更多
2019-10-20
3212 浏览
我同家姐两个人要去澳门威尼斯人听演唱会，所以特登提早到澳门睇吓有咩好嘢食，网上见到呢一间食评唔错，又见攞好多奖，价钱合理，地点又喺氹仔旧城区，方便食完之后行过去威尼斯仁酒店，所以去食下。晏昼接近2:00到达餐厅，服务生话有一张枱卖紧单，所以等左5分钟左右就入得去，俾咗张二人枱我哋坐，张枱唔大唔细OK啦，好快就比两杯水同Menu我哋，我哋仔细睇咗Menu上嘅选择，见到其实墙上面也有其他手写餐牌，所以都几多嘢食，但因为得两个人所以叫唔到太多嘢食，虽然系咁，今次嘅餐饮体验令我好难忘，觉得值得推介！叫咗个葡式乳猪酿饭（$178），上嘅时候热辣辣，乳猪皮好脆，肉质嫩滑多汁，名副其实嘅必食招牌菜，炒饭底有橄榄，好香好好食，想讲即使后来乳猪饭凉左少少，但系个乳猪皮仍然keep到好脆，非常高水准！另外叫咗个芝士薯蓉马介休焗酥皮（$98），每次去澳门食葡菜我一定会叫马介休，因为本身好钟意食薯仔。上嘅时候一碟有两个，每个size都有手掌咁大个，仲要系落足料，如果女仔一个人食一个其实都会几饱几滞。薯蓉有烟肉芝士加洋葱，好好食，啲薯蓉唔会太溶，会有啲薯粒咬吓，好明显真系人手压用心做；至于酥皮够薄够脆仲要超香牛
晏昼接近2:00到达餐厅，服务生话有一张枱卖紧单，所以等左5分钟左右就入得去，俾咗张二人枱我哋坐，张枱唔大唔细OK啦，好快就比两杯水同Menu我哋，我哋仔细睇咗Menu上嘅选择，见到其实墙上面也有其他手写餐牌，所以都几多嘢食，但因为得两个人所以叫唔到太多嘢食，虽然系咁，今次嘅餐饮体验令我好难忘，觉得值得推介！
叫咗个葡式乳猪酿饭（$178），上嘅时候热辣辣，乳猪皮好脆，肉质嫩滑多汁，名副其实嘅必食招牌菜，炒饭底有橄榄，好香好好食，想讲即使后来乳猪饭凉左少少，但系个乳猪皮仍然keep到好脆，非常高水准！
另外叫咗个芝士薯蓉马介休焗酥皮（$98），每次去澳门食葡菜我一定会叫马介休，因为本身好钟意食薯仔。上嘅时候一碟有两个，每个size都有手掌咁大个，仲要系落足料，如果女仔一个人食一个其实都会几饱几滞。薯蓉有烟肉芝士加洋葱，好好食，啲薯蓉唔会太溶，会有啲薯粒咬吓，好明显真系人手压用心做；至于酥皮够薄够脆仲要超香牛油味，真系好好食，当然食完之后付出嘅代价就系要勤力做运动消耗返。
总括来讲，我非常推介呢间餐厅。如果食饭时间来应该都要排队，所以如果不想排队，最好就提早少少或者过咗食饭时间先来就好啲。这间餐厅仲有好多嘢食，见其他枱有叫葡式焗面包鸡、葡式咖喱炒蟹（见隔离枱食客食到连手指都吮埋）、柠檬白酒炒蚬等等，下次一定会再嚟试吓其他菜式。
张贴
