少玄的個人專頁

難得平日放假有啲me time，久違的去下旺角同信和閒逛，決定搵間新野食好西睇到Foodie介紹漢堡包好吸引，當日1點左右到店，即刻買個招牌漢堡+香水檸檬茶試下，點知有大驚喜🤩🤩漢堡扒勁有份量，又juicy，每一啖都係肉香味。食得出個包底用心，一般用嘉頓唔係同一個層次。我本身好少飲茶飲店嘅嘢，見到香水檸檬茶好吸引，又唔想飲汽水，試飲咗。香水檸檬味好特別，糖度配得啱啱好啱，體驗very OK!!連埋操薯條，成個餐都係$82，抵！如果去開旺角、深水埗附近行模型舖，絕對值得一試👍🏻👍🏻…查看更多

未取消限聚令的星期六下午，同老婆仔仔想搵間未食過既餐廳試下。臨時臨急，K11好多日本餐廳都無得walk-in，見到漁道樂係社交平台廣告啲相幾靚，即管試一試。先打電話黎問walk-in有無位，佢地confirm有，咁就係美麗華泊好車行過嚟。入到門口，目測大約兩成入座率。係門口掃完一輪QR code，經理安排左一張近門口，有柱頂住既四人台。我表示呢個位置照顧小朋友唔係好方便，會唔會有卡位或者其他台 （反正都空置），經理就話卡位最低消費$2500一台，亦無其他台俾到我地。個陣下午2點正，可能佢真係好多booking 未黎啦，我同老婆感受到不友善既氣息唔多舒服，同埋直覺話俾我知卡位都要低消跑數既日本餐廳，伏味濃。即時同老婆撤退。…查看更多