呂菜蘭0.1的个人专页

今日同同事食lunch , 通常夜晚先會選擇食既日式燒肉，見佢有lunch set 就去試下 ！睇完menu 食左啲開胃前菜先！特上牛五花、蔥燒牛肋肉、特上牛胸腹肉份量唔太多，但燒完每一件都好彈牙，唔會好難吞到個隻，食落去就知道係靚牛😍之後叫左個豬「五花腩」賣相都吸引，可能好肚餓😂但食落去都好好味 ，如果要將豬同牛比，真係好難選！佢切既厚度是剛剛好，不會太厚又不會太薄之後，就講下呢個好特別既菜式-「雞三角」睇落去好似係一塊脆卜卜的雞肉 原來咬落塊去會有軟骨，好似食緊大舊的雞軟骨一樣，口感非常特別！ 環境同燈光都好有日式風格🥰係到食完野，以為去完一轉日本咁😭…查看更多

見尖沙咀開左新building ,放lunch 就試下呢間餐廳！同個friend 叫左一杯red Sangria &一杯white sangria ,飲落去有種茉莉花香味，我覺得都幾特別！叫咗一個好特別嘅八爪魚小食，配埋Sea grapes 勁爽口，佢既醬汁酸酸地都幾開胃呢個紅椒蟹肉口感好得意 本身以為會好辣，點知咬落去嘅口感，好重蟹味！再叫左個奄列 ，用雞蛋配薯仔加佢嘅醬汁，好完美配搭，雞蛋都有一定厚度 所以食完都有小小飽肚 ！一吉落去勁多汁🥰呢個咁特別嘅豬肉丸，佢個皮炸到好脆口！呢個重頭菜，豬扒薯仔！佢嘅豬扒超級爽口，超值得一讚👍🏻 食完之後， 已經飽到上心口😂但係食甜品永遠都係用第二個胃😍呢個甜品拼盤味道由甜至淡，食左甜有朱古力既先，最後食jelly 可以中和返口味 ！依間餐廳嘅裝修係落地玻璃，雖然景係山林道但係環境好清靜，傾偈飲嘢一流* 價錢方面就比平時食lunch 高左啲 但係佢嘅環境係值回票價！…查看更多

兩個人想食餐好嘅壽司，見到k11有間價錢唔算貴同裝修幾好嘅餐廳，就決定入去食啦！太多款式，又見到佢既set 好似幾抵食，就叫咗一客12件同埋一客八件的set 呢個印八件的set 有拖羅、「獅」魚（佢個感覺好似食緊油甘魚咁）係嗰度嘅服務員推薦我食嘅，之後有海膽、鰻魚、三文魚子、蔥花吞拿魚卷物，三文魚、同埋玉子我覺得個玉子好特別，其實平時嗰啲我都唔鍾意食，因為我覺得冇乜特別，好似就咁食蛋咁、但係佢整到好似食緊雪芳蛋糕咁！口感超得意呢個玉子壽司真係令我大開眼界！12件壽司就多咗蝦、大拖羅、北寄貝、仲有一個唔知咩！不過全部都好好食！我覺得最特別係大拖羅同中拖羅嘅分別！大拖羅嘅脂肪當然係勁啲啦！但係食落去個口感係超正，入口即溶嘅感覺好強烈！中拖羅，雖然脂肪冇咁重，但係佢肉同埋脂肪嘅比例都好平均！入口即溶嘅感覺就冇咁強烈但係都好有質感！之後覺得個海膽同埋個獅魚非常新鮮！個海膽完全有驚喜！估唔到呢個價錢都可以食到咁新鮮嘅海膽！其實特別鍾意食拖羅，就是埋佢個拖羅手卷不過就同佢嘅卷物冇乜分別佢切碎咗，就欠左一啲口感！但係都係超級新鮮！我幾鍾意嗰度嘅服務員好有耐性咁解釋每一件壽司，仲會介紹埋食嘅次序！唔知係咪心理作用，又真係好似好食啲😂😂不過呢度都幾多人排隊同食、佢有吧頭位置好似係食Omakase !不過要卜位先有得坐下次試吓先…查看更多

聽朋友講之前有$10 一隻生蠔，諗住上嚟試吓，佢男朋友專登揀一間餐廳慶祝，上到去個優惠已經冇咗！$199有八隻生蠔加一杯餐酒，其實呢度都幾好食嘅！都幾新鮮同埋好有海水味！之後叫咗呢一個卡邦尼意粉，其實味道係冇問題，不過價錢就偏貴囉，因為份量其實好少，我諗一個人都可以食得晒！之後叫做呢一個反骨雞翼，炸出嚟都好脆口，價錢好似係$68 ，基本正常價錢！食落去真係好似食緊雞鎚咁，都唔錯既！食西餐就一定要食牛扒，呢個西冷扒叫咗三成熟，佢個汁同埋肉質都好食，三百幾蚊同一般餐廳價錢差唔多最後一人叫左一杯啤酒，叫1664 不過佢地話唔夠杯所以用asahi杯裝住😂…查看更多

第一次同屋企人去呢間餐廳食飯，好多人排隊，等左大概20分鐘就有得入去啦！食物款式非常之多，壽司刺身鍋物定食串燒，包羅萬有！我哋叫咗套餐，有刺身同埋沙律，當然唔係話好新鮮，但都唔差，沙律就一般般，唔係話特別好食呢個鰻魚飯就好好食，鰻魚即叫即燒同埋多汁，日本米加鰻魚係完美既鰻魚飯，估唔到喺呢間餐廳可以食到咁好食嘅飯！呢個海鮮鍋都唔錯，好似食緊吉野家嘅打邊爐咁😂蜆肉都多，同埋都入味，魷魚八爪魚就唔係話太多，不過好適合一個女仔食，因為唔會話太肥太多，份量係啱啱好天婦羅同埋呢一個雞髀，都唔錯全部都係即叫即炸即燒，黎到既時候係熱辣辣的因為有小朋友所以叫咗呢個兒童餐，賣相好吸引小朋友去食，佢有薯條🍟啫喱，炸雞，玉子，烏冬，飲品同埋玩具一個！小朋友見到我都開心，但係竟然冇食晒啲薯條，佢話冇味，烏冬就普通稻庭烏冬，最開心係有一個toys story 系列散子包！平均消費大概每人200左右，食到咁多野都抵食…查看更多

中午放飯時間特別多人，附近餐廳全部都爆曬，見到呢間日本料理仲有位就入去試吓！有好多唔同選擇嘅中午套餐，有烏冬有飯有壽司有刺身，我一個人就叫咗一份鰻魚飯套餐！呢個飯嘅等候時間超過15分鐘，我唔知道佢係留單，定係真係要等咁耐！鰻魚就唔錯，都夠入味，溫泉蛋都冇得特別！唯一要講嘅就係啲飯啊！非常之痴粒粒，啲飯係勁濕，唔知佢用咩米黎做！所以個飯我食咗三份一已經覺得好飽，但係我想講個碗係一啲都唔大！正常一個女仔嘅食量都一定食得晒！套餐有包一個小食我就要左份餃子！餃子就普普通通！煎得都脆口包左一個麵豉湯，都係普通好似沖粉咁飲！總括來講，今日我哋有五個人一齊去食，佢有個優惠價就係買四送一，我朋友就食到烏冬話有啲鹹！其他朋友都係叫飯 啲米都係咁 唔知係咪啱啱開市 啲飯岩岩煲出黎所以咁 平均一個套餐大概80至$90 但係我哋五個人食用卡簽賬，都係食咗200幾蚊送完一個餐仲有七五折，如果要求唔係話太高，呢一間日本餐廳值得一試！…查看更多

夜晚想食宵夜見到網上外賣平台有泰國菜叫，就諗住叫一個胡椒豬肚湯同埋豬肉碎生菜包食下，見到佢有鳳爪，以我食泰國菜嘅經驗都唔係好敢亂叫鳳爪，因為唔係間間都整得好好食！題外話食過一間喺黃竹街嘅鳳爪同埋九龍城有一間嘅鳳爪喺香港來講係食過最好食！唔緊要啦咁咪唔叫囉，點知店主打電話嚟話胡椒豬肚湯賣晒，就送鳳爪俾我！嗰一刻我又諗唔到食咩，就試吓啦！外賣送到之後，食個鳳爪果然真係冇味！雖然鳳爪唔會話太晏，但係就好似食緊一隻冇味嘅雞腳咁！之後就試過生菜包，生菜包唔會話好出色，不過就遜色咗啲，但係我都有食晒成個生菜包同埋鳳爪嘅，費事嘥野啦！…查看更多

朋友生日飯諗住去間好少少嘅日本餐廳食飯，揀咗君悅酒店嘅呢一間日本餐廳，環境好清靜又舒服，搞到我講嘢都唔敢咁大聲雖然好好味但份量偏小同埋價錢都幾貴！所以生日先至會揀呢一間餐廳食下首先佢會俾個前菜我哋，有啲韭菜蛋同埋蝦仔咁，確實我都唔係好知係咩黎，但係擺落口好好味，佢個汁好開胃之後就叫咗個10件壽司拼盤，壽司全部都係廚師發板，全部都好新鮮即叫即整海膽完全係唔臭，好鮮甜額外叫咗拖羅同埋海膽，拖羅平時食千兩都會叫大拖羅，但係實在太貴啦，真係唔捨得食，就叫咗中拖羅，但入口都好鮮甜同埋有種即溶嘅感覺，海膽就好新鮮，平時去食日本餐廳叫海膽要即刻食先得，如果唔係擺耐左就會變臭，但係佢呢個海膽係唔會嘅叫咗分A5鹽燒和牛，雖然係鹽燒，但味道好適中，唔會話太鹹，肉汁同埋咬口超配合好唔鍾意食肉係好難咬，但係去到呢啲咁高級嘅餐廳，當然唔會食到啦叫咗個海鮮鍋，海鮮就冇乜特別，但係佢個湯就好好飲，好清甜好開胃最後就叫咗個甜品紅豆餅，估唔到日本餐廳都可以食到呢啲甜品，以為係中式嘢，但係佢煎得好脆口，配合埋啲紅豆甜甜地又唔流總括來講所有嘢都好好食，但份量就唔係好夠，不過我哋三個人都食咗三千幾蚊埋單雖然好肉赤，但係味道都幾難忘…查看更多

九龍城最出名就係泰國菜，不過我就唔係好鍾意去，因為我覺得有好多間泰國菜都好味過九龍城，我成日覺得九龍城係多泰國菜集中同一個地方，但唔係間間都咁好味朋友生日見到食評話唔錯，就去咗呢間度食生日飯首先叫咗碟生蝦，穩陣起見都係叫咗一碟試吓先，點知好新鮮又好味，啲蝦頭全部都好多蝦膏，所以忍唔住要叫多一碟！之後就係鳳爪沙律，不過呢個鳳爪冇乜味😭軟殼蟹生菜包咖喱包，呢三個餸都好出色，蒜蓉包撈咖喱，就算有幾飽都忍唔住要食晒成個包！生菜包就超入味，生菜都新鮮呢個冬陰公又入味而又出色，唔會話太辣或者太鹹，味道適中總共叫咗三杯嘢飲，芒果沙冰係要特別講之外，其他都幾好飲嘅，因為芒果沙冰好似溝咗野咁！見到食評寫呢一個蠔餅好好味，的確真係唔錯好多蠔仔同煎得好好，估唔到泰國菜會有蠔餅食串燒就即叫即燒，啲肉唔會太硬，都不錯…查看更多

同朋友經過尖沙咀見到有間Oppa 嘅韓國菜,見到成條街都係韓國菜，但見到呢間嘅芝士熔岩就最吸引！雖然都多人排隊，但係好快就有得入去，呢個蟹膏蟹肉紫菜包飯，佢啲蟹膏好好味😋識你一個包飯一定要一啖擺晒落口先食得到佢全部野加埋既口感，超好味平時都唔鍾意食紅蘿蔔，但係加入左呢一個飯捲到，完全冇排斥嘅感覺😂之後叫咗份人蔘雞湯，成隻雞又話啲肉柔嫩，食落口係超好咬口，個湯就重濃味，唔建議就咁飲，個湯愈濃味，隻雞就愈入味👍🏻兩個女仔食完個人蔘雞湯，加埋個紫菜包卷，其實已經飽飽地，但係一場黎到唔試吓佢個泡菜蛋漿熔岩飯,有啲覺得對唔住自己！所以就同服務員講左叫佢少啲飯個飯黎到 oopa 就會幫我地加芝士落去之後再用火槍燒溶佢撈埋左一齊之後，就食得啦！食呢個飯前真心好飽，不過我地竟然係會食得晒，佢撈埋泡菜係勁開胃！呢個一定要再試，下次要試埋佢個芝士排骨😀…查看更多

聽朋友講話呢間野啲雞煲幾好食，我仲以為佢專食串燒，見到佢有個二人餐，好似乜都有齊晒咁，就唔想煩決定買呢一個餐呢個乾鍋香辣雞煲真係同出面既雞煲好唔同，擺左上檯滾左5分中到就食得啦！啲肉係林又易咬口，出面有好多雞煲啲雞都係硬啲！之後就上串燒，叫左雞翼娃娃菜豬頸肉翠肉瓜同埋帶子，串燒選左小辣都夠辣味，我平時食譚仔就食開小辣既😛我覺得串燒唔可以太辣比佢辣味姐住左佢個味！雞翼外脆內軟，果皮都燒得唔錯，帶子就加咗蔥花去燒，都唔錯只有豬頸肉就比較遜色左啲，可以加多啲汁會好啲，娃娃菜同翠肉瓜都正常小食會有皮蛋包埋，係冰凍既但唔會太硬嗰度嘅服務員招呼都幾好，非常體貼！最後仲有得抽獎贏咗牛舌優惠券一張😂下次可以再去食…查看更多

同朋友黎食過幾次，都係覺得佢個禾牛薈鍋底最好食，佢個湯底等於牛雜咁都係好香牛味，六每一樣野都重牛味！佢哋牛雜就會另上，最好食就係佢個牛肚都幾彈牙其他就一般！叫咗個脆鯇魚片，切得厚薄適中，六落去嗰陣唔會話太厚好難咬，六完都幾脆呢啲極品肥牛，同普通肥牛真係有好大差別，可能佢切得比較薄又唔會有多肥膏，都幾入味同埋好好食佢呢個水晶包都幾特別，佢有叉燒芋頭同埋奶黃三隻味，未試過水晶包攞嚟打邊爐佢最得意嘅地方係錄完啲皮唔會散晒，食落口都幾特別，真係食緊叉燒包芋頭包同埋奶皇包咁，奶皇包啲流心就最好味呢碟黑毛豬豚肉都唔錯，最好食都係呢啲碟豬同埋碟牛係最值得食最後都有叫到冬瓜片，我覺得打邊爐一定要叫一啲入味嘅食物，先食得出個湯底嘅味道我見佢環境都幾大可以有房坐，又有卡拉OK，不過我平時都係坐聽，因為聽唔算好嘈又有電視睇都OK…查看更多

晚飯時間同朋友諗住去宜家傢俬行下，見到一間越南菜個名幾得意又冇乜人排隊我入去坐低食野叫咗一個河粉一碟豬頸肉同埋一個馬拉盞通菜豬頸肉切得都幾大塊，以為會好硬好難咬會唔好食，點知食落口又好易咬口，我覺得最特別就係佢側邊用米粉整成既一舊野，好似叫海賓，點酸甜個啲泰式汁都幾好食雞翼河粉就冇乜特別，雞翼就好脆口熟度岩岩好，河粉就普普通通馬拉盞通菜都夠入味但係如果辣啲就會更好呢個椰青諗住同我朋友一人一個，點知佢話賣剩一個，咁就照要啦，都幾甜同鮮買單就230幾蚊，咁都OK嘅！唔錯嘅越南菜…查看更多

去禾牛薈更係要選佢最有名既禾牛薈鍋底，即係牛雜湯底！湯底係勁有牛既鮮味，我就唔係食牛愛好者都比呢個鍋底既味吸引左送方面就叫左脆鯇片，鯇片厚薄適中，擺落個鍋到碌一碌好快就熟啦！咬落去係脆口一啲都唔腥 呢碟黑毛豬豚肉真係食過難忘，佢唔會太厚，碌熟左之後擺入口咬係彈牙，真係不得了！極品肥牛：切得好好，完全唔會覺得難咬同埋最重要係食得出有口感，有時出去食啲肥牛切得薄得黎係唔知食左啲咩，但呢碟極品靚牛就唔同啦見到有水晶包覺得好特別所以決定要試下佢，佢有3隻味叉燒包，奶黃包同埋芋頭包3隻味都好特別，我覺得奶黃包就最好味，因為佢啲奶黃擺左係鍋到碌完係熱辣辣超流心，最正係佢地個皮係唔會爆最後打邊爐有靚湯底一定要配超索味既冬瓜 碌到淋一淋就好入味啦！個到環境坐廳都唔算好嘈，見佢可以包房又有得唱k ,可以考慮係到搞慶祝活動…查看更多

同男朋友想搵間西餐廳浪漫下，見到呢間餐廳裝修好似好靚，就好有feel 咁入去食野！雖然地方小小但裝b 影相就一流，環境好舒服又唔會太嘈！融入了中國文化元素，很用心既佈置，環境很舒適很chill有情調，三五知己情侶也很適合聚會男朋友仔就叫左杯白酒，我就叫左杯凍檸茶！墨汁蜆肉分量好足夠，有好多蜆肉，闊線麵都好彈牙，不過我認為再濃味啲就更好啦！119雞翼，炸得好脆，肉質鮮嫩，少少辣，好惹味，一點也不乾，單骨雞翼，食起來很方便！羊架一定要推薦比大家👍🏻 火喉控制得很好，約7成熟，肉還是粉粉地，一點也不騷，外面還脆卜卜！最後，店員會主動更換碟和倒水，上菜速度很快服務！兩個人夾埋食左6百幾蚊，價錢好合理啊🤗…查看更多