MIYAKO*的个人专页

同細佬嚟屯門食Lunch，見元氣要排隊，就上咗嚟睇下，十二點，好多位淨，於是就入咗嚟。 牆上掛既肥仔圖畫都幾有特色，環境係OK既，但係食物就認真麻麻！ 之前喺鼎泰豐食過葱油撈麵覺得好好味，於是就喺度叫咗個。點知，碟嘢上枱嗰時我真係呆咗，說好的葱油就冇喇，係得一Pat茨汁。啲侍應仲當我有問題咁話葱油撈麵係咁架。嗰啲咁既蝦乾大大隻一啲香味都冇。 婆婆粒粒炒飯，一啲都吾好食，油膩，好似獵味飯。 相比下牛肉包算吾錯。 服務方面，侍應愛理不理，又顧住傾計，吾盡責！ 我哋一致認為，食老麥仲好。 食飽之後見到門口有十幾個人排隊，心諗，憑乜啊？…查看更多

Crumbs, 真係想食好耐, 但係次次都食咗其他店;-S今日同朋友堅決要食Crumbs, 行咗好耐先搵到小店喺個不知名商場旁既小巷, 吾係有指示牌, 我哋真係行過咗！anyway終於嚟到, 原來哩度冇scone賣, 吾緊要我志不此要咗large size with 2 toppings ($34)topping揀咗house crumb同燕麥froyo好滑, 滑到好似軟雪糕同時都幾甜, 食完有啲漏house crumb個味幾特別, 同其他froyo店既餅碎好吾同, 好味好多！麥燕好味整體嚟講都吾錯, 哩度既topping吾錯, 選擇少但貴精不貴多, brownie我都好想試~~~但係個yogurt真係甜咗啲, 個人認為yogurt town同tuttimelon既froyo比較好味會再食過~~~ …查看更多

做facial前, 同朋友嚟咗哩度食啲嘢搭枱吾洗等, 即刻就有位坐~要咗蟹粉小籠包, 香蔥撈麵同牛肉湯麵等咗幾分鐘就上菜, 都算幾快蟹粉小籠包($68 per 6 )其實攞到嚟已經吾熱, 因為我覺得小籠包要熱到辣嘴先好味, 所以分數打咗折扣蟹粉味道吾突出, 肉汁幾多但味吾濃, 整體都係一般。香蔥撈麵 ($30)份量都幾少, 雖然對普通女仔嚟講都夠食, 但我就一定食吾飽LOL蔥油足, 好鬼香。麵夠幼, 而且彈牙爽身, 我鍾意~~ 整體幾好味牛肉湯麵 ($??)我吾太鍾意食台灣牛肉麵, 所以冇咩評語埋單$160, 一人$80, 其實真係偏貴。幾欣賞哩度既Tidiness同環境, 食得幾舒服。茶香, 增加好感。服務員招呼口碼講齊(國語LOL), 但未今人有賓至如歸既感覺, 我甚至覺得佢哋吾夠helpful@@…查看更多

無厘頭地, 最近我好鐘意食日本嘢。哩幾日食完一番同日之味, 都吾錯丫, at least everything's alright.前晚同朋友行經春田, 喺門口睇下有乜食有個女侍應突然喺我身邊竄出嚟, 向我哋猛Sell佢哋既二人套餐當佢講到附送甜品, 我就問係咩甜品, 個女侍應就話喇：『er, 雪米糍, 好吾好食就見人見智喇, 不過壽司好好食架』我又再問(其實真係隨口問)：『咁三文魚呢？』佢又話：『好食(誇張表情), 不過我覺得吞拿魚好食啲(掩半張嘴扮神秘)』我同我個fd其實都覺得佢有啲腦殘, 但最後都入咗去。兩個人, 叫咗炸軟殼蟹($48), 三文魚壽司($12), 芒果蟹籽沙律($28), 鰻魚炒飯($45), 芝士炸蝦卷($3x)我冇食三文魚壽司, 因為睇落啲三文魚都吾多靚, 而且朋友鐘意食就俾埋佢食。炸軟殼蟹, 一啲都吾好食, 林哂, 仲要$48得嗰兩隻細細隻, 食完想爆粗。可惜低處未算低, 沙律原來更恐怖, 啲青瓜絲出哂水, 林哂一啲都吾爽口, 啲蟹籽有一陣腥味, 完全放吾落口！啲芒果又酸, 我朋友仲食到芒果皮, holly disgusting！個沙律好細兜, 完全吾可以同一番嗰啲比, 不過難食就幾大兜都冇用。芝士炸蝦卷, 份量少吾抵食, 而且入面又有嗰啲完全吾爽既青瓜絲, 個蝦又係奇奇怪怪, 好似生蝦咁。鰻魚炒飯味道算係最正常, 但係上面又鋪咗啲腥既蟹籽, 而且油得有啲過份。侍應添茶次數都幾頻密, 不過就冇咩禮貌可言而且啲茶既色都係怪怪哋食完都吾夠飽, 要開Pringles薯片同埋去串皇買嘢食, 埋單$165, 一蚊tips都吾想俾因為哩餐飯真係好吾掂, 一蚊都吾情願俾錢佢賺我朋友話, 就算吾洗錢都要考慮嚟吾嚟食嘢, 但係我吾洗考慮, 我一定吾會！返到屋企諗邌起都覺得驚-.-…查看更多

同兩個friends專誠嚟食froyo~~~好興奮！見到咁多隻味, 不過想食既吾多揀咗：原味 - 奶味吾重, 質感亦吾夠滑(比Panda遜色), 不過甜酸度都幾啱藍莓味 - 好好味~ (我覺得藍莓同乳酪真係好夾)Guava - OK, 番石榴味幾香, 但係較淡味, 而且吾夠酸味配料嚟講, 彩虹mochi、燕麥同corn flask都好好味, 爆珠既口感好嘔心我哩杯要$52.5朋友倆既froyo都要三四十蚊, 佢哋自制能力都比我高._.佢哋要既芒果味好古怪, melon偏甜都OK, 益力多幾好味。食完都係吾夠喉~~~又再嚟多round~~~~~ ;D坐出面傾計都幾舒服, 不過今日就好凍, 坐坐下頂吾順入返嚟。綜合嚟講, 除咗吾夠滑, 哩度既froyo都幾吾錯, 又多口味, 配料選擇又多, 水果仲係新鮮切不過價錢就吾平, 好容易食窮自己而加店內環境舒服寬敞, 喺哩度傾計都幾好~~~出咗鋪頭一陣就已經掛住你喇tuttimelon~~~~ <3…查看更多

兜兜轉轉, 走了不少冤枉路, 終於找到Panda House在冷清的街上, 零零舍舍有一群人圍著店外因為半個鍾前吃了New York Fries, 有點滯只要了100g, 再戰戰兢兢地加了少許配料, 我怕一不小心加得興起, 就over咗！最後我這杯froyo只花我$20, 挻划算！froyo本身的甜度適中, 酸度也是恰到好處, 慢慢細味著它, 真是一種享受個人喜歡木榶餅碎和花生mochi是可有可無, 沒甚麼味choco chips和焦糖醬也可以不加不過芝麻粉就非常讚, 令froyo生色不少員工服務不錯, 收銀員先生語氣親和有禮而且把東西雙手奉上給我。…查看更多

走進小小的店裏, 只有我和一個老伯買雪糕, 當我挑選味道時, 身旁的老伯聽到價錢後非常大反應地嗌：嘩！廿八蚊咁貴既！吾要喇吾要喇！店員相當無奈=.=選了花生糖味和Blueberry Cheesecake, Double Scoop $35份量比我想像中小, 後悔沒有多付八元加多一球, 那個時刻, 不爽的我, 可以食很多！花生糖挺香, 可是吃兩口就覺得無味, 再濃一點就好, 而且雪糕不夠硬身。Blueberry cheesecake 也不錯, 藍莓味夠, 但芝士味不夠突出。下次想試巧克力和三葉草甚麼的~~~~~~…查看更多

今日同朋友睇4:40既Inception,三點幾已經出到嚟, 仲有個幾鐘, 吾食嘢都吾知點hea！是但求其咁入咗哩間茶餐廳。入面的確有陣油煙味, 裝修殘舊, 更遑論格局氣氛？下午茶時段, 吾算多客, 員工好悠閒我叫咗西多士($20), 飲紅豆冰, 吾洗加錢朋友就食星洲炒出前一丁($23)嘢食好快出, 吾似一公里外既太興, 食個西多士分分鐘要等上20分鐘朋友個炒丁比我更快上枱西多上面好大舊牛油, 哈哈哈, 睇到都興奮!!!淋上糖漿, 切咗一角嚟食wow, 估吾到又幾好味！好有蛋香！西多入面直情係黃色, 好多蛋~~~~而且麵包又夠軟, 花生醬份量啱啱好, 吾會搶咗蛋味我食過咁多西多, 哩次係最impressed紅豆冰, 叫咗少冰, 又真係幾少冰, 少到吾夠凍不過, 用更搞幾下, 都凍凍地可以入口~~~~吾會太甜, 但係啲豆好多皮, 中規中矩朋友話個炒丁幾好味, 而且下午茶嚟講, 個份量係啱啱好(註: 我哋好大食)以前成日經過哩間茶餐廳, 都覺得有啲up dup, 提吾起興趣入去食嘢不過以後我會返嚟回味下西多架喇！…查看更多

走了好多路才找到曾記粿品點了一客銀杏芋泥 ($20)上枱時見佢咁細碗都擔心飽吾飽肚(當時我勁肚餓)不過食到一半我已經飽, 因為這個芋泥甜得可以殺人芋泥好香, 雖然勁甜, 但它甜得不討厭 與芋蓉好搭 讓食客覺得 這樣的甜度是理所當然的芋泥夾雜一些焦糖狀的棕色物體白果非常有嚼頭整體來說是介乎良好與普通之間可能我口味偏淡 食乜都清淡過人所以芋泥不是我杯茶食完要問老闆攞水飲走前買了兩個蒸粿 好貴啊 $4each 吾知好冇味呢~~婆婆說芋泥一定要咁甜先得, 果然, 它就是名正言順的甜。…查看更多

考完試都兩點幾, 本來想去法國雪山咖啡食甜品, 不過去到, 法國廚師說六時先開門, 失望;(後來跟同學在街上相遇, 她們說去食午餐(三點喇喎, 係咪high大咗)我提議, 不如食甜甜咖啡, OK, 出事了！進到去, 沒有其他客人女店員指定我們去坐到某張放著『reserved』牌子的枱, (=,=)點吃的, 女店員給我們非常hea的感覺, 非筆墨能形容的hea...先上飲品, 走酒, 沒甚麼特別。然後我的new york cheese cake來了, 我呆咗囉！細件到！！！係攝牙罅既size！！！吃著吃著, 竟然有蛋殼！！！我叫女店員過來跟她說了, 她..............她竟說：『errrr, 咁有蛋殼都好正常啫, 芝士係雞蛋整架嘛, 因為啲蛋糕我哋係喺出面買返嚟既, 你想點丫？』『哦, 好囉, 我繼續食囉』(既然你教曉我芝士係用雞蛋整既.....我都爆炸啦)唉唉唉, 太佩服她啦！朋友的吉列魚柳沙律好好味, 好後悔冇叫, 仲要食蛋殼, 仲要有人俾我聽埋啲歪理坐了好久, 廚房有個女人一直啤我哋, 態度非常不友善…查看更多

洛斯, 座落元朗廣場側旁中一已經知道佢既存在不過第一次食 係中四既事食過一次早餐, 飲過佢既茶走, 我就對洛斯有吾錯既印象自此我都間中幫襯。今日溫完書, 嚟洛斯食下午茶湯麵類係正常味道, 雞扒美味薄奶油多普通, 吾夠脆但係我從來吾在意哩啲嘢因為我只在乎你－熱茶走(有冇人話俾我知其實係咪哩個走)每次上枱, 我用匙羹攪一攪杯底, 煉奶掛喺匙羮, 見到都垂涎飲落甜度適中, 熱度夠, 茶味足(茶味既腳?=,=)(好無聊)每一次嚟我都要飲~~~~飲過哩度既其他飲品如熱Holic, 亦特別好飲(淡奶夠多?!)哩度既服務都係我鍾意洛斯既原因, 啲阿姐好親切, 醒目, 又善解人意試過我食完早餐, 向同我相隔幾張枱既同學做手勢借紙巾抺嘴個阿姐仲快過我個同學見到, 好快就遞上紙巾而每次我問長問短, 佢哋都吾會反白眼或顯得吾耐煩雖然地方細小, 裝潢又吾精緻, 但總算企理食物種類多, 雖然我食嚟食去都係常餐早餐同下午茶餐~~~我尤其喜歡在此食早餐 因為早餐時間哩度好安靜食客同阿姐們好似有哂默契, 自己做自己嘢, 吾會高談闊論令我可以舒舒服服嘆早餐我每次想飲奶茶 茶走, 都一定嚟洛斯(宣傳易咩...)…查看更多

本來打算到爽爽食醉雞但這熱店門口有六七人排隊炎熱天氣下 我實在沒興趣加入那條隊所以隨便找一間餐廳醫肚子算了點了西多士拼沙律+熱茶酒 西多士真的挺差 炸得蛋老了而且太油 花生醬又少沙律反而好好味 青瓜非常爽脆茶酒沖得挺好侍應只有一個不荀言笑女生 服務這欄從何說起？電視播放著香港亞運的宣傳片段鄰桌的人兄說：『嘥氣啦亞運 傳火炬都冇人去睇啦！』我冷笑一聲 香港政府點解做咩都會俾人插？！離題了不好意思。…查看更多

才三點鐘 距離相約的七時正真的太太太早了！因此 我便找尋一個不會趕我走又不會高消費的地方打等反正我都不餓 不必考慮食物質素 就進去Delifrance慢慢坐吧！坐的位置較近櫃台 嘈吵之餘人流又多 真失策！要了一個雞肉蘑菇天使麵之類的東西配熱奶茶然後我便拿出三毛的《背影》來看~~~~~~那個天使麵真的好鹹！天使麵太淋.......算了吧！我預咗。還是有地方是可取的, 就是熱奶茶的熱茶和奶是分開上的紅茶還用茶壺盛著~~~~這樣我就可以飲到奶茶走奶喇！！我渴望了好久啦！坐了一個半小時, 我還是覺得這裡太嘈, 不能好好讀書因此我便不再讀了, window shopping去了~~~~付賬時方知要加一, 所以是次消費是$35.2…查看更多

上個星期吃過, 味道是如何我都不知從何說起, 我個人覺得水餃都幾好味, 不過同『惠佳』賣的沒兩樣。鍋貼感覺不會太油, 但吾覺煎過, 食過就算。頁丸反而幾好味~~~~我要說的重點是, 這裏真的太窄狹喇！比許留山還要細, 又要排隊等位, 又要搭枱。因此, 在這樣的環境下吃水餃, 真的不會享受.........要咬耳仔談心的, 要談天聚會的, 要三思！…查看更多

來到中環 又路經口碑不俗的pro-burger就放棄原本打算幫襯的大排檔走進店中 有幾位西裝友等上菜而我就不加思索 點了一個180g Angus Beef + Cheese burger ($35)店員招呼我到樓上等食~~~不消六十秒 漢堡包就送上包身灑滿芝蔴 而且頗軟淑 微溫 fabulous.牛肉頗重黑椒味 對不好黑椒的我來說 要扣分但勝在夠肉汁 咬一口 肉汁竟然誇張得『四濺』 不能不讚！番茄新鮮 生菜不會大大片 算是易入口沙律醬是完美的點綴 芝士是可有可無的存在我一邊看著路人怪異的舉動 一邊怪異的把漢堡包吃進肚裏去因為太大個包喇 我要把嘴張得河馬似的方可咬到一啖幸好陽光太猛 路人都不會舉頭望高樓 看我吃漢堡十二點九前幫襯 有九折 真正抵上加抵~題外話, 我頗欣賞這裏播Eagles的歌~~~~ 加分！！！…查看更多