fxfxfh的個人專頁

估唔到銅鑼灣都食到韓國Fine Dining，仲要$398就食到10道菜，每款都好有驚喜，最正係餐廳可以飽覽維港景色，好適合情侶撐枱腳/慶祝食飯～🦀海鮮脆餅煎得好香口，外脆內軟🥟小口釜山鮑魚湯餃子餃子好食，食得出好新鮮，菜肉餡份量夠，個湯調味比較清淡🦑烏賊伴麵醬汁辛辣得宜兼香濃，咸甜適中，非常襯撈麵，八爪魚好軟身，有d膠質黏性，口感唔錯🍲韓式傳統粥比起粥更加似一個湯，有fusion的感覺，利用大米澱粉令粥變得濃稠，好香好好食🐖30+小時慢煮濟洲黑毛豬五花慢煮完鎖到肉汁，煎到少少燶邊，外脆內軟同有少少爆汁🍗蔘雞手打免治肉漢堡卷有少少似日式免治雞肉棒，中間有韓國人蔘，食落好有咬口🍚釜山自家農田珍珠米飯+時令特色釜山伴菜主打自己農場嘅米，飯嘅口感好煙韌，每一啖都再以配唔同時令伴菜食，超讚～🥣Chef Special韓式湯品個湯非常鮮味好飲，飲落好舒服，配埋飯好滿足💫🧇糯米年糕窩夫配栗子奶油糯米年糕窩夫即叫即整，口感煙韌帶點脆口，甜味適中；另外伴有栗子奶油，可惜栗子味唔出，但整體係有驚喜嘅…查看更多

天氣一涼就心郁郁想打邊爐😂日式丼飯專門店 丼丼屋推出咗冬季限定鍋物，睇menu望落都吸引，最平只係$78，仲可以自己揀湯底、肉類、主食、飲品，性價比會否太高🤣🍲雙滿足鍋物定食｜牛五花、豬五花俾個份量嚇親😂因為超大份，上菜果陣鋪滿晒個煲🤣食起嚟真係滿足感MAX～牛肉同豬肉都高質，食落好嫩滑；壽喜燒湯底微甜帶醬油味，同啲肉襯到一絕。重點係用咗瓦煲保溫，湯底同餸都熱辣辣，非常適合天氣凍食～🍗雞腿肉鍋物定食份量同樣超足料，雞腿肉好嫩滑，相比牛肉同豬肉煮嘅時間需要長少少，但絕對值得等待，因為好嫩滑好juicy🤤配菜同雙滿足鍋物定食一樣，有2-3款蔬菜、菇類、豆腐，值得一提嘅係烏冬個非常大份，食到超飽🤰🏻🥢各式炸物另外仲叫咗幾款睇落好吸引嘅小食：酥炸魷魚同雞軟骨都唔錯，咸香酥脆；南瓜薯餅足料，中間仲有忌廉餡，又邪惡又滿足…查看更多

原來銅鑼灣永光中心都幾多高質餐廳，繼之前食過sake bar同韓國餐廳，今次又俾小女子搵到間幾抵食嘅居酒屋🇯🇵門口裝飾比較低調，一打開門發現別有洞天，微暗燈光+古典日式裝潢好有feel，特登揀坐吧台位置，睇住師傅明火即席燒制串燒真係好享受🔥要讚下抽風系統真係做得好好，坐咁近完全聞唔到油煙味👍🏻食物方面牛種類多啲，內臟款式都多，星期六至四9PM-10:30PM仲有夜食限定，串燒抵至$15/串，仲要啤酒買一送一🍻好有誠意～💚芫荽牛肉卷#芫荽控 必點，芫荽味都幾重下，同牛肉好夾，食落香口🥩牛肋條Juicy多汁，相對有咬口🐮橫隔肌叫咗蒜蓉同Wasabi兩款口味，肉質比牛肋條更加嫩滑，送啤酒一流🦀三色甲羅燒將蟹肉蟹膏同埋蟹籽焗過之後，配上蝦片同埋紫菜包住嚟食，滿足度高🦐海老燒大隻新鮮，肉質彈牙，殼嘅調味都足夠🧀芝士翠肉瓜大推！加咗拉絲芝士同埋蛋黃醬嘅邪惡版本，同多汁嘅翠玉瓜好夾🍡燒丸子本身以為就咁一嚿麻糬，原來入邊係有芝麻餡嘅，所以其實類似燒湯圓🍙燒飯團有幾款口味，揀咗三文魚，雖然三文魚味唔算好突出，但係紫菜烤到脆卜卜，而且香味都出晒嚟，配埋飯團食好正🐚日本北寄貝估唔到串燒舖頭都有刺身食，食得出肉質新鮮，完全唔會腥🥗生野菜沙律有幾款蔬菜條，可以配佢哋自家製嘅麵豉醬食，可以幫助解膩，很不錯…查看更多

唔講唔知原來銅鑼灣新燒鳥店，最特別嘅地方係採用好多熟成食材，除咗日本仲會用本地食材，真係幾吸引🙂‍↕️餐廳環境好乾淨，枱櫈完全冇油膩感，仲分咗吧台區，可以望住師傅即席燒制，勁有feel!!🐦熟成特上鴿皇胸腿肉肉質郁身但好嫩滑，鍾意佢燒到脆皮爆汁🐮特上厚切牛舌芯厚切夠哂咬口，簡單鹽燒已經好惹味🐟日本產鰻白燒一定要趁熱食，因為魚皮勁脆🐷本地活豬玻璃肉肥瘦勻循，食落好香口唔會過膩！🦆生燒熟成合鴨胸特登燒至7成熟，肉心仲係粉紅色，好香鴨油香🍗三黃手羽元外皮完全係金黃脆皮，食落好juicy唔乾身🎃有機南瓜沙律幾有驚喜嘅一道冷盤！南瓜軟糯香甜，配埋洋蔥、木魚花味道好清新，食落幾解膩🍢日本雞胸軟骨爽脆 x 有咬口，一啲都唔柴🌶️XO醬櫻花蝦枝豆兩個字：好很惹味，送酒真係一流(˶‾᷄ ⁻̫ ‾᷅˵)🍻🍳日式唐揚豆腐絕對係必點菜式之一，油炸過嘅豆腐好香口，再索埋湯汁勁滋味🍜特濃花膠雞白湯烏冬#雞白湯 愛好者必試，湯底好濃厚，味道偏向清新雞湯味，飲落好鮮～🍂日本銀杏甘甜帶微苦，係傳統居酒屋風味…查看更多

同Friend子出銅鑼灣行街順便食晚飯，行經皇室堡見環境幾靚就入去食個set dinner，環境方面真係無得輸，水晶燈、噴水池、花佈景、青花瓷，歐陸風滿滿，每個位都好靚好精緻✨老實講本身諗住食環境多過食味道🫣點知有意外收穫！🥗羽衣甘藍凱撒沙律好大盤而且新鮮，食落非常爽脆🦞招牌龍蝦湯龍蝦味好濃郁，而且口感creamy，配湯嘅餐包亦唔頹，新鮮焗起好酥脆🍝燒珍寶大蝦蝦汁手工闊面隻蝦真係大隻，肉質彈牙，手工麵掛滿醬汁，食落滿足🥩炭燒8oz安格斯平鐵牛扒叫咗五成熟，切開仲係粉紅色又多汁，伴碟嘅焗薯都好軟糯，仲有sour cream係中間🍰巴斯克蛋糕芝士味濃唔會過甜，不過食得出啱啱係雪櫃拎出嚟，中心位未解凍透切，如果可以再掌握下回溫時間相信會更好…查看更多

本身都聽過LE-TA-SU 一人一鍋呢個火鍋專門店，因為係日本都好出名下🤣 前排仲喺圓方開咗第4間分店，可想而之係香港都好爆紅💥 今次就特登去咗銅鑼灣Times Square分店，店內裝修真係好靚🌸，每個座位都好闊落，坐得舒服所以整個用餐體驗都非常好～特別鍾意佢係一人一鍋日式邊爐，對i人非常友好🤣🍊清爽柑橘醬油出汁套餐（期間限定）湯底係酸甜得宜嘅柑橘醬油做基底🍊，另外配咗四季橘俾大家自己落，味道好清新💚（但小心唔好煮太耐否則四季橘嘅核會變苦⚠️）另外附送美國安格斯牛板腱同牛肩胛肉🥩，非常嫩滑同濃郁牛味，一咬成口油脂香🤤，配埋清爽湯底整體食用感好輕盈～🇯🇵LE-TA-SU 套餐套餐有蔬菜盛合🥬同3款不同肉：澳洲純種和牛牛板腱🐄、北海道十勝豬五花腩🐖、牛舌👅，牛肉、豬肉都好嫩滑，牛舌口感脆。湯底飲得出到用咗大量鰹魚花🐟，係非常濃厚嘅日本風味，用嚟配烏冬真係好一絕🍜！🍦日本乳酪味軟雪糕覺得係絕對唔可以錯過嘅甜品！口感creamy、乳酪味重🥛，整體酸爽但都帶甜，食落好似日本Calpis嘅乳酸味💫…查看更多

呢間小店嘅厚牛舌芯成功吸引到小女子，好遠已經聞到香味，憑住呢股香味決定試下佢哋嘅出品🤣🍳和牛關西燒一上枱已經聞到好香🤤餅皮薄身包裹和牛片，咬落去滿口和牛油脂香💦加埋表層醬汁同木魚花=邪惡級滋味😈🧂鹽燒牛舌芯目測只係簡單鹽燒，但非常突出到肉香✨口感爽脆彈牙🍄黑松露和牛牛丸一咬開即爆汁💦松露香同和牛肉汁勁出，完全係 #瀨尿牛丸 嘅即視感😂🌿和牛芫荽餃子煎餃皮薄脆底，內餡keep住好juicy，芫荽味反而冇特別濃烈🍢壽喜燒金菇和牛卷和牛薄片裹住金菇，再配上壽喜燒汁輕燒🔥，牛肉油脂滲晒入金菇…查看更多

桃季尾聲除咗想食桃類甜品，仲想飲桃味廢水🤣🤣🤣因爲分店近公司嘅關係，上年特登飯咗咗香地本地Brand，aka小女子愛店茶痴嘅「日本山梨縣白桃」🥳今年想試啲新意，就發現原來佢哋出咗🍑「綿芝白桃烏龍」😍✨✨✨唔洗諗即刻入手try try首先芝士奶蓋濃厚綿密，每啖都係芝士香～最鍾意佢嘅蜜桃烏龍茶底，入口又清香又帶少少甘甜(˶‾᷄ ⁻̫ ‾᷅˵)講真，小女子認真覺得呢個可以叫做「最強綿芝呼吸」，飲完成個人都爽晒！✨ …查看更多

勢估唔到鰂魚涌除咗出名怪獸大廈🏢，仲有一間超地道嘅北海道居酒bar🇯🇵！餐廳老闆係正宗日本人👨🍳，鍾意北海道鍾意到考咗北海道食物專家同北海道觀光大師資格🎓，所以餐廳食物高質之餘仲超正宗💯🦪廣島蠔湯咖喱湯咖喱係餐廳嘅靈魂主打🍛，用薯仔、辣椒、香料等配搭出咖喱湯，惹味又健康！食落香料好足，有咖喱香味冇辣味🌿，適合唔食辣的朋友～如果想食辣可以加啲餐廳自製七味粉🌶️🐑成吉思汗炒羊肉一上檯就聞到好香🔥，有鑊氣，羊肉完全唔臊～配搭蔬菜、豆芽，剛好一人份量👌，唔會太飽🐟鮭魚石狩鍋非常足料🍲，用咗三文魚骨、肉、蔬菜、味噌、昆布等煮，食落鮮味好足💦，冬天食嘅話超一流🎃北海道南瓜薯餅外脆內軟🍠個南瓜配薯蓉口感好creamy～食落唔會膩😋🍗北海道炸雞大大舊🍗非常有誠意，外皮脆肉juicy🔥🫐 藍莓Lassi必須大推嘅餐廳新品🌟！特登用北海道牛奶自己整乳酪🥛，好足奶香味～加埋藍莓酸甜度好完美💜，配搭湯咖哩真係一絕💥…查看更多

記得大學個陣食過一次，一直對佢哋嘅豬手同啤酒念念不忘，今次咁啱經過見豬手做緊優惠價，即刻入去食翻餐+啤啤佢🍻🍖四重風味德國豬手上枱個下有被驚艷到，一共4款唔同口味豬手，包括開心果蜜糖芥末、酸梅醬、避風塘、黑椒，一次過滿足甜、酸、辣嘅願望，鍾意豬手外皮香脆另外仲跟餐附送🍻自家釀嘅啤酒，聽講係用柚子蜜釀，好易入口、味道甘香，好讚～重點係成仲set做緊promotion只係$178😱🦪白酒煮法國藍青口配法包青口每隻都飽滿爆汁，白酒蒜香汁好濃🥖襯法包食一流🍄香煎露筍鵝肝牛肝菌燉飯鵝肝外焦滑嫩，油香滲到每粒飯到，牛肝菌香氣濃郁，燉飯creamy而唔膩～…查看更多

呢排睇暴君的廚師搞到又想念韓國菜，即刻搵間韓國餐廳止下癮，估唔到銅鑼灣登龍街有好多高質餐廳，其中樓上舖🇰🇷韓大叔大排檔就係其中一間餐廳行大排檔風格，貼滿唔同韓國酒品廣告，好有feel～店員好細心、服務好好，好抵讚👍🔥韓式鐵板燒生鰻魚店員會現場用鐵板烤鰻魚，仲會用鐵板壓實確保魚皮烤得焦脆，成個過程勁香，未食已經流晒口水。鰻魚肉質彈牙唔腥，配埋鰻魚汁食勁惹味，完全係韓國會食到嘅味道！🍗蒜辣炸雞｜半份外脆內嫩唔油膩，蒜香同辣醬平衡得剛剛好，半份份量都夠2-3人share，佐酒一流～🐷韓式豬手豬手滷得軟糯入味，用生菜包住加蒜片、醬料食，完全唔膩，膠質感滿滿❄️韓大叔牛肉水冷麵麵汁冰涼酸甜，牛肉片份量足，食完主打一個透心涼🍲韓式醒酒湯其實係菜乾同薯仔嘅湯品，湯底濃郁，帶啲辛辣同鹹香，飲完好開胃好滿足🍶馬格利生米酒｜蜂巢想試好耐嘅韓式酒品！米香香醇好易入口，特登加$加蜂巢，入口更香甜，很讚！…查看更多

呢間入選咗🏅2025年SCMP Top 100 Tables 2025嘅日式酒吧Takumi Mixology Salon，俾到小女子好大驚喜，裝修別有格調但同時枱面有唔同扭蛋同盲盒，高級又帶點貼地親切感，調酒師亦會專業地講解每款調酒，個人推薦坐吧枱，因為可以近距離欣賞調酒師調酒神技🔥🥂ᴋᴀɴ ᴘᴀɪ｜必試招牌調酒燒酎+清酒+麥芽威士忌+沖繩鳳梨汁+熱情果糖漿，滿滿熱帶風情，酒香濃但易入口，果然名符其實會不斷「乾杯」🍵ʙᴇɴᴄʜᴀ - ɢʀᴇᴇɴ ᴛᴇᴀ ᴄʜᴇꜱᴛɴᴜᴛ ᴀʟᴇxᴀɴᴅᴇʀ ᴄᴏᴄᴋᴛᴀɪʟ個人最愛，即場用煎pan烤茶葉，最大程度帶出茶香，同酒味平衡得絕妙，茶韻同酒韻並重，超令人回味🍈ꜱʜɪᴢᴜᴏᴋᴀ ᴄʀᴏᴡɴ ᴍᴇʟᴏɴ 日本靜岡皇冠蜜瓜蜜瓜味濃郁，清甜得嚟帶酒香，女仔一定好愛🍑ʏᴀᴍᴀɴᴀꜱʜɪ ɪᴄʜɪɴᴏᴍɪʏᴀ ᴘᴇᴀᴄʜ 山梨縣宮水蜜桃Vodka基底配新鮮桃汁桃肉，甜中帶微醺，飲完成個人好舒爽🍢佐酒小食▫️煙燻煙肉芝士現烤嘅厚煙肉同車打芝士🧀鹹香惹味▫️酥炸八爪魚脆口彈牙，炸粉唔會太厚…查看更多

銅鑼灣呢間日式鐵板燒真係堅離地🔥攞咗2025米芝蓮推薦🏆，但午市套餐只係$400幾，包9道餸，性價比極高💯今次同fd慕名而去，果然冇失望～🥗前菜：和風沙律配芒果汁主打一個清爽開胃🍃🍵蒸物：茶碗蒸有滿滿嘅蟹肉同蟹籽🦀，蒸蛋超嫩滑，鮮味max⬆️🐚進肴：北海道帆立貝北海道帆立貝有三層，外層：脆口炸粟米鬚🌽中層：帆立貝外焦內嫩，底層：清爽翠玉瓜🥒，口感好豐富✨🐟追肴：鐵板銀鱈魚先切出魚皮煎脆🔪銀鱈魚魚肉嫩滑，配埋紫菜牛油汁，海味撞奶香超夾💥🥩主菜：ᴀ4宮崎和牛薄燒｜鹿兒島和牛漢堡扒A4宮崎和牛薄燒油脂甘香，蘸蛋汁食肉味更濃郁🍳；和牛漢堡扒厚身多汁，肉香濃郁🔥🍚御飯：鐵板蒜香炒飯｜赤麵豉湯｜漬物蒜香爆棚🧄，粒粒分明夠鑊氣🍳🍨水菓子：自家製Gelato濃滑解膩，完美收尾🎉…查看更多

放工想搵問有格調嘅bar靜靜地chill下，中環呢間 sakehub 係唔錯嘅選擇，店仔細細老闆好熱情，會根據大家唔同喜好，介紹唔同清洒款式，環境好有格調，好啱同fd一齊聚會飲酒吹水🍶Tastting Set｜50ml each清酒好貼心有by glass同Tastting Set兩款，因為想試多幾款所以揀咗Tastting Set，老闆根據我哋嘅口味，親自揀咗一set偏甜、一set偏清爽嘅清酒set，飲落都幾有驚喜，易入囗又有韻味，鍾意清酒嘅人一定會好鍾意🍢日式照燒｜地獄麻辣｜沙嗲雞肉串一上枱聞到超香，3款雞肉咬落嫩滑，醬汁甜中帶鹹，燒得啱啱好有少少焦邊，送酒一流，🦑酥炸魷魚軟骨即叫即炸熱辣辣，金黃色睇見都流口水，咬落超酥脆，魷魚鮮味突出，最驚喜係完全唔油膩夠惹味…查看更多

上海嘢向來係小女子嘅comfort food，劉興記生煎包專門店可以話係最正宗嘅味道，放工咁啱經過就揀咗佢做晚餐，整體除咗食物高質之餘，仲有得任飲無糖凍豆漿，超抵！蟹黃生煎包一啖咬落去爆晒汁！蟹黃嘅鮮味配豬肉湯汁激正，個皮煎得啱啱好，底脆面軟，蟹粉份量都算足料，記得要趁熱食招牌生煎包必食菜式！皮薄餡多，湯汁鎖得幾好，肉餡調味鹹鮮適中。最正係個黃金脆底，咬落外脆內軟，肉汁爆晒出嚟原味上海小籠包皮夠薄唔會一夾就穿，湯汁清甜唔油膩，肉餡口感紮實。點埋浙醋同薑絲一齊食，更加吊出鮮味招牌炸豬排拌麵豬排真心抵讚！炸粉薄脆唔油膩，肉質鬆化唔韌，食落juicy。麵條掛汁力強，醬油底帶微甜，撈埋蔥油好香口…查看更多