Hufrydhdihitfuho的个人专页

登龍街多野食就係人都知所以我同朋友放假都黎左呢邊食飯 試下新野首先個menu其實都幾多款揀 有定食有單點丼飯仲有做折架因為我地對刺身丼更有興趣 我地叫左兩款丼飯1. 北海雲丹丼（$248）呢個非常非常推介呀👍👍👍首先，賣相好岩打卡😎第二，刺身種類豐富，有原版韓國海膽，赤蝦，池魚同碎蔥吞拿魚腩蓉❤️係貪心之選 咩都試到！而且份量都唔少架！食到最後都仲有料送飯。第三，真係好好食，呢樣先至係最重要。唔只講緊刺身又新鮮口感又好，甚至連d醋飯調味都調得好好食！！！2. 馥之丼（$238）我地仲叫左碗有帆立貝刺身嘅，都好唔錯👍佢一樣有吞拿魚腩蓉，吞拿魚香好重又好滑而佢最特別既就係，有黑松露點綴之下既火灸帆立貝，非常有趣，完全冇諗過兩者咁夾😨而且份量你都見到相，真係好多！！我地兩個食得好飽 😃😃😃另外一提就係 呢度服務態度好好，而且上餐時間好快，趁而家堂食外賣都做8折，可以過黎試試佢👍…查看更多

朋友帶左我過黎鳥居居酒屋食晚餐 🥣門面已經好有日本風兩個人，我地叫左幾款野食 1. 聖子皇（$88）我地想試試海鮮質素就叫左呢款做前菜小食幾新鮮，落左好多蔥蒜令聖子更香。.2. 和風蒜子番茄沙律（$56）個樣好岩打卡，整得好靚👍👍佢係有別一般既重口味型，帶有蒜蓉既沙律🥗.3. 秋刀魚（$228）秋刀角燒得好香！.4.雞翼一夜干（$76 兩串）呢度既雞翼係翼+尖燒得岩岩好，好好食👍😋😋.4. 網燒活鮑魚（$148）用左少少紫蘇去提升返個香氣鮑魚都幾大隻，食落亦好爽口👍👍.5. 西班牙黑毛豬（$368）呢個係 超！正！我本身唔係特別好豬，但呢度既黑毛豬整得好好食😋佢有香草🌿黑椒既調味 好入味之餘，質感一d都唔靭，仲好juicy 👍👍👍呢個係最大驚喜👏🏻👏🏻👏🏻.6. 厚切牛舌（$136 兩串）食串燒，對我黎講必叫一定係牛舌呢度既牛舌都好好食真係好厚切又充滿牛脂香味仲好林👍👍不得了.7. 雞丸（$116 兩串）呢個都係串燒必食😜😜沾蛋汁好好食😋平均黎講都幾好食，對得住價錢如果要我揀，我覺得牛舌同黑毛豬係最出色👍👍👍推薦大家去試試👏🏻…查看更多

今次約左朋友試下日本野，聽講呢度既卷物好有趣，有唔同既配搭就過左黎觀塘試一試啦。黎呢度都幾方便，地鐵站一出就到。環境亦都幾舒服。我地兩個人，叫左六款野食。首先前菜1. 日式麻醬豆腐沙律（$75）聽個名好似冇咩特別，但呢度整得意外地好食佢唔會好似出面咁落得好少麻醬而且d豆腐滑到好似豆腐花咁認真唔錯👍👍👍前菜清清地咁加埋麻醬又開胃卷物方面我地試左三款2. 蕉魔（$98）（左）呢款如果你就咁聽個名，你未必會想叫佢甚至覺得佢伏伏地但我地反而因為出面少見呢個配搭而勁想試呢款，的確係好試得過喎👍佢有蕉啦當然，但加埋芝士同炸牛肉一齊食，又真係幾夾幾好食😋仲有少少牛油果咁，呢個配搭真係幾得意！3. 火山🌋（$88）（中間）呢款好多人叫所以我地都叫黎試下。佢有帶子，青瓜，牛油果同蟹柳食落其實都幾多料架再加埋d醬汁一齊食好好味👍👍👍4. 東京爆脆（$88）（右）呢款既餡就少d，係吞拿魚同蟹柳但因為佢有炸過同加左d特制既醬汁關係反而我地最鍾意係呢款👍👍🥰好好食呀呢個 高度推介👍👍👍串燒我地都試左兩款5. 自家製香菇雞肉丸串（$38）呢個超大粒！呢款係鋪頭自己整既串燒黎架味道唔錯亦好足料，食到粒粒香菇6. 黑豚荔枝卷串燒（$38）串燒類有荔枝包住既通常都好好食本身黑豚咸咸地，加埋荔枝既酸酸甜甜味令到成舊肉既味道好有層次🤤🤤🤤食完一舊再想食一舊👍我地食得 好 滿 足🤤每人大概二百零蚊到 都唔算貴呀👍值得推薦👍👍👍下次會再想試下其他卷物😋😋😋…查看更多

呢度成日都滿座，就得要訂枱呀今次約左朋友一齊黎食午市，12點幾都已經full了我今次叫左吉列牛定食份量都唔錯架佢每件切得細細舊 方便你燒完好快食得牛肉味唔好期望係好重果種，但味道都唔錯， 肉質都okay沾埋佢個醫汁就仲正佢個醬汁都整得幾好…查看更多

飛天通菜呢個係幾好食既 豬頸肉份量黎講佢都算幾多呀味道都唔錯！又大舊 啖啖肉呢個都值得試下呢個我見好多人都嗌但反而我覺得呢個都算幾一般個樣就真係幾靚既 但係個炒金邊我就嫌味道淡左d比既調味料都好少咁反而呢款較為失望呢度價錢都算合理質素都okay 同埋地方都幾大如果係多d人既話都可以應付到亦可以考慮bk左先…查看更多

南豐紗廠都幾多野食前排見到ig都幾多人討論呢間honbo就過黎試試價錢就唔平， 起碼都78蚊起如果再加薯條/薯寶/芝士條+汽水就再多3x蚊咁貴唔貴就見仁見智啦叫左個芝士牛肉漢堡佢個包整得好鬆脆 唔錯塊牛都好juicy一咬既時候跌晒d汁出黎整體黎講都算唔錯 幾好食…查看更多

約左fd係太子附近食晚餐，見呢度都幾多人係度食飯我地就入去試下啦呢個好多人嗌，估唔到好唔錯！有無數咁多蜆，呢碟野100蚊都唔駛你正係食蜆都已經抵返同埋d蝴蝶粉個汁都好好味 必叫！當日我地叫左個慢煮牛扒就熟左少少啦 味道係ok既大啡菇整得都幾好食😋 都值得一試…查看更多

午市定食大概60蚊左右好多選擇而我就揀左最普通既拉麵定食鹽味 超硬佢麵條就係偏幼果種，所以好掛湯但相對黎講 如果你食得比較慢d麵到最後就會林得好快湯方面 我覺得鹽味係好食過味噌 同 醬油湯咁既價錢 你唔會期望佢真係有幾正宗湯底但係真係唔錯 性價比好高…查看更多

呢間又係海港城既過江龍沾麵鋪頭好彩又係唔多人所以入黎試下叫左濃厚魚介沾麵睇你要咩配料 我地想食多d肉同玉子 就叫左特製麵就凍上 湯就熱上我覺得佢地既麵質都係偏硬 亦掛到湯既叉燒 同 雞 就慢煮 所以都比較嫩滑同埋佢地整得完全唔油膩 所以都比較特別個湯都幾好飲 唔錯唔錯…查看更多

呢度係朋友介紹佢話試過係度買蛋糕好好食叫我黎試下 所以就黎左門市堂食啦門市得5個位 好似bar台咁坐呢個叫麴睇落係咪好似豆腐咁呢佢好得意 比埋個豉油仔你倒落去一齊食其實一啖食落去佢係分開三層：豆腐 抹茶 芝麻呢三隻味其實係好夾每隻味都好濃厚 又唔會比其他味蓋過而且佢整得好滑好嫩 好似真係食緊豆腐咁所以呢款真心有驚喜 好出色 北海道豆乳野飲叫左呢款佢係用北海道既忌廉 煉奶 黃豆 整成既豆漿味道係重豆味 但偏甜都唔錯架👍👍👍我有感受到呢度對食材既執著，好多野都係用日本材料整而d甜品亦都真係好高質 絕對對得住個價錢…查看更多

呢間係黃店 所以一定要黎支持下而家網上外賣平台都可以叫到東屋台既野食煙肉芝心大阪燒首先佢都比左好多醬料 例如燒汁同沙律醬入面亦有好多煙肉同芝士味道都幾好食 4x蚊黎講都算係唔錯…查看更多

北海盛有海膽 吞拿魚蓉 三文魚子海膽係少左dd 但三款都好味道 鵝肝壽司上面有d金箔 整得係幾靚好好食呀呢款 鍾意鵝肝就可以試下呢款有油甘魚盛 吞拿魚腩set 都好有魚脂香 亦好新鮮 呢度上菜時間都好快 價錢都唔貴 值得一試…查看更多

呢度既location係有d難搵係荃灣既工廠區但可能都幾出名 入黎都幾多人蜜糖雞鎚佢炸得好好 同埋雞鎚好大隻就算唔點蜜糖都好好食加左就會多左陣甜味 白酒忌廉煮紐西蘭青口呢個真係幾好味個汁既忌廉味好正 再加埋青口 好夾 巴拿馬火腿蘆筍忌廉汁燴飯呢個都幾有驚喜意外既好食…查看更多

我知呢間野係台灣好出名亦有買過呢個都返屋企自己煮但我估唔到 咁令我失望首先 呢度服務真係好麻麻一黎個侍應服務態度好差二黎 明明已經冇乜人 都可以等勁耐先有得叫野食三黎 我地叫野食 佢聽唔清楚又唔問多次 又黎錯野叫佢比多d蔥油又唔記得 仲發返我脾氣總之成個服務真係 要做咩就錯咩叫左蔥油嫩雞拌麵味道呢 我就真係覺得好一般雞又唔嫩唯獨個麵係可以食得落口但咁既價錢 仲受埋呢d服務不如你上一田買4包老媽拌麵返屋企煮啦…查看更多

火焰盛丼呢個好驚喜 估唔到咁好食超多份量 堆到成座山咁 其中左口魚我覺得係最好食仲有帶子 三文魚呢d 食完真係好飽四重火山盛丼反而我覺得呢款冇咁好食敗北係海膽到唔知係咪我地果日既海膽唔新鮮定點真係麻麻地但其他料例如係三文魚子 吞拿魚果d就都真係好好食既亦都係好大份量 好滿足…查看更多