琉璃的个人专页

近期旺角有一間人氣大熱既濟州燒肉，超火熱又得意, 所以我都湊熱鬧立即約朋友去食~餐廳以仿傚濟州玄武岩洞穴為裝修主題，牆身是深色石材牆, 好似火山岩石般，帶點神秘及型格感覺，餐廳全部由韓國人主理，店員都是韓國人，好有feel~當晚好多人慶祝生日，店員都超high 幫手慶祝, 好好氣氛🥳餐廳用上由韓國定製的火山石烤盤嚟烤肉，受熱更加均勻,更能鎖住肉汁，餐廳烤肉工作全部由店員處理，可以安坐座位中開心吃肉肉, 超開心~🥳🌟牛肉套餐B (牛肋骨肉+牛板腱肉+炒飯)($696)每枱都會送上前菜6款，當中仲有魷魚漬，超好味。朋友想食牛肉，所以就揀咗牛肉套餐B，包括牛肋骨肉200g及牛板腱肉100g。牛肋骨肉肉味濃郁，較有口感，而牛板腱肉則較軟淋，2款都好唔錯。套餐仲可以選炒飯或炸醬拉麵，我地就揀咗炒飯，經過火山石烤盤炒過，再加上芝士及煎蛋，炒飯口感更豐富，亦更惹味。 燒烤的配菜都好豐富，包括泡菜，雞髀菇及濟州柑橘，特別一讚濟州柑橘，烤過的濟州柑橘清甜無渣，食烤肉時解膩一流💫🌟醬油蟹($318）見到有醬油蟹，忍唔住叫咗一隻。醬油蟹好多蟹膏，再加上淡淡的醬油香，不會死鹹，鮮味好食，配上紫菜飯同吃，真係超正!🌟甜品:Jeju Yeah Yeah ($70)最後當然要食埋甜品先完滿啦，濟州島石爺做型的芝麻奶凍，可愛又香濃，內裏仲包住蜜柑，帶水果香甜，配上Oreo碎及雲呢拿雪糕，味道唔錯👍🏻🌟飲品:士多啤梨米酒|哈拉邦米酒 （$68@）好鍾意韓國的米酒, 米味香甜, 酒味又不會太濃, 所以點了2杯水果口味的米酒,哈拉邦即是濟州的橘子, 加入米酒裏, 清爽清甜, 而士多啤梨米酒則多了一份香甜, 2款都很不錯😋…查看更多

放工已經好攰，想一個人好好享受me time 時間，心思思一個人打邊爐食好啲，超人氣「LE-TA-SU一人一鍋」在呼喚我🤩來自日本的「LE-TA-SU一人一鍋」最受歡迎嘅位係一個人都可以打邊爐，可以自己揀湯底揀肉類或海鮮，仲有5款湯底可以揀，自己火鍋當然係自己話事啦！🌟[期間限定] 和風貝出汁套餐(美國安格斯牛肩胛肉&豬肩肉250g）（$138）套餐基本已包括主食、野菜盛盒、前菜/鍋伴及肉食，基本套餐都已經好豐富。和風活貝出汁做湯底，用上大蜆加昆布做湯底，簡單但鮮味，可以食到食物嘅原味。美國安格斯牛肩胛肉&豬肩肉，250g份量剛剛好，牛肩胛肉脂肪平均，肉質結實，灼一灼就可以食😋 而豬肩肉肉質同樣厚實，肉味濃，非常適合火鍋。 🌟活鮑魚貝盛盒（$58）加點活鮑魚貝盛盒，活鮑魚新鮮彈牙，而大蜆都好鮮甜，好好味😋🌟明太子墨魚滑（$25）見到有明太子墨魚滑，身為明太子fans 又點可以唔叫？本身個墨魚滑真材實料，入邊仲有粒粒墨魚，再加上明太子，超好味，係私心推介👍🏻🌟乳酪味軟雪糕（$15）食完火鍋，當然就係食甜品啦，乳酪味剛剛好，完美😋…查看更多

秋風起，也是大閘蟹的季節！嗜蟹我我自然一定會品嚐，今年Pirata Group 旗下嘅Pici 及Pizza Project 推出大閘蟹狂賞月，大閘蟹粉菜式再度回歸！Pici 出名手工意大利麵大家都知，相信不用再多加介紹。近年Pici 一直致力將不同的時令食材融入意大利菜式，每月都有不同主題，所以定期都會去品嚐。今個月是大閘蟹，連Pizza Project 都將大閘蟹加入pizza。身為蟹迷，當然首先要去試吓大閘蟹粉意粉大利麵啦😆前菜：🌟軟殼蟹藏紅花忌廉濃湯超濃郁的忌廉湯，香滑濃郁，而且仲有成隻香脆軟殼蟹，超豐盛美味😋🌟熱帶蟹肉沙律滿滿的蟹肉排在清甜的木瓜上，啖啖蟹肉，配清甜的木瓜，及微酸生的芒果絲，更突顯蟹肉的鮮味，大滿足🤩🌟和牛骨髓他他生和牛他他肉質細膩嫩滑，以切粒呈現，充滿口感，配上烤至金黃、溶化般的牛骨髓同吃，非常的鮮味😋。配搭脆餅及珍珠洋蔥同吃，味道更平衡，口感更豐富。意粉🌟大閘蟹粉手工圓麵（$280）重頭戲終於出現，鮮味的大閘蟹蟹粉，與手工圓麵完美的融合。大廚加入少許藏紅花、紹興酒及薑汁，完全帶出大閘蟹的鮮甜味，配上有口感的手工圓麵，每條圓麵都掛上大閘蟹蟹粉，超美味😋🌟大蝦海鮮濃汁黑細麵墨魚汁細麵，口感彈牙煙韌，充滿海鮮香氣，配上大量海鮮及大蝦，及用上蕃茄醬汁，更顯鮮味。🌟柚子意式奶凍｜提拉米蘇主餐後當然是甜品時間，柚子意式奶凍也是期間限定新品，大量新鮮柚子肉加香甜奶凍，柚子清新微酸，配香甜的奶凍。提拉米蘇是Pici 的招牌甜品，當然是必點，一如既往的香濃幼滑，美味非常。飲品：🌟Kiwi Pomenade | Venetian Iced Tea Pici 特色無酒精特調，2杯都很清新，配濃味的意粉最適合💫…查看更多

星期日同侄女、及朋友一齊海事博物館參觀，行完博物館就去搵食~正正海事博物館樓上就有間café, 咁方便，環境又靚, 當然就去食啦~Café 樓底超高, 再加上半圓形落地大玻璃窗, 空間感充足,餐廳有戶外及室內位置, 室外位置可以望著維港及中環摩天倫, 日落時景色應該超靚🤩Café 係非牟利機構, 佢地會聘請不同國籍及能力的員工, 而且性價比超高，好值得支持👍🏻🌟Cafe 8 西班牙火腿沙律（$105）份量超充足的沙律，有大量的沙律菜，再加上青瓜、車厘茄、雞蛋、無花果、芝士碎及西班牙火腿，非常的豐富，沙律新鮮好味，非常的清新，只加少許的dressing, 夠晒健康👍🏻🌟山羊芝士菠菜咸批($88)見到有菠菜咸批，當然唔會錯過，批焗得黃金香脆，批邊酥脆，而內餡保持香軟濕潤，濃郁的山羊芝士味及菠菜互相配合，濃香但𣎴會太過，鍾意食芝士嘅朋友千萬不要錯過！🌟黑麥麵包吐司配煙三文魚、牛油果（$95）另外朋友點了黑麵包吐司配三文魚及牛油果，三文魚夠肥美，配牛油果的creamy口感及濃郁堅果香，絕配組合😋🌟Just Beet It （$65）| Cappuccino （$42）這裏有不同的飲品，除要般的咖啡、茶、啤酒、雞尾酒這些外，還有新鮮果汁，夠晒健康，朋友就點了Just Beet It，裏面用上紅菜頭、胡蘿蔔、檸檬、蘋果和生薑，紅菜頭及胡蘿蔔夠晒抗氧化及對心血管有益，加入蘋果及檸檬更美味，最重要夠晒健康👍🏻…查看更多

週末跟朋友出來，當然係食餐好的，朋友選了這家炎丸水產，主要食磯燒海鮮，是香港磯燒海鮮的始祖磯，餐廳附設大魚缸, 海鮮由日本空運直送，包括鮑魚、龍蝦、鱈場蟹等，全部都是鮮活海鮮，由專人即場席前烹調，舒服享受美食。餐廳裝修充滿日式風味，以傳統日式魚市場為裝修主題，身處其中超有feel 💯，最有趣係可以用「發聲雞」落單🤣🌟左口魚刺身先來個刺身，左口魚味道清爽，適合夏天食用，味道鮮甜，口感爽脆，越吃越帶甜味😋🌟芝士甲羅燒這裏的招牌菜之一，味噌甲羅燒的變奏版，蟹蓋內加入蟹膏、蟹肉、三文魚子、鵪鶉蛋，再加入芝士，店員一邊燒一邊搞拌，燒烤後超香，滿滿的蟹肉鮮味，拌隨青瓜絲同吃，清爽又好味😋🌟鮑魚殼燒用上新鮮活鮑魚，鮑魚大隻又厚身，即場以磯燒方法烹調，再搽上醬油提味，超鮮甜又彈牙👍🏻🌟燒活鰻再來就是燒活鰻，份量充足，鰻魚厚身夠肥美，經過燒烤後更做到皮香脆，肉爽彈，啖啖肉🌟烏賊磯燒然後最後來個磯燒烏賊，整隻魷魚原條燒，店員燒得剛剛好，沒有過熟，口感彈入味🌟鮭魚冷麵天氣咁熱，當然要配刺身吃，這個超適合打卡，將三文魚切成長條裝，配日式醬汁、雞蛋及青蔥等配料，清爽又鮮味🌟肉盛壽司盒又係必點之一，份量超充足，滿滿的牛肉刺身，似瀑布般傾瀉，超IG-able，牛肉鮮味滿盈，每一啖都好滿足😌🌟飲品：黑白生啤/檸檬可樂highball 居酒屋必然要喝點小酒，鹗個檸檬可能highball 好飲👍🏻…查看更多

經過尖沙咀棉登徑, 轉角路口位一定被呢間店吸引,富有日本色彩的紅鳥居, 紅色燈籠, 餐廳內設計都好日本居酒屋feel,以深色木系為主題, 師傅就在吧枱後烹調,彷如置身日本小小的居酒屋, 用QR code 落單, 方便簡單,而串燒連少鹽少油少辣等選項都齊備,十分細心🌟燒雪魚乾|炸日本白蝦來居酒屋飲2杯, 送酒小食當然不能少, 白蝦炸得夠乾身,食落冇油膩感,送酒一流!👍🏻🌟牛油果大蝦沙律沙律份量充足,新鮮沙律菜, 車厘茄,再加上牛油果及大蝦, 配料豐富, 清新爽甜🌟玉子燒(芝士)熱辣辣的玉子燒,香軟細滑,蛋味香濃,內裏的芝士半融, 有拉絲的效果,芝士控必食🌟日本宮崎A5和牛三文治必食推介, A5和牛味道濃郁軟腍,又有足夠的牛脂香,配烘得脆脆地嘅軟熟麵包,超正🤩🌟串揚:🔸串揚蟹肉廣島蠔- 都係必食推介, 廣島蠔燒得剛剛好, 飽滿嫩滑, 再加上蟹肉及三文魚籽, 鮮上加鮮🔸串揚大蝦- 大隻大蝦, 包著麵衣, 香脆入味🌟串燒:🔸明太子雞翼(七味)-雞翼釀得漲卜卜, 雞翼燒得焦香, 鹹香的明太子入口香濃, 啖啖肉好滿足🔸牛小排青蔥卷-啖啖香蔥滋, 加上牛小排, 肉汁滿滿🔸豚肉豆苗卷-豚肉燒得香口, 而豆苗吸受肉汁, 很不錯🔸田樂豆腐-還原田樂燒的基本, 將炸豆腐塗上主要由味噌做成的田樂醬,再燒,豆腐沁入味噌的濃郁鹹甜,焦脆之餘有豐富口感 🔸焦糖菠蘿- 表面香脆, 淡淡的甜味, 配菠蘿特有的酸甜,好味又多汁😋🔸翠玉瓜-加上醬汁及木魚絲同燒, 清新之餘都好惹味🌟Drink: 飲品酒類free flow（$168）餐廳有2小時飲品酒類free flow, 無論係生啤、清酒或燒酎、梅酒等全部都包，超抵!…查看更多

夏天天氣炎熱，個人都係想食清淡啲，清淡自然諗到食素菜，朋友特別搵咗呢間中式素菜館，餐廳主打中式素菜，並且以天然食材入饌，少鹽少油，適合著重健康的人士。餐廳裝條帶古式古香，座位舒適，而且所有熱點心都係熱辣辣上枱，大讚👍🏻。🌟筍尖蝦餃皇飲茶必叫蝦餃，素點心當然也要。蝦餃皮皮薄煙韌，內裏的餡料用上筍尖及素蝦，口感爽口，尖筍鮮味出晒嚟。🌟黑松露野菌餃飽滿的黑松露野菌，一打開已經滿滿的黑松露香，加埋野菌香味，濃郁好味。🌟竹笙素翅灌湯餃大大隻湯餃，餡料滿滿，而且湯餃好夠熱，湯頭清甜，竹笙吸收湯汁，爽口清甜。🌟齋滷味（三寶）食素菜當然要點齋滷味，這裏的齋滷味是熱食的，酸齋、豉油及咖喱齋，熱食又是不同的滋味。酸齋夠味，但鍾意再酸啲；而最好食係咖喱齋，有咖喱的濃香味。🌟甘筍鹹水角可愛造型的鹹水角，皮軟熟煙韌帶甜，內裏餡鹹香，鹹甜相配，好味😋🌟香酥咖喱角酥皮非常的香，入口鬆脆酥香，配惹味咖喱餡很不錯。🌟春風得意腸腸粉皮包著脆春卷，腸粉皮細滑，內裏包著菌菇菜粒爽脆，口感豐富。🌟雪山叉燒包店員推介的叉燒包，果然美味😋麵包熱辣辣又鬆軟，帶牛油香，內裏素叉燒惹味香濃，配埋一齊食超正👍🏻🌟山珍酸辣粉朋友想食酸辣粉，酸辣粉配料充足，用上薯粉夠煙韌及掛汁，湯夠酸辣，且帶花生香，十分惹味，內裏有大量配菜如大豆芽菜、椰菜及香菇等，口感多層次。🌟特色芒果布甸傳統芒果布甸，但做成花盆的樣子，可愛又好食，兒時回憶返晒嚟☺️🌟原隻椰皇燉桃膠又係必點推介，即叫即燉的椰皇燉桃膠，椰皇清甜帶椰香，而桃膠大大份而且好乾淨，清甜滋潤👍🏻…查看更多

之前食過Bingo & Cook 的銅鑼灣店, 覺得性價比高, 今次朋友話想再食韓國菜, 所以再encore 呢間, 但就近近地試吓尖沙咀分店~尖沙咀分店位置有點兒隱蔽, 算是巷子裏的店, 幸好有員工指路, 所以都容易搵到, 以為平日夜晚會比較冷清, 但大家都好識窿路搵嘢食, 平日都好旺場, 勁👍🏻，餐廳裝修樸實，好有韓式家庭餐廳feel, 而且,店員全部都是韓國人,韓味十足, 一定知道最地道的韓國食法! 來到Bingo & Cook, 當然要點佢地嘅招牌50cm長火鍋啦~🌟50cm 海鮮魚板鍋($288)睇韓劇成日見到佢地食魚板,心心念念想食一次, 見到呢度竟然有海鮮魚板鍋供應, 當然要試吓~50cm 長的巨型鍋一上枱就氣勢十足, 而且仲充滿內涵，鍋內有多款海鮮，包括大蝦、蟹鉗、青口等，再加埋鮮冬菇，所以湯頭好清甜，而除此以外，仲有多串魚板串、魚糕、韓式年糕、雞蛋等，非常足料，而且店員仲好好咁幫我地將D魚板、年糕、鮮冬菇等材料拆落嚟及剪開，以便放在鍋內更吸收湯汁，否則我地真係以為成串食吸滿湯汁的魚板充滿鮮甜味，而年糕則軟糯，帶米香，超級好食！怪不得韓國人從小都鍾意食👍🏻🌟Bingo 迷你煎餅($100)Bingo 的煎餅一向好食, 今次見到有迷你煎餅, 仲一次有齊3款口味, 啱晒多心的香港人!一共有3款口味,包括海鮮、泡菜及櫛瓜煎餅，煎餅依然保持水準,煎得香脆不油膩,最鍾意個泡菜煎餅, 味道惹味, 香脆好食 😋🌟手作泡菜蒸餃子($110)好鍾意食韓國的餃子，大大隻而且不膩，今次點了韓式泡菜蒸餃子，上枱時還用小火爐保持溫度，確保餃子不會變硬。餃子非常包滿，皮薄餡靚，餃子皮帶少少煙韌，內裏的泡菜仍有輕爽脆口感，帶微辣更惹味🌟Cocktail: Grapefruit Ricewine($173)Cocktail 的份量好充足, 足夠2-4 人飲用，加入西柚汁的米酒多了一份西柚的清新, 米酒中和了西柚的酸,加入淡淡的米香, 西柚帶乳酸香味，清新怡人又好飲, 而且酒精濃度不高, 好適合女仔飲!…查看更多

一向係牛魔皇，但屋企煮嘅機會唔大，所以鍾意出去食牛扒🥩朋友就帶咗我去西環一間英式餐廳，餐廳全部落地大玻璃，內裏樓底高挑，空間感十足，好有外國feel。餐廳除了係扒房外，佢地仲有係零售肉店和熟食雜貨店，佢地嘅肉類全部直接從澳洲農場進口，而且100%草飼，而除咗牛扒外，佢地仲出售香腸、烤肉、時令蔬果和酒類等，無論dine in 或者買肉在家烹飪都好適合💫，而且每日都有不同優惠，見到逢星期二T bone 有半價優惠，超抵食！下次約齊人星期二再來食先得!佢地肉櫃有不同款式的肉類出售，零售或堂食都可以，而且店員會好細心解答你的問題，一定揀到啱你心水的靚肉～🌟Gambad($148)先來個蒜蓉蝦成前菜，加入辣椒烹調的蒜蓉超惹味，個醬汁可以配埋酸種麵包，美味😋🌟M5 澳洲和牛肉眼（$592）我們就到肉櫃裏挑選了自己愛吃的澳洲和牛肉眼, 因為是靚牛扒，所以我們只簡單的炭烤medium rare，也不另加任何醬汁，這樣才可以吃到牛的原味。M5 澳洲和牛肉眼，脂肪比例剛好，油花均勻，煎至medium rare 剛剛好，油脂香牛肉香滿滿，肉質嫩滑，入口極佳。🌟炭烤西蘭花苗|炸大啡菇條點了2個sides, 炭烤西蘭花爽脆清甜，而炸大啡菇條是必食推介，炸得乾爽不油膩，外脆內軟嫩，保持啡菇的juicy，配埋黑松露醬，超好味😋🌟飲品:Three Butchers |Mimosa 食牛肉當然要飲紅酒，點了南澳洲的three butchers, 用上Shiza 提子，味道帶黑加倫子味道，及少許煙熏味，配牛扒一流💫至於朋友則點了cocktails mimosa，清爽舒爽…查看更多

一直都知道駱駝漆大廈是臥虎藏龍的美食之地，但好少到東九龍搵食, 所以都要靠朋友介紹, 今次朋友就帶我去食由韓國人主理的韓國餐廳,果然無介紹錯, 好味又性價比高! 餐廳門口已經貼滿韓國老闆與客人的合照, 內埋裝修樸實簡單, 牆上貼滿餐廳的菜式, 四周的電視上一直播放韓國MV,超有韓國local餐廳feel🏠餐廳由韓國人主理, 老闆仲好熱情,一直滿場飛同客人寒暄, 超熱鬧的~餐廳提供多款韓國料理，由醬油蟹、石鍋飯、部隊鍋、烤肉、到炸雞都有, 款式種類多, 啱晒多心的香港人🥳點菜後先上前菜, 8款前菜包括新鮮辣泡菜、魚糕、薯仔沙律、菠菜、荳芽等, 全部可以無限量追加🤩而佢地嘅新鮮辣泡菜仲係每日早上新鮮製作, 唔會太辣, 但保證爽脆鮮甜! 一心想食烤肉的我們就點咗2個套餐, 已包括湯、2碗白飯及2罐飲品🌟S3:鰻魚套餐($498)韓式烤鰻魚|芝士蒸雞蛋|海鮮嫩豆腐湯 鰻魚由韓國引入, 肉質厚實彈牙,店員會幫忙烹調, 以確保鰻魚燒得剛剛好,烤過的鰻魚皮好香脆, 魚肉厚實嫩滑,醀燒烤醬同吃超夾😋🔸石鍋韓式芝士蒸雞蛋, 蒸得漲卜卜, 口感柔嫩軟綿, 有蛋香之餘亦帶微焦氣味, 是傳統韓式蒸蛋的味道, 再加上芝士, 更添美味, 用來拌飯一流!🔸海鮮嫩豆腐湯, 海鮮配料充足, 包括大蝦、青口及蜆等, 再加上嫩豆腐及大醬, 鮮辣惹味, 喝一口超暖胃, 用來拌飯吃超讚!🌟S2: 牛肉套餐($398)牛肋骨（醃）|韓式豆醬湯烤牛肉套餐的牛肉3選1，我們就選了醃了的牛肋骨，大大份的牛肋骨已起骨上枱，店員依然好好的幫我們烤肉，牛肋骨只要簡單的烤熟就已經好好味，牛肉入口甘香，油脂香氣豐盛，肉質軟嫩，入口香濃，不用醮任何醬汁已經好好食😋🔸韓式豆醬湯套餐另一個湯就點了韓式豆醬湯，呢個湯唔辣，啱晒怕辣人士💯，豆腐嫩滑，配上濃郁的豆醬及蜆，也十分美味😋老闆除咗成日過嚟問我地對食物味道外，仲送kimpa比我地食，真係超親切可愛。見到有人生日有生日驚喜, 原來生日訂座仲有蛋糕同禮物, 好有心思~…查看更多

朋友好鍾意食牛, 成日都會拉我周圍去食牛, 今次就搵到一間超抵嘅牛扒任食, 牛扒任食真係第一次, 仲要只要$298(星期五,六)就可以任食安格斯牛板鍵扒，除左任食牛扒，連小食及配菜都係任食，超抵食💯, 唔怪得之咁多人! 餐廳裝修是美式簡約風格,  夠feel 夠輕鬆, 而且店員都好主動熱情,超nice!💫100分鐘任食美國安格斯牛板腱扒💫🌟湯品: 是日濃湯‧忌廉蘑菇湯、蒜蓉包濃濃忌廉蘑菇, 好creamy, 配埋蒜蓉包, 絕配!🌟任食牛扒: 美國安格斯牛板腱扒店員建議5成熟, 廚師前得剛剛好, 牛扒有淡淡炭燒香味, 外層煎得剛好,充份鎖住肉汁, 邊位帶焦脆, 5成熟保留口感之餘, 而且肉汁豐盈,肉味濃郁, 配上燒烤汁已經好正! 仲要任食, 我同朋友都忍唔住encore 多一次, 再添依然保持水準!☀️任食配菜: 雞鹽薯條|黑醋橄欖油沙律菜|焗香草車厘茄牛扒當然要配薯條, 厚切薯條即炸即起, 熱辣辣勁好味, 外脆內綿密, 灑上雞更惹味。大大盤車厘茄大加分, 酸酸甜甜又juicy, 清新解膩🌟任食小食:墨西哥脆辣雞鎚|卡真炸雲吞|脆脆魚手指|帶頭吉列蝦|吉列酥炸生蠔估唔到連小食都係任食,而且每款都好好味,食完忍唔住再encore!真係超級抵!原隻虎蝦大大隻, 蝦肉爽彈, 香脆非常!卡真雲吞, 炸得脆卜卜, 而內餡餡料充足, 我至愛!生蠔炸得剛剛好, 內裏保持軟嫩多汁, 朋友指定encore🍨是日雪糕 配焦糖醬食完仲有雪糕食, 超滿足!🍻飲品: Duvel Tripel/ LoveCraft King餐廳另外亦可加($68-$198)享受100分鐘任飲汽水或啤酒或葡萄酒, 我地肚量有限, 所以另外點了啤酒, 由店員介紹, 都非常不錯!…查看更多

朋友weekend 探我兼食飯, 自然要帶佢食好西, 突然記起荔枝角金酒屋, 真係食過高質嘅居酒屋之一,而且選擇夠多, 啱晒朋友, 立即訂位~ Weekend 依然係咁旺場, 坐無虛設, 好彩有事先訂位~🌟海膽拖羅蓉千層脆脆($168)| 焦糖鵝肝和牛千層脆脆($168)今年新登場的新菜式, 以紫菜天婦羅作每一層, 分別加入海膽拖羅蓉或鵝肝和牛,有新嘢當然要試吓, 2款都超正!鮮甜海膽加濃郁拖羅蓉, 鮮上加鮮, 配香脆紫菜天婦羅, 口感更豐富, 味道鮮味, 超正!至於另一款則是焦糖鵝肝和牛千層, 啱晒重口味人士; 鵝肝香濃, 再配豐膄和牛, 油香四溢, 甘香美味 🤤🌟金酒杯 ($158)金酒杯亦不能不食, 鮮甜味美的金酒杯, 用上海膽、三文魚籽、拖羅蓉及松葉蟹肉, 用料矜貴, 味道鮮美。 🌟金龍珠海膽吞拿魚蓉卷($158)然後也是必點的金龍珠海膽吞拿魚蓉卷，超華麗的壽司卷，鋪滿吞拿魚蓉的壽司卷，再加上海膽及紅潤醬油漬蛋黃，IG-able 之餘亦都美味滿分, 吞拿魚蓉口感綿密, 再配上鮮甜的海膽及鹹香的醬漬蛋黃, 香濃美味一件有齊!🌟滿丼-海膽鵝肝三文魚籽飯($268)去得金酒屋又點可以唔叫佢地招牌爆滿丼飯啦~今次朋友揀咗滿丼, 上枱時朋友立即嘩嘩聲大讚,丼飯上鋪滿三文魚籽,再加上新鮮海膽及鵝肝, 簡直係完美組合, 鵝肝油潤甘香, 而海膽則鮮甜無比,再配鹹鮮三文魚籽, 一啖入口, 超豐富口感!🌟炙燒爆膏四頭巨型虎蝦($158)話得係居酒屋, 當然佢D 串燒燒物都係必食的!見到呢個爆膏虎蝦立即心心眼即點, 真係超大隻, 啖啖肉, 而且蝦頭真係好多膏,燒得好甘香, 超正!🌟金酒屋推介串燒(厚燒牛舌芯|自家製雞皮蝦|西班牙豬肋條|黑豚五花腩）🔺牛舌芯軟淋入味, 超濃郁牛味🔺自製雞皮蝦, 雞皮包著大蝦, 雞皮先受火, 所以燒得得焦脆, 而雞皮的油脂則沁入彈牙的大蝦中, 充滿油香, 保持嫩滑🔺西班牙豬肋條: 用上西班牙伊比利黑毛豬肋條,脂肪平均充份, 炭火燒得外脆內嫩, 充滿肉汁, 而且完全沒有豬肉的燥味, 好好食!🔺黑豚五花腩: 五花腩燒竹得充滿油香, 脂肪部份燒得微微焦脆,食落是爽口的,正!…查看更多

一向都喜歡食生蠔，愛它順滑口感與鮮甜味道，而且不同季節及地區的生蠔味道都大不同，味道更多樣化。好耐無食生蠔，朋友發現灣仔Optimist 逢星期四有90分鐘任食法國芬迪奇生蠔，OMG！咁正點可以唔去😍Optimist 裝修以藍綠色為主，配上配上古典的桌椅，很有歐洲復古風味，餐廳樓高三層，地下係酒吧，好chill，而我地則係1樓用餐，好有歐洲復古風味 ，慶生超有儀式感，2樓則是燒烤區。💫Oyster Extravaganza 「生蠔盛宴」($498/p.p)餐前麵包配蒜蓉蛋黃醬, 配麵包食超正🌟Starter🔸Pan Con Tomate西班牙的傳統前菜，簡單在烘過的麵包上塗滿新鮮的蕃茄，再加上初榨橄欖油，簡單但超美味，香脆又充滿蕃茄香甜味。🔸Mussels 加入紅辣椒及卡宴辣椒的白酒煮青口，為青口帶來微微辛辣，但更加的惹味，青口嫩滑入味😋🌟 Free flow oyster（90mins)再來是今天主角之一，90分鐘任食法國芬迪奇生蠔，生蠔全部即叫即開，非常的新鮮鮮味，口感爽脆細膩，配上餐廳調配的的vinegar，更能帶出生蠔的海水味，夏天食用一流，完全不會漏，所以我同朋友每人食咗20隻，大癲🤣🌟Main食完生蠔還有主菜，超豐富的🔸Sea bass 香煎海鱸魚配上紅燈籠椒的醬汁，帶出海鱸魚的鮮甜味，魚肉柔軟細膩。🔸Chargrilled Beef Striploin用上紐西蘭西冷牛扒，以炭火去燒，表面有炭火焦香，內裏保持肉汁，我地點了medium rare, 大廚燒得剛剛好，西冷牛扒肉味香濃，邊位有肥膏令牛扒更香，只簡單的醮鹽吃已經好好食😋🌟Dessert:最後結尾當然要有甜品🔸 CREMA CATALANA西班牙的經典甜品，類似crème brûlée，但加入柑橘皮和肉桂增添香氣，用上牛奶代替奶油，所以整體口感會較輕薄順滑，又唔會太甜及漏，店員即席加上點火製作焦糖脆面，更IG-able🔸巴斯克蛋糕另一個甜品是巴斯克芝士蛋糕，表面帶深棕色，有輕微苦甜焦糖味，但內裏柔軟濕潤，入口即化，奶香味濃郁，配上帶微酸的野莓醬，平衡芝士蛋糕的厚重。見到其他枱有點三吋芝士蛋糕，由職員即場切出享用，好有儀式感，下次嚟都要試吓先😍🌟Drink: Sangria 食西班牙餐廳點可以唔點sangria, 多款水果，清新清甜，酒味不會太重，配食生蠔剛剛好👍🏻…查看更多

香江花月一向走高質路線, 由裝修到食物都做得好用心, 餐廳走懷舊路線, 以香港50年代為主題, 好多懷舊打卡位, 超IG-able💯現時餐廳做緊超筍優惠,所以朋友見到唔使講嘢立即訂位~🌟秘製花雕豬肚湯打邊爐前先喝一碗湯, 湯頭濃郁, 有少許胡椒香及花雕香味, 但不會太嗆喉, 豬肚份量充足, 再加入枸杞、紅棗、淮山等藥材及養生食材，慢火熬製,湯頭熬成乳白色，帶有淡淡甜味和藥膳滋補效果。🌟玲瓏琥珀山海圈($1, 原價$498)全場每一枱都必點的item, 一上枱已經超吸睛, 一圈已包括牛肉、海鮮和豬、羊肉, 超滿足!包括:美國安格斯肥牛、日本牛小腿、伊比利亞黑豚肉、澳洲羊肉、大蝦、牛栢葉等食材, 海陸精選, 一次過滿足晒!食材新鮮高質, 牛肉油花均勻、大蝦爽口彈牙,羊肉嫩滑無羶味, 連牛栢葉都好爽口, 超級超值!🌟白鱔片肥美白鱔片, 鱔片夠厚身, 食落啖啖肉夠肥美🌟脆滑桂花蚌桂花蚌爽脆清甜, 鮮味滿滿, 7折後超抵!🌟七色丸打卡菜式必須點, 這個七色丸色彩繽紛, 食落人都開心D, 配上攞設架, 古色古香,七色丸有7種不同味道, 最鍾意係咖喱味的, 食落好惹味😋🌟原條竹笙第一次打邊爐食原條竹笙, 竹笙夠大棵又夠厚身, 吸收晒湯汁精華, 超好食, 大推!🌟新鮮鵝腸鵝腸夠大條, 而且厚身有少許肥膏, 食落爽脆肥美🌟即炸響鈴份量充足又夠香脆, 有豆香, 醮一醮湯汁再食, 滋味無窮!🌟花花綠綠這個蔬菜籃亦是大推, 超豐盛, 有多種不同款式的蔬菜, 而且新鮮靚菜! 🍹飲品:熱情密碼/烏龍角度/花之都見到佢D 飲品好靚, 而且仲有買2送1優惠, 當然立即點番杯啦~🔸熱情密碼(無酒精)用上柚子蜜及柑桔檸檬為基底, 味道清新, 再加上有上枱時會有煙薰波波,非常IG-able!🔸烏龍角度是則用上口Rum 作基底酒, 加入烏龍茶及接骨木花汁, 味道清爽, 雖然是雞尾酒, 但很清淡, 女士很適合🔸花之都是贈送的, 所以就揀一杯簡單的, 以抹花作基底, 加入接骨木花及青蘋果漿, 最尾加上玫瑰花芒果冰, 美美的飲品…查看更多

香港好多人鍾意食buffet, 喜歡食物種類多又可咩都試到~身邊朋友都係buffet 愛好者之一, 成日都會搵我食buffet, 但近年食量有所下降, 每次食完buffet 都好辛苦,但又覺得自己唔抵, 今次朋友終於搵到一間適合我呢類食唔多嘅人嘅buffet 啦!其實就係灣仔Novotel Century Hotel 入邊Le Café 嘅 生蠔海鮮半自助晚餐, 性價比高。半自助餐基本已經有海鮮冷盤、生蠔、cold cut、雜錦魚生,壽司、沙律、熱葷及雪糕甜品等, 基本的都有, 絕對飽足！必食推介係生蠔、長腳蟹、凍蝦、翡翠螺、煙三文魚、三文魚刺身、希靈魚刺身，仲有仲有, 甜品都好豐富, Movenpick雪糕都係任食🤩現時訂位仲有7折優惠,若果想再豐富D, 仲可以另加主菜,一共有8款選擇,最特別係有小火鍋可以選擇! 天氣涼涼地食個小火鍋最正🤩為食朋友就立即點咗2款小火鍋, 2款小火鍋基本配料相同,只是主菜的不同, 而且每日會有2款湯底可供選擇, 我地就揀咗泰式船麵湯底。🌟海鮮小火鍋 (原價$188）🔺本地燕魚|沙白|帶子 （基本配料：魚蛋、貢丸、墨魚餅、雜茶、響鈴、紅薯粉）海鮮有3款，而且全部來自仟國水產，環保之餘亦保證食得安心。2隻大大隻帶子，夠厚肉，啖啖鮮味。沙白份量充足，無沙又夠大隻。第一次食本地燕魚，肉質嫩滑，而且少骨，啖啖肉最啱我😋🌟肉類小火鍋(原價$188)🔺安格斯封門柳| 黑毛豬豬頸肉 |三黃雞 （基本配料：魚蛋、貢丸、墨魚餅、雜茶、響鈴、紅薯粉）肉類火鍋亦有3款肉類，份量完全是2人份🤩三黃雞夠嫩滑又充滿雞味黑毛豬豬頸肉比較肥美，所以入口比一般豬肉嫩滑，而且無豬躁味👍🏻至於封門柳出名肉味夠濃郁，配泰式船麵湯底超夾。其餘的配料都一樣唔錯，特別大讚有響鈴，吸受晒湯汁，好味😋…查看更多