ckm1025的個人專頁

今次係第三次食呢間高質抵食嘅任食邊爐！一入餐廳背景音樂係咁播Mirror，仲要周圍掛晒教主同埋jer嘅廣告，miro嚟食一定好高興😂坐低叫咗頭盤之後當然立刻係去拎佢哋嘅自家製嘢飲🫢洛神花茶入口有啲酸好開胃唔會太甜，打邊爐啱晒蜂蜜菊花露好清甜，唔飲甜嘢嘅話桂花烏龍都茶味好香👍🏻 佢地連啤酒都任飲真係冇得輸醬料區 炸蒜芫荽芝麻醬係基本，值得一提係佢哋用咗新鮮辣椒粒，唔係擺耐左嗰啲，所以落少少就可以好辣麻辣雞煲我地叫左小辣，份量作為頭盤嚟講都幾大！骨唔算好多，配料超級多個味好出，麻嘅後勁都幾勁，如果食得辣嘅辣度可以叫勁啲，因為個醬偏甜～麻辣湯底好有麻香，大辣越煲越辣🫠🫠🫠唔係太食辣嘅我就加左$30叫左個椰青香茅青檸湯底，好有椰香同香茅味，抵讚嘅係食到最後一刻加埋湯都仲係好清新仲有嗰陣椰同香茅味！我哋個餐跟嘅有幾款牛牛下肩肉嘅質感幾稔，幾吸到個湯底嘅味牛板腱就比牛下肩仲稔同滑，仲要係可以喺佢個QR code度任點超正！牛爽肉就質感好特別，鍾意食爽口質感嘅一定要試😀通常食肉啲人都係鍾意食辣嗰邊，因為個味道比較重，但日本豚肉就算落落去椰青果個湯底都好香椰子味！蒿荀都係新鮮，因為冇渣黑椒馬蹄貢丸都好好食，爽口彈牙好香黑椒味芋頭包心貢丸都好高質入邊有一大舊芋頭，絕對唔係平日嗰啲假味芋頭花雕醉雞件超好味好香酒味魚片都好滑，海蝦都幾新鮮，好高質！我鍾意呢度嘅最大原因係佢啲甜品超吸引，係可以自己mix and match 嘅紅豆芋圓豆腐花！真係咁多任食邊爐嚟講最有heart嘅自家製甜品!當然唔少得仲有雪糕仲係杯裝任食😀值得一題係服務質素都好好，店員都好helpful友善😀😀😀埋單都係每人3xx左右，性價比真心高！…查看更多

今日係treat day由寶寶拍板，黎左呢間新轉手的餐廳。一坐下店員就熱心介紹我們飲啤酒。心想，不是吧，竟然是喜力。原來係荷蘭直送的限量版鋁金屬樽，啤酒的溫度可以keep 耐D，同時口味上又比一般啤酒淡，少了一陣苦澀味，啱晒我地這些港女了～

Dutch snack platter 中間圓碌碌嘅Bitterball 外層酥脆內餡包住忌廉味濃郁嘅免治牛肉，聽老闆講係一款叫Kroket荷蘭可樂餅變奏版，可能係佢非常適合餸酒，所以名為Bitterball，配埋荷蘭喜力一流！旁邊嘅係荷蘭咖喱腸同炸Gouda cheese，三款炸物都香口不油膩，非常不錯！

平時食西餐一定唔揀fish and chips皆因香港地食到嘅大多都用雪藏魚，即使炸得再好都難逃雪味。今次店員同我地推介鋪頭嘅fish and chip用新鮮嘅鱈魚，貪其肉質厚實富彈性，配自家以啤酒、麵粉、發粉及粟粉調製成3種不同口味的炸魚脆漿，所以炸皮特別薄脆，沙律醬混酸瓜這個炸魚薯條一d都唔馬夫。

本來想食海鮮餐，可惜店員話疫情關係，星期四先運到黎～ 最後揀咗西餐少見嘅豬扒拖鞋包。當中加咗熟洋葱，同澳門豬扒包有D似😂但其實完全係另一個層次，豬扒厚切得黎，肉質依然好淋好juicy啖啖肉，仲加埋少少青瓜，同酸酸甜甜的汁醬，已經食唔到豬扒嘅肥油味，再加上一啖紅酒一啖豬扒包，轉眼就食晒成碟喇。如果我喺附近返工，應該都會個個星期買個豬扒包做Lunch😍

以為飲飽食醉，原來寶寶仲揀咗荷蘭必食的小鬆餅Poffertjes做甜品，食起黎像扁了的雞蛋仔，焦脆外邊中間軟綿綿，配焦糖鮮忌廉，鬆軟香濃好好吃哦😍眨眼就比我地清左碟！店員更推介一款令我"愛不惜口"的白酒，只有5%酒精的西班牙moscato，好易入口，但小心會不自覺追酒飲了🤣整體結論，食物質素非常高質，價錢而言我覺得有點太平LOL 䉀渣價可以食燒餓脾（雖然我地真係影相般）。店員服務好好而且細心，好快就知我地飲酒嘅口味。大推，希望快D放寬8個人，可以同朋友再黎！…查看更多

今晚喺附近收工,約咗個好耐冇見嘅老死食呢間encore左好多次嘅漢堡，今次終於的起心肝幫佢寫返個好評佢位於日街，記得有個pp嘅扶手電梯上山架，放工咁攰都唔使行樓梯上㗎閒日都坐到full仲要輪到幾round，可想而知佢啲嘢食有幾正 裝修簡潔有型，好多外籍人士捧場Real good burger實至名歸，價錢公道！好鐘意飲呢隻唔會有嚴重假味嘅淡lime sparkling waterGreen Monday當然要食返啲green嘢，impossible burger加sweet potatoes fries係絕配！完全唔覺得自己食緊齋，舊假肉唔會煮得太乾，不過下次試埋加cheese先！個蕃薯條都冇得輸，咬開金黃酥脆嘅外皮係大大舊軟身嘅黃色蕃薯！朋友叫左個double cheese burger，個cheese fries正到暈，我都食到冇停口，個burger我朋友都食到 半熟嘅hamburg望落已經好鬼正！極度推薦！…查看更多

最近身邊好多朋友都極力推介蟹仙，打電話book咗嘅我今日嚟到一嚐，終於明白點解佢哋成日話會念念不忘一入到去已經比佢哋好好禮貌嘅服務員serve👍🏻今日我哋揀咗個位位$399嘅尊貴海鮮套餐，which原價要799!抵到爛！坐低冇耐之後店員就拎咗粥底放落去蒸鍋個底度，已經覺得好期待！前菜係一隻凍花蟹，非常有驚喜！啲膏超級鮮甜！！食咗我哋好耐呢個蓋好正之後店員就逐樣海鮮幫我哋放落去個蒸鍋度，計時，然後仲會幫我哋夾起放入個碟度，服務真係超好！隻虎蝦擺得好靚超級大隻同埋甜隻九孔鮑魚大到有一隻中指咁長，超級彈牙好味，完全唔會硬，扇貝都好重海水味好鮮甜唔會痴牙隻馬刀貝勁大隻又甜到飛起又好滑！超鍾意食店員仲好好服務話俾我哋知要先食隻蠔，因為原來蠔膽凍咗爆開會變苦，佢仲好貼心咁話等我哋試吓苦唔苦，如果苦嘅話幫我哋整過另一隻呢隻澳洲青年龍蝦真係不得了，超級新鮮啲蝦膏好甜，蝦肉大大嚿啖啖肉但係唔會癡牙！重頭戲嚟喇！呢隻係叫做奄仔蟹嘅青蟹，其實即係冇產過卵嘅處女蟹，我喺開頭揭Menu嘅時候就有見到佢嘅介紹佢嘅特色就係裏面嘅膏都係好creamy好軟身嘅:)之後再聽一個店員講，原來係1000隻青蟹裡面係得5，6隻咁大皇奄仔蟹佢哋仲要新鮮到喺捉佢嘅時候已經掙扎時甩咗啲腳今次真係長知識了！果然作為做咗40幾年海鮮批發嘅蟹仙老闆先會入到啲咁靚嘅蟹！食落去嘅時候真係好食到嘩一聲，超級驚喜！最後有機蔬菜籃啲蔬菜都好新鮮，蒸完之後食到菜本身嘅甜味，好鬼正！由於擺唔晒咁多相嘅關係，個粥就唔放出嚟啦，但係個粥加埋所有海鮮嘅精華真係甜到爆炸，仲要好綿，忍唔住食咗兩碗！最後因為我哋係喺電話度book枱，所以老細送咗每人一個椰汁官燕糖水俾我哋，唔係講笑好少會喺出邊食到真材實料嘅燕窩！今餐真係好滿足！極力推薦…查看更多

今次已經係第N次嚟呢個咁有藝術氣息嘅商場， B2嘅food Court其實已經係超越左我對food court嘅想像， 又Modern又高科技原來B1都有一個餐廳area，藝術成份又好高，最突出嘅應該係佈滿左村上隆decoration嘅呢間餐廳起初望落去我以為佢主要淨係賣佢嘅Product，點知原來有咁多嘢食！門口就有一個巨型玻璃display櫃，好靚呀朵花同埋個figure!餐牌都有唔少選擇！呢一杯一上枱就嘩嘩聲，超級靚！！而且仲要係好飲嘅凍朱古力奶！啲奶泡仲要有好creamy好醇厚嘅感覺打卡一流，另外其實可以打印你指定嘅圖片，重要啲色好鬼死靚，呢個真係必點！前菜我哋order左招牌墨西哥式煎蛋早餐，上面有一隻好靚嘅荷包蛋再加上好多塊墨西哥nachos，配上好多車厘茄仔同埋牛油果醬，成件事感覺邪惡得來又健康超級墨西哥小食我哋要咗個芝士棒棒雞鎚，幾有KFC嘅感覺每一件雞上面都有一層厚厚嘅芝士，食落去感覺即刻好高級！個雞皮炸得唔會好厚，雞肉仲係非常咁嫩滑，正呀！最後呢個黑松露雜菌蒜片linguine 都煮得非常好食，每一條意粉都食到有黑松露同埋蒜片嘅香味，因為從來好少意粉可以着到咁乾身又咁掛汁，水準之作重點係份量都唔算少食完野仲可以欣賞一輪藝術品，而且仲其實可以直接買，啱晒有藝術細胞嘅客人…查看更多

久仰大名呢間超HIP又深黃嘅cafe今日一支公收工之後可以過嚟歎下真係好happy!上去餐廳途中已經感受到有幾hip😂Members only條件係脷掂到手肘都話深黃架啦，塊隔板都有咁多文宣😍今日安排左窗邊位比我，一邊望住人龍車龍，一邊歎住嘢食，好chillSet lunch包一杯無糖黑茶，茶香味濃，咁熱嘅天氣下飲好爽又解膩細心留意餐廳嘅碗碟都有好多好搞鬼嘅字句，多數都係襯返餐廳名去自嘲，不過呢碗湯一啲都唔係麻麻地咁簡單，係好足料好好飲，竟然仲比我飲到蕃茄入面嘅粒粒籽天口熱食返碗冷烏冬真係best choice，炸雞個皮好薄所以減左唔少罪惡感😂用左靚蟹棒，唔係果啲cheap雞蟹柳，有誠意明太子拌烏冬不嬲都係最佳拍檔，咸香得來帶點辣，正爆嚟cafe點可以唔食cake?!呢個紫薯cheese cake完全比到我超級驚喜！佢用左真紫薯溶去蓋係上面，堅食到紫薯嘅清甜，加上個蛋糕又勁creamy軟綿綿，配埋啖茶我覺得係滿分之作下次一定要帶朋友嚟試！！…查看更多

During the quarantine period, it’s really bored to stay home for so long, so I decided to go out for lunch with my friend We heard that Indians did not get the virus easily because of their food habits ( eating curry ) thats why we chose this newly opened restaurant in soho areaIt is a rather small but cosy restaurant, with parents and son running it, i love family style small restaurant, they often cook with love and of course very yummyThe lunch set menu actually included lots of choices, and with a very reasonable price in central areaWhat come first are the drinks, we ordered a mango masala lassi and a hot masala tea, both are very good especially the lassi, i love it very much, very refreshing yet not too sweetand the chicken tikka really surprised me, the meat remained very soft in texture yet rounded with a crispy outer skin, the taste is so good that I actually ate three of them in a row!As I don’t eat lamb so I ate the whole fish curry on my own without sharing with my friend, but I wanna say this is the best naan I have ever eat in Hong Kong( I haven’t been to India yet), crispy and thin, dipping it with the very soft and fresh fish curry plus the very yummy and very full vegetable samosa, I can say this is the best Indian restaurant in Hong Kong, as the cook’s son said, his dad cooked with loveWorth a try, strongly recommend! …查看更多

疫情下香港人都少左出街食飯，但成日留係屋企食真係好悶所以都係要去樓下食呢間開左好耐但未有機會試嘅餐廳今日食嘅呢間感覺好chill防疫措施都做得唔錯，入餐廳要先量體溫，食客走左之後又會消毒張枱，的確令人食得放心👍🏻餐牌整得好靚，選擇都非常多Passion fruit tea都好香好fresh梨山烏龍三杯茶用左同一壺茶泡左三次，三杯都有唔同嘅餘韻。第一次茶香濃，第二次帶左啲甜味，第三次有啲回甘呢個店主推介嘅海鮮喇沙意粉真係驚為天人！用左佢地自家製嘅喇沙湯去煮個意粉，每一條意粉都掛上左超濃縮嘅湯汁，鮮甜嘅新鮮海鮮加埋lemongrass真係好fresh好好味慢煮手撕豬漢堡配上柚子沙津個配搭真係好好，手撕豬嘅汁據說係熬左四五個鐘真係好入味呀！！啖啖肉都好似爆汁咁又夠哂腍濃味嘅手撕豬配搭超清新嘅柚子汁沙津好解膩最後我地叫左tiramisu soufflé 都超好味，白色果樽係咖啡酒，頂果層係cream cheese,咖啡味超香，真係好似食緊tiramisu咁 我呢個整tiramisu達人都覺得佢冇得輸…查看更多

一個人係屋企實在係悶到發慌，又係時候約下朋友出去食下玩下為免成為飯敍集團，都係兩個就夠哂數今日約左朋友嚟到go dutch cafe，久仰大名，終於有幸拜訪！Menu選擇多到癲，所以我地都係揀返個最抵食嘅set for 2餐廳環境乾淨企理，board game都擺得幾整齊先上兩杯飲品，凍朱古力沖得幾好飲！好有學生時代嘅感覺黃金雞翼即係咸蛋黃雞翼啦，味道唔錯，幾入味黑松露軟殼蟹意粉真係原隻上，隻蟹細細隻估唔到又幾好肉呢個原隻燒春雞配薯蓉等咗大概45分鐘，落單嘅時候店員都有同我地講外皮香脆到好似燒鵝皮咁，雞肉都幾嫩滑，食到我地超級飽最後個甜品我哋推薦紐約芝士餅…查看更多

疫情之下，於閒日遊走於佐敦可以睇到更多舊區嘅面貌。偶爾之下，見到一間餐廳喺露天座位嘅枱上面擺放住幾隻可愛嘅公仔，於是吸引左我入去食午餐餐廳內部裝修都比到人一種舒適乾淨嘅感覺睇睇餐牌，lunch menu都唔算貴，價錢公道餐廳外都有牌寫住happy hour買一送一餐湯係洋蔥湯，調味剛剛好，唔會覺得太咸，幾開胃先嚟個蘑菇忌廉汁意大利粉，大大份超級足料，忌廉汁唔會有肥膩嘅感覺，每一條意粉都掛到白汁，蘑菇分量超多而且仲咬落去爽口多汁燒黑豚法式豬鞍簡直成功驚艷到我同我朋友，厚切之餘肉質好爽口，完全唔會癡牙，一啲肥膩嘅感覺都冇配埋個汁都唔會覺得搶咗豬肉嘅鮮味，其他配菜都落咗少少酒去炒，好正水吧都整理得10分乾淨企理呢一杯果然係得獎嘅美式咖啡，香濃得來唔會太酸太苦，最鐘意呢種味嘅咖啡P.S平日啲人話要知道一間餐廳嘅衛生環境如何就係要去一去佢嘅廁所,呢間餐廳嘅廁所衛生10分良好，所以我都非常安心…查看更多

而家抗疫時期出街食飯真係要諗過度過唔可以隨便去啲唔衛生嘅餐廳食嘢🥺呢間黃過黃金嘅店衛生到爆炸，一入舖前已經要求客人乾洗手，比menu時仲再要求你洗多次去食嘅時候時間尚早，但去到7點左右陸續間舖就爆滿裝修風格非常日式，仲要入店時店員會敲響個太鼓講句日文😂清酒類型多到七彩，完全唔識點揀所以叫左house sake超！級！順！口！好易入口女仔飲小心會醉清酒煮蜆大大隻，已經吐哂沙，索晒啲清酒嘅香氣好好味我哋叫咗個野菜豆腐鍋物，肉就要左個200g A4日本黑毛和牛，你見到張相嘅色澤就知道佢有幾咁好食仲另外加咗一份稻庭烏冬，撈落個壽喜燒湯底超正！呢個鍋先至二百幾蚊超級抵！另外仲叫咗份牛油什菌同埋大蔥雞肉串，雜菌好惹味，忍唔住係咁食，個雞肉都燒得好好，燒得啱啱好，大蔥好好味！朋友唔飲酒佢個蜜桃乳酸梳打都係正常發揮見到隔離枱燒肉燒得咁開心下次一定要嚟再試！！…查看更多

好耐都冇黎喜來稀肉啦🤤 食燒肉必定諗起佢既護心肉🍖 除咗燒肉，呢度既前菜都好正!!!!!! 仲可以無限添加👍🏻泡菜、酸蘿蔔、仲有辣芽菜都係我最愛😍 仲點少得爐邊泡菜蛋同芝士蛋🧡終於到主角豬護心肉 ，其實係橫膈膜同豬潤之間嘅一小塊肉，肉味好濃郁，包埋生菜同前菜食真係一流🤤食燒肉又點可以唔食牛，呢到既真雪花牛肉肉質鮮嫩，放上爐輕輕燒一燒就食得，一咬肉汁都爆曬出嚟💦加埋杯啤酒呢餐真係冇得頂👍🏻👍🏻👍🏻…查看更多

今日嚟到何文田附近探朋友隻貓，於是玩到咁上下就落下街醫肚，估你唔到原來而家勝利道開咗咁多食肆！朋友推薦呢一間食牛嘅小餐廳，睇睇個Menu的確好抵食入面座位唔多，所以晚飯時間都多人嚟買外賣👍🏻由於我最近比醫師勒令戒牛，所以我本人淨係食咗宮崎葡萄豚肉丼廚師係一位姨姨，我哋一order完之後佢就默默咁整啲飯出嚟，一腳踢😳呢個丼飯真係估你唔到咁好食！ ！嗰個豚肉簡直就係一鳴驚人，我諗大概係超級高質嘅日本豬肉先至會做到呢一種咁諗嘅口感再加上佢用咗秘製蒜汁，加上洋蔥芝麻等等配料，啱啱好可以送晒每一粒飯朋友嘅雞飯都唔錯， 10分Standard，醬汁同埋豚肉嘅一樣，雞肉幾滑溜另外朋友仲order左280g嘅超大A4日本和牛西冷扒，承惠$392肉質又係超級好，要咗三成熟，我試咗一舊都覺得好正另外個麵豉湯都好有誠意，並唔係吉野家之流等我食得牛之時一定要試吓佢個和牛丼飯！！…查看更多

一路都覺得新裝修可以有大玻璃望住彌敦道嘅貢茶好鬼chill，但一直都未有機會上嚟因為基本上平日唔太飲珍珠奶茶:)直至今日經過竟然見到喺貢茶嘅同一位置開左間食四川麵嘅舖？！呢個格局十分特別而且我見價錢唔算貴所以同兩位朋友一齊幫襯下樣樣都好似好辣咁岩哂朋友胃口😂先嚟嘅小食有巴蜀手撕雞同埋涼拌海帶，我個人好鐘意個手撕雞，因為有好多麻醬🤫手撕雞都幾好咬加埋下面嘅青瓜都好有口感好貼心會送埋紙巾，仲有discount 3蚊買杯貢茶解辣不過而家叫碗麵可以半價換貢茶飲品，當然抵好多！佢地嘅麵都做得幾似喺四川食到果啲，因為好多辣油！愛辣嘅朋友不妨一試，因為正常辣已經辣到我變孖潤腸😂配料嚟講雲吞，炸午餐肉同埋鮮冬菇都值得一試！記得麵量都唔少架芽菜應該比較適合配落唔辣嘅麵度😂下次嚟試埋個烏冬先！…查看更多

見今日凍凍地唔係唔約返個fd打下邊爐掛呢個朋友之前過食過呢間快樂小羊話樂好高質又唔算太貴所以今日佢帶我嚟翻焯之前佢仲嚇一嚇我話好似無唔係羊嘅肉食，但一打開menu就見有牛同豬囉💩我地要左個成雙鍋，一邊係麻辣一邊係酸辣，好重口味麻辣酸辣湯底幾好味，完全唔需要點sauce(店舖亦都冇提供）都夠哂味！中間果土豆粉超級好味，麵質超爽口，爽到有啲似蒟蒻粉索哂啲麻辣味好過癮！呢間其中一個優點係有啲嘢可以半份半份咁叫，可以試多啲嘢！呢碟黑毛豬真係抵到爛，佢嘅肥瘦程度係我嘅至愛之餘仲每人分到幾多塊，入口軟滑唔食牛羊嘅朋友必點！墨魚丸鮮豆腐同水餃都十分推薦，彈牙足料有豆香！蒙式烤串朋友話佢燒得好好唔會覺得熱氣我地兩條友飲一jar酸梅湯都差啲飲唔哂，勁大兜！係性價比係香港嚟講算高嘅火鍋店！…查看更多