brianlee0515的个人专页

今日同女朋友行街，女友話想食日本野，於是就喺佢行街期間搵到呢間勝八居酒屋入到去見到個格局都好靚下，好有日本味，就事不疑遲嗌野食。女朋友提我呢間居酒屋黎，緊係要試下佢啲酒先啦，於是我地就一人叫左杯梅酒同柚子酒再叫野食首先叫左個炸白蝦 ，炸得好乾身香脆，用黎送酒一流。然後食日本野見到佢有剌身緊係要試試佢啦，呢個剌身盤入面有真鯛，佢點左一層黑松露油喺面，令到佢更香更鮮甜。之後就要呢個禮，佢係連魚骨打成的，個口感好特別，係我第一次食呢種刺身，最後就係帆立貝，勁大隻，超鮮甜完全無唔會話雪到冰。食完剌身就試下佢啲熱食，我地叫左個鐵板牛舌，本身諗住普通野用黎填下肚，點知又係勁好食，最重要係佢個汁，好特別既味道，突顯到啲牛味。然後最後就係呢個燒池魚，池魚個魚味好重，師父亦都燒得好靚仔，配埋佢個醋汁就可以解返頭先食牛果種油膩，非常好。食完再同女友去Shopping，今晚真係盡興，有機會再黎試下其他野！…查看更多

同同事收工，大家都無飯食就約埋食飯，喺銅鑼灣搵嘢食，同事話呢間上次食過幾正，就跟佢去試第二次。入到去環境都幾好，感覺好舒適優雅，樓頂啲燈都好靚。我就嗌咗個豬手Set dinner，同事就嗌咗個all day breakfast，大家share食。Set dinner有餐包有湯有沙律，羅宋湯味道濃郁，麵包鬆化香口，沙律有啲酸忌廉喺度好醒胃。食完次後同事個All day breakfast嚟先，就試吓佢嗰啲先啦，有隻雙蛋，蛋半熟有流心，同埋有啲香草吊味，薯餅炸得好香好脆口。同埋佢有一兜芝士片喺度，食啲咩都可以加上去，有啲咸香幾正。煙肉呀腸嗰啲都唔會話太熟好鞋口，all day breakfast嚟講好過出面好多餐廳。之後個豬手上啦，超大隻，一切落去，嘩咁深嘅，好多肉，岩哂我呢啲食肉獸，佢整得好好，外脆內軟，帶咸香，同埋佢有紅酒汁俾你點，可以減少一啲肥膩感，仲有個配菜酸菜俾你開胃。我同同事都食得好爽。侍應服務都好好，成個過程好舒適，地方好岩我地吹水，下次再同朋友過嚟食先。…查看更多

今日同朋友行過通菜街見到開左唔少新店，諗左好耐都唔知食咩好，最後見到一鍋瘋海鮮火鍋好似幾抵就入去試下，百幾蚊一人一個set，有好多款海鮮，再一人揀一個湯底，配料就另外再加錢，款式唔少，一般肥牛、丸、蔬菜全部都有，仲有一啲自家手打滑。鍋底揀左菠菜同埋栗米，都幾香，海鮮就好新鮮，幾種蚌蜆都好鮮味，大大隻唔會冇肉食，蝦彈牙，蟹都唔錯，可以見到入面係有啲海鮮缸，全部都係即整，配料好幾抵，每樣都係加8蚊就有，臨尾仲有個粥底，一定夠飽。…查看更多

呢到嘅常餐幾抵食，一個常餐有雜菜湯粉、一去豬扒，午餐肉，煎蛋，多士。雜菜湯粉都唔錯，份量夠，好多菜，有蕃茄湯味，豬扒大大塊又唔會好鞋好硬，佢地嘅奶茶都做得唔錯，認真好少四十幾蚊個常餐會有咁多野食。…查看更多

係附近運動場做完運動就想搵下宵夜食，見到呢間油渣麵，聽聞好似幾出名就入去試試，野食選擇得好少，大細碗麵，或者加啲餸雞翼腸仔果啲，仲有幾種菜可以叫。咁就食左碗細油渣麵，麵質幾特別，似大條狗仔粉，餸有少少冬菇條，肉粒，湯都幾鮮味。…查看更多

一個普通嘅大快活下午茶餐，有一塊吉列豬扒，炒蛋，多士，再配個雪菜肉絲麵。以平平地嘅價錢其實個味道都正常，吉列豬其實都做得唔差，塊肉唔算好薄，都熱，炒蛋正路野，係個麵麻麻，一黎個肉絲太少，二黎麵都未踗哂，仲係有少少一舊舊。…查看更多

一行幾個人想食自助餐，本身想book隔離JW但係果到永遠都咁爆，所以臨時臨急就book左cafe too。其實以前食過兩間個質素都唔係差好遠，今次佢係做緊個廟街主題，有啲避風塘野，有啲瀨尿蝦咁，不過其實我都唔係好知邊樣係關廟街事嘅。凍海鮮果邊，今次啲龍蝦唔錯，肉質爽彈，有龍蝦味，都食左3-4隻，熟食就普普通通，有邊有個海鮮缸裝住啲活蝦活瀨尿蝦咁，係就咁淥熟佢，味道就真係一般，特別係淥龍蝦，可能係時間預得唔好，太老。不過點心就幾好，蝦餃皮薄好食。甜品選擇都唔少，質素都唔錯，個班蘭糕整得好，班蘭味香。…查看更多

呢間係路德圍街邊檔群遠少少嘅小店，佢嘅炒腸粉、蠔餅、海鮮餅都唔錯，即叫即整，好有鑊氣。平時多人會開小小街邊台俾人堂食，幾有風味。我地叫左炒腸粉、蠔餅同埋燒賣，腸粉用左XO醬炒，好香，腸粉滑，份量夠，蠔餅雖然係街邊檔，但係落足料，有好多蠔仔粒，亦唔會太油。…查看更多

連鎖湯飯店湯加算係幾抵食，味道亦唔錯，款式都多，中式西式養生都有，配搭選擇多，幾種麵飯可選。今次叫左個未叫過嘅竹絲雞，另一個係酸菜魚，同埋試埋個淮山麵。雞肉煲得好踗，都唔會太鞋，湯甜，配淮山麵唔錯，麵香彈牙。…查看更多

去開粉嶺探親戚，經過名都餓餓地食個下午茶，係太興叫左個蕃茄通粉配炸魚卷之類嘅野，味道不過不失啦，蕃茄都ok嘅，魚卷都熱唔會是但整凍冰冰，凍奶茶就一如既往有水準，茶味香奶滑。…查看更多

屋企附近近幾年開左好多cafe小店，呢間就係其中一間，全店只係得十多個位，不過就成日都滿哂，可見食野質素應該唔錯。今日幾個朋友黎到食lunch，叫左一個all day breakfast, 一個卡邦尼意粉，一個香辣蝦意粉同埋一件西瓜蛋糕。其他野唔記得影相，不過各樣質素都唔錯，但係有少少失望嘅係件蛋糕，好似話係最出名嘅野，但係食落唔算好特別，甚至西瓜同埋士多卑梨有啲唔夾，不過呢啲野都係個人口味，應該都有唔少鍾意嘅。 …查看更多

平時食開紅磡冰室，最近隔離開左間新野，專食燒鵝，見咁多人排就去試試。黎到就梗係試個招牌野啦，燒鵝飯。燒鵝一睇就知唔錯，皮薄脆，香蜜味，個汁撈飯非常夾，而個肉質都唔鞋，算嫩滑，燒得岩岩好，鍾意食燒鵝嘅都可以黎試下。…查看更多

有人請食飯，去左呢到食，都係一般果種一圍菜咁食，菜式都係正常會有嘅野啦，菜扒冬菇、節瓜肉、蒸魚、蜜糖核桃、伊麵等等。水汁正常啦，唔算話好出色，不過不失咁，主要都係為左一班人食下聚下。…查看更多

厚和街近年多左好多間野食，乜野菜式都有，日式埃及中東港式馬來新加坡西式咩都有，今次就去左呢間亞蝦，佢隔離就係亞蟹，應該係同一個老闆開，好似話叫左野食都可以兩邊叫。係亞蝦叫左兩碗蝦麵，一碗係蝦豬肉麵，一碗係大赤蝦麵。兩碗麵係用招牌蝦湯，不過赤蝦果碗就有啲唔同，蝦味更濃，辣一點，蝦豬肉果碗就有幾塊腩肉，麵幾爽口，蝦亦唔會梅，每淡麵都帶到蝦湯。…查看更多

晚餐得兩個人食有時又唔想出去，所以今日叫左外賣，有間外賣店竟然會送客尚來，之前都好似冇，咁就叫左一個二人餐，係有一份點心，兩個主菜，一份甜點，一個湯，一盒白飯，價錢因為要俾埋外賣送递費比平時貴，不過呢間野平時係抵食嘅，因為質素唔錯。今次主菜一個口水雞、一個魚香茄子，兩個都做得幾好，口水雞醬汁香濃唔會只有辣味，雞件嫩滑，茄子唔會太踗，另外小籠包都唔錯，有湯汁皮薄，甜點就叫左豆沙餅，幾脆口，豆沙幾香。…查看更多