candyli1993的个人专页

本來有外國朋友黎香港旅遊，我仲煩惱緊同佢食咩好，上網搵咗一間富有特色又創新既fusion菜，一家致力於重現香港百年飲食歷史的餐館，等佢試吓香港嘅美食😎職員推介我哋叫呢個套餐$680，由前菜、湯、海鮮、主菜、甜品一應俱全，啱晒我哋心水😍頭盤呢個三小碟其實一啲都唔少👍芝麻蝦多士傳統小食好耐無食過啦，啲芝麻好香整體又唔油膩陳醋蜜汁排骨好酸甜開胃，份量仲唔少，啖啖肉海鮮羹啲豆腐好滑，用料十足清香撲鼻，連外國朋友飲慣濃湯既都讚好好食！「蒜蓉粉絲蒸扇貝」以蒜蓉醬汁點綴，肉質鮮嫩彈牙，極富香港特色，蒸扇貝直程有成塊面咁大隻，好抵食🤭另一道吉列炸蝦掛包外酥內嫩，吉列蝦超級彈牙，少咗平時配扣肉嘅油膩感，而芥末沙律醬的加入更是讓人難忘🤤乾燒薑汁鱈魚的juicy和嫩滑質感，絕對是主菜的亮點。個乾燒醬汁有少少似鰻魚汁嘅甜味，帶有獨特嘅薑嘅香味，好有特色。餐後飲番杯Cocktail，配上最後芝士蛋糕作為甜品，為這頓fusion菜畫上圓滿的句號，為用餐增添了甜蜜的餘韻，真正飲飽食醉☺️…查看更多

今晚朋友帶我去咗一間好正嘅餐廳試咗佢哋嘅晚市套餐，只需要$298。真係好抵食啊！係咪屯門啲餐廳間間都臥虎藏龍？🤪開始先嚟緊前菜，有包餐湯同沙律，沙律嘅蔬菜新鮮靚色，真係好開胃😝主菜方面，我地揀咗廚師發板牛扒，今日嘅部位係西冷。西冷嘅熟度要五成熟，岩岩好，好juicy有肉汁👍👍仲有香煎深海石班柳，呢款魚肉好鮮嫩，配上白酒忌廉汁，味道更加濃郁😋因為係兩個人share，所以加$98追加左個香煎鮑魚蟹膏蟹肉意式燴飯，蟹膏味超級rich，同出面高級西餐廳一樣好味🤤🤤飲品方面，朋友揀咗Hoegaarden，黎到嚇左一跌🤣🤣 竟然係咁大杯成550ml，個份量同酒吧有得比，價錢只係廿幾蚊(因為跟餐有半價優惠)真係超抵飲。而我試咗草莓荔枝蜜糖綠茶，味道清新，好適合而家涼涼地嘅天氣飲👍最後，加$68 追加咗朱古力流心牛角窩夫。佢嘅流心微暖，牛角窩夫鬆脆，真係絕配。巧遇當晚仲有小朋友生日，餐廳仲播生日歌同送上甜品，好有儀式感，真係好溫馨☺️餐廳嘅職員服務非常熱情有禮，真係好有心機嘅餐廳。唔怪得平日都會爆滿。整體黎講，呢間食肆嘅晚市套餐真係CP值好高，值得一試😎…查看更多

最近去咗一間好正嘅餐廳，食物好好食又抵食，真係大讚啊😝我一踏入去個時，真係覺得餐廳嘅環境好特別㗎。佢地有個半開房式廚房，可以透過窗戶直頭睇到佢地大廚嘅煮食過程，未食都聞到好香🤤佢哋嘅菜單都好用心，有一道出色嘅前菜係香煎法國鵝肝多士，配埋黑醋沙律，多士煎得脆口啲就更好。鵝肝多士豪華又好味，同埋佢地配咗黑醋沙律，口感酸甜，真係令人欲罷不能啊🤤🤤仲有一道我好中意嘅菜係烤西班牙黑毛豬配蜜桃燒汁，七成熟。黑毛豬烤得剛剛好，肉質鮮嫩多汁，再加上蜜桃燒汁嘅甜酸味道，真係令人驚喜😙仲有一道好正嘅菜係地中海香草烤鮮魚配烤薯，加埋泰式魚露汁，味道好香好惹味。魚肉鮮嫩，用香草調味同烤制，真係好似去到地中海嘅感覺😝 不過配菜烤薯就失色啲，味道略嫌太淡🤔食西餐當然要配飲品，佢地嘅生啤同Iced long island tea都好出色。生啤香濃爽口，做緊不同口味既promotion😎Iced long island tea就更加特別，啲酒調配得好好，清爽又微微有酒香，真係特別好飲😜Dinner set +$38就有埋甜品，真係好抵😂總括而言，呢間餐廳堅持唔用味精，價錢又合理。我唔止享受到精心烹調嘅菜式，仲感受到大廚哋嘅熱情同waiter嘅用心，值得一試！…查看更多

而家凍冰冰，夜晚最啱就係打邊爐！見到尖沙咀呢間新開嘅火鍋店嘅任食火鍋好似環境同食物質素都幾好🥰上到去餐廳，其實都已經好多人好旺場。地方都好新淨，座位坐得幾舒服。朋友就喜歡食牛，我地要最貴既餐 $378 大滿貫吃到飽 - 有好多唔同部位嘅牛同海鮮都係飲食，連牛胸爽呢啲特別部位都有😍未打邊爐之前仲有一個頭盤，我哋就要左個老檀酸菜魚試吓，估唔到都好有驚喜👍酸菜魚好嫩滑，啖啖肉唔會有骨，平時喺街食呢個份量都起碼值百幾蚊，即刻覺得今晚抵食咗好多🤣食完酸菜魚就可以打邊爐啦！牛胸爽食落好爽口，充滿牛油嘅味道，但係又唔會話滿口油膩感👍其他部位例如外裙柳同黑安格斯牛小排都非常好食。牛小排就入口好嫩滑，外裙柳就好有牛味😍套餐仲包左一份海鮮拼盤，海蝦同大蜆都好新鮮，爽口鮮甜仲叫咗少少水餃、蝦滑同花膠，不過太飽唔係好食得晒，因為牛真係太正🤣🤣最後見佢有個甜品自助區，可以自己落配料紅豆薏仁仙草凍都有，食埋個紅豆豆腐花就飽晒🥰…查看更多

之前聽過呢間餐廳夜晚有live music 就好想約朋友嚟chill下🥳但朋友中午先得閒咁唔緊要啦😂 我哋照食住中午先 lunch set其實好抵 $100左右 包埋drinks😍我要咗個青醬雞肉蘆筍貓耳朵粉 幾特別咁😋 餐廳上菜速度都好快 同朋友傾左幾句就有得食啦😛 貓耳朵粉好煙韌 唔係好多餐廳會入貨 但我好鍾意佢個口感🤤細細粒一個匙羹舀起就有四五粒 一啖入口 貓耳朵粉掛左好多青醬😍😍 味道濃郁 超好食🤤雞肉同粟米芯份量都好足料 估唔到粟米芯配芝士青醬都幾夾🥳 重點係$88咋 我同朋友都覺得超值 👍👍挪威三文魚配薯泥及意大利節瓜沙律 三文魚煎得好香 魚肉仲好juicy嫩滑😋 意大利節瓜食落唔會好重草味 加上少少沙律醋同千島辣醬整體味道好豐富好開胃😝除咗lunch set 我哋仲叫多咗半份沙律share😛 呢方面我覺得係幾好嘅 有得order半份同全份 可以試多幾款菜式呀嘛👍 煙三文魚凱撒沙律 半份都有成四塊煙三文魚 分量比得好大方😍😍 唔知全份係咪有八塊呢😂 煙三文魚都好厚好新鮮 沙律菜都好清新 食完覺得成個人都健康啲😂飲品方面我要左杯iced matcha latte 夠打卡了 富士山🗻杯既造型好靚 latte夠凍又唔會太甜☺️ 最後當然要叫返個甜品啦 跟餐加$42就可以要個朱古力心太軟配雲呢拿雪糕🤤 朱古力味好香濃 心太軟嘅時間掌握得好好 熱溶既朱古力醬配上雲呢拿雪糕 太完美啦🥰…查看更多

今晚同男朋友去左位於九龍紅磡海逸君綽酒店二樓 - 海雲天 食中菜😋因為上網見到而家做緊優惠 $698 蟹之約會盛宴 買一送一 好似好抵咁😲環境坐得好鬆動 裝修好grand 原來都有唔少人喺度擺婚宴😛講返今晚食物先 材料選用每日新鮮空運越南肉蟹一共八道菜式 好豐富😝第一道菜 三小碟我就覺得正常 青瓜爽脆 不過可以醃多陣 配酸薑就好新奇😯 酸酸地但又可以帶出青瓜既甜味👍蟹肉燕窩羹好足料 啖啖都食到蟹肉燕窩 入口細滑☺️☺️ 仲有啲雲腿提味 唔使落醋已經好好味🤤芝士焗蟹蓋未食已經聞到好香🤤面頭焗到金黃色好吸引切開後見到滿滿的蟹肉 廚師加左洋蔥增加口感 真係色香味俱全👍紅梅雪地鮮蟹鉗 名字好有意境😛 聞落好香花雕酒味但食落蛋白又無喎😯 原來係蟹鉗度 蟹肉鮮味爽滑 蛋白都好嫩 果然係五星級酒店水準之作😋胡椒蟹炒得好有鑊氣 胡椒超香 超似喺新加坡食到嘅味道 令人回味無窮😝食蟹既同時 職員上咗雞油花雕蟹肉伊面 本來都唔想咁快上 因為掛住食蟹怕放凍左😣 但食胡椒蟹嘅時候我落啲汁同洋蔥係伊面度 又超好食喎😝最後食埋個蛋白杏仁茶 甜而不膩 今餐真係太抵啦☺️…查看更多

實在太耐冇出街食飯 今晚一於要食D好嘢 決定食蒸海鮮 咁就好味又安全啦☺️好多人都推介話九龍城呢間蟹仙好抵食 平時食海鮮起碼都要五六百蚊起跳 呢間價錢平好多😯 海鮮仲要每日新鮮到港 今日就試一試佢個$399刁鑽海鮮套餐究竟有幾刁鑽🤣職員會幫你放海鮮落去蒸 服務超好 完全唔使擔心自己會將海鮮蒸過龍👍海鮮好新鮮 一睇就知又大又靚 尤其係貴妃蚌同九孔鮑魚😍 九孔鮑魚彈牙 肉質都好爽嫩 完全唔使點醬料食原味都好鮮😋😋貴妃蚌肉厚又鮮美 蒸完都仲脹卜卜 一咬落去好juicy🤤重頭戲就梗係食龍蝦同蟹啊😍澳洲青年龍蝦蒸4分鐘啱啱好唔會老 🥳 蒸熟後的龍蝦肉好雪白 雖然味道就偏清甜淡口啲 但肉質緊緻 仲有少少蝦膏😍職員幫我哋蒸蟹嘅時候仲特別介紹 老闆做海鮮批發 所以海鮮價錢先可以做到咁優惠😯今晚既越南膏蟹就好似係由少女轉化到媽媽既階🤣所以軟膏硬膏都有兩種口感一次過食得到 蟹超正爆膏 好滿足阿😋😋最後食埋少少蔬菜同個南瓜海鮮粥 真係勁飽又抵食😝…查看更多

今晚同朋友慶祝生日 想食自助餐但又驚多人唔安全🤦‍♀️ 搵到如心既buffet轉左all you can eat既形式 又有減價 好似幾好喎😯座位都好寬闊我哋仲好好彩 有得坐入VIP房☺️☺️ 獨立空間比較靜 又唔使出去同人迫😝當晚用紙仔填完就可以交俾職員食物好快就送上 職員服務態度非常好👍海鮮味嘅擺盤都好豐富好靚一啲都唔馬虎😍蜆完全無沙 都幾鮮甜 一定要食阿拉斯加蟹腳 清甜美味並且肉嫩 蟹腳內既蟹肉都好豐滿 啖啖肉完全唔需要點任何醬料😋😋 蟹肉仲係一絲絲嘅 可見好新鮮刺身方面雖然比平時嘅選擇少但主打三文魚吞拿魚都有 三文魚仲好肥美 encore左好多次😝食完啲冷盤 飲番個熱湯暖暖胃先😛中湯：花生眉豆煲雞腳西湯：海鮮忌廉湯兩款湯都好好飲喎尤其係中湯 雖然材料唔名貴但足料煲得好甜又唔油膩😋熱食仲有芝士忌廉汁焗蠔、薑蔥焗蠔、黑椒牛仔骨、香草牛油煎大蝦等等，每款試一試都好飽😂西班牙豬肩肉同烤羊柳都唔錯 烤得幾香😛 羊羶味 較輕 加上肉質嫩滑軟腍 同燒羊架嘅感覺完全唔同😋甜品梗係要食haagen dazs雪糕啦 牛奶布丁都超滑溜 又重奶味 食幾杯都無問題😋😋雖然食物嘅款式少左 但起碼唔使同人迫 可以靜靜地食餐飯都唔錯☺️…查看更多

屯門既雅都商場翻新左變咗做Go go mall 多咗好多食肆😯 譚仔 小巴黎 。。。 打造成另一個晚飯宵夜嘅好地方😙行左一個圈之後 搵左呢間泰國菜 象泰😛 價錢好似唔係好貴 款式又多🧐因為都夜 唔想食咁多肉 所以今晚主打海鮮為主🤩🤩生蝦係最中意既頭盤 呢度$88有六隻😛 每隻生蝦都幾大隻 又剔透 用杯子裝住上桌🥳 有兩個醬汁 橙色係平時食開嘅酸辣醬 綠色嘅就再辣少少😍 生蝦軟滑又黏口 食得好開心哦🥳🥳辣椒膏炒花甲 其實應該叫大蜆先岩 因為真係好大隻😂😂 每隻都開哂口 唔會有沙 呢點要讚一讚👍 泰式辣椒膏一啲都唔辣 而係酸酸甜甜 連小朋友都食得😙香蒜炒芥蘭好彩叫左少油 清清地炒得都ok最後鹽燒尖吻魚都來了 即燒 所以要等下 我都係第一次食鹽燒尖吻魚😯 原來咁嫩滑架😯 揭開塊皮 即刻見到濕潤既魚肉 好似蒸咁滑😋😋尖吻魚既骨好大條 可以輕易拆起😏 不過食魚肉有時會沾到鹽 會咸啲😂…查看更多

香港米芝蓮嘅餐廳越來越多 真係間間都想試下有幾驚喜😍 今晚就預早book左呢間係海港城既Amelia食餐好既☺️餐廳除咗有室內既座位 仲有幾張係outdoor夜晚都幾有feel 不過今晚full左😤 有需要既可以預先訂位時講聲！食西班牙菜就梗係要食西班牙火腿啦😍😍 50g兩三個朋友一齊share食就最好😏 西班牙火腿風乾左48個月 因為用橡果餵飼的豬隻吸收咗橡果的油酸 油脂會更豐富 望落已經見到色澤柔潤😋😋食落有啲鹹香甘甜 入口滋味無窮😋 細膩的油脂好似雪花咁融化在舌頭上 又唔會太咸帶啲回香 果然出色阿👍大蜆海膽西班牙圓米燉飯 西班牙圓米粒煮熟後後依然好有咬勁 口感軟中帶硬☺️ 吸唒海鮮大蜆既湯汁特別鮮甜 不過海膽嘅份量咁少唔夠呀🤣🤣 另外仲食到少少菠菜橄欖油既香味 幾特別🤣仲試咗一道從未見過嘅甜品 就係番薯焦糖羊奶芝士布🤩 本來以為會好奇怪 但實在太有創意所以忍唔住叫黎試一試啦🤣雖然羊奶味好濃郁 但都仲食到淡淡的焦糖香入口都幾順滑 真係幾特別既甜品🤩…查看更多

平時lunch都會係公司叮波仔食 最好味係佢啲咖哩 試過娘惹咖喱雞飯同咖喱牛腩飯 兩款咖哩既味道都各有不同😛咖喱牛腩飯就少少辣 叮翻熱之後都唔算太油 牛腩炆到好淋😋😋 薯仔叮完唔會林晒都有啲口感 呢個幾驚喜架！娘惹咖喱雞飯 幾有星馬風味咖喱汁幾濃郁😛😆 雞件都幾滑雖然唔算好大舊 但成碗都幾多 食完好飽有時夜麻麻肚餓想食個宵夜 就會叮個波仔既紫米露食下先😋味道唔會話好甜 有好多紫米 好有嚼口 凍食又得熱食又得 用來做宵夜一流😝…查看更多

元朗搵食見到呢間新開既美味軒 個酸菜魚好似幾吸引 就入去試下新餐廳先😝我地要左個 酸菜魚 (小) $158 價錢睇落同出面比稍平少少 加多個農村小炒王😙 晚市原來都仲有蒸點心 款式都幾多 我地為食又試左碟蟹子蒸燒賣🤣🤣酸菜魚賣相超靚 聞到好香酸菜辣椒香仲有花椒八角提香好開胃醒神😍 魚用左鱸魚 比鯇魚/大魚更香魚味濃郁鮮味阿😋😋 雖然冇大魚份量咁多 但勝在肉質嫩滑啖啖肉😋窩入面仲有好多娃娃菜同米線 娃娃菜吸左湯辣得來好過癮 不過就感覺油左少少🤣 如果轉做菇類可能好啲🤔 米線有口感 比較煙韌 好啱我口味 有啲似雲南米線抵讚既係食到最後都唔會話林晒 👍👍農村小炒王竟然唔係用芽菜韭菜花 而係用咗青辣椒 幾特別👍 夠味道得來又唔會太咸青辣椒比較爽口 食完滑溜嘅酸菜魚食啲肉就啱晒😝蟹子蒸燒賣見到都覺得超大粒 係平時見到嘅1.5倍 咬落去肥豬肉都好鬆化 唔會話剩係得麵粉咁 即蒸即上熱辣辣😝…查看更多

今晚同朋友食日式拉麵🍜 見佢除咗有拉麵 小食同串燒嘅款式都幾多 就每樣要少少試吓先😛蟹籽沙律 $25 價錢超平😯 份量超多😯 味道都唔錯 有好多青瓜絲蟹柳絲蟹籽 麻醬唔會太多 食落都尚算清新☺️Ankake拉麵其實似係元拉麵🍜 多咗糖心蛋 糖心蛋簡直係拉麵嘅精髓 所以一定係要加嘅😍😍 但要Ankake拉麵就附送左半隻😙 糖心效果好滿意 味淋同醬油嘅比例啱啱好😋 拉麵比較粗身都幾爽口 食到最後都唔會話太淋👍 味噌湯底都好濃郁 食晒一碗都幾飽🤣我哋仲叫咗啲串燒食😎 牛舌串燒一流 厚度適中 充滿牛香 燒起仲有啲油花 好食🤤 榨少少檸檬多啲變化 就清新啲😛見到店主推介個牌有 塩燒五花腩 見到都流口水🤤 總共有五至六塊 $48 真係有出邊串燒店幾水準 甚至更好😎 帶少少脂肪 燒到嗰邊脆身 帶香烤味😋 入口都幾鬆軟 豚肉唔會話太鞋口 黑椒再加少少檸檬汁可以中和左個油膩感😛…查看更多

今晚公司開OT 同同事係附近買咗飯盒食 呢間茶餐廳唔算開咗好耐 環境都好乾淨就幫襯下先😝即叫即炒嘅粉麵大概$50 一個包埋例湯 正常價錢啦😗我哋叫咗個芙蓉煎蛋飯同咕嚕魚塊飯 見佢外賣飯盒都pack得好企理👍👍例湯一啲都唔咸 味道幾清甜 似屋企啲住家飯😋 如果南瓜再蓉少少 就更加濃郁有口感 但起碼而家唔似落左味精😛芙蓉煎蛋飯分量唔算好多 一大塊 女士都夠食嘅😛 但餡料就落足 有好多叉燒芽菜蝦😋 芽菜都好新鮮煎得好爽口 因為芽菜係精粹😍😍 好多時飯盒外賣拎走都會局到淋晒 但呢間完全唔會👍咕嚕魚塊飯好香 酸甜適中唔會話太酸好嗆喉😋 好欣賞佢炸粉唔係好厚 魚肉啖啖肉好滑嘟嘟 菠蘿都好甜 好開胃輕鬆食晒成個飯😛頭先等外賣嘅時候我仲聽到人哋食雞煲 唔知得唔得呢🤣 原來仲有海鮮食 睇嚟唔止茶餐廳咁簡單🤣…查看更多

聽講呢間喜記以前喺灣仔好出名 尤其係避風塘炒辣蟹😙 知道佢係尖沙咀開咗間分店又費事過海 所以就一早book定位預訂咗個套餐同媽咪食😛媽咪話呢個二人套餐 龍蟹宴 真係好抵 除咗食到招牌炒蟹仲有龍蝦🦞 當晚見到其實都好多人叫呢個龍蟹宴🤣陳醋木耳 除咗酸酸辣辣 仲有比較重嘅蒜茸味 爽口又幾開胃我哋要咗椒鹽龍蝦 平時通常都係食上湯或者芝士龍蝦 難得有椒鹽一於試吓😍😍即炒即上夠哂鑊氣👍 龍蝦好新鮮彈牙 仲有少少海水味 一定要沾多啲椒鹽食夠哂惹味🤤 一隻蟹都好大隻 蟹鉗好多肉 拆出黎慢慢食 啖啖肉好滋味😋😋避風塘炒辣蟹 好期待😍 佢個炸蒜真係炸得超好食 脆口但唔油膩亦都冇油益味 忍唔住空口食咗幾啖啊🤣 蟹肉好鮮甜 味道一流☺️ 唯一可惜嘅係我哋叫得唔夠辣 唔夠過癮啊😭套餐仲有一份滷水豬手好Q彈 真材實料好黏口 充滿骨膠原😙 除咗有滷水味仲好似多咗份薑醋既甜 食落唔會好膩😛櫻花蝦炒飯都好好食喎👍 師傅炒慣蟹 所以好有鑊氣👍 飯粒粒分明 配埋啲櫻花蝦同叉燒粒 再加少少避風塘啲炸蒜 清哂碟炒飯啊🤣超飽好滿足😙…查看更多