NKC0925的个人专页

其實係食依一間之前都有睇相留意過，佢地係壽司既用料係好大一片而飯就相對少好多，比我感覺係可以以壽司既價錢黎享受刺身既感覺，所以今次就黎左依一到。首先，入到去店裡，個空間感幾大幾闊落，就算佢冇政府限聚加社交距離，都係可以好闊落。另外，店員既服務態度都好和善。咁唔講咁多，而家講返食物先。- 鰻魚壽司2件 - $156我望到既時候係嚇左我一跳，雖然係我未黎之前知道好大件，但都真係比我想像大，鰻魚配既醬汁令到鰻魚有甜味又有口感，再加上個熱度，唔錯，不過價錢有d貴。- 火炙三文魚芝士壽司 - $44- 火炙海老芝士壽司 - $28係我心入面依兩件都比較相似，因為芝士既味再加上咸味令我有感覺係比較相似既壽司，不過不失~- 炸蝦卷4件 - $ 70面個浸係蟹籽，入面係炸蝦黎，但食個陣已經唔熱仲淋左。- 吞拿魚腩黃蘿蔔卷6件 - $88首先望到依個賣相可能令你都冇興趣叫，但我見都有好多人叫就試下，吞拿魚既鮮味再配埋酸酸甜甜既黃蘿蔔，係幾得意唔錯！- 帶子壽司2件 - $50- 活赤貝壽司2件 - $150- 大赤海蝦壽司2件 - $50依3件食落海水味都好重，如果你唔點wasabi分分鐘可能唔係好接受到個味，帶子好有口感帶鮮甜，赤蝦夠大好有咬頭又夠鮮甜，活赤貝都爽口好食，我覺得大家都可以叫。我覺得依間幾值得大家一試，性價比係幾好，雖然有唔好既地方，但都係只係少少瑕疵，水準係不失的。…查看更多

依間以我所知係出名既都，所以我就提早打電話book，可能兩個人既關係都好易就book到。咁個環境大致上都幾闊落既，職員態度都溫和既。咁我就長話短說，講返d食物先。火之夢壽司山 - $148依個就好出名既，好多人都推薦食依個我就叫黎試下，我發覺佢係幾足料，先講上面個浸先，上面有海膽同蟹肉鋪係上面，下面仲有醬同三文魚卵，整係個賣相都已經好吸引人！跟住壽司卷入面仲有玉子同青瓜，一齊食既味道唔錯！鹿兒島和牛他他 - $188拮穿個蛋黃撈埋一齊食，佢就算生都好，食落都唔覺腥，幾煙。串燒活白鱔 - $88燒雞腎 - $32燒白鱔唔知點解我覺得去邊間居酒屋都好似點都好食既，係燒既但你食落口係唔會乾，d肉汁鎖左係入面，味道都好足夠，啖啖都係肉。燒雞腎就冇乜特別亦都冇挑剔既地方，爽口，送酒都一流。七味雞軟骨 - $22醬味燒墨魚嘴 - $48我係鍾意用雞軟骨黎送酒既，雞軟骨咸咸地又爽口，正！墨魚嘴咬落好彈牙，都值得一試既House sake 300ml - $208我就仲未對酒好了解，所以都問左店員邊d飲落係易入口同舒服，又可以送野食，佢就推薦左我試依一隻，佢飲落真係好舒服，飲完會好想送下野食，有機會既，我都會私底下買依隻酒比自己relax or送野食！…查看更多

依間餐廳就一直想黎好耐，但只係一直book唔到檯，尤其是星期五六日個d時間，起碼都要等1-2星期後，為左想快d試到，唯有7號平日既時候試下book，跟住book8號就已經得！如果大家想星期五六日去食，就自己預時間去book啦。另外店員既態度相當好，我亦都好鍾意，佢地好nice亦都好願意解答你地既問題。咁依到係居酒屋啦，所以一定有好多唔同既靚酒係到，有好多各式各樣既日本酒，依到係可以比你試酒去搵自己適合既酒，不過$720(唔肯定係咪依個價錢)以下既酒先係可以試，咁就唔洗怕叫完唔岩自己飲~講返野食先啦，上菜既速度都好快，前菜既沙律都未到就已經上左主菜lol，咁我就跟返佢上菜既次序去講~申子卷 - $188依個壽司卷係比普通size大少少，而且入面既炸魚皮會令到你食落口感幾豐富，只係我個人意見覺得個魚皮味口感同味道有少少蓋過左塊魚生既味道，但係overall黎講係唔錯既！海膽炒飯 - $178佢既色澤係會令人幾吸引，炒飯亦都粒粒分明，連埋蟹籽食係幾爽口，加埋海膽既味道令到個咸甜係岩岩好，只係如果你唔連埋海膽食，個味道就好淡，但海膽就唔係好多。蓬鬆玉子 - $98上面既醬汁再配上好滑既玉子，甜甜酸酸，好食！極上鹽燒牛舌粒 - $108佢側邊都有檸檬，鹽，柚子配搭食，鹽個到輕輕點一下就ok，如果唔係就會好咸，牛咬去幾有口感同爽口，唔錯的。明太子芝士山藥 - $116山藥係幾爽口同淡，加埋芝士，令到個口感冇咁空虛，再配埋明太子個味道，係好食！蟹肉蟹子牛油果沙律 - $98冇諗過蟹肉配沙律咁食又幾好食，因為你平時d菜要配上沙律醬去食，但口感好單一，我諗大家都知係咩味道，但加左蟹肉同蟹子，做到口感更加爽口之餘，而且味道都好充足又唔會好寡。軟芝士黑豚卷 - $32依個我覺得叫唔叫就見仁見智，我就覺得冇乜特別，黑豚卷入面一炸芝士，好一般。汁燒蒜片牛柳粒- $98牛柳係軟身食落係幾舒服既，配埋燒汁係幾好。汁燒活白鱔 - $78鮮雞內臟 -  $78依個白鱔係值得一叫既，佢食落口好彈牙，而且燒到帶少少脆既感覺，食落又夠哂味唔會話好咸，會令人想繼續食！依個鮮雞內臟就有雞肝雞腎同雞心，經過燒既過程，食落都ok既。豚肉金菇卷 - $28相比起岩岩既芝士黑豚卷，依個食落去爽好多，因為金菇都增強左個口感。乳酪雪糕 - $58鮮製雪糕(朱古力) - $48咁依個食落就冇乜特別既，普通雪糕咁最後唔夠喉再叫多個粥鮮蟹肉粥 - $138依個粥真係非常好食，佢鮮味同咸味好夠，好推薦大家叫依個食講返酒先，最後我地係試左依隻酒，依隻係釀出有士多啤梨味既酒，但叫完有d後悔(冇得試)，飲落好重藥水味，咁店員有時候都會拎酒問我地有興趣試其他酒，可以比我地試下飲一杯仔咁樣，依隻我飲完之後就愛上左，佢好易入口，又唔會話好苦，好岩同女仔飲又或者唔鍾意太重酒味既朋友仔！我一定會再黎多次依一間，以前食個d居酒屋只會覺得比人呃錢，又貴又唔飽肚，但今次去係覺得食得好爽好滿足，顛覆左我對居酒屋既印象，亦都明白到居酒屋既珍貴之處，有個好環境食下好野送酒飲，同朋友吹下水，真係好開心。…查看更多

收工同朋友去食飯啦，見到都幾多好評就去嘗試一下，先講環境個方面，係坐得都舒服既但可能佢室內空間唔大，成間餐廳聲量係好大，基本上坐我對面既朋友係要好大聲咁講野，所以如果黎依間餐廳係想同朋友好好傾住計食呢，我就唔係好建議依一間既。至於職員既服務態度係有禮貌幾好既。咁叫野食個方面，我就叫左set dinner for 2既，而家就講下食物既質素先。Gourmet set dinner for 2 - $ 888前菜 - 巴馬火腿凱撒沙津 & 是日餐湯首先沙津個到，菜都比較好入口，唔係太青亦唔係太乾身咁樣，配住沙律醬係ok的，可能我本人比較鍾意食菜。至於個湯撈住塊鬆脆既麵包係幾好食，個湯本身個味都唔錯的主菜 - 16安士美國安格斯肉眼扒配黑松露薯蓉咁我就叫左個五成熟，肉黎講都可以既，其實唔洗點醬汁都夠味，本身應該都搽左鹽，咁綠色既醬我並唔係好清楚係咩黎，但點依個食就苦苦地有藥水味，我自己就唔係好鍾意食，咁我食法就特別d，點住個薯蓉食反而我覺得唔錯。蟹肉忌廉蕃茄汁意粉依個係幾好食，每條意粉都好似痴到蟹肉既感覺，食落口感好豐富，但有d膩。甜品 - 藍苺芝士蛋糕 & 法式椰奶凍配芒果汁藍苺芝士蛋糕真係好膩，係本身主菜已經食到好飽既時候，食住依個真係飽到上心口。至於法式椰奶凍配芒果汁就值得一試，食第一啖就已經好重椰香亦夠滑夠甜，配埋酸酸地既芒果汁，好食！…查看更多

同朋友去食泰國野，咁又唔知食咩，就去食比較有保證少少既連鎖餐廳既小曼谷，之前都食過既，我食過幾間泰國野，都好似普遍都係咁上下。黃咖哩豬頸肉 - $ 98我覺得依個就係比較偏甜既，椰汁味都幾重，但我有朋友就覺得都有d辣，但唔食辣既朋友都可以試下，因為覺得泰國野食下d咖哩or辣野先過癮。泰式燒原隻鮮魷 - $ 168依個大家真係唔好叫，首先食落魷魚並唔彈牙，太淋，味道亦都好怪，佢唔係腥而係個味好似變左，而且個醬汁亦都救唔返依個魷魚既味道，真係唔推薦大家叫。半隻海南雞 - $ 148依個我覺得正常好多，雞夠滑，肉夠嫩，醬汁又同隻雞好match，不過依個唔係跟飯 要另外叫，唔錯…查看更多

咁突然想食韓國野，就同朋友揀食邊一間，咁我見到價錢上都幾平睇落又幾抵食，所以就試依一間。咁個次仲係疫情岩岩比堂食冇耐，去到諗住實有位所以冇book檯，點知去到係勁多人，我諗依一間都應該係幾出名既餐廳，咁就唔哂時間，而家就講d食物先。傳統泡菜 - $ 22依個可能有人話我做咩哂錢叫依個haha，但我純粹真係想食泡菜所以忍唔住叫依個，食落就唔係因為菜而辣，純粹係落菜再加辣汁係到撈一撈既感覺。炸紫菜卷 - $ 32依個係幾好食，你咬落去係好滑，因為入面加左糯米，味道係淡左d，但口感夠特別，冇食過既大家可以食下。石板韓風魷魚 - $ 88首先我想講，份量係真係多既，但多在係菜到，整係食菜都好有排食，依個就唔係好抵叫既，寧靜大家試其他野。熔岩芝士炸雞麵包 - $ 148依個我係見好似好多人叫所以試下，炸雞你食落去係好似食緊麥樂雞咁，至於麵包入面全部都係芝士好漏，食到你真係食唔到落去，我覺得真係唔叫依個，又係試其他，依d比相機食就差唔多haha…查看更多

咁我就同朋友去食生日飯，諗住book d比較好既，食得爽既餐廳，入到去食物質素係唔錯，食材都係新鮮既，但坦白講我覺得價錢就比較貴，500蚊一位到，不過大部分居酒屋都係咁上下既價錢，所以貴唔貴就由大家去定奪。另外，職員既服務態度值得一讚，好有禮貌亦都好有心機解答你既疑問。環境亦都好好，坐得係好舒服既。上選刺身(六種) - $ 480咁依個係師傳決定邊六種既，咁我唔逐一講每款魚生啦，因為都係新鮮既食材，個價錢就係應該要有返依d既水準既。信州蕎麥麵 -  $ 60好後悔叫左個齋蕎麥麵，就咁食食落好寡，唯有夾住d蔥條食下撈住一齊食。雜錦天婦羅 - $ 148唔知點解食完之後係有d肉赤，因為咁就$148，不過個鬆脆度好足夠，熱辣辣。炸牛肉薯餅 - $ 70依個我就覺得物超所值，雖然牛肉既味道配上薯餅感覺唔係絕配，但勝在味道都好足夠，依個大家可以叫。照燒美國牛扒 - $ 158依個我覺得幾好食，燒得岩岩好，肉汁亦都鎖實左係入面，你咬落唔會話太乾身，依個都好抵叫。…查看更多

咁突然心郁郁想食韓式拌飯，就搵到依一間，價錢都算平，就決定入去試一試。韓式辣豬肉拌飯 - $45首先一黎到係有驚喜既，我係冇諗過會咁大兜，而且睇個賣相，食材都好足夠，職員會有辣醬比你去撈個飯，咁我想講份量係多，但都有d評價，蛋就太熟唔可以用蛋汁去撈飯，翠玉瓜我覺得同拌飯味道並唔係好夾，因為拌飯撈左d辣既醬汁同本身帶甜味既翠玉瓜有衝突，所以我覺得可以用其他代替，但我覺得並唔係唔好食，可以有改善既空間。…查看更多

同朋友做完gym，諗住食得飽d，就去左依一間到食，個陣都已經差唔多10點，但個場仲係full緊。咁入到去啦，佢入面既沙律，味僧湯，飯，醬汁都係自己決定，我覺得依樣非常好，可以比自己決定自己所食既份量，唔怕食唔哂又或者想食咩多d，而沙律我就會落胡麻沙拉汁，好好食。西冷300g - $190廚師一開始會以一成熟既熟度拎出黎，比你自己決定你想幾熟就用鐵板烤熱佢，如果你燒到一半途中鐵板已經唔熱，你可以同職員講，佢可以幫你更換，咁我講返肉先，面個位我就放得耐左，整到面既肉熟得制，不過好彩中間肉既位仲保持到生生地，咬落去肉汁仲好夠，再配埋佢既醬汁，燒汁，燒肉汁同蒜蓉，同西冷同好夾，大家都可以隨便試下。…查看更多

首先我想講佢係一間黃店，食物質素係OK，但店員的服務質素係好差，叫佢比多個碟我裝wasabi，佢係好大力放個碟落黎就轉身走，賣單個陣都係好大力掉張單落黎，依d服務態度我真係覺得好差，咁我都講返d食物先啦。燒牛舌 - $35係唔錯，口感幾煙韌，味道都幾足。火灸芝士三文魚壽司(2件) - $23三文魚沙律軍艦(2件) - $18芥辣八爪魚軍艦(2件) - $22三文魚腩壽司(2件) - $20北寄貝壽司(2件) - $18加州反卷(4件) - $38會食得出食材係新鮮，我就唔逐一介紹佢地既味道係如何，因為坦白講，依D係唔會食到你哇一聲既感覺。甜蝦刺身(5件) - $58八爪魚刺身(5件) - $68三文魚腩刺身(5件) - $68反而我覺得刺身既味道對我黎講並冇壽司好，食落並唔係咁新鮮，自然味道都唔好食。藍鰭吞拿魚大拖羅刺身(3件) - $188佢依件絕對係唔合格，食落係唔腥，但個味道好差，完全係冇大拖羅既水準。只可以講，黎依到食最好食壽司，刺身我都真係唔prefer叫。…查看更多

依間其實你行到門口，你係唔覺得佢係有咩特別，只係一間普通既茶記，但點解我會入去呢？咁係因為我附近有朋友係到返工，咁佢基本上就係附近食左好多野，依一間係其中一間。咁一場黎到就試下依到既咖哩飯啦，咁佢餐單就有生咖哩同咖哩，咁個分別係邊到呢，我都問左老闆，生咖哩就係新鮮炒比你唔洗落椰汁。咁我就叫左個生咖哩雞球飯，辣度佢都有得比你揀，咁我就叫左唔辣，我怕太辣。首先當然要試左佢個咖哩，辣度係有少少，有辣有甜，雞球都好入味，撈埋D飯真係好送飯，好食係好食，只係我覺得埋單，120蚊到我就覺得係有D貴。…查看更多

首先我想講既係，依間餐廳係好難book檯，如果你係想係理想既時間，例如7點or8點入席架話，你係要提早好多時間去book，如果唔係一係就得返好早或者好夜的時間比你食，walkin架話，唔好諗住兩個人，等等下點都有位，我望住有兩個walkin既客人都因為full-booking而冇得入，所以去食既朋友記住要book檯呀！另外，餐廳既環境非常可觀，員工既服務態度更加值得讚賞，細心之餘亦都會推介1d食物比你選擇。慢落豬 (慢煮西班牙冰花酸梅黑毛豬串燒配甜蕃薯角) - $268講返菜式先，我就叫左個好多人都推介黎到一定要食既慢落豬，一開始我睇到相既時候，我就覺得好似都係普通串燒冇乜特別，但黎到既時候，原來係好大舊之餘，仲要係非常好食，首先佢唔係好似燒左好耐令到肉身好'鞋'既豬肉，佢既肉汁完完全全鎖哂係入面而且豬肉都好嫩滑，非常好食。而且佢仲有甜蕃薯角，唔係以為係薯條黎冇乜特別，佢食落去幾甜幾脆，我同朋友都好鍾意食！牛油果忌廉蟹肉意粉 - $168依個我唔知係咪因為黎到既時侯我攤到凍左，意粉食落已經比較乾身，汁唔夠多而且味道並唔係好吸引，蟹肉係有令到個味道口感都豐富d，但我個人覺得係水準以下既感覺。南瓜帶子意大利飯 - $168第一下食落去係好重南瓜味，會令你有驚喜，但繼續食多幾啖既時候就會覺得有d厭倦既感覺，我諗最主要既原因，我食到一種對味覺比較烈既野，似係大蒜既味道，但我唔肯定佢係咪有落到，令到我覺得有d蓋過左我想食既南瓜味。帶子係幾好食，嫩滑好入口。…查看更多

黎到銅鑼灣，我搵到依一間聽聞係忌廉烏冬出名的店鋪，雖然我係咁樣講，但係我今次係並無食到忌廉烏冬lol，但我見我個朋友叫忌廉烏冬，聞落去都好香，試飲左湯底都好好入口，夠甜同清香既感覺。好後悔冇食到，下次黎架話一定要食，咁今次就唯有專注講返我個陣食左d咩啦。日式滑蛋叉燒飯 - $68首先講好個方面先，滑蛋食落口係嫩滑既，叉燒夠入味而且唔會太硬，亦都唔係太瘦同太肥，係幾好既，但唔係好既係洋蔥絲太生，食落口好苦，我係諗唔到點樣食先可配搭到佢個味道，我就唔係好建議大家食依個。熱棉花糖朱古力 - $28首先我唔建議大家叫凍，因為凍既根本唔會做到溶既效果，熱既先好，好似我依杯，食溶溶地棉花糖再加朱古力味係幾正，但出奇地杯野又唔會太甜，因為諗諗下棉花糖再配搭朱古力應該會甜，所以我都覺得依杯係唔差的，大家可以試下，但我唔會話好好飲。…查看更多

依間鋪頭就位於石門既，咁石門而家多左咁多野食，如果有睇開我既食評都知道我係住附近，所以有時間我一定會試哂石門既食肆，咁今次我就同一大班朋友去食既，for兩個既dinner set呢，我地分別叫左3樣，想試哂佢，咁下面比大家睇下菜式名同埋價錢。咁大家唔係walkin架話都可以係openrice book檯既，佢有時會有d優惠比你，今次佢地就免費送左個蒜蓉包比我地，個包幾脆身，咸味都足夠。跟住就有餐湯啦，雖然入面就落足料既，但唔係好岩我口味，不過各人口味都唔同，可能你地會喜歡。下面依個係香煎虎蝦茄汁意大利飯，蝦係幾大件但味道比較淡，但飯係做得唔錯，夠哂味道，好似我咁鍾意食茄汁味既野可以食依個，唔錯的下面依個係prime 西冷扒10oz，因為我朋友唔係好食得太生，所以叫左7成熟，初頭我會以為太熟，食落口會鞋身少少，但都煮得好冧，肉汁都鎖得實係入面，係非常好添呀。下面依個係香炸德國咸豬手，先講依個薯蓉先，我係覺得非常好食，咸味均勻之餘配埋個汁係prefect，豬手比較硬身少少但配埋芥末醬，唔錯。最後依個係BBQ汁焗豬肋骨，薯條入面好足料，咬落去唔係好似出面咁好多粉而且熱到辣口個隻，而個豬助骨配BBQ醬，酸酸甜甜再加上嫩滑的豬肉，值得一試。野食係幾正路，當然個人覺得未去到好好食，但係keep到水準既，我都推薦大家去試下。…查看更多

同朋友踩完單車，攰攰地經過依間cafe就諗住入去坐下，入到去個環境都幾好，幾有格調，就算唔食野我都推介大家去坐下，但一場黎到又點可以唔試下依到既野食呢，所以係到我叫碟野食同一杯野飲，感覺都唔錯架，而家同大家介紹返：明太子鮮蝦意大利粉 - $98依個真係推介比大家，意粉係炒得好入味而唔油膩，蝦都好大粒而且好有咬頭，再加埋鋪滿哂係意粉入面既明太子，口感真係非常豐富。朱古力牛奶咖啡 - $46依杯咖啡都幾好飲，首先佢唔係太甜，牛奶令到成杯野既味道岩岩好，唔會太甜，同埋都真係幾大杯，食完個意粉都真係飲到好飽。…查看更多