為食鬼007的个人专页

依家啲午餐真係好貴，閒閒哋都要$60-$70行過小巷見到呢間炸雞.見冇乜人唔使等位就入去試下揀咗炸雞麵餐手機落單，可以慢慢揀冇壓力😆一叫完餐.員工即時送咗個沙律沙律醬汁似乳酪味，覺得有啲奇怪😅唔太啱我嗰餐嚟到嘅時候真係嚇親我麵好大碗.七件炸雞（已經係輕盈？）最後食剩兩件炸雞，真心飽🫢想讚一讚炸雞嘅洋蔥爽脆清甜very good 👍🏻面嘅湯底略為重口味$53連嘢飲真心抵食👍🏻會再去👍🏻…查看更多

由於是日落雨，唔想周圍走，所以就去食KFC快餐。呢間係曾經成日去嘅分店（因為以前疫情冇乜餐廳選擇，二來又近屋企），最近去幫襯發現食物質素差咗好多。。。我哋上到舖頭，已經見到前面有一位女士喺收銀機位排隊等落order，我哋就去攞咗位坐低先，之後再出返去收銀機仲見到果位女士，原來的職員去咗出餐位傾計（2個女職員、2個著便服的女生），最後有個男職員出嚟見到先叫其中一個女職員落單。店內買嘢既人唔多，所以出餐好快，啲食物拎回座位已即時打開進食，但就發現薯格已經唔熱，而且好硬好濃，應該翻炸左唔知幾多次🥲葡撻亦都係微暖，口感亦都唔覺脆口，只有麻辣雞翼比較有驚喜。食完之後我哋異口同聲都話後悔，早知行前少少去食Jolibee好過啦⋯⋯…查看更多

今晚想食台式野，於是上Openrice搜下附近餐飯，咁啱見到呢間新開於是就去試下。去到岩岩19:00，餐廳唔算好多人，服務員安排左卡位俾我地坐，座位空間都好闊落。係餐牌見到有臭臭鍋，太太就即刻決定揀佢，因為唔多台式餐廳有做臭臭鍋。點見菜大概等左幾分鐘，先上飲品，然後上兩個小食，最後上埋臭臭鍋，全程都好快，大概10分鐘上晒菜。等緊煮熟臭臭鍋嘅時候，我哋兩個人先試啲小食，覺得杯嘢飲同兩個小食味道都好食，不過個份量就少咗啲，甜不辣大概七條，魷魚鬚大概五條，如果人多或者泰式真係要點兩set先夠。臭臭鍋大概煮咗3分鐘左右，啲肉都開始熟，所以我哋就開始食。啱啱開始食嘅時候味道都OK，只係略為鹹咗少少，但可能因為個臭臭鍋啲湯越來越少嘅原因，食到中後段會覺得好鹹，但因為個份量好少，而且剩返嘅餸都唔多，所以我哋都冇叫佢加湯。整體來說，呢間台式餐廳嘅嘢食都算唔錯，略嫌的是臭豆腐唔夠臭，份量比較少，特別是主食，我太太都話佢只係岩岩好夠飽，但未滿足，最後我哋都要再去食甜品🤦‍♂️如果將份量調整多一點，呢間餐廳有機會坐第一排嘅食堂🤣🤣…查看更多

因為同小朋友去影完相做証件，等攞相期間見有時間就去食個早餐，見到有間泰式餐廳都有中式餐所以就去試吓。一入到去兩個店員係度傾計，一個店員整理緊Menu, 唔知係咪阻住佢哋傾計，點完餐之後揀餐飲時問收銀員有咩飲，會唔會有茶走，企後面的一個男人即刻大聲講：點會有茶飲！？你當我地係茶餐廳呀？我地係泰國餐廳。（其實直接講冇咪得囉。。）點完餐攞張單去出面坐底等，太太都即刻同我講，早知食吉野家好過啦🤣去幫襯受氣都唔係第一次，如果好味既都算數，因為你串得起，但重點係食物質素又一般，服務態度又差，咁樣好難有下次囉。。。…查看更多

而家疫情嚴重，又限制晚市堂食，夜晚好多餐廳都唔開門，有時諗食咩都真係好煩佬。。。原來諗住食pizza hut, 不過網上睇見佢$158果個二人餐係普通批，咁既價錢不如試吓第二間，跟住係openrice 睇睇下就搵到呢間店。見到openrice有得落單就即時試吓佢，我哋點左個二人餐再加個意粉，訂完餐跟返佢預定時間去取餐，又真係好準時出餐喎👍返到屋企第一時間沖涼換衫再開餐，可能擺耐左，薯條已經唔脆，但兩個pizza都仲熱辣辣，所以都係食左個pizza先。特別推介係個韓式烤肉pizza，甜甜地但唔會覺得漏，而且個味同薄餅又好夾，所以非常值得試吓！！至於個夏威夷pizza就冇特別，普通pizza一個，可以不提🤣。個意粉都好食，係份量少左啲😅整體呢間既野食都好好，可以encore.…查看更多

呢間韓國餐廳Kim’s spoon, 無論堂食定外賣，都係要等好耐。。。今日用openrice外賣自取功能，訂咗個辣牛肉湯，系統顯示30分鐘先有得攞，咁諗住星期日，耐啲都正常嘅。所以我係附近行左一陣，諗住預岩時間，買完雪糕之後再去拎外賣，岩岩好30分鐘。去到餐廳見到唔多人，諗住應該有得拎架卦，點知入到去講個自取號俾職員知，佢話仲要再等。。。最後等多十分鐘先有得拎。。。😓😓拎完外賣拿拿聲衝返屋企，因為驚啲雪糕溶晒，處理完啲雪糕就正式開餐啦。一打開就見到熱辣辣嘅煙升上來..哇～冇香味既😂個湯既牛用左牛腩.啲肉一係好大件一係好細塊..個湯就唔係我鍾意嘅味道..又唔辣..同以前食過其他既韓國餐廳或係韓國食嘅味唔一樣..我覺得冇下次..唔明點解成日門口都有人等位。。。可以附近得佢一間韓國餐廳😅…查看更多

之前叫外賣都常都直接打去餐廳叫，最近先留意到原來OPENRICE都有外賣自取既服務，而且因為新推出，有優惠。按入去外賣自取既餐廳，有啲餐廳會有OPENRICE既特別價，如果岩食既真係好抵（近乎半價）。今日星期日，當然係懶惰一下既時間啦，因為今日唔想煮，所以試吓外賣自取既新服務。呢間車仔麵叫日木三分車仔麵，雖然冇OPENRICE特別價，但佢本身唔係貴，兩餸麵由$36起，而且啲餸又幾好食，特別係豬紅，入味得來又唔腥，我老婆大人唔好豬紅都話好食，值得推介👍👍。而個湯底，大家仔細留意吓，佢係用蝦米仔落去餚（圖三會清晰啲），所以我覺得佢哋都算幾用心，本來唔想飲湯既我都飲咗幾啖，因為真係好夠味👍👍…查看更多

銀幕街這間店的員工的服務和食物質素都有待改善，進入餐廳看到兩個員工在閒聊，直至我示意要下單才走過來cashier。至於食物方面，薯條顏色偏深啡，入口是‘淋pat pat’的，估計應該是翻炸過再放了一段時間。以前聽朋友講過，好似話麥當勞預製的食物都shelf life, 過一段時間未售出就會下架，不知道現在是不是改了制度。其實，我覺得在疫情下生意減少了，可以再預制的份量減少，既可保持食物質素，又比較衛生。而令我最難接受的係杯可樂，流到杯邊都是可樂，需要清理一下才能開始進餐。。…查看更多

話說今日行過書局街，見到呢間店特別多人等外賣，於是就去睇睇，發現佢既價錢好抵喎，仲平過兩餸飯@@於是就買個口水雞飯外賣返屋企試吓。（由於太多人等，只影到其中一邊餐牌）回到家即刻打開個盒，一打開就見到隻脾😍，份量完全唔少，一隻脾再加多幾件雞，而目測應該有碗半飯。（附圖有飯既厚度）食後感：啲雞好滑而且汁嘅份量剛剛好，再配合埋飯既份量，我呢個飯筒都覺得飽，絕對超值+好食！而家要搵到呢啲良心小店真係買少見少，如果喜歡食雞既朋友絕對要試！！…查看更多

芝士奶蓋真係一杯見到會忍唔住買嚟飲嘅嘢。因為葵芳有個一連9日嘅美食嘉年華，今日第一日開放，所以約朋友專登嚟葵芳行下。朋友未到，所以自己喺新都會廣場行個圈。就係咁，俾我見到間 Say Cheese，呢度應該主打芝士奶蓋同水果茶，因為鋪面有大大張廣告。    見到芝士奶蓋，即刻二話不說買左杯抹茶拿鐵芝士奶蓋。抹茶拿鐵芝士奶蓋 $32 – 老實講，第一啖飲落去就已經失望，抹茶味道好淡，而最吸引我嘅芝士奶蓋都做得唔好，奶蓋厚度唔夠不在講，就連芝士味道欠缺。…查看更多

放假嚟到灣仔嘅玩具街睇玩具，就梗係要過埋嚟鳳城小食，食埋出名正到爆嘅豬扒包。鳳城小食位於太原街同交加街轉角位，附近有修頓球場，太原街又有得買玩具，所以假期黎食野嘅人真係特別多。熱奶茶 $15奶茶好香滑，茶未夠濃。飲奶茶、咖啡真係要搵呢啲老字號地方，先至最好飲。豬扒包 $24 - 豬扒係新鮮即叫即炸，份量仲要大大塊。呢度嘅豬扒醃得好好味，配埋生菜同沙律醬，再加上烘到好脆嘅芝麻包，真係咁耐冇食，都依然好出色。…查看更多

朋友生日，生日飯佢想食蒸海鮮，於是搵黎旺角壹蒸鍋。6:40上到去唔算好多人，侍應先叫我地揀湯底，好奇怪點解蒸海鮮要叫湯底。原來個價錢係蒸完海鮮，可以再打邊爐，於是我地揀左招牌嘅榣柱龍躉魚粥鍋。之後侍應一盤海鮮，有生蠔、鮑魚、帶子、大蜆、蟶子，3個人份量。而其他蒸野就可以係點餐紙揀，但望真d，要海鮮的話就......只有海蜆同魚，完～點左幾樣野之後，黎到望到。。咩事，做咩變左蒸點心咁款呀，蒸野唔係放晒上去，由得d精華滴晒落個粥度咩!? 3個人食左呢輪就無再叫蒸野~ 老實講，呢盤蒸海鮮味道係唔錯。鮑魚彈牙，帶子同蟶子味道都唔錯，只係食完呢 round 就無，十分失望~之後唯有叫下其他打邊爐。侍應話可以食左個粥先，之後再加湯打邊爐個粥唔係打邊爐咩。打邊爐配料同出面任食差唔多，其本嘅肥牛、豬肉片、丸同菜都有。可能一心係食蒸海鮮，所以今晚有啲失望，因為打邊爐的話，呢個價錢仲有好多選擇。…查看更多

筲箕灣東大街嘅呂仔記魚肉燒賣，年幾前都已經知道好出名，但一直忽略左佢。到上星期，電視有訪問呂仔記兩兄弟，令我突然醒起我仲未去試。自制鮮魚肉燒賣 $28/8粒 -  呢度嘅魚肉燒賣係每一日新鮮人手打出黎，食落勁彈牙，勁有口感。雖然價錢有d貴，但都真係有俾足料，啖啖都係魚肉，真係無得輸。碗仔翅 $20 - 另一出名嘅係碗仔翅，又點可以唔試呀!? 同樣係非常足料，用上金華火腿、瘦肉、冬菇絲、木耳絲同出面比較少用嘅素翅，口感豐富。…查看更多

食飽飽，當然要搵Ｄ甜品食下啦～ 但食糖水又真係已經再食唔落，於是即刻網上搜尋下有咩份量少Ｄ嘅甜品。最後黎到最後一站 - 生隆餅家。呢間係一間傳統舊式老餅店，前舖後工場，餅店有好多中式嘅糕點: 紅豆糕、砵仔糕、白糖糕、黄糖糕、合桃酥。。。當然仲有出名嘅糯米糍，但味道就只有傳統嘅花生味同豆沙味，價錢亦比較平民 $10/4個。豆沙糯米糍 $10，花生糯米糍 $10糯米糍大大粒，餡料好似就黎滿瀉咁，好抵食。糯米皮好煙韌，豆沙餡料唔太甜。而花生餡料就加入左椰子絲，食落有好香花生味之餘，仲有好香椰絲味。…查看更多

第3站黎到先前因為裝修而停業嘅合益泰。裝修期間黎過一次先知佢裝修，所以失望而回。而裝修左咁耐之後，一直都冇時間再嚟。難得今日再到深水埗，點都留肚食腸粉。裝修後地方光猛左，感覺乾淨左。腸粉(中) $12 - 腸粉可按自己喜好加入甜醬~ 腸粉滑嘅程度依然保持到。腸粉雖然用料簡單，但要搵到間好似佢咁，食落滑嘟嘟嘅真係唔係好多間。腸粉雖然用料簡單，但要搵到間好似佢咁，食落滑捋捋嘅真係唔係好多間。魚蛋+豬皮 $19 - 魚蛋同豬皮都要左辣，魚蛋彈牙，豬皮吸晒辣汁，食落辣得過癮。…查看更多