位置上唔難搵, 只要認住系竹林寺對面就得. 以正宗緬甸麵黎講, 七賢絕對比雅馨更好. 有食開既街坊都知七賢一路都由幾位緬甸人經營, 而咁多年水準一直沒有變(除左價錢比以前貴左少少). 我覺得最出名又好食既系雞絲撈麵, 椰汁雞麵同牛腩撈麵. 而我最常叫既系椰汁雞麵, 佢個汁比一般外面既濃, 上面更落左好多炸蒜, 食落又香又甜又趣, 加上佢隻麵條系自家手打, 可以淨買佢既手打麵條 (不過唔記得幾錢包).
以上食记乃用户个人意见 , 并不代表OpenRice之观点。
赞好
推介美食
椰汁雞麵
用餐途径
堂食
人均消费
$30
