ข้อมูลส่วนตัวร้าน kokoyj

自從入圍咗米芝蓮之後經常full booking,差唔多提早一個月打電話預約，餐廳分兩個時段18:00同20:00。- 哈密瓜海竹瑤柱瘦肉響螺湯呢個湯真係不得不讚超級足料，個湯連埋啲料一齊上，可以睇到有幾足料，味道非常鮮甜，吸收晒所有湯料嘅鮮味，就好似自己喺屋企煲嘅一樣冇味精嘅味道，非常推介呢個湯👍🏻- 勾魂叉燒 呢度嘅叉燒最特別嘅地方係用左陳皮醬，上菜嘅時候職員會先查一層陳皮醬，然後即燒，燒完滲啲陳皮醬既味入去，酸酸甜甜，唔會油膩，且肉質鮮嫩，軟滑多汁，配埋個炸米食有脆脆地嘅口感，果然好特別，第二度真係食唔到呢個味道👍🏻- 孜然豬仔脾呢個豬仔脾估唔到咁juicy，孜然味唔會蓋過肉嘅味道，保留到本身嘅肉香之餘又帶出孜然嘅香氣，而且仲好貼心用錫紙包住左個骨位，直接用手拎起食更有風味👍🏻- 蒜香無骨九肚魚超級抵讚，炸到外脆內嫩，連啲骨都可以食埋，而且個調味超入味，蒜香味超濃郁，香氣可口👍🏻- 本地農場沙薑雞用左本地雞，肉質鮮嫩彈牙，爽滑緊實，對雞肉質地好有要求嘅我都覺得佢個口感好好，而且沙薑味中仲淡淡帶有蔥油味！- 者者生菜煲用砂鍋整嘅蝦醬生菜煲係特別香，而且保留到山菜嘅翠綠爽口。- 蝦頭炒飯呢個炒飯真係好香，用蝦頭油炒香左，落啲簡單調味料同香蔥一打開蓋已經好香，飯質粒粒分明且乾身、係完美既炒飯。飯後仲有糖水送添👍🏻非常值得一試嘅米芝蓮中菜館…ดูเพิ่มเติม

第N次回訪，每次與友人去尖沙咀而又想食韓國野都會黎呢間食香蒜蜜糖炸雞炸雞外脆內嫩，層皮唔會炸得太乾，保留返肉汁，而且十分嫩滑。加埋蒜香同蜜味，又香又甜。除咗炸難，仲有薯格同薯條。份量十足好似山甘高，四個人都夠食。芝士豬肋骨豬肋骨又嫩滑又淋身，輕輕一咬已經可以骨肉分離，一啲肥肉都冇。而且十分入味，又甜又辣，十分惹味。仲要配咗海量芝士，唔洗就著食。仲配埋菠蘿，可以解下膩。海鮮煎餅有魷魚、蝦同韭菜，配料幾乎仲多過餅。煎到脆卜卜，配埋秘製醬汁，一件接一件食唔停。炸醬麵啲麵好彈牙，而且好滑。而且炸醬好足，每條麵都有醬。平時啲炸醬麵都係配肉粒，但依到配肉片，半肥瘦，食到最尾完全唔夠喉。士多啤梨米酒係將士多啤梨打成溶加落米酒到，令米酒充滿果香，甜得嚟又唔會蓋過米酒的香醇。…ดูเพิ่มเติม

早前食過元朗分店,覺得好好味,咁岩荃灣開左新分店就再帶友人去食。呢度既火鍋湯底有好多種,每款都好吸引,最後簡左最愛既鴨血麻辣鍋。鴨血鍋裹既鴨血有10幾塊,鴨血的口感爽滑彈牙又唔腥,唔會好硬實鬆散果種,所以我好中意!-極上牛肉刺身肉質新鮮嫩滑,入口即溶,好中意佢個刺身汁,同行友人唔中意食生野,擺落火鍋淥幾秒,口感依然好嫩滑-牛黃喉次次食火鍋都必點,中意佢個新鮮爽脆既口感,QQ彈彈,爽脆可口！-大滾友肉丸拼盤呢款真係勁岩每款都想試既我, 拼盤有齊5款口味,款款都好好食,其中最驚為天人既係鵝肝墨丸, 鵝肝既香味好突出,而且係勁爽口彈牙！！-蟹黃餃個餃皮勁薄皮, 蟹黃味都好突出, 蟹黃饀好豐盛, 粒粒飽滿！- 黑松露墨魚滑超特別，估唔到黑松露同墨黑滑係咁夾，濃濃既黑松露香，爽口彈牙既墨魚滑，一試難忘！…ดูเพิ่มเติม

一家人食飯,媽咪最中意食中菜,於是簡左呢間米芝蓮既中菜餐廳,菜式的水準果然很高-冰鎮茅台鵝掌:口感爽脆,淡淡的茅台香,加上冰鎮感,完全不膩,配上醋一齊食,好開胃,好適宜做頭盤開開胃.-西班形向日葵甘栗豚叉燒呢個叉燒我俾100分,因為肉質係超嫩滑而且極juicy!!最愛呢種甜甜地口感既叉燒!-井巷子片皮鴨呢個片皮鴨又係超正, 餅皮薄到透明,鴨皮同鴨肉既比例係非常好,鴨肉唔會太大舊, 鴨皮烤得勁脆!! 中意佢個配料有埋哈密瓜同黃金奇異果,令片皮鴨食落更唔膩-廿五年黑醋蟹肉酸辣湯湯既配料竟然有咁多,啖啖蟹肉,仲有花膠係入面, 黑醋既味道亦十分濃郁撲鼻,不得了!!-油牛肝菌乾扁四季豆不止是一道看似簡單既家常菜，成道菜不但充滿穫香，仲十分惹味。四季豆炒到十分爽脆，但又唔會生。配埋肉末同牛肝菌，可以食到幾碗飯。-脆皮鮮辣乳鴿乳鴿表皮十分香脆，肉質扎實而嫩滑。配埋少少辣味，又香又辣。-剁椒花膠海鱸魚撈飯擺盤好靚，服務員建議撈埋一齊食。花膠炆完仲係好爽，又入味。仲要大大件，所以口感十分好。海鱸魚連埋魚皮，好滑。個飯仲要係蛋炒飯，好香，而且粒粒分明。撈埋一齊食辣辣地，惹味又開胃。-鮮雜果土紅糖冰粉 本身個冰粉已經係紅糖整，配有花生碎及雜果，香淳同時有QQ既口感，甜度亦啱啱好，作為飯後甜品一流。食完野每枱仲會送時令水果添。值得一提既係服務態度超好，隨時留意住客人既需要。除咗主動添飲品同換碟之外，仲會留意我哋覺得凍，調整冷氣溫度。…ดูเพิ่มเติม

行過見到個環境好舒服甘，又多人，所以就入去試。入面夠哂光猛，又闊落。涼拌土豆絲（$28）切到薄薄地，勁入味。而且好爽口，‘爽爽’聲。夏天熱辣辣食啲涼拌野真係好正，做開胃菜一流呀。川式口水雞（$78）雞肉嫩滑，個麻辣味好香，加埋大量芝麻，個香味更加出，超級下飯。仲配咗青瓜，細細件，超入味。唔會太辣，🌶食唔到辣既朋友都可以試吓。十三少酸菜魚（$238）依排真係好鍾意食酸菜魚。今次揀咗少辣，少少麻少少辣，啱哂唔食得辣既朋友仔。有好多魚、酸菜、萵筍同菇，魚肉嫩滑冇骨，每片薄薄地，好入味。紅糖糍粑（$43）原本已經好飽，但甜品係另一個胃嫁嘛。😂煎到外層脆卜卜，入面好煙韌。表面仲加黃豆粉，好香。仲可以加埋紅糖，唔會甜。口感豐富，未食過紅糖糍粑既朋友仔可以試吓。…ดูเพิ่มเติม

平時好鍾意食雞煲，所以放工經過見到有麻辣雞煲就去試吓。叫咗個二人餐，有半隻雞、肥牛同豬腩片、水餃同墨魚丸、響鈴、雜菜同烏冬，仲配兩罐汽水。同行朋友唔食得辣，於是叫咗唔辣既雞煲，點知又幾好食喎。雖然走咗辣，但帶有少少麻味，而且個汁好入味。好好彩甘有好多雞腿肉，好滑。切到大大件都好入味，而且仲好有咬口添。肥牛大大片，肥瘦分明，仲好嫩滑。豬腩片唔會肥，兩樣都好新鮮。水餃皮薄餡多，至愛韭菜餡。墨魚丸好彈牙，冇雪藏味。雜菜煲有生菜、白菜、菜芯、油麥菜，總有一款啱你心水。響鈴就烏冬係扁身個種，好滑，又彈牙。勁大件，好滿足。我就升級咗特飲，揀咗水蜜桃梳打同藍蝶雪梨，唔會好甜，好解渴。…ดูเพิ่มเติม

唔係朋友介紹可能真係未必知，係公廈入面既隱世法國餐廳，坐位好寛躺，好適合同朋友傾計。☑️迷你鮑魚配西班牙馬鈴薯蛋餅好新奇既組合😂，蛋入面包住好多粒薯仔，鮑魚爽口彈牙。☑️班尼迪蛋配蘆筍配法式荷蘭醬班尼迪蛋配蘆筍完全唔膩仲好fresh，蛋味濃香😋☑️法式韃靼生牛肉生牛肉加雞蛋冇咩特別，但依間用鵪鶉蛋😍，牛肉好鮮甜，配埋芥末汁，一啲腥味都冇，好嫩滑細緻。☑️烤焗脆皮牛柳卷配朱古力黑醋汁牛肉嫩滑，焗出黎都唔鞋，仲有好香牛味😍而且脆皮加左香料一齊焗，所以好香，配搭埋朱古力黑醋汁，係好新奇既味道。😆☑️烤豬腹柳卷配千層酥圈配車厘子汁一共有兩層皮，外面個層烤成脆皮，入面個層就係原味豬皮，好煙韌，成個食落好有層次，口感豐富，咸咸香香，估唔到同個車厘子汁又幾夾。😃…ดูเพิ่มเติม

一直都好鍾意食煲仔飯，咁朋友就介紹左呢間，今日放工同朋友就特登試吓。每個位既距離都好闊，又有屏風遮住，增加私穩度得黎又夠衛生。一坐低就會問飲咩，有普洱、菊花同玄米茶。食物方面我地叫咗個土雞板鴨煲仔飯，一上菜就香氣溢人，陣陣飯香。侍應哥哥好貼心甘幫手加芫荽蔥同豉油，仲要幫手撈埋啲飯焦。啲飯粒粒分明，飯焦又唔會太乾，一份夠哂兩個人食。臘鴨咸香得宜，啲雞全部都係雞髀，非常嫩滑，食到停唔到。另外，叫咗個甜蜜咕嚕肉，肥瘦適中，酸酸甜甜10分開胃而且份量好多。有飯有肉，當然唔少得菜啦。叫咗個上湯娃娃菜，加咗金華火腿既香味，清甜得黎又夠味。…ดูเพิ่มเติม

作為一個香港人,真係春夏秋冬都咁中意食火鍋, 因為今日唔想食太辣, 所以揀左食台式火鍋, 招牌湯底有麻辣鍋同埋酸菜白肉鍋,由於2款都好吸引,就揀左雙拼鴛鴦鍋, 鴛鴦鍋唔洗加錢.等緊火鍋滾既時候ORDER左款小食,台灣蒜香腸食住等,皮脆肉香,因為加左蒜味所以唔會有膩感。麻辣鍋湯底岩晒唔多食得辣既我, 鍋里仲有大量凍豆腐,麻辣既香氣四溢,令人垂涎。酸菜白肉鍋湯底好特別,酸酸的,十分開胃,鍋底入面的配料非常豐富,白肉肥而不膩,酸菜爽脆可口,鍋底一滾已經急不及待擺d餸落去!!✨小羊片大大片既羊片一口一塊,大為滿足,不但完住冇羊’so’ , 而且鮮嫩多汁。✨手打墨魚滑每次食火鍋都必叫, 墨魚滑肉質爽口彈牙, 鮮味澎湃,非常有咬口。✨鴨血鴨血配麻辣鍋係絕配,滑溜溜既口感,配上麻辣味真係食唔停口,韌度十足一直煮都唔會煮散!食到最後飲返個白桃烏龍茶,幫助下消化, 淡淡既白桃非常清香。…ดูเพิ่มเติม

住係荃灣呢邊,好多餐廳都食過晒,近日見到呢間古今2係新開做創意日式料理既,而且價錢又實惠,當然要來一試。食物方面:卷物我地簡左煙花同火山; [煙花]其實係辣味三文魚, 辣味吞拿魚,脆片而組成既手卷, 口感食落非常豐富,口感特別得黎又非常夾。而[火山]係青瓜,牛油果,蟹柳,帶子而組成,餡料多到驚人,帶子既size好大粒,非常新鮮有咬口,仲有火炙過既香味,好好食.值得一提既係,卷物既飯好有水準,唔會又硬又凍。另一款主食係牛肉壽喜鍋;$138既價錢黎講都幾大鍋,湯底非常濃郁,甜甜地好正,蔬菜勁新鮮,牛肉既鮮味very nice,肥瘦適中,越嚼越有牛味,肉質非常嫩滑。小食方面有雞泡魚干＆網燒牛舌; 雞泡魚干同係日本居酒屋食既一樣味,終於係香港搵到好食既雞泡魚干,燒得岩岩好,又香,硬度適中,唔會食落好乾,加埋個沙律醬真係無得輸。網燒牛舌好厚身，咬落超juicy口感彈牙得黎又唔’un’, 唔會有牛so味。咁多野食兩個人都係400幾蚊,實惠既價錢,價在既味道,非常值得一試…ดูเพิ่มเติม

知道近日南豐紗廠好HIT, 呢日就黎行下, 簡左黎食收藏左好耐既KOKO COFFEE, 因為同我同名.裝修環境好CHILL呀,好耐無係香港搵到咁休閒既CAFÉ啦,真係可以靜靜地一邊食野一邊上網真係好難得！食物方面;全日早餐: 分量充足既英式早餐,材料配搭得每一款都好有營養價值,味道調岩岩好,唔會太咸或太淡,適合任何人口味,好中意佢個炒蛋炒得好滑,不能錯過！肉丸芝士意大粉: 意粉既軟硬度適中，蕃茄味濃郁。仲有好多芝士鋪系上面，令意粉味道更上一層樓。至於肉丸就有三大粒，表皮煎得十分香脆，食落仲就好juicy。粒粒都多汁彈牙，一啲都唔乾。飲品方面;熱MOCHA: 拉花拉得好靚呀, 一口甘甜,一口濃郁既口感, 咖啡好細滑, 令人想一杯接一杯飲熱朱古力: 朱古力味道好香濃，而且十分滑，甜而不膩…ดูเพิ่มเติม

雖說疫情下,但間唔中都會想尋找美食店, 就來左收藏好耐而又近屋企既DAILY 13啦。一入到門口,門口位已經提供左挫手液供客人消毒雙手.咁就食得安心啦！雖然地標係工廈, 但裝潢係公主風,門口仲有值得打卡既花花牆。食物方面:孜然雞骨腸: 酥脆的香腸，孜然味非常濃郁，好似食緊燒烤咁，食一次就忘記唔到既味道。滑蛋鰻魚飯: 鰻魚都幾大條下,好厚身,無腥味,滑蛋整得好專業,又厚又滑,配埋鰻魚同醬汁就係100分。明太子蟹肉意粉:每一啖都有粒粒既明太子,濃郁既奶油味中加左蟹肉作平衡,非常CREAMY又唔膩。菇菌黑松露意大利飯:非常好食,調味都岩岩好, 黑松露既香氣完成融入晒係飯度, 菇菌亦好清爽入味, 份量十足。…ดูเพิ่มเติม

早前尖沙咀分店新開張食過一次,覺得好食但最想食既口味都SOLD OUT, 今日經過中環就決定二訪。食物方面,我地叫左一咸一甜,咁就唔洗怕膩啦。黑松露香煎帶子薄餅: 一拎上黎已經聞到好濃郁既黑松露味呀, 切開d帶子多到驚訝,十分足料,帶子煎得好好,又香又唔乾唔韌,呢一款因為有白汁茹菌做個醬汁,夾係個薄餅入面都仍然保持到個餅皮係煙煙UNUN。黑朱古力配蘭姆酒薄餅: 呢款就係一直最想試既口味^^ 果然冇令我失望, 因為係黑朱古力所以唔會好甜亦唔膩, 薄餅搽左厚厚的朱古力醬,作為朱古力控覺得好滿足,另外add左雪糕球,配埋煙煙unun既薄餅一齊食更為滿足!飲品方面: 朱古力控既我,點左杯熱朱古力,係高端既朱古力味道,唔會得個甜,香滑細軟。…ดูเพิ่มเติม

落街食晚飯,有時想食得健康D,就會黎鹵家食,之前都黎食過幾次,真心覺得健康美味.跟餐都會有自家老火湯送,沒有加味精,絕對真材實料又足料,就好似自己屋企煲既一樣.我地2人叫左蜜汁叉燒,香蔥煲仔鼓油雞套餐,小食方面是雞絲涼皮粉.蜜汁叉燒:果然是王牌,嫩滑多汁,色澤油亮,肥瘦分佈岩岩好,完全沒有豬肉雪藏味,好新鮮,而且叉燒個汁好香,甜甜地,好下飯.香蔥煲仔鼓油雞:雞肉份量好多,都有半隻,雞肉煮得好嫩滑,加有薯仔,芫茜煮,即叫即整,令雞肉吸晒D香味.入味多汁雞絲涼皮粉:一向係我非常愛的小食, 涼皮拉得十分薄,"滑溜溜",青瓜雞絲配料都好多,芝麻醬亦夠晒濃,一個完美的雞絲涼皮…ดูเพิ่มเติม

今日行過荃灣見到依間幾多人食就入左去試下，好有住家飯既味道，好適合一家大細去食。個百果豬肚湯好白好鮮味，好重胡椒既香味。除左豬肚之外仲有醃咸左既豬肉，吾會太寡。仲叫左半份霸王雞，有大量既蔥同辣椒，但完全吾會辣。啲蔥油勁香，夾啲蒽連埋雞一啖食，令成個雞昇華左。而且半份既份量都幾多，啲肉吾會太淋，而且好滑，就算系雞胸肉都吾會柴。個黑椒豬仔脾件件都啖啖肉，一啲肉膻味都冇，仲充滿住黑椒既香味。啲肉又嫩滑，又juicy,果然系招牌。一份仲有六件，share食就吾怕膩。啲白飯都好有飯香 粒粒分明👍🏻…ดูเพิ่มเติม