lulywong的个人专页

本來想吃壽司郎, 仲有100個籌, 轉去樂麵,第一次幫襯, 喺門口睇menu職員熱心介紹, 唔同湯底冇味精, 坐低雖然可以用qr code落單但係職員都主動幫我落單, 可能叫我第一次幫襯傻下傻下, 湯都有雞湯, 鹽味湯, 辣湯, 魚湯, 本地悅和醬油湯等等, 我2人叫咗一個魚湯一個雞湯, 雞湯味道出啲👍, 麵可以選擇軟硬, +$15轉永樂麵, 麵都有正常size或者加大size, 普通人吃正常size已經夠, 湯,豚肉,蛋,麵各方面都做到平衡, 另外我都叫了奶茶有濃郁茶味, 最後九折買了一袋永樂麵, 會再幫襯😍…查看更多

已經很多年的小店, 食物質素👍種類也多選擇, 堂食啤酒清酒買一送一👍, 最重要今時今日沒有限時這規矩, 最鍾意池魚半條刺身另加壽司, 今晚唔係太肚餓所以冇叫熟食😄 燒蠔繼續做緊特價😁…查看更多

冇咗我最鍾意食嘅熱香餅, 裝修咗, 門口加咗枱, 營業時間提早八點開但係都幫唔到食物越嚟越差.星期日只有十個人, 下午茶我就第一次點咗窩夫雪糕, 上枱好靚點知中伏, 拮咗好耐都吉唔入, 硬過石頭, 放棄, 同職員講, 佢反應： 哦, 唔好意思…查看更多

其實開咗一段時間, 咖啡種類甚少可以講話冇得選擇, 後期有小吃, 種類亦少, 只方便樓上返工嘅人經過飲杯咖啡, 一杯咖啡加一個小食過一百蚊, 最討厭係佢喺大堂放了幾張枱, 這些私人公眾地方, 疫情之下沒有戴口罩傾計, 係好可怕.…查看更多

從網上知道該晚上放題依架中午推出芫茜點心所以吸引我同屋企人去, 坐下侍應即放低一大碗芫茜, 唔係吖？？完全臭不到芫茜味道, 已經驚, 叫了含有芫茜點心包括荷葉飯,腸粉,燒賣,餃子,春卷等等, 完全沒有芫茜味道, 如果合上雙眼吃這些點心根本唔知道有芫茜.地方大, 不太迫, 因為位置在3樓唔需要排長龍坐升降機, 冇得預先訂枱, 星期日中午不需等位但都幾滿.食物上枱不慢, 正常速度.一心去吃芫茜餐, 中伏及好失望！一定不會再去.…查看更多

過左熱潮，兩點鐘入座唔使等， 主要係食牛湯河同埋撈檬， 蔡瀾加中環效應，價錢當然偏貴， 我點了特別牛肉湯河粉，越南滴漏咖啡，連服務費$173， 可能遲食午飯，頗肚餓，這河粉唔夠飽， 湯係先甜， 我坐下層九成係high chair， 環境尚算乾淨。…查看更多

四個女仔去， 星期五有間房坐，不滿座， 13度菜式差不多同一時間上枱， 味道唔錯，但職員笑容欠奉，最深刻印象食物有水母刺身，爽口但無味，日本滑蛋粥有sake味，汁煮螺也美味！…查看更多

星期日唔開， 可想而知星期六真係會好多人所以一早去朝聖， 九點前到達， 場面已經熱鬧。環境係一般嘅村屋， 服務有禮， 食物超班，價錢好抵！佢話食物係即叫即做，我叫咗招牌菠蘿包同埋沙律多士，飲咗半杯熱奶茶食物才上枱， 華嫂都要親力親為招呼人客， 我同佢講等咗好耐食物， 好肚餓，請問可唔可以加單？ 佢二話不說即刻幫我落單要一個芫茜豬膶鮮牛肉米粉， 我讚佢嘅豬膶沒有腥味！菠蘿包 ， 厚牛油+大塊蕃茄+煎蛋, 真材實料好味！沙律多士， 生菜+大塊番茄+雞蛋沙律, 真材實料好好味!!皮蛋芫茜湯豬膶鮮牛肉米粉， 兩隻皮蛋+多多芫茜+ 新鮮無腥味豬潤， 好好好味！…查看更多

通常兩點去，只有數位客人， 員工卻有十多人，大部分不懂廣東話， 餐牌只有英文， 單靠餐牌上內容要自己想像crepe， 見到客人 的食物上枱後不合心水。我通常選購最基本嘅士多啤梨香蕉 & latte, crepe煙韌, 內裏鋪滿士多啤梨及香蕉， 士多啤梨偏酸， 除咗甜味亦有鹹味，亦可以另加配雪糕 環境偏暗, 適合跟朋友下午茶。…查看更多

2人叫了2 SETS DINNER，SIRLOIN STEAK & BB 骨。1)  先來個南瓜湯, 十分稀薄。2)  再來Sirloin Steak, 肉鞋又無肉汁, 很乾及硬，切到手都軟。3)  BB 骨很大件, 但汁不野味，肉未夠軟。不會再去。…查看更多

朋友介紹的日式燒, 新餐廳, 出奇地每樣食物都好吃, 包括鳥冬, 各類燒, 我最愛汁燒月見免治雞肉棒及清酒蜆, 蜆肉很厚, 每隻蜆都有肉, 刺身亦新鮮及厚切, 其它推介有豚肉梅菜.…查看更多

食物很一般, 選擇不多, 不像傳統酒家, 是西餐廳格式, 所以有凍飲如可樂, 咖啡, 奶茶, 花茶, 有趣.吃了海皇鮮腸粉 ~ 皮阿薄黑松露鮮蝦燒賣 ~ 幾特別雪影杏汁包 ~ 本身不吃杏汁, 因食物但沒有太多選擇, 包軟熟, 杏汁不是太濃, 適合我口味…查看更多

共4人首次去, 很有驚喜, 睇得出用心去做, 所以等食物時間會較長, 當食物上枱, 咩都抵, 外貌實在太吸引，連隔離枱既人都很羨慕我地既多士盒係好大個。食物質素很好, 焗多士盒前已把麵包切好, 我們不用再切，方便進食。馬卡龍有5粒，味道適中，中間夾了一層薄蛋糕，口感軟棉棉，另有獨立賣，每粒＄２０。出奇地連多士盒上的雪糕也很濃郁。咖啡味道沒有驚喜，味道一般。食物及飲料選擇多, 除了甜品亦有意粉。…查看更多

又是這位女經理的服務態度不知所謂,以後不會再光顧和光!!我和丈夫間中會到紅磡黃埔花園的日本和光吃鐵板燒，有次晚餐後獲贈$50優惠晚餐券兩張，優惠券背後有四條款，其中一條如下：此優惠券有效期至2007年12月(不適用於農曆新年期間、情人節、母親節及前夕、父親節及前夕、中秋節及前夕、冬至及前夕)因優惠券有效期到12月31日，所以打算在聖誕假期惠顧餐廳用了這兩張優惠券，而且想試下九龍灣Mega Box新店，怕聖誕節人多所以在12月25日當天打電話訂座兩位吃鐵板燒7:30到達，職員在電話只提醒留座10分鐘，當我準時到達坐下來習慣會出示優惠券去肯定它無問題可以使用，女經理一見到我的優惠券便說優惠券不能用，我問何解，她答聖誕節不能用，我遞上優惠券及指出背後的條款沒有提到聖誕節不能用，她沒有回答只說聖誕節不能用，再說根本所有假期不能用，我反問「情人節、母親節及前夕、父親節及前夕是假期嗎？又何解回歸及復活節是假期但卻沒有說明不能用？」她沒有理我便行開，我丈夫追問經理原因，她解釋是第一批優惠券印漏了聖誕節但之後的都已更改，我聽後不敢相信，立即反駁這是餐廳的疏忽不是顧客的問題，我們訂座前已看了優惠券多次才肯定優惠券在聖誕節是有效的，我們沒有犯錯是跟足優惠券的條款。和光的鐵板燒不便宜的，區區$50事實上是很小很小的優惠，我們絕不是貪優惠才前往，因我們到黃埔店多次都是沒有優惠，因為原則問題我們最終沒有光顧便離去。我和丈夫很喜歡吃鐵板燒，和光是朋友介紹的，一吃便愛上，亦會跟師傅交流鐵板燒食物，我很明白很多餐廳在假期時都會停用所有優惠，但每間餐廳處理都不同，通常會張貼告示在門口當眼處，可惜和光沒有這樣做，亦對自己錯印優惠券沒有半點悔意，沒有去承擔只說「日本和光保留使用此券的最終決定權」這是作為一間餐廳應有的態度？經理最後只說「她可以收回我的優惠券而換上2008年新的優惠券下次再來，很多客人都是這樣的」，我拒絕因我已對餐廳失去信心不會再去光顧，好明顯她不是今天才知道問題，解決方法卻是餐廳話事，不給優惠就不給！…查看更多