HungrySheep的个人专页

和朋友晚飯後想食甜品, 本身都無諗住食邊間, 偶然之下就黎左依度~由於要等, 係外面已經睇定餐牌, 好多款都好吸引, 實左好難選落手~最後點左栗子批併雪糕, 黎到, 真係同睇相既差唔多~讚!!!(朋友既甜品一樣咁靚!)味道~好味~真係新鮮熱辣~~~真係令我滿意既甜品!(我覺得好食過d咩咩雪花冰好多!) 不過佢地仲有可以改善既地方:如果佢地可以比杯水客人(因為食完甜野會想飲下水..), 咁就會好好多啦另外等上甜品既時間太耐, 雖然我都明白人多, 可能無爐整, 但如果改到就好啦~又或者上甜品時間一致d, 唔好等我食完, 朋友既甜品先到~我覺得依方面可以做好d!…查看更多

lunch 時間特意黎到依度一試招牌菜茄牛通/檸蜜多士, 先唔計等好耐先有, 淨講食物..蕃茄湯底...好多茄膏....無新鮮個隻清香又過酸...通粉...唔係平時茶記個d湯通質感...唔識形容...唔好食其他配料都正正常常, 但唔係特別出色而檸蜜多士, 我唔太喜歡隻味, 覺得平時既奶醬多/奶油多好味多了平係算平, 不過應該唔會再黎…查看更多

第一次黎cafe too食buffet, 甫入門口就已經見到個海鮮bar係度歡迎我地~好吸引!!第一轉我就先食頭盤, 食左煙3文魚, parma ham+哈密瓜, 仲有d沙律菜.全部質素都幾好, 連我平時唔鐘意食沙律菜都覺得好食!之後到海鮮, 拎左麵包蟹, 蟹腳同龍蝦. 龍蝦最好~新鮮~d肉彈口. 蟹腳我自己就覺得麻麻地, 而且拆肉好麻煩(龍蝦個d係一起就一大塊肉!). 麵包蟹, 好多膏, 真係成個蓋都係, 好正!! 之後各式熱盤, 反而睇落一般般, 好多都無試到日本section個度都幾多選擇, 刺身有3文魚/北寄貝/八爪魚. 北寄貝, 新鮮唔錯~八爪魚就麻麻地~另外佢地有多種sushi, 但我唔想食個舊飯, 所以都無食...每晚7:45/8:15都會出燉湯, 好清甜, 不過都好大碗~但都真係值得一試!另有好多人排既鵝肝牛肉, 其實食得咁飽, 出去排下隊企下都唔錯(等15分鐘到)~第一轉d鵝肝麻麻地, 第二轉好好食(睇彩數), 牛肉就一直都係麻麻地~如果係帶子就好啦~點心, 流沙包同菜苗帶子餃好好食, 反宜小籠包就一般.燒味, 有乳豬/燒肉/燒雞等, 但水準都係一般仲有本身想試炸蝦天婦羅, 不過成日都比人拎晒...食唔到而甜品有好多選擇, 真係花多眼亂, 而且好多都好好味!cafe too d食物真係好多選擇同好多元化, 正~! 不果如果要去記得book台, 個日平日去都全場爆滿呢!…查看更多

與朋友相聚, 朋友提議食泰菜. 由於去九龍城太遠, 最後選址位於尖咀既cambo.一行3人order左以下食物share食:泰式拼盤(細) - 每款食物都有3件(共有4款, 有魚餅/蝦餅/雞...), 3個人岩岩好. 食物呢, 炸野就真係好少話差ge, 除非凍/唔熟...依個算滿意啦, 係d魚餅辣左d串燒沙爹半打(雞、牛、豬各2條) - 全晚最唔得依個, d肉唔好食又有d怪味咁, 個沙o爹醬好味都補唔返!青咖哩軟殼蟹(配法包) - 之前我未試過青咖哩所以特登試下, 但淡得黎味道亦都麻麻地..入面有少少豆同唔知菜...全部無味的..法包亦都只屬一般...軟殼蟹反宜好少少, 炸得透, 味道又ok(點咖哩)炒芥蘭 - 做得最好係依個, d菜幾靚, 又炒得惹味最後加多3碗飯, $362埋單(連加一). 其實食物水準真係好一般, 唔值依個價. …查看更多

平時好少黎開依頭, 都唔知食咩, 最後就選左依度食午餐.佢地午市都有供應鐵板(不過只得一款), 價錢只係$41, 仲有湯有野飲, 好抵今次試左既係雞扒配薯條(黑椒汁), 上黎個陣真係渣渣聲, 感覺好正~好彩選左配薯條而唔係飯/意粉, 因為佢地d汁好少, 渣完就真係無乜汁..乾晒...另外要扣分就係d雞扒係分開2件細既上, 而唔係一件. 如果一件大既感覺靚好多.總結黎講, 我覺得間野係可接受, 要我比分既話, 10分入面比7分…查看更多

其實經過依間舖好多次, 但一直都無試過, 今次終於試左佢既鍋貼(佢稱自己為鍋貼大王, 應該鍋貼是最好的吧!)佢d餡都幾足料, 亦都幾有肉汁, 係幾好食(我覺得比八方雲集做得要好!) 不過唔知係咪外賣關係, d鍋貼食個陣個皮一d都唔脆, 而且某d亦穿左個皮, 流走左d汁總計黎講, 我覺得佢本身隻鍋貼係好食, 但煮個陣整得唔好, 所以只屬一般水準..…查看更多

V City岩岩開幕, 同朋友們黎到湊一湊熱鬧. 由於太多人, 附近所有食肆都全部爆滿, 牛角更要等過百張台.咁依間就相對上少人, 睇過MENU, D野食都好似幾吸引咁, 最後就入左黎啦.由於佢地新開張, 佢地D野好似都未READY咁, 本身想試青咖哩同小食拼盤都無...最後點左:雞肉喇沙 - 湯底算好食, 不過其實同百勝廚個隻喇沙麵差唔多...算唔想出式咖哩牛腩 - D牛腩好un...curry又麻麻地...差鮑魚豬頸肉炒飯 - 超一般食物真係非常麻麻, 雖然環境/服務都ok, 價錢亦都唔貴, 不過唔會encore. …查看更多

食完晚飯, 想搵地方食甜品, 知依度有得坐, 就黎左依度食蛋糕.唔知係咪因為佢地唔記得左, d蛋糕等左好耐先黎(明明一拎就係). 咁我唔太趕, ok既. 蛋糕一上, 嘩, 佢個蛋糕櫃塊玻璃都幾勁, 比之前睇細件左好多 ! (雖然一般都係彎彎地, 等人睇落大件d, 但通常個size都唔會差咁遠)咁其實蛋糕味算ok ge...不過如果take away, 我唔覺值$30依個價.最後令人最火既事出場啦!!! 我知佢地關門前要清潔, 佢地掃下掃下都算啦, 但竟然仲係度倒垃圾 !!!我係旁邊食緊蛋糕, 佢地就係度倒垃圾!!! 有陣垃圾味, 超級唔衛生之餘仲令人反胃!其實如果佢地係咁趕清潔, 不如早d同我講佢地夠鐘關門, 唔做生意啦. 經過依次之後, 我以後都唔會再去!!…查看更多

因朋友推介下第一次黎到中環沾仔記. 由於係星期日下午, 店入面無咩人, 坐得都幾舒服, 又夠冷氣.我今次點左牛肉麵, 另外有朋友share既一粒雲吞雖然一碗麵只有3粒, 但佢地d雲吞真係大大粒, 貨真價實無偷工減料, 好味.而我既牛肉麵, 一睇個面都好多牛肉. 雖然d牛肉唔算好靚, 但$23一碗, 絕對收貨!d麵我反而覺得係最出色既地方, 佢地整得好彈牙. 比一般雲吞麵店好!$23有碗咁好味既雲吞麵, 絕對會再黎!!…查看更多

老爸放假, 今日一於陪佢黎稻香飲早茶 . 雖然係平日朝早, 但都一樣人山人海. 依度有樣唔好, 2個人一定要搭台, 就算搭, 都要等成35分鐘先有位. 2人叫左5個點心, 包括:鳳爪排骨飯 - 我平時去酒樓必食點心之一 , 依度水準算ok, 不過d飯濕左d...有改善空間紫薯卷 - 奶皇馬拉卷既紫薯版, 我都幾鐘意 三色餃 - 蝦餃, 菜苗餃同潮州粉果, 整得幾好, 依個非常滿意~ 叉燒腸併炸兩 - d腸粉餡太少, 皮多, 麻麻地. 炸兩, 我覺得唔合格 魚片頭併炸蝦角 - 魚片頭, 真係普通到唔普通...蝦角都係非常一般...想食炸野, 蒜蓉蝦春卷反而更好..點心大致上都滿意, 埋單~$60. 每人都係$30, 幾平(茶記早餐都係依d價, 不過飲茶感覺多野食d)~ 如果唔係要等咁耐位, 真係會去多d.…查看更多

因為生日75折卷就快expire, 一家人黎到意粉屋晚餐商量過後, 覺得散叫比點套餐好, flexible d, 反正亦唔太自在個湯.最後一行4人點左:小食拼盤 - 除左雞翼比較辣, 全部味道都幾好炸洋蔥圈 - 因為屋企人鐘意食, 食完小食拼盤d洋蔥圈覺得唔夠喉, 追加的. 熱辣辣真係幾好食.希臘風情pizza (大批)- 幾like個pizza, 但有進步空間~略嫌餅底唔夠鬆海鮮龍蝦汁墨魚飯 - 依個真係麻麻地, d龍蝦汁無龍蝦汁味(我suppose會有龍蝦湯個隻味..)...d飯就還可以carbonara意粉 - d蛋皮好似過熟, 都係麻麻地總結飯/意粉d水準一般, 小食同pizza較好. 食左5樣野, 埋單$420到(75折後), 算ok. 不過如果無優惠, 唔會特登去食.…查看更多

多年前試過一次大腸麵線, 當時已經發現唔係我杯茶(雖然唔討厭), 所以好耐都無再試過. 今次係FOOD COURT見到, 就諗住比多次機會, 要左個麵線套餐(貢丸大腸麵線+5隻鍋貼)貢丸大腸麵線 - 其實我一直都覺得D麵線似碗仔翅, 只係D料變左一條條麵線再加幾舊大腸. 數年已過, 始終都未能吸引我. D貢丸算好味, 不過得一粒.鍋貼 - 好味亦都好普通, 算唔上出色. 下一次光顧, 可能又係數年後吧...…查看更多

咁岩肚餓, 醒起依度有間KFC, 就特意過黎醫醫肚本身睇完廣告都想試$20 雞皇桶飯餐, 今日有機會啦~睇落真係幾大桶, 平時既白汁雞皇飯加幾粒炸雞粒~雞粒一如以往麻麻地, 皮太多, 不過我接受到~雞皇飯都係正常水準~不過雞絲好少(好似得1-2條), 如果唔係有雞粒搭夠, 我會覺得唔OK. 另外, D汁唔係好夠, 食到底個陣無咩汁.雖然唔係話好好食, 但我接受到, 有時覺得M記熱氣得濟黎食下飯都唔錯, $20仲包埋野飲真係食得過…查看更多

因為熱天之後都無打過邊爐, 見到依度任食好似都幾ok, 仲有甜品, 就黎依度試下啦.一去到, 已經好香雞煲味~亦都估唔到平日都要等位, 好彩等左一陣都好快有位.一坐低就ORDER要幾辣, 雞煲要等20min先黎, 依個時間可以食住小食先.小食都唔錯, 算多野食, 推介煙肉薯仔同埋豬軟骨之後上雞煲佢地調味都真係整得幾好, 幾香. 不過, D雞多數都係D多骨位, 食就唔多好食啦...D雞翼位就拎晒去做小食(焗雞翼). 食到一半, 另外order既野都黎啦. 其實佢地d料質素算唔錯, 我特別鐘意佢地d羊肉片!!d菜都算乾淨, 要讚!!!不過另一方面, 佢地漏單都好嚴重!!!d野好多都無黎~反而d丸就黎晒, 仲幾多...我真係第一次去任食火鍋食得4條肥牛(仲要係4個人分..) 不過由於我地食左好多其他野都飽(一開頭既小食, 雞, 丸...)...亦都無意加單再叫(而且都食左幾多肉啦..)..不過今次個feel真係唔似打邊爐甜品睇落真係幾好!真係好想試晒佢(女人果然係有2個胃), 可惜每人只可以order一個, 選左即制香蕉pancake, 真係幾好味~!仲有朱古力醬係面~!!打完邊爐有甜品食都幾開心最後真係每人堆單$138, 咁多野食都算ok, 不過如果想打邊爐未必選依間~…查看更多

平時好少去吉野家, 今日黎到食下午茶, 發現原來都幾平好多餐都唔過$20, 今次選左$16既野菜牛肉飯(如果和風牛肉飯, 都係$17.x!)野菜就係平時雪藏個D雜菜, 不過佢地都算整得好, 無咩雪味, 但就唔夠新鮮既咁有益健康啦. 作為吉野家既招牌菜, D牛肉飯都幾好味~成碗飯加杯茶先係$16, 我對依個下午茶好滿意…查看更多