蕃茄屋葡式美食

营业中

休息中

呢间店已经开业超过廿年历史，由一开始寂寂无名，到宜家扩张左两间舖，一直都系走街坊路线， 价钱相宜，材料足，而味道就唔好抱有太大期望。 如果你系已经多次到访澳门，呢间会系平价葡餐，简简单单食一餐既选择，但如果你系多年无到澳门，期望食正宗葡国菜，呢一间就绝对唔岩你喇。因为味道唔算好正宗，只系用左葡式既材料，所以单纯想食葡国菜系可以一试。就好似我之前食过薯蓉焗马介休以及白油炒蚬，味道系唔错既。可惜今次试既马介休炒杂菜，马介休同葡式肠份量虽然多。但佢推介既阿里爸爸焗鸡扖饭，味道系芝士葡汁鸡饭，饭底系白饭，个人觉得某连锁店既焗猪扖饭好食多了，不值一试。就连佢推介既蜂蜜薏米露都只系有薏米，无咩蜂蜜味。总括黎讲识拣系好重要的，记得唔好信哂佢既推介，拣返马介休既食品就好了。另外一提，佢宜家有两间分店，远少少果间系老店，坐得舒服得多，新果一间地下只有三张台，多人就要上楼上，所以楼下坐会多人出出入入，唔太舒服。而且装修都系老店食好d，可以既话一定要行多两步上去老店食。