怡笑食堂的个人专页

年少時好喜歡喺呢度家庭聚會。食物好味又大份，又多選擇。今年疫情關係初二唔洗拜年，就黎呢度尋找當年味度。叫咗一碟雜菌意大利飯，一碟肉丸意粉同一個甜品 - tiramisu。餐前麵包好一般，偏油，款式唔同哂。肉丸意粉係茄汁，肉丸唔錯，意粉正常。雜菌意大利飯好難食，冇味少芝士，食嘅時候要自己再落鹽。Tiramisu好一般。又濕又冇咖啡味，建議唔好試。呢度水準差咗好多，咁嘅價錢，大把其他好味啲嘅選擇。 好失望。…查看更多

見到Ralph’s coffee 有pop up store 賣埋DPT ge cookies - American Style X American Style - 即刻忍唔住買黎試下。店面喺火車站一出行1-2分鐘度，有幾張高檯比你飲下野食下cookies/cakes同傾下計。Cookies得4個味道-chocolate dip, red velvet, oatmeal & chocolate expresso. Chocolate expresso 係 popup store 限定嘅味。原本想買杯咖啡試下，可惜幾個男店員都串串地，問佢有冇double chocolate cookie (係DPT幾出名嘅味）竟然指一指啲食物就算。問佢有冇set可以飲品加食物，啲店員你眼望我眼..... Okay🤷🏻‍♀️ 最後連紙巾都冇俾....好啦算數。曲奇係幾好味嘅，特別係呢個期間限定嘅味道，有expresso嘅甘苦味配搭朱古力嘅微甜。曲奇係美式嘅，即係淋淋地厚身嘅。我係第二次喺呢間popup store買。幾個女店員都係幾有禮貌嘅...我係愛咖啡之人。不過連續比堆男店員人串左2、3次，咩心情都冇。再睇下其他評語，好似唔試啲飲品都唔可惜wor。…查看更多

見咁耐冇飲茶，就同友人搵下銅鑼灣有咩方便環境好嘅酒樓飲下茶食甜心。見呢間酒樓喺世貿環境應該唔會太差，就揀左佢，結果。。。佢點心嘅價錢同同區嘅差唔多，限時個半鐘：想平啲啲可以揀呢個套餐，$118有一份點心加一碟粉/飯：茶叫左普洱。因因佢係茶包，要等耐啲先有味：首先黎左個炒米粉。佢味道唔錯可惜十分乾。乾到有少少硬。跟住係有啲特別嘅點心，叫黑金流沙包，其實即係奶黃流沙包。佢奶黃極少，包嘅味道一般，好令人失望。呢個蘿蔔絲酥又係另一個失望之作。似係岩岩喺雪櫃拎出黎再叮熱咁。雖然好多蘿蔔喺入面，但皮厚硬而不脆。最後係古法馬拉糕，係最正常最好味嘅點心。如果你想要一個環境唔錯嘅地方，呢度係一個唔錯嘅選擇。但食物質素就。。。可以叫啲傳統嘅點心可能會好啲。…查看更多

近來喜歡到呢間食中低價日本野。最欣賞呢間係水準穩定（而且唔錯）同地點方便。可惜嘅係呢間野比較受歡迎，限時90分鐘用餐。前菜通常會揀呢個牛油果豆腐。牛油果份量充足，個汁帶酸。記得食嘅時候要一啖牛油果+豆腐+紫菜咁食。另外我特別喜歡呢個雞肉棒。佢雞肉味濃，帶有軟骨增加口感，配上日本醬汁，十分好味！如果有得加雞蛋更好。呢個刺身$198。有三文魚，帶子，tuna，蝦，油甘魚。佢啲刺身算新鮮，溫度剛好（唔會太冰）。當中油甘魚最出色，帶子加檸檬亦幾有心思。主食要左南瓜豚肉烏冬。好欣賞佢個南瓜湯底夠白夠濃，烏冬彈牙，豚肉夠肉味。配菜有南瓜，蛋同菜。南瓜夠甜。另外叫左一杯仔(120ml)吉田藏純米大吟醸試下。$38一般般不過不失。…查看更多

仲於可以一試傳說中抵食又好味嘅漢堡。佢漢堡嘅特色在於你可以自己揀想要嘅配料醬汁，而配料醬汁嘅選擇都算Ok。 同埋佢有免費任食嘅花生，可以不停拎。我揀左Cheeseburger with regular fries。薯條有2隻味揀。一種係regular普通薯條，一種係有spicy sauce，有少少似七味粉。我就揀左有味嗰種。一食burger, 係凍嘅。牛冇牛味亦唔juicy。個包又淋又唔香。。。。。再食薯條，係新鮮炸嘅好香口又脆。友人好喜歡有味薯條，但我覺得太醎。一句講哂，佢算貴，質素好一般，有好多更好嘅選擇。…查看更多

友人談論一間新開嘅食神燒味店，以黯然銷魂飯為主打，都幾有趣。既然係主打，每人就叫左一份黯然銷魂飯試下。其實黯然銷魂飯即係叉燒飯加一隻流心蛋，配埋湯同一杯熱飲。叉燒唔錯，唔肥，蜜糖烤到有少少脆，份量都算多，略甜但岩撈飯。蛋正常，可以再流心啲。如果可以加蛋更好。湯ok，可以一試，有唔少蓮藕。特別要提一提個醬。佢鹹鹹地配叉燒加飯都幾夾。友人話有少少似豆豉嘅味道，幾特別。下次我會試番平3成嘅叉燒飯，或者可以配瀨粉，唔容易搵到。…查看更多

一向幾喜歡呢間登龍街嘅小店。店舖細但都坐到唔少人，間中要等位但通常都快。之前食左口水雞，今次食番獅子頭。呢度嘅藥膳湯底麵係必點嘅招牌菜。而我強烈推薦大家加$3轉刀削麵，喺香港比較少見，並且幾好味。碗麵一上就睇到佢滾到起哂水泡。藥材湯底好香。有少少配菜，唔食蔥嘅記得走青。獅子頭有三大粒，肉味香。食完成個麵好暖好飽。份量足夠。另外加錢要杯細嘅凍豆腐，涼快一下。登龍街食店轉得快，呢間算係留得耐，希望可以繼續黎食刀削麵。…查看更多

天寒地凍想食下又熱又辣嘅野，韓國野都係一個選擇。尖沙咀韓國街嘅食店林林種種，好多選擇。而我因爲唔想食炸雞同芝士，就揀左呢間。前菜有五碟。五碟都幾可口，最喜歡白蘿白。天氣太凍想暖身加補補。呢個人參雞有成隻雞喺入面，加一片片人參，紅棗等等。單單食呢個都好飽。佢雞湯味高過人參味，可能因為人參湯未夠入味，食人參嘅時候仲有幾重嘅甘味。泡菜飯加流心蛋唔錯。辣味中等。有少許腩肉同牛仔骨，都幾香口。泡菜餅其實都唔錯但泡菜飯更香。第2張圖可以睇到佢真係好大塊。2個人食有啲太多。7點幾坐滿哂人。係幾抵食嘅小店。…查看更多

天氣突然轉冷，又係打邊爐嘅時候啦。想食得健康舒服啲，見呢間主打養生湯底，就試下啦！揀左套餐2人任食2.5個鐘，有養生湯底，手打丸同餃一set，angus肥牛片一碟，任點其他食品，同任飲紅白酒汽水等等。冇揀到海鮮套餐或者基本套餐。首先揀左個人參鳥雞湯底。有半隻烏雞，人參，藥材等等。食野前先飲一啖，都幾甘幾舒服。之後啲丸同餃黎左。手打牛丸同墨丸都好出色，豬肉丸都唔錯，足料又香。餃子正常，菜餃幾甜。哇哇哇。期待已久嘅牛黎左。一碟2人份量都有唔少！牛味足口感唔錯，唔會肥，好想encore可惜再叫要加錢。任飲紅酒都可以入口。愛酒之人可以一試。我就一杯足以。套餐嘅野食哂再叫任叫嘅食物。花膠唔錯，驚喜有番薯菜，魚一般。冇點叫其他野。一碟牛點會滿足到我呢。試下任叫嘅肥牛。味道可以，可惜佢係名符其實嘅‘肥‘牛，好失望。原來醬料要另外每人$8完全留意唔到。唔多覺張菜單有講。總括黎講湯底唔錯，angus牛幾好味，可以任飲紅酒，任叫野食正常，任食肥牛一般。環境舒服乾淨，洗手間衛生。可以一試。…查看更多

呢間家庭餐廳喺美國都要排隊。黎到香港， 排隊在所難免。但拎票己經排左大半個鐘，再拎完再要等個半鐘，好誇張。但因為好懷念作佢嘅味道, 而佢又寫左番到餐廳拎位嘅時間, 好啦周圍行下街等啦。一到時間去到餐廳, 再等5-10分鐘就有位。首先上左餐包。有麥包，白包同同黑糖包。我好喜歡呢度嘅黑糖包， 味道好出， 牛油亦香。 啲包依然好味， 可惜冇之前咁新鮮。主菜有檸檬雞肉香草意粉。意粉好大碟好多雞肉。檸檬汁好香令到個cream底冇咁滯, 可以一試！（啲雞肉好似同意粉差唔多份量， 有好多粒）然後係我嘅favourite. 呢個牛肉芝士三文治既係美國嘅street food, 又係餐廳嘅主菜。牛肉芝士係絕配。好味！加錢轉番薯條， 又脆又香。我自己覺得呢度最出色就係意粉同三文治。蛋糕反而麻麻。呢度嘅野食偏貴但大份, 比較濃味同油， 間中食一次都幾滋味，可惜等太耐…查看更多

近日想食下墨西哥快餐。呢間比較多分店又食過，就搵間附近嫁啦！例牌一定要叫 Buritto. 通常會叫牛或者雞, 但又想試下魚 （比較少見）。最後都係要番例牌。佢會比埋個醬同青檸。如果想share可以叫佢切一半。我食之前通常會加青檸、 冇咁滯。我鐘意去呢間係因為佢之次次水準一樣, 今次都係, 冇失望！ 個 Buritto 唔會太乾身， 又唔太多水~再叫左個菠菜芝士dip. 喺美國最鐘意食呢個。可惜, 味道唔錯但水咗啲。食呢啲一定要配番標杯啤酒。呢度可以揀自助啤酒玩下。…查看更多

今晚趕時間又肚餓, 唯有去Hysan Food court快快解決。呢間燒味係新嘅, 好似係主打慢煮叉燒。都有聽其他人提起過。既然係咁， 同友人叫左2個雙拼飯再分享。第一個係叉燒拼貴妃雞飯。啲雞普通, 唔難食又唔係特別好味。叉燒幾好， 唔肥又唔鞋。落左一堆芝麻送飯lol 可以自己加唔同配料。第二個係叉燒搵拼燒腩仔。燒腩仔好味過貴妃雞， 而且唔肥。叉燒一樣係唔錯。加左$25要菜同湯。兩樣都唔錯。個湯標榜冇味精， 飲落都幾清。個西蘭花都係清清地。兩樣食落都幾舒服。總括黎講呢間都唔錯。想地方乾淨唔迫咁食下叉燒, 呢度都係一個唔錯嘅選擇。下次再食應該唔會拼其他肉， 淨係要叉燒蛋飯夠啦。或者再加湯同菜啦~…查看更多

呢間bar一向係我同友人嘅傾計飲酒睇波聚腳點。可惜佢淨係做埋呢幾個月。夜晚10點幾到，都係咁人生人海。叫左個burger分享， 加一人一杯酒。Burger嘅牛要左medium。好香嘅牛味同好juicy. 嘅啲cheese係溶緊嘅。 大大舊好快就食哂Master Dickens 係特別為Dickens面而製嘅craft beer. 好新鮮同易入口。 Passionate fruit beer 友人好喜歡但我覺得太甜。希望佢繼續做啦...…查看更多

去完海洋公園好肚餓, 搭一個站行幾步路就到呢間泰菜館。呢間泰菜館友人由細食到大，成日推介呢間但我一直都冇機會試。入到去間菜館好滿, 好彩仲剩番2個位。叫左呢個友人推薦嘅生菜包。豬肉味好香，同我喺東南亞食過嘅豬肉味類近。可惜豬肉有我唔食嘅芫茜同啲肉太肥。另外再點左泰式香辣炒粉絲。呢個係濕炒嘅。酸酸辣辣好開胃。最後想叫個甜品。十分推介呢個千層糕。熱同軟身而有彈性嘅千層糕， 加上椰汁, 係絕配！ 一口一口就冇哂。好想叫多碟但太飽。見格離枱啲魚好香, 下次想試下。…查看更多

過左一個十分忙碌嘅上午， 想諗個舒服休閒嘅地方食個晏吹下水， 見呢間餐廳嘅裝修好似coffee shop咁, 就試下啦！餐廳嘅食物偏東南亞又有啲fusion。Lunch唔洗加一。友人試左冬陰公意粉。我想食light啲就揀左Mexican wrap with smoked salmon and avocado.我試左個意粉。味道rich而fusion得好融合。下次會encore!個wrap幾清新薯條都香口。但我最滿意個沙律菜, 個汁酸甜好開胃。美中不足係餐廳喺中午太忙， 水都冇杯…查看更多