RRLAU的个人专页

本人和家人於今晚5點訂了5位慶祝阿嫂生日，阿嫂入座不久話想食個撻仔，但諗住甜品遲d先食，食咗主食先，未夠6點發現個撻仔無晒，我話可能遲d會補番嘅，點等到6點半都未見有，見到有個廚師出嚟凍櫃度，就即管問吓，點知佢話唔會補貨，要留番比下輪食客，我絕對冇諗過甜品都係得一轉， 仲要數量唔多 ，應該唔會夠每檯一粒。 食食吓點知枱面有隻曱甴仔爬上嚟， 我哋用杯整死咗佢， 都覺得好嘔心， 諗住算啦 。阿哥就去拎個生日碟返嚟影完相 ，影完相就食埋個心太軟， 隻碟仲響嗰張墊枱紙度，我阿嫂仲食緊個甜品嗰啲朱古力醬，佢刮緊朱古力醬落個雪糕度，想試下整朱古力脆皮， 點知突然間個著牛仔衫嘅男職員就走過嚟問係咪唔要㗎喇，我阿嫂就覺得好出奇，我仲食緊，點解會咁樣問，以為問緊我哋，但我哋又無答，等咗幾秒回神先知問緊自己，所以先答仲要㗎，點知個男職員一轉頭就同一個同事講話呢隻碟仲要㗎，唔好收，但手指就指住阿嫂個頭嘅方向，然後再向另一個同事做同一樣嘢，我個感覺好似係我哋唔啱咁，四處宣揚， 我忍唔住開聲 同男職員講，你唔使到處宣揚呀嘛， 跟住佢話唔係，我要同我啲同事有個默契呀嘛，等佢哋唔好收隻碟， 跟住我話你放心啦，一間實唔要㗎喇隻碟，實畀你收，唔使咁急嘅。 跟住我諗諗下覺得佢身為一個服務從業員，你講嘢嘅語氣同態度都好似唔係好恰當囉， 所以我決定等佢走過嚟嗰陣時問佢叫咩名， 佢答完我之後 ，行開咗兩步就問我咩事，我話冇嘢問下咋， 再轉個頭佢問我係咪有咩幫到我， 我話唔係，我淨係問下你個名， 跟住佢就自己無端端喺度講話頭先嗰隻碟，佢見到冇嘢食咁咪收囉 ，跟住我家姐就話咩叫冇嘢食呀， 咁多嘢你唔收，阿哥都講呢隻唔係普通食物碟嚟㗎喎，係生日字點嚟㗎喎，食完心太軟都可以有個紀念，影多兩張相呱， 跟住佢仲拉低埋個口罩同我講嘢， 把聲好似 好不悅，話我有問你係咪唔要，咁你話要咪留低囉， 我再同其他同事交代費事佢嚟收你碟呀嘛，我話其實好多同事行過見到都唔會收啦，又唔係擺響中間，嗰隻生日碟嚟，我哋就坐收碟房出面，都無人走過嚟問， 你哋而家係咪好等碟用，跟住佢就話咁同你講對唔住囉，而家同你解釋返啫，我話咁你講完嘅話就走得。 我唔知佢哋點樣請staff，有2個鐘頭食，我又未夠鐘， 食食下中途應該6點30分左右都畀人收咗對筷子， 離開咗個座位返到嚟又冇筷子又要出去攞過， 總括嚟講成個用餐 無論食物 服務 感覺 質素 衛生都唔值呢個價錢，好似茶記咁，拿拿林收埋啲嘢趕你走咁㗎。…查看更多

一想食煎餃就會幫襯佢，見未人齊就叫吓小食食住等，平時實叫嘅豆腐就照舊，見到有皮蛋酸薑就試吓啦，皮蛋一d都無嗰陣“壓”味，連埋酸薑一齊食係正，酸薑又脆又夠味，呢樣下次可以再叫，唔知可唔可以多酸薑呢平時粟米芝士餃會叫湯餃，今次轉食埋煎餃，果然一放低響檯就食，好似芝士醬包粟米嘅感覺比湯餃明顯，另一食法都唔錯。韮菜煎餃又係我必叫嘅食物。之後仲買咗兩盒生餃番屋企煮，因為唔係住附近，10隻送兩隻又抵，放冰格又可以隨時食，比起超市急凍餃感覺好似新鮮d, 員工叫我最好7日內食晒佢。…查看更多

第一次食，湯餃同煎餃都有叫，粟米芝士湯餃熱辣辣，芝士全溶狀態咁食，我個仔話要食晒佢。黑松露香菇鮮肉煎餃個配搭超夾，皮脆 餡香。咖哩雞洋蔥煎餃叫嗰時感覺好似怪怪哋，但食落又唔錯，好似咖哩角咁。芫荽胡椒鮮肉煎餃唔錯，肉汁夠，芫荽香，咬到胡椒粒，有d辣。韮菜酸辣湯公仔麵，酸辣湯公仔麵有d似撈麵feel,魚湯通心米線都有d特別，出面未食過。酸辣湯就普普通通，涼拌海蜇夠爽口。豆漿有甜有唔甜，有熱同凍揀，都幾好。…查看更多

陪吓爸爸嚟長洲兩日一夜，今日落好大雨，響酒店休息完就四圍睇吓有咩好嘢食，可能落雨，有好多食店都無開。經過見到呢間泰國餐廳好似幾正，就試吓佢啦。我哋有4個人，叫咗個3人餐(4個餸)再加三個餸。食物質素唔差，泰式粉金邊出奇哋好味，虎頭蝦冬蔭公湯唔太辣同酸，最緊要係無落超多嘅奶，燒嘅蝦同元貝都唔乾身，生蝦就麻麻哋，唔夠彈。個鐵板蠔仔蛋就夠新意，不過可能個鐵板太熱，低部份嘅蛋有d燶。但係個椰青即開即飲，超清甜。仲有兩位侍應生都好好人，好有禮貌。一定會再嚟食同埋介紹朋友嚟試…查看更多

真係由開張嘅第二日幫襯到而家，由當初一晚得幾檯客幫襯到而家9點都仲要等位，真係好味，出色，保持水準先可以食咁多次。我本身對飯係無咩興趣，但無奈哋真係會有種心癮想去食吓㗎喎，不過本身除咗推介嗰幾樣餸之外，其實仲有好多都想介紹吓支竹羊腩煲超滑嘅菜膽雞西檸雞…查看更多

話說同家姐去試新嘢,佢話開咗間townhouse,咪book檯食lunch囉，坐低咗叫埋嘢食，5分鐘後水都無杯，(lunch時間行上嚟係幾熱㗎)仲要幾經辛苦先搵到個人問佢攞兩杯水，都算嘞，家姐叫咗個executive lunch，前菜hamachi,主菜牛扒,甜品，加30蚊轉咗杯signature mid night Gloria， 我就叫咗個light lunch，薯條配泡菜芝士汁，燒雞扒，加30蚊轉mix & match ice coffee. hamachi當然無問題，薯條泡菜芝士汁都好味，但係汁太少唔夠用嚟點晒d粗薯條，我咪舉手示意要多兜泡菜汁，點知個waitress黑晒面咁應我，放低兜汁嘅時候仲要勁大力，真係無名火起，唔可以拎多兜嘅一係同我講，要比錢又好，唔準拎又好，要唔要咁晦氣呀…家姐碟牛排好味，但係我碟雞扒就失望嘞, canteen 個炭燒雞扒飯都好味過佢。家姐食飽好耐都無人拎甜品比佢，又要辛苦哋搵手應我上甜品(其實見佢哋個個都好忙咁專注執檯，所以睇唔到舉手嘅人，又無人等檯，唔知點解要執咁快)，話咁快就埋單，點知我發現兩杯嘢飲都收咗正價，即時同佢講轉特飲唔係加30蚊咩？跟住佢答我`咁好啦，我幫你改番張單先'，當時心諗，幫我?唔係應該要轉番咩？真奇怪。跟住又拎張單嚟，只減咗一杯錢，我又問點解，佢答我已經減咗一杯…我兩杯都係跟餐轉㗎喎，點解淨係減一杯錢。跟住佢先話我嗰杯唔係跟餐，係散叫，要收正價。即時R爆頭，幾時叫過正價嘢，我咪同佢講我指住個餐牌話轉呢杯ice coffee,無叫話正價嘢喎。呢次仲勁，嗰杯mix & match ice coffee 賣晒嘞，你呢杯係另外叫㗎，我真係有點被屈嘅感覺，我有問點解賣晒無同我講叫我轉第二樣嘅，佢無答我，因為我2點叫埋單，當時已經2點20分，但係我已經飲咗落肚，我都要比錢㗎啦…驚比佢話我食霸王餐，所以焗住都要比錢。我好多年無寫食評，佢另外再次log in嚟同大家分享，以免其他人同我一樣中咗招。…查看更多

今日男友早收,可以去拍吓拖.都未知去邊度食好.....行行吓見到有間日本嘢就試吓啦! 一入門口見到東亞信用卡好似有優惠,但無詳細咁睇. 上到就被安排咗個對住 toilet 嘅位, 但見到都有好多位, 男友唔太LIKE, BUT 我話算啦,費事比人話. 首先叫咗劍魚腩,三文魚,海謄同帶子壽司, 蟹膏大蝦大蜆炒飯,先嚟壽司, 海膽唔太新鮮,劍魚腩同帶子就幾好,三文魚麻麻. 跟住先再叫蒜香三文魚骨腩同燒雞腎串仲有啤酒(不過menu 有七寶, 但原來佢哋無 support 好耐, 又唔貼張 label 話無),但反而魚骨腩嚟先, 因為我想等個飯到咗大唔大碟, 唔大嘅就想食拉面! 突然記得東亞有優惠, 就問個女仔, 佢話食滿 $200 會有生蠔每位一隻,跟住叫佢幫我 check 單睇吓夠唔夠, 我哋叫咗 $193, 咁就算啦! 之後問佢海鮮拉面有咩, 有個女仔話有青口,蟹柳,八爪魚,跟住就比咗另外個女仔講,佢就話蟹柳,青口,蝦,魷魚圈,咁我就是但要啦! 點知個飯搵唔到有蟹膏,不過都有唔多蝦同蜆, 但我就覺得$88得呢d嘢就差d, 到我個面嚟咗, 2個女仔都話有蟹柳但竟然係無, 不過青口幾鮮味, 最恐怖嘅係個魷魚筒, 仲衰過咬緊橡筋, 完全咬唔開, 最後一件都無食過. 埋單時先記得無問佢攞生蠔, 個女仔又無幫我跟, 埋單時同佢講就話唔緊要啦, 下次先嚟食過, 我話應該都唔會, 結果張單嚟到見到有雞腎串先記得叫咗, 但無嚟, 都咁耐啦, 咁都燒唔到出嚟............... 埋單三百幾…查看更多

朋友介紹, 因為平, 不過要等到8:45pm先有得食就辛苦d. 一去到好似無咩人招呼你咁, 企咗成分鐘先過嚟問. 不過算啦, 我哋坐低咗後就劃嘢食.上菜嘅速度都尚算快.係d份量無咩準則, 有時寫5客燒和牛有3串,有時寫2客就有5串, 無寫嗰d又有嚟,寫咗嗰d又唔嚟,同佢講話無叫到又當聽唔到,行咗去,無叫又點食? 最慘係尾聲大家都飽飽哋嘅時候就仲辛苦,唔知食好唔食好,又唔知寫幾多好(因為驚寫3客嚟10客, 又唔肯收番)........D order 紙由A至G分類, A-刺身,壽司,B-手卷,卷物,飯 C-沙律 D-燒物,飯 E-和食 F-主食 G-炸物, 不如先講值得一試嘅食物先,勁落order嘅有......三文魚刺身(肥美,正常厚度)甜蝦同帶子(鮮甜)火焰吞拿魚同牛肉壽司就真係半生熟,鰻魚芝士卷(鰻魚都幾大塊,芝士又好香),鹽燒鯖魚(好滑),焗廣島生蠔(加埋其他配料,食落去個感覺好好)串燒和牛(幾嫩,有肉汁唔乾身)鹽燒冬菇(夠香又軟身) 不過唔會再order嘅有吞拿魚刺身有筋,章紅魚唔係太新鮮,長腳蟹肉沙律就比較少蟹肉, 鐵板魷魚鬚好多洋蔥,無咩魷魚鬚, 鮮蟹肉粥起初覺得好香,但飲飲吓隻味有d似白湯, 鹽燒秋刀魚好苦,因為食中咗條腸. 燒雞軟骨好乾........我哋仲有叫過玉子,北寄貝,角螺刺身,象拔蚌同鮑魚片壽司,青瓜同蟹子沙律,炸軟殼蟹卷, 燒海蝦,鹽燒三文魚頭,鐵板雪花牛柳粒,韮菜炒蜆,蜆仔麵豉湯,吉列蠔,吉列帶子都係普普通通, 無咩特別, 反而最後送咗個紫米露幾好味..........講真$160有咁多嘢食都唔奢望d service有幾好, 將價就貨, 都無咩餐廳可以做到又平,又好食仲要有好 service, 所以都算幾滿意…查看更多

上次食完之後就已經勁想快d再嚟過, 終於等到了. 今次一行6人, 都有叫番上次有叫嘅乳豬, 豉油王乳鴿, 生炒骨, 豉油王鵝腸, 第一次食嘅粟米斑塊, 啫啫唐生菜煲, 啫啫雞煲, 豉油王炒面. 乳豬今次叫錯咗個例, 好似唔係幾夠食, 但例同1/4隻嘅分別就係前者切得大小不一,後者精美得多. 豉油王乳鴿, 生炒骨, 豉油王鵝腸同上次差唔多, 都係咁好味, 粟米斑塊係超脆, 佢哋係用新鮮魚肉炸,所以肉質好鮮, 個粟米汁簡直係一流, 跟住生菜煲好香, d 汁好濃, 蒜片又多, 不過個份量好似少咗d, 一人一條之後剩番幾條.......啫啫雞煲裡面咁多料,最鍾意就係d豬潤, 勁 "淋", d 雞都好滑. 豉油王炒面炒得好爽, 唔肥膩, 不過大家都因太飽嘅關係而食唔晒, 記得上次個綠豆沙勁好食, 都好掛住, 可惜今次佢話送晒, 只有生果盤, 但西瓜唔甜,食咗一塊無食 lu! 不過最後提示, 星期五或假期前一定要訂位, 否則我諗有排等.差d唔記得講有個侍應帶住黑色膠邊眼鏡, 服務態度認真麻麻, 小心佢上菜!!!!!…查看更多

以前中環有和民時, 起碼一個月會去2次, 但結業後都未食過,今晚咁男友放早就出街食飯.講講就去食,去到見到個餐牌都係等男友叫,因為太多都食過(諗住大半年無會有d驚喜),有個春之特撰料理又好似唔係特別吸引,不過都會試,最後商量好決定叫,煮星鰻.海老壽司,鰻魚豆腐鍋,明太子芝士玉子燒,海鮮麻醬冷麵(個汁份量好同個味道好好味)同埋串燒盛合.點知串燒盛合無雞腎,佢話比雞亦,但最終都無要(因為我之前食過個雞亦老d)後補個芝士年糕燒餅(之前食過幾次都好好味)先鰻魚鍋,不過要自己落蛋同等佢滾.跟住個壽司就麻麻,4件個size都唔同,一夾就散,攪到要分開食.唔係幾好,到個豆腐鍋都唔差,豆腐索晒d汁,中間就淡dd.個明太子芝士玉子燒一定要熱食,因為我一食時候,芝士香味隨住d熱氣上升,再食埋佢,d蛋仲好嫩滑,有少少明太子味(張相有好多明太子gar)--好味.個冷麵對於我就無咩驚喜,但我男友就話好好味.不過美中不足就係個燒餅,叫成半個鐘都未有,我咪問佢個燒餅整未,未整就取消,因為我趕時間,點知佢去問經理,過一陣就話同我取消佢,咁即是未整啦!!有d失望…查看更多

之前都見到openrice 賣廣告,不過無機會去食, 今日有朋友生日,就即管試試. 訂4位, 7:30pm, 不過上到去發現其實可以唔使訂位都得. 首先d waiter服務態度就認真麻麻, 成日見聚埋一齊傾計, 舉差唔多成5分鐘手都無人理, 送菜員係求其將d食物放度, 要我執番好個位, 食完又唔執走佢.但講食物都唔太差,叫雜錦壽司(竹),炸雞件,唔知點解有牛什, 所以叫試,金菇牛肉卷,天婦羅軟殼蟹,雞軟骨, 一支ASHAHI啤酒, 個牛什竟然係麻辣咪,好似怪怪地, 因為呢間係日本餐廳, 雞件就炸得老d, 其他都普普通通, 無咩特別,埋單折實$453, hsbc 有10%, 仲做埋會員, 不過下次會試食lunch.…查看更多

尋晚好彩有訂位,去到十分多人,首先立即叫乳豬1/4隻,豉油王鵝腸,乳鴿,生炒骨,上湯芥蘭,例湯1 煲(清補涼煲豬環),最後送綠豆沙或蕃薯糖水. 上菜時間都算快,先鵝腸,極爽脆又唔肥, d味唔太咸,到例湯,好濃,無味精,d湯渣都好好味,到期望的乳豬,果然係招牌菜,好脆,一d都唔肥唔咸,(本人前晚石澳都有食乳豬,但d肉咸少少同埋肥d)係食到唔停口.跟住隻乳鴿d肉好淋,無渣,d汁仲好香.生炒骨簡直無得頂,咬落去勁脆口,個粉又薄,啖啖都係肉,全無肥肉,唔似其他d小菜館,青椒多過骨.放好耐先食都唔淋.超正.最後上湯芥蘭好甜, 條芯皮批走少少.好味!大家都成餐飯都好少講,only聽到"嘩呢個好味"同"個都好好味"到大家食得8899先開始傾計,好飽.但之後佢話有甜品送,但大家都想試,好在大家都唔放棄,因為個綠豆沙唔係好甜但好香,結果個個都食晒.已經PLAN定下次幾時再食,今朝都仲好回味D菜, 下次一定要叫半隻乳豬同試粟米斑塊.…查看更多

我住筲箕灣都寧願去遠d太古間元氣或者西灣河間外賣壽司舖都唔會去隨你鍾意,因為要受d waiteress 氣, 之前都有食過係因為四處都無咩日本店, service無,又串,仲要見到佢地行路行到'un'身'un'世,d壽司又唔夠新鮮,雖然一分錢一分貨,但佢又唔算好平.有次我打比佢問送貨送到幾點, 佢話9點, 跟住我同d friend傾完食咩之後,8點幾打去落order,佢又話唔送,要自取.所以自此之後就無再幫襯lu, 太睇心情去做野.而家d後生仔出黎做野,唔識講禮貌,真悲哀…查看更多

新記係一開舖我就已經去食,因為我都好鐘意食車仔面. 果時貪佢無咩人,地方唔太迫,d面好好味,尤其我食得辣,比較鍾意要米粉,因為如果叫米粉,個米粉會係黃色,好正.不過唯獨係一路食一路要聽鄧麗君d歌好特別.但慢慢就越黎越多人食同出名既關係,好多野都變晒質.好似d service咁越來越差,d 越來越少,d位就越來越迫,好在d味道都keep得住.我最鍾意食雞亦,魚旦,八爪魚,大腸,其實我都有食過其他野,差不多樣樣都唔錯,個辣汁更加無得頂,又要重新,我係佢一開舖每個星期食四次,慢慢就無去,因為要等好耐位.早排食過水準都keep住好味,但真係好迫....…查看更多

見d食評都ok,所以星期六專登同個同事去試,大家都抱住幾好祈望去食呢個LUNCH, 去到唔係太多人.我就叫大腸,魚腐,菜肉雲吞,酸辣米線,大辣, 我同事叫豆苗餃,香菇貢丸,魚腐,酸辣米線,唔辣. 我碗好快就到, 但一睇就feel到佢一d都唔辣,結果真係唔辣,連唔食辣同事都食到, 跟住問佢係咪已經大辣, 佢話係,然後我忍唔住叫佢比d辣我,佢比一碗辣椒醬我,話驚我辣得滯,咁我咪倒半碗落去試,無料到,跟住順便倒埋半碗落去.佢問我辣唔辣,當然都係feel唔到係大辣,不過我放棄,佢就比d辣椒我叫我生食,我當然唔會食,都唔matchd feel, 無酸味,魚腐硬d, 可能唔夠豆腐,其他都唔係咁好食. 我同事就覺得碗湯好似有d羊肉味,豆苗餃無食評講得咁新鮮好味,香菇貢丸就好似細粒,碗面都係唔酸.不過算啦,都唔會再去啦!都係放過佢!…查看更多