點。好貴。炸豬扒定食，三塊豬扒仔熱辣辣，鬆脆唔鹼，okok，其他配菜就係菜、菇，原味。另外仲有碗湯有粒丸。都夠飽。食物冇投訴。價錢就一百幾十。🤡一年可以食一次？…查看更多

星期日下午四點黎食酸種麵包，點左煙三文魚三文治，包軟熟唔界口，雖然唔係即制，翻熱都唔會乾爭爭。煙三文魚同火箭菜同醬都好足料。牛油果雞肉漢堡，蛋沙律牛油果雞肉，一啖咬d餡咇曬出黎，烘個既包外脆內軟，豐富既咀嚼感。Crisps 香脆簿，用手拎黎食冇淋曬油，不過一咬就脆到散晒。紅桑味筴芋千層酥，想講講個筴芋，好似食左冇渣既西芹咁🤡，幾得意。兩杯凍啡就冇乜啡味。…查看更多

元旦日晏晝食個tea。大哥沙嗲牛賣晒整個鮮牛滴兩滴汁，咁唔得掂喎..個湯仲一粒粒超唔順喉。呢碗野真係唔得👎蛋牛治食煎蛋鮮牛肉，岩岩整起就食，口感厚實，隻蛋仲有d燶邊脆。這個可以。南乳百手撈係招排，夠鹼香又夠淋，冇意外，上菜夠快夠熱。唯獨個沙嗲牛要擇日再試真。…查看更多

平日去食lunch，無membership俾正價。點左個香煎鯛魚忌廉菠菜汁。忌廉就冇乜，波菜就一條條，冇乜草青味，都冇乜味😓 主角就好淋，吉都散晒。魚肉少少腥。其他配菜都係熟到爛晒，成碟野老人家都食到。份糧好少，佢價錢係$148，連沙律或湯，跟杯飲品。can do better..…查看更多

聖誕節下午茶時段黎到黃金冰室，人唔多，上菜速度快。花生西多士，包厚醬多，半煎炸至外皮黃金色，少少蛋香，倒晒d蜜糖再揸埋d牛油，好邪惡。😈凍檸茶有五片檸檬，夠晒味，唔係百分百沖劑沖出黎。…查看更多

平安夜黎到outdark，用openrice訂位，上一日打黎confirm，但同我講要等位。本身就嬲嬲地，今日黎等位，佢又俾我入wo,算你啦。點左海鮮煎餅同蜜堂蒜香炸雞，大大份，熱辣辣。先講雞，外脆內嫩，淡淡肉，蜜糖蒜香唔會太多source。仲有薯條、薯角、薯格。我地問佢拎茄汁點，職員都好幫手。煎餅蔥香十足，足料又乾身，又唔會成口粉。…查看更多

點左個二人餐，兩小食，兩碗麵，兩杯飲品。二人位張檯連野食都唔夠位放，坐到迫一迫，環境先扣分。炸物拼盤，鹽酥雞脆唔夠味，花枝丸同台灣腸就as expected 啦。豬耳冇滷水味得d辣油。碗麵個湯淡如水，麵同牛肉都少。仲有杯檸紅菜，得個酸字，隔離枱都話酸到媽都唔認得。sosad auntie…查看更多

喂，夜晚8點幾已經冇曬d 慢煮系列。叫左個蒜油豬骨湯拉麵，冇乜蒜味，碗野夠熱lol，d肉正常發揮，細麵煮得岩岩好，湯油同埋鹹。所以量不多，飲埋個湯都飽。食物價格都幾高。但係環境，服務同食物都麻麻，坐得迫，水都會幫你斟下既，可以既話都唔會再食🤡…查看更多

兩個人叫左dinner set。有咩食就唔多講喇都係果d，想講下個服務幾好，我想share個龍蝦湯，侍應俾多set 匙羹同碗，又可以清晰介紹菜式，亦再三提醒扒碟好熱要小心。上餐專業，待客有禮。野食分別食12oz既rib eye 同strip. 兩個都要medium rare。Strip 偏硬，肉味較濃。配菜點左芝士焗切片薯同渡菜，好食不過好膩。我地會再黎食，下次要單點T bone或斧頭扒，洋蔥圈，因為見到隔離枱三位人兄好識點菜，揀好西。🤡…查看更多

工廈burger，藍芝士和牛漢保，藍芝士水狀，芝士味濃偏鹹，和牛漢堡肉味都俾遮蓋晒，肉同包微熱，滿中不足。薯條有驚喜，紫菜薯條夠熱，香脆，加埋扭文薯條，好睇好食。總結，食物味道ok，價格合理。…查看更多

愛文芒西瓜蛋糕，賣相相當吸睛。面頭塊橙乾裝飾用，食而無味😅，芒果清甜，第一啖切到底，芒果味蓋過西瓜。然後都係分開食。🤪一味兩食。愛文芒係期間限定，供應期到七月尾，想食就把握時間。…查看更多

文華海南雞飯，一個字形容晒淡，雞、湯、醬、飯都係偏淡，食完都形容唔返，sosad。喇沙帶辣，冇乜椰香，料有雞，豆卜，魚片... 食物擺盤同賣相都好吸引，可惜味道一般般。…查看更多

無肉餐，刀仔鋸椰菜花扒，菜扒乾身厚實，入口好實在。其實仲有一大pat滑蛋，唔係淨食草。另外仲有貓多士，我揀左無花果醬，大大粒無花果肉係裡面。我加左杯橙茶，橙汁已同紅茶合一，淡淡橙香，成件事健康左。鰻魚滑蛋牛角包，魚大大塊，配埋蛋包一齊咬，大滿足，鰻魚既油脂味重，好快飽。 Crazy chocolate 有樣你睇，超特濃！店員俾埋張濕紙巾你，知佢咩料啦。…查看更多

火腿奄列併牛油多士，沙嗲牛肉麵。牛油多士香脆，烘得好帶少少燶邊。奄列正常，唔會一夾散晒。沙嗲牛麵，牛肉唔多但係大大塊，肉非常入味又唔乾柴。沙嗲汁唔係重花生味。🤪👍🏿😇…查看更多