出事ga嘛..........師父!!!!!!!
入到去，其實間舖裝修都ok ge，入到去招呼仲好好tim，加上人少少，方便傾野ar ma。不過當我打開餐牌個刻，就比佢震驚到啦，因為我眼中所見一個麵都要成70蚊以上，甚至更貴。貴野我食唔少，不過食麵食到咁貴就真係第一次，本住收得咁貴一定唔簡單ge諗法，我點咗黑毛豬擔擔麵。
朋友嚟到叫咗個羊肉清湯面，老闆仲幫我地免費加底。然後我地仲share咗個蒜泥白肉，但就一般般唔太特別。
我個麵終於都到啦，賣相真係唔錯，感覺好大碗啱返個價，只不過大還大好睇還好睇啦，黑毛豬只係得肉碎呢點已經令我好失望，食落仲要好重口味好油膩，我要不停飲水先食得哂個麵，當堂覺得加底係一個好錯ge選擇.....
點知呢個時候朋友同我講，其實佢一早知呢度重口味，所以佢先叫個清d ge，然後就笑得好開心hahahahahha。個一刻，我好有衝動想射死呢條友，原來一切都係局嚟ge
此時我腦入面響起咗校長ge名曲：這陷阱、這陷阱、這陷阱，偏我遇上~~~~~~
