sukina627的个人专页

📍Big Bite Flame-Grill 香港大學一路都唔知，原來香港大學附近有間加拿大菜😆 成件事都幾隱秘㗎，喺保德街對落嘅巷仔🤪 環境好有異國風情，都好適合一班朋友飲杯啤酒🍻 第一次食Poutine，薯條+肉汁+奶酪嘅組合，真係邪惡到無得輸呀😌 呢度必嗌🤩另外，呢度好得意 - 係有越式牛肉河粉叫嘅🐮亞洲胃嘅朋友仔都accommodate到㗎😉#加拿大菜初體驗 #bigbiteflamegrill #凱撒沙拉 #ceasarsalad #越式牛肉河粉 #vietnamnesepho #蓋澆薯條 #poutine #香港大學 #hku #香港大學美食 #ohhejfoodie …查看更多

📍希鳥KICHO 中環今次高級呀今次 - 去中環食 Omakase Gogogo 💰有咩朋友咁值得我一齊去食好嘢？咪就係 mkbowfoodie 咯❤️呢間希鳥主打用好多唔同嘅方法烹調雞肉🐔裏面嘅師傅全部都係日本人，一走入去超級有異國風情🇯🇵滿滿嘅雞肉香氣充斥住成間餐廳，加埋師傅們嘅日文交談聲，真係好chill💬個 Feel 直頭係 💯講真，樣樣都咁好食，逐樣逐樣形容分分鐘變千字文✍️所以，言簡意賅，等我總結三件最令我難忘嘅items啦🌝1⃣️ ももたれ有馬山椒のせ Chicken· Thigh with Japanese Pepper雞頸肉雖然肉質本來就滑，但燒起嚟要唔老而要皮脆肉嫩其實都考功夫🤔配搭日本山椒，倍增惹味🔥2⃣️ 月見つくね Minced Chicken served with Egg Yolk基本上我次次去日本居酒屋都最愛呢味 - 口感滿滿嘅免治雞肉棒沾上蛋漿🥚實在係大滿足🤓3⃣️ お口直し Refresher餐品食到差唔多，就會整個雪葩俾我哋嘆吓🍧作為外協代表，呢個小雞容器完全俘虜咗我嘅心💓實在係太可愛喇🥹可以同好朋友談天說地 + 同日本師傅用破爛嘅日文溝通到嘅呢個晚餐絕對係本週最幸福時刻😚#識食omakase一定係食個feel #希鳥 #kicho #中環美食 #中環 #central #日本料理 #日本菜 #japanesecuisine #ohhejfoodie …查看更多

📍福岡漢堡扒 尖沙嘴一直以來，我對於漢堡扒的印象就是：把一些下價一點/ 質素差一點的牛肉揉作一團，然後提高盈利的行銷手段😵‍💫那是因為我還沒有吃過真正好吃的漢堡扒料理🙃這家餐廳證明：我錯了🐸採用和牛做漢堡排基本上錯不了：柔軟的漢堡扒完全沒有筋，牛味相當濃郁，餐廳著充斥著牛肉的香氣🐮加上讓我們自己現烤🔥 外脆內軟 get！可以滿足到每個人對生熟程度的要求，也增添獨特的進食體驗🍴(我必須承認一開始我不太會掌握火候，把一小塊漢堡扒燒焦了🫣すみません)但約朋友來一起燒著烤，聊個天還是挺爽快的❤️畢竟這位朋友沒見大半年了呵呵( ^ω^ )兩個人來點二人套餐剛剛好，套餐附的芝士泡豚丼很不錯🧀🍚#漢堡扒印象大反轉 #福岡漢堡扒 #漢堡扒料理 #尖沙嘴 #尖沙嘴美食 #tst #tsimshatsui #ohhejfoodie …查看更多

📍Pot Pot 尖沙嘴正宗食肉獸如我，周不時都會有個煩惱 - 好想狂食高質肉，但荷包實在赤赤痛😓......咁所以就間中會喺壓力 binge eat mood 啟動嘅時候周圍發掘抵食夾高質嘅放題 (淨係夾大件已經滿足唔到我🌝)由於最近又進入返邊爐季節(畢竟終於開始無咁熱🔥)，所以是日研究嘅係邊爐放題🍲想大快朵頤，就梗係要約埋可以俾我暢所欲言又唔會嫌棄我食相影響市容嘅朋友仔一人一鍋啦🙋🏻‍♀️今次嘅嘉賓就勁喇 - 佢簡直係自由小鳥界嘅代表🐦一畢業就去咗紐西蘭 working holiday，然後跟住落嚟準備去加拿大冒險🇨🇦我一直都好佩服佢嗰種說走就走嘅勇氣同膽識👍🏻喺同佢嘅對話當中都聽到好多超級有趣又exotic嘅故事😆(話唔定之後會開集podcast請佢嚟分享一二🙃)總之嗰晚就係打住邊爐，開心傾住計咁過㗎喇🤩加埋一路淥吓淥吓嘅手切牛頸脊，成件事即刻高級咗1000%🎉其實人哋係有好多款肉嘅，而且都好好食，但係個手切牛頸脊真係......你自己睇相喇 - 個色澤同雪花❄️點P都P唔到㗎喎❤️入口軟綿綿，肉味四溢🥩(最後encore咗好幾碟🍽️)嗰日唔覺唔覺，就食咗好多碟肉 - 分分鐘勁過我平時去壽司郎嘅碟數😵‍💫......減肥呢啲掃興嘢，得閒再講🙈*p.s. To 友人：去加拿大一路順風呀，要Keep住道勇氣😤*p.p.s. To 讀者：1⃣️呢間餐廳有 Hidden Menu，如果同行有唔打邊爐嘅朋友可以考慮💭2⃣️呢度開到00:00嘅，等大家可以放工夜繽紛過嚟食飯🌃#食肉獸嘅邊爐comfortzone #potpot #火鍋 #邊爐 #尖沙嘴 #尖沙嘴美食 #tst #tsimshatsui #ohhejfoodie …查看更多

📍御滿屋日本料理 旺角繼韓風之後，最近嘅風向係放題🤭呢度選擇多到選擇困難症，樣樣都好吸引😌(不枉我特登食light爆嘅茶葉蛋lunch留肚食夜晚🌛)佢多嘢揀成點？😆1⃣️ 主menu 有 77-128品不等🔥· 睇荷包食飯啦，我食77品lvl都覺得好足夠👝2⃣️ 門口有曬20+ 前菜甜品🤭· 正常操作嗰啲我唔講喇，最癲主要係爆谷機都有🍿 即刻佩服咗👍🏻3⃣️ 飲品種類奇多😛· 汽水同茶類都正常操作啦，目測都分分鐘有十幾廿款🥤 更甚嘅係：竟然連啤酒都有四款，仲要唔係名不經傳嘅cheap cheap牌子🍺 實在係太過分喇😆最後嘅最後，都梗係要推介一啲我俾十個讚嘅單品啦👍🏻 咁食法，都真係一場好激烈嘅海膽(啊唔係，「戰鬥」先啱😅）💁🏻‍♀️ 排名不分先後:雜錦刺身、蒜蓉焗蠔、辣汁花螺、烤羊架、各式炸物🍤(唔好意思我就快讀曬成個menu)仲有......MÖVENPICK® 法式焦糖燉蛋雪糕🥰(⚠️注意：雪糕只能叫一次)#生命就係一場戰鬥 #御滿屋日本料理 #旺角 #旺角放題 #旺角美食 #ohhejfoodie …查看更多

📍Le Farinet Swiss Restaurant 天后瑞士一直都喺我嘅旅行to-go list 入面✈️不過...... Je n'ai pas d’argent (暫時)💸所以決定喺香港搵住個山區肺先🫁都幾鍾意佢嘅樓上舖位置，可以有一種遠離煩囂同抽離嘅感覺🤭(我知咁講有啲誇張，但其實我去嗰日本身放工少少stress㗎，真係喺去餐廳上樓嘅途中先好似心理暗示咁，慢慢切割返放工時段出嚟) 咁瑞士，有咩好食呢？😋1⃣️ 熱烘瑞士芝士(Raclette) 🧀️都見到人哋門口大大隻牛，唔理由唔食奶製品啦🐮相信人哋啲牛喺咁優美嘅環境之下成長，啲芝士會好食啲(好似係)呢道菜幾有趣，係將融咗嘅芝士淋上一塊塊小薯仔度 - 唔花巧但幾令人滿意😄唔係平時食嘅嗰啲mozarrella 同 cheddar，而係特別為呢道菜而設嘅cheese wheel🛞上網再research完先發現呢道菜係瑞士嘅國宴之一，仲已經有四百幾年嘅歷史🙌🏻Raclette嘅意思就係刮嘅動作 - 食用前會將芝士切成半圓，加熱烘烤芝士，等佢烤融後，用刀刮落嚟🔪再熱辣辣咁淋落餐盤度🍴Research完見到咁矜貴，即刻覺得又再好食咗😆2⃣️ BBQ 豬仔骨 🐷呢味菜固然唔係咩瑞士specific嘅餐品，不過佢都處理得好出色🌈 通常愈係常見嘅餸，愈可以凸顯廚師能力🧑🏻‍🍳首先我好開心嘅係嚿骨大過我塊面🦴兩個人share都綽綽有餘👭🏻(貪心的小狗上線🐶)一切落去，骨肉係零秒分離嘅❤️肉質好嫩同腍(但唔係爛)BBQ 醃料點到即止，唔會冚曬啲肉味🥩#喺市區尋找瑞士山區肺 #lefairnetswissrestaurant #瑞士餐廳 #熱烘瑞士芝士 #raclette #bbq豬仔骨 #天后 #tinhau #天后美食 #瑞士菜 #ohhejfoodie …查看更多

📍瀛豐放題料理專門店 銅鑼灣曾幾何時(aka 我嘅中學時代)，我哋全家間唔中都會放工放學放補習之後去食日式放題🇯🇵而係芸芸眾餐廳裏面，我哋最常去嘅就係喺京都廣場嘅一間放題🤤 今次無獨有偶，竟然無啦啦同細佬去返原址度食，重溫當年嘅小片段🙋🏻‍♀️通常食日式放題，無理由唔叫雜錦刺身船嘅🚢呢個刺身船勁過出奇蛋，滿足曬我多過三個願望🤭 有三文魚、吞拿魚、油甘魚、八爪魚、海螺、赤貝、大蝦etc...... 都真係好震撼💥 細佬描述刺身幾新鮮❤️ 份量都大，呢排細食咗嘅我食完呢個item，就 strategic 咁盤算剩返嘅tummy space 應該留俾咩好🤔舉腳投票冬蔭功湯🍲 如果呢度嘅日式美食代表係雜錦刺身船，咁泰式美食代表就係冬蔭功喇🤭 熱辣辣嘅湯唔係hea上㗎 - 香料湯渣完完全全咁保留，足見人哋真材實料👍🏻 香茅、南薑、檸檬葉、乾葱、芫荽、辣椒等等...... 差唔多每一樣都撈得返出嚟😋 令我大熱天時都好想續碗🥣#尋找中學回憶之日泰放題 #瀛豐放題料理專門店 #雜錦刺身船 #冬蔭功湯 #生蠔 #海膽帆立貝 #銅鑼灣 #銅鑼灣美食 #causewaybay #ohhejfoodie …查看更多

📍喜來稀肉 銅鑼灣自覺最近個胃都幾韓國......🇰🇷已經係連續第三個韓國嘢食post喇🤤平時我只會喺睇完韓劇嗰排先咁想食韓國嘢🍴今次好似調返轉，不停食完韓國嘢之後開始有少少想追韓劇🎬電影wise我捕緊一套叫 Past Lives 嘅(但又算唔上係真韓劇)大家有好推介嘅快啲話我知😆前排全部韓式煎炸熱食都試暈曬，係時候食埋最熱氣兼霸氣嘅韓式燒肉喇🔥 咁講起韓式燒肉，我覺得如果無五花肉就真係唔firm咯～點知❗️我嗰日去食喜來稀肉嘅時候，五花肉竟然售罄😱唔得，我唔可以俾呢個悲劇發生㗎😭我行入餐廳之前明明成個腦都係生菜➕包飯醬➕蒜片➕五花肉🐖 我唔可以令自己個腦同胃失望🫡於是最後我就叫咗「壹頭豬」喇✌🏻(因為裏面有包五花肉，而且未售罄🤞🏻)放心，雖然人哋個名係霸氣，但都唔係literally壹頭豬咁嚴重嘅 - 只係嚴選咗某幾個部位啫💁🏻‍♀️ 兩個人份量啱啱好😌🙋🏻‍♀️ 護心肉➕五花肉➕豬頸肉➕醬油烤韓豚➕韓式烤豬皮基本上除咗豬皮我抱有懷疑(因為未食過食non-炸版本)之外，其他我都肯定會啱食❤️(而且重點係有五花肉🌟)於是就姑且叫咗嚟試喇🧪點知最後最令我驚喜嘅反而就係豬皮🥹本身好驚成件事好 gross 油淋淋 feel🫥不過最後其實係好有咬口嘅骨膠原滑嘟嘟 feel 🤭再加上燒完點埋黃豆粉😲 Out of comfort zone 得嚟真係學阿拉丁話齋：A Whole New World~ 呀🧞‍♂️#論如何吃掉壹頭豬 #喜來稀肉 #銅鑼灣 #銅鑼灣美食 #causewaybay #壹頭豬 #ohhejfoodie …查看更多

📍南대門3號 尖沙嘴💭我曾經幻想過......如果我喺航空公司返工，就可以有一折機票，每個weekend都放工飛韓國食晚飯喇✈️可惜暫時都實現唔到呢個小小嘅願望🌟咁就...... 不如去韓國街頂住檔先啦🙃雖然話頂住檔先，但質素我絕對唔將就㗎🙅🏻‍♀️聽聞鐵板烤醬醃牛肋骨係招牌菜🐮就即管試吓啦🤨呢個牛肋骨跟住原塊鐵板上，冒住白煙好有鑊氣🔥嗰陣牛肉香真係令我哋口水直流🤤份量都好大，連我細佬咁刷得都話好似五餅二魚咁食極都食唔曬🤭調味唔係死鹹 (我最 red flag 嘅嘢 🚩)肉質幾腍，但食得出唔係狂落鬆肉粉引致嘅😆想放工之後放飛自我忘記呢個世界可以過放馬過嚟🐎#南대門3號 #尖沙嘴 #尖沙嘴美食 #tst #tsimshatsui #鐵板烤醬醃牛肋骨 #紫菜包飯 #海鮮煎蔥餅 #ohhejfoodie …查看更多

📍Oppa Coffee Bar Restaurant 尖沙嘴OK 今天嚟只做一件事：食Oppa炒嘅泡菜蛋漿熔岩炒飯🇰🇷👨🏻雖然聽落有啲clickbait(唔係oppa嗰部分)，但真係邪惡芝士拉絲飯嚟🤭 你自己睇相個拉絲拉得幾高🥰 材料包括：飯+紫菜+芝士+泡菜+蛋漿，加埋一齊係簡單嘅美味🍳 嗰retailtainment同樣吸引 - 開曬火槍又燒又炒又剩🔥 都過癮㗎😎個Oppa唔係clickbait - 真人靚仔㗎😍 不過影人哋相就唔太禮貌，你自己嚟參詳參詳啦🙈#oppacoffeebarrestaurant #尖沙嘴 #尖沙嘴美食 #tst #tsimshatsui #泡菜蛋漿熔岩炒飯 #紫菜包飯 #甜辣無骨炸雞 #ohhejfoodie …查看更多

📍四姐川菜 銅鑼灣如果從今以後，川菜我只可以食一間餐廳🍴咁...... 一定會係四姐🤭想當年，我係差唔多唔食得辣嘅🥲但由於我有一啲超鐘意食辣嘅同事，而四姐又近公司💼於是近水樓台先得月，咁就開啟咗我嘅食辣之旅😂 食開辣嘅朋友都應該知道 - 辣，係會上癮㗎🙈係明知會食到粉身碎骨，大汗淋灕，都唔願意割捨嘅緣分😆 然後慢慢地，慢慢地......我開始食到少少辣🤏🏻四姐overall咁吸引我嘅原因，主要係因為佢嘅辣好有層次😉 根據我嚟自雲南嘅同事形容，係有層次嘅辣，而且香味尤其突出🥰 得到食辣界老前輩嘅加持，品質就基本上一定有保證㗎喇🧸每次嚟我都一定會叫以下嘅必點精選：1⃣️ 四川涼麵 🍜夏日熱辣辣，最適合食涼麵🧊麵嘅韌勁剛剛好，凍凍哋辣辣哋幾好食🥰2⃣️ 招牌重慶水煮魚 🐟魚嘅質地好滑溜，拼埋辣油好惹味🔥食得落嘅加埋寬粉索曬啲汁仲正呀😙3⃣️ 蒜泥白肉 🐷層層分明嘅片片五花腩🐖上面層層疊蒜粒山⛰️ 簡直係口臭嘅幸福感😷4⃣️ 土豆絲 🥔食到辣嘅：酸辣；如果唔係就......肉末🥩兩個都一樣惹味，口感夠爽🌟#四姐川菜 #銅鑼灣 #銅鑼灣美食 #四川涼麵 #招牌重慶水煮魚 #蒜泥白肉 #肉末土豆絲 #糖醋里脊 #ohhejfoodie …查看更多

📍楓 Kaede 旺角今天只做一件事：食丸久小山園焙茶醬烤蛋糕🍵我會話：要整到一個大過我塊面嘅烤蛋糕，都唔容易嘅😅上菜喇❗️濕潤鬆軟嘅雞蛋糕🥚淋上一層超厚嘅丸久小山園焙茶醬🍵喺香味四溢同白煙緩緩升起嘅瞬間，我真係覺得好幸福☺️雖然聽落得蛋糕同醬，但食落絕對唔單調 -一啖配焦糖香蕉🍌一啖配草莓藍莓🍓再唔係...... 日式蕨餅/丸子🍡🍫 又得，每一啖都有新鮮感同不一樣嘅體會🥹不過都真係幾大份 - 我咁刷得都要同朋友share🍴留意位置唔多，我當日星期五夜晚係座無虛席 - 記得早啲嚟喇🙃#烤蛋糕控地頭 #楓 #kaede #旺角 #旺角美食#mongkok #丸久小山園焙茶醬烤蛋糕 #帶子大阪燒 #芝麻豆乳 #ohhejfoodie …查看更多

📍Yakiniku Kakura 銅鑼灣Q：又咩理由吖～A：生酮囉🙃 呢期興話唔食澱粉齋食肉減肥嘛💁🏻‍♀️算吧啦我😌 都翻頭食第3-4次，好食咪理由囉😆🎵話曬：愛你不需理由，我卻知～ 錯過後哪可回頭🎤為咗唔好錯過，就等我加多幾錢肉緊講解吓💰呢度係食質素嘅食肉獸天堂👼🏻兩個人嚟食建議議擺低一張金牛🐮叫呢個「雅」套餐：⁃鹽味牛舌⁃和牛腹前小排⁃黑毛和牛橫隔膜🌟⁃和牛西冷180G⁃特上牛胸腹肉⁃黑毛和牛肋骨中肉用我嘅詞彙嚟講就係「牛魔王開心樂園餐」😄由於肉本來就真材實料，所以無需要用啲奇怪重醃料欲蓋彌彰❤️肉本體同脂肪比例理想（1:1，好啦如果你怕肥可能會唔鍾意😝)建議另外叫埋大判燒！黑毛和牛西冷🐄 - 有專人幫你燒埋，口感好似棉花糖☁️我個friend話好食到反白眼喎(咩形容嚟)🙄怕太油膩可以叫個辣冷麵中和吓🍜食完之後可以胃口🆙，有力量繼續挑戰成座牛肉山⛰️#yakinikukakura #雅套餐 #鹽味牛舌 #和牛腹前小排 #黑毛和牛橫隔膜 #和牛180G #特上牛胸腹肉 #黑毛和牛肋骨中肉 #銅鑼灣 #銅鑼灣美食 #causewaybay …查看更多

📍Wish You A Mamaday 銅鑼灣又嚟到 Expectation Management 嘅時候喇😌我真係同麻麻地系列嘅餐廳超有緣❤️而佢又真係 expand 得幾快喎，開親新舖都喺我經常出沒嘅聚腳點👣唔通...... 老闆跟蹤我?! 🤪 OK FF 傷身唔該入正題🤯喺呢度，我好想同大家推薦......🔉海洋生物沙律🦞🥗眾所周知，素來我都有沙律恐懼症啲friend㗎 - 好明顯唔係咩健康至極嘅孩子🙆🏻‍♀️但呢個好多好多沙律菜都無乞我憎，仲令我想叫多幾碟添😚秘訣係...... 無限配料山⛰️1⃣️ 海鮮：蟹籽+炸蝦+蟹柳🦀️2⃣️ 生果：火龍果+紅莓🍓淋上清新嘅芝麻醬同芝士粉🧀️正呀😝但我鍾意呀weehee😍埋尾仲叫手工紫薯窩夫添🌟#祝你今日過得麻麻哋 #wishyouamamaday #銅鑼灣 #銅鑼灣美食 #causewaybay#你今日飲左益利多沙冰未啊 #嚐甜之選豆腐奧利奧沙冰 #求其是乜但都炸啲啦 #超級污糟大大條魷魚墨汁扁麵 #好邪惡嘅牛油果蟹肉比薩咩叫減肥 #海洋生物沙律 #手工紫薯窩夫 #ohhejfoodie …查看更多

📍FAM囍公館 西九龍好唔容易，終於到咗7月喇🥳Ok，七月有咩咁特別呢？又熱又翳🌞就係因為大家都辛苦喇，所以我公司有個超級正嘅policy - 星期五放半晝❤️呢個係我嘅第一個summer friday，梗係要大肆慶祝啦🙋🏻‍♀️(其實啫係借啲意飲酒食好嘢啦🙈)好在我親愛嘅細佬仲未開工，所以就繼續弟控系列喇lol而今日嘅主題係：Dim Sum & Chill 喇🥂試幻想吓 - 藍天白雲嘅日子、西九海傍嘅維港景觀、餐廳入面嘅大冷氣❄️真係夫復何求吖✌🏻叫咗三款點心都好好食，配埋Prosecco都decent嘅😚1⃣️ 小小楊梅本身我細佬好驚啲梅味，所以見到呢個都有啲皺眉頭🤨但其實係賣相造型嚟 - 真身係炸得幾鬆脆嘅鹹水角😆2⃣️ 羊肚菌燒賣燒賣就食得多啦 - 加嚿鮑魚/鵪鶉蛋都唔算新奇🤷🏻‍♀️加羊肚菌我都係第一次☝🏻 呢種味道搭配幾有趣，係會encore嘅選擇👍🏻3⃣️ 蟹肉海鮮春卷放蟹肉海鮮做餡，顯然係春卷界嘅LV🌟皮薄而脆，餡飽滿而調味恰到好處🤓美酒佳餚，西九良辰😉係奢侈而美好嘅星期五😌#dimsum&chill #fam #囍公館 #西九龍 #西九龍美食 #westkowloon #westkowloonrestaurant #小小楊梅 #羊肚菌燒賣 #蟹肉海鮮春卷 #prosecco #ohhejfoodie …查看更多