pping730的个人专页

餐廳衛生差，　一步入餐廳有三張吉枱仲未清潔好，　我同老公選其中一張坐，枱上有一套上手用剩嘅碗筷…雖然望落乾淨，但阿姐無意欲去收，加多一套碗筷就算…叫佢抹枱…越抹越污糟，成枱河粉碎！　 要自己用消毒紙巾再抹。叫左一碟香茅雞翼…瘦猛猛嘅 ，$46/4件（另收加一服務費）。味道尚算可以，　但無香茅味…生牛肉湯粉…牛肉同湯底普通，啲河粉碎濕濕，成碗都碎…已經食到無心機，所以無再影相紀錄。侍應生懶散，　另一枱客人剛坐底，我地都聽到個客大叫三次…唔該，都係無人理佢，無奈…仲有第一次見侍應無嘢做時會坐係客席上休息… 懶！得！很！ …查看更多

只怪自己貪心，想用兩百嚟食六百嘅餐~8道日式懷石御膳，但佢啲廣告相的確誤導人！凍蕃茄沙律…原來係車厘茄…無奈鐵火卷散哂…個炒露筍老到有榨…啲菇普通最令人失望嘅甜品…芒果布丁…cheap到呢什錦刺身先離譜...簿到得一半，仲切爛左，而且唔夠新鮮海鮮茶壺湯，似鼓油溝水...廣島海鮮鍋烏冬係唯一用來填胞個肚…值六十蚊左右啦惠比壽啤酒買一送一，係另外付錢的, 佢夠膽寫呢段嘢出嚟食日本菜唔使再下下淨係去「放題」，要知道「貴精不貴多」先至係更高享受！$238「梟居食屋惠比壽店」8道菜日式正宗懷石御膳二人晚餐(原價高達$610)仲有呢句日式正宗懷石御膳採用最新鮮食材，為大家帶來鮮味新享受！二人晚餐啱晒情侶享用，加上餐廳環境優雅，絕對是浪漫首選！嘩!真係呃哂...總括成餐係連二百都不值，出去食壽司好過! 呢個係雅虎團購，用二百四十買所謂六百元嘅懷石料理…佢照直寫話值二百咪算囉唔但求俾足六百元的料, 俾到四百我都唔會激氣到上OPENRICE寫佢食評!仲有啲食材放得咁肉酸點可以叫做"懷石料理"做生意咁短視，一定無下次!後記: 我係門口企左一陣啲姐姐無乜反應, 係入座之後啲SERVICE都幾好, 加茶加得快, 上菜時都有就住我地進食速度.…查看更多