lazypurple2003的个人专页

係外賣平台叫外賣，叫左一個金菇肥牛飯，一個梅菜扣肉飯，個梅菜扣肉8成都係梅菜！仲要$78蚊！有無搞錯呀～ 啲扣肉仲要得上半塊咁，以後唔會叫呢間野，仲衰過茶記，做得咁差唔會有客返轉頭，自己做衰自己！…查看更多

上一次黎完 都知道I will be back架啦～ 個心總係掛住個鵝六寶 家人唔想煮飯，就帶佢黎食好西啦～今次第二次黎，揀啲同上次唔一樣嘅菜式試下：花鵰花甲、蠔餅、爸媽要食黃花魚、椒鹽九肚魚，一樣係呢到食到出色嘅味道我指定要食嘅滷水鵝肝、滷水鴕鳥蛋、反沙芋 繼續出場 所以話，唔好貪平，比多少少錢其實已經食到好野，差果1，2百蚊，何必食到勞氣，要向果啲以為平少少比cheap野人食呃錢餐廳說不！（上次去登龍街食燒牛肉果間呢～）試過咁多款菜式，我覺得呢間係有一定水準嘅餐廳，襯疫情無咁多人嘅時候黎食多幾次，唔洗排隊嘛（今次有去洗手間，乾淨企理）…查看更多

講起潮州野，淨係諗起以前同朋友去打冷，環境麻麻，所以抗拒食潮州野，朋友話灣仔開左間正野，話環境絕對同以前果啲唔同！好啦…去試下啦。。。去到睇個門面就知唔同啦，入面舒服寬敞，仲有好靚畫佈置，入面有2間房，同家人朋友黎都會增加私人空間感完全打破我對潮州野嘅印象，仲要係灣仔咁近又方便，不錯之選食物方面係有質素嘅潮式菜，超好味滷水併盤，好耐未食過脆脆兩麵王，第一次食潮式嘅醬油蟹，我最愛甜品反沙芋店員都好有禮貌，會介紹一下菜式同比意見，高質潮州菜一定會再黎食，一定要帶爸爸黎價錢其實唔算貴，如果無叫翅就同一般出去食晚飯價錢差不多了。…查看更多

同老公慶祝特別日子，係openrice見到呢間石燒牛，未試過，又見有7百幾個好味讚，就專程黎試下。環境就舖頭好細，好迫，洗手間迫到就黎屎塔貼住個洗手盆，唔緊要嘅，因為之前登龍街都有啲好細好迫但好好食嘅餐廳。但好可惜，食物真係太差無法接受，吉列和牛扒食左1舊發現完全無牛味，un，再食第2舊試真啲，真係唔知自己咬緊乜肉，再望舊肉完全無油花，叫老公試，大家感覺一樣無味；忍唔住問waiter係米比錯野我，無味唔似和牛，答唔到我，叫個waitress黎，我再問waitress係米比錯野我，佢話無我話完全無牛味，又un，唔似和牛佢話呢隻係澳洲和牛，可能同我食過嘅和牛唔同，我話我食過澳洲和牛 唔係咁個喎，佢問：你想取消？但你食左1半咯喎 我要問下經理（碟野10舊都無，食左3舊）跟住我老公話唔洗退（我地黎慶祝節日都想開開心心）我話咁唔退 不過你地自己試下啦佢答我地試過，又問係米想退，老公再答唔洗。其實我目的唔係要退錢入黎呃野食，幾百蚊姐，但係真係好難食囉，我去花園餐廳難食無味我無野好講，你話呢舊係和牛 餐廳名叫steakbar........不過waitress唔係無禮貌，係無質素姐....無認真望有無問題，又無去廚房確認有無出錯，或者攞去廚房問，，就問係米想退，只能說，唔會再黎，唔會推薦朋友。…查看更多

朋友去完3星期旅行返香港，緊係要聚一聚攞手信啦～今次揀左中菜，朋友就係openrich search到呢間鍾廚。我地全部都係第一次黎，大家都覺得非常好，好食，抵食，坐得舒服，會再黎佢廚房炸食物功力去到超高水準，每一款有炸嘅菜式大家一食就'嘩，好食呀！'特別要推介的是避風塘鮮魷。佢環境舒服，夠寬，唔會好似出面啲中菜好嘈，凳背撞凳背，乾淨賣單朋友話每位185蚊，185蚊? 呢係到times吧？咁平結論係一定會再黎食…查看更多

香港嘅特色小食，其實我都係朋友介紹食，小時候都係食街邊熟食，就從未食過生嘅食物。一試，其實都幾好味。呢間野長期要排隊，但其實都係排好快，大約2分中。我同朋友share食，叫左雞腎，豬腸同章魚，我就好中意豬腸同章魚，兩樣都好彈牙爽口，配芥辣醬好特別，雞腎就，，一般啦，因為本身我都唔太中意食雞腎，試左一舊。價錢其實都唔算平，佢有好多唔同配搭嘅套餐，若果唔叫。套餐我就覺得有點貴。整體黎講作為香港特色小食係90分👍…查看更多

朋友介紹，完美打邊爐晚餐。本身我都好中意食雞煲，好耐未去過淨打邊爐，呢間餐廳間直已令我放棄雞煲了。重點係環境舒服，只要早少少book枱，已經有獨立房間，有3間房重有得唱歌仔(唱k)，我同朋友睇完波再唱k，仲要食好西，真係玩得好開心，又食到嘩嘩聲，最後賣單一人約6百蚊。呢個年代唱k六個中都唔只呢個價錢啦。最好係自己朋友一間房傾下計，唔會比隔離枱嘈到。食物超乎想象，新鮮，好味，絕對真材實料👍👍。快啲book位食，嘗試下和牛刺身威力，我仍在回味中…查看更多

閒日放假，去搵下平令正野食午餐，行過見到呢間Oppa餐廳，聽朋友提過，不過一直未試。可能閒日同過了午餐時間關係，所以舖內無乜人，有一位樣貌娟好嘅男侍應😛，店內環境都舒服的。同朋友黎食，我點了餃子面，朋(友點了拌菜牛肉飯。餃子辣面，一直係我喜愛食物之一，以前成日去school fxxd食，印象中school湯好似辣一點，其實兩間都係辣得好過引，要飲汽水解辣果種。oppa面嘅軟硬度適中，餃子一般啦，但係熱辣辣的。總括我覺得呢個價錢相比school係好抵的!😁拌菜牛肉面，因為我太專注食我個面，我只食左一啖飯😅我係第一次食呢種飯😅所以唔識同外面佢煮得好唔好食，我就有一種新鮮、特別、下次可以試下嘅感覺😂特別提一提，係飲品$10，，好抵，，茶記都唔只啦！…查看更多

慶祝好友生日，最緊要係坐得舒服，傾下計，飲兩杯，懷念過去😅呢間位於銅鑼灣，座位寛闊，枱與枱有一定距離，價錢算平的韓式料理係唔錯選擇。佢有好多種類食物，唔一定要由頭燒到落尾燒到成面油。侍應有啲係韓國人，大部份都係《女仔》😏。乾淨整齊。但當然都要燒少少肉食下餸下酒水先。先黎韓燒必食牛肋骨，何解必食應該唔洗點講，食慣韓燒都知佢，牛味夠，肉夠多汁，夠淋身，加塊生菜包住食，正😎>五花腩，厚度剛好，唔會薄ee，夠豬味😎>芝士年糕，我唔太好呢款菜，好似食面粉咁，菜式嘅問題😐>雜菌湯，開始飲多酒了，呢個時間飲啖熱湯100分😂😂飲下酒，再吹下水，下囡，滿足回家😂😂…查看更多

呢間雞煲食過3，4次了，確實係又平又抵食；但經常要排隊，除非晚上6點前去到，星期六、日7點黎的話分分中排1粒中🤢。店內其實幾迫，因為太多人了，夜晚長期滿坐。呢啲環境，要預左侍應呀姐無咁好服侍架啦。2粒鐘，大約每位$140(不收加一服務費)，任食，無限添雞，可以食饕2粒鐘雞，或者打下邊爐，汽水都係任攞(自取)。雞煲係置樂花園呢區最好食，唔肥，夠入味，夠辣，溫馨提示:小辣已經夠辣，中辣要食得辣嘅人先好試。通常我都食2轉雞先開始打邊爐，打邊爐餐單其實都係一般任食果啲野，呢個價唔會有海鮮啦，都係果堆大路丸腸菜d fd啦。呢個價，呢個質素，其實係好抵食。特別介紹**炸曼頭**(有煉奶提供)我第一次去覺得好奇怪，點解啲人食雞煲打邊爐，但張枱有碟**炸曼頭**呢…係近乎張張枱啲人都會叫，有人叫完再叫。我第二次去就跟人叫黎試下，又真係幾好食😂即炸，熱辣辣，外面勁脆👍👍😇每次黎係必食😋希望大家都去試下炸曼頭嘅威力😅…查看更多

同朋友食餐晚飯拜年，朋友揀左outback，好耐無食過啦，始終我工作有關食品，有職業病。4位，無訂位，黎到竟然唔洗排隊，都幾意外，坐底睇下menu就知原因啦，加價都加到幾誇張……以前一個prime牛肉眼約$268左右，而家$40x🙈……跟住就見到個匯豐信用咭嘅set dinner，揀左個prime牛扒2人set兩份。有湯，一塊美國prime牛肉眼扒，跟住自選一款菜式(大約有沙律，少許意粉，漢堡選擇)，飲品一杯。其實唔叫多碟意粉男仕係食唔飽的，所以我個set揀左長通粉，朋友的揀了波菜意粉一齊試下。餐前包包我一向都很喜歡outback 那個的，熱辣辣。沙律就一般啦，，，波菜意粉都係一般，唔夠熱，無乜餸，軟硬度適中。青口長意粉，都一般，唔夠熱。以上菜式唔會感覺好食，又唔係唔好食咁啦。主要都係塊扒姐，美國prime牛肉眼都算係頂級牛扒，叫左半成熟，鐵板上，中意食生啲嘅人叫3成好了。味道還可以，都鎖到肉汁，但又未去到擺一口就有"吾~正呀！"嘅感覺。其實一般嘅餐廳食呢個級數牛扒都有一定嘅水準，所以本人建議可以去一間無咁貴嘅餐廳品嘗，咁當然要間餐廳真係攞prime出黎🤣主要留意下menu嘅英文名…查看更多

4位美女聚會，必需揀一間坐得舒服嘅餐廳，因為女人傾計可以傾到喉嚨乾涸都未傾完😂今次朋友揀左呢間泰國菜餐廳，地方好寬，枱與枱有一定距離，大笑都唔會嘈到人👍😁先要講每款菜式都熱辣辣上枱❤呢方面係100分，同埋我坐位置係一定叫到侍應，卡位👍先黎串燒，雞牛豬各一串，熱辣辣，泰式味道濃郁，唔會燒到乾爭爭，其實呢款菜式周街都有，但50%都做得麻麻好求其，所以呢啲質素我覺得唔錯👍泰式炒金邊粉，我係呢間食過最好食，唔會太流，唔會淋，炒得好香！下次再黎係必叫！咖哩牛加薄餅，咖哩其實都香，牛肉都好淋，唯一不滿意係……可以多啲咖哩，因為食完一份薄餅，我再叫多一份，薄餅好鬆軟好香口👍😎😎燒魷魚就一般，不過熱辣辣，係要加分嘅，唔夠淋。炒椰菜仔好爽口，傾傾下好快都食曬了，請大碟一點就好了😂😂總括都係好滿足，仲要每人二百幾蚊食咁多野，算抵，可以介紹朋友普通聚會黎試下👍…查看更多

男友中意海賊王，唯有去主題餐廳潮聖一下，老遠走到黃埔。間餐廳食物種類唔多，叫啲簡單穩陣菜式比較好，都唔敢叫太多。草帽咖哩飯，少少暖啦，味道……無特別，同我公司附近茶記日式咖哩汁相約，不過茶記多啲薯仔蘿蔔添，for相機食。正義牛扒漢堡，都係微暖，um...牛扒比較差……牛肉味少許，應該半吋都無，大塊，係比茶記好啲，但係微暖牛扒切2下都成塊凍曬，都係for相機食。餐廳好似每隔1，2少時有海賊王lightning show，有個大mon播一段講日文嘅片，我建議返屋企上網睇動漫還好了。唯一吸引係可以同路菲……影相。…查看更多

太耐無出街吃好西，今次揀左日本菜同我肚腩仔祝賀新春大吉😄，大鄉理出左尖沙咀揀左呢間日本菜，環境十分舒服，服務員手腳好快，食完就即刻拎走啲碟唔會阻住曬，好似一直係身邊咁🤔叫左個dinner set，無記錯$1180加1，一定夠食夠飽前菜有個沙律菜，個菜係冰菜，第一次食，好爽，口感好特別👍然後黎個刺身併盤，通常刺食我唔食白透透地明嘅魚，但今次我係食曬所有款刺身，因為新鮮到係唔會覺得有腥味👍跟住係壽司，一樣係好鮮甜，希望黎碟，但又驚食唔落之後嘅菜式。下一味係魚，立魚，煎魚我唔太喜歡食，都係怕腥，但呢條魚係，唔腥，少油，魚味重，不過無咁滑口(係我擺得入口嘅煎魚，係👍)。然後係蠔湯，有少少張口感覺，好濃郁，材料多到滿。然後朋友們另外叫左個炸豬柳，炸得好疏脆，鎖住肉汁係入面，所以豬柳係鬆軟可口👍👍最後雪糕有3款選擇，抽子/海鹽雪芭，或者開心果雪糕，，我揀左開心果雪糕，，超正❤大滿足😂😂❤順帶一提，洗手間極乾淨，有衛生巾及護墊提供，係好窩心嘅餐廳🤔🤔😎…查看更多

活係柴灣工業城工作嘅同事們，應該都知道每日lunch又貴又唔好食又無選擇。一豐味嘅出現，我兩個星期lunch都食佢，質素高，味道好，新開乾淨，外賣就應該2個先會送。我最中意食《四川麻辣湯米線》，轉薯粉，加唔加菜都無乜所謂，因為佢本身跟花生、豆卜之類嘅配菜。我通常叫小辣或中辣，但師父手勢好浮，喜歡辣一點就中辣吧，怕佢小辣唔夠喉。食落真係有麻感覺。佢米線本身$26左右，加餸貴啲，試過加$10牛腩，得好少，但加$7定8蚊肥牛又正常份量。我通常轉紅薯粉，唔洗錢轉。成碗米線味道係唔錯。失落之處係下午茶時間野飲好似加$2，但lunch時間加$8，太貴了。另外我仲試過《煲仔豬扒是油煎旦飯》，外賣的，豬扒夠厚唔會乾爭爭，有兩隻小太陽旦，有菜，飯份量女仕剛好飽飽，男仕可能唔夠。但質素依然高！就講塊豬扒已經贏曬附近茶記！贏曬好多連鎖式餐廳(例如x棧)好多同事而家都由附近茶記轉食一豐味，係值得一試，忍唔住要打篇真心食評推介。…查看更多