影片
更多
2017-05-07
3911 浏览
記得細個嗰陣時返幼稚園一落嚟就係一間印刷店，隔離就係茶餐廳，因為嗰陣時候媽咪唔得閑即刻接我放學，所以我都要喺印刷店度逗留一個鐘左右，嗰時印刷譜嘅叔叔都會幫我喺隔離茶餐廳叫意大利粉食。我最記得就係嗰度嘅白汁意大利粉同埋茄汁意大利粉，但係今時今日有好多嘅餐廳都已經做唔出嗰陣味道。特別係白汁意粉嘅味，但係好開心今日經過的士叔叔嘅介紹之後嚟咗呢間餐廳，起碼番茄汁意粉嘅味道。呢種番茄汁嘅味道特別，如果你問我係點樣我就真係講唔到出嚟。但係就係有一種好懷念嘅味道，食落唔似鮮蕃茄嘅味道，都無蕃茄粒粒，但係就有就係酸酸甜甜嘅味道，好開胃，同我差不多年紀的一定要塭嚟食。上面有雞扒，有蛋同埋有腸仔。雞扒嘅味經醃製，入面嘅雞肉好爽，材料十足。另外就叫左佢呢度好出名嘅牛尾湯通粉，話呢度嘅牛尾湯通粉味道係十分之鮮，我飲過之後其實就覺得同普通嘅羅宋湯通粉唔係話太大嘅分別，但係佢真係有牛味嘅味道，而唔係全靠味精。而且仲會有牛肉碎，有根有肉，有口感。仲想提一提佢呢一度嘅紅豆冰，大大粒嘅紅豆食落去非常之粉，夠晒甜，片味道偏向花奶味重，足料，值得試。有陣時去一個地方真係好想同啲本地人講下，睇下啲乜嘢食係可以介紹俾我哋食。最
我最記得就係嗰度嘅白汁意大利粉同埋茄汁意大利粉，但係今時今日有好多嘅餐廳都已經做唔出嗰陣味道。特別係白汁意粉嘅味，但係好開心今日經過的士叔叔嘅介紹之後嚟咗呢間餐廳，起碼番茄汁意粉嘅味道。
呢種番茄汁嘅味道特別，如果你問我係點樣我就真係講唔到出嚟。但係就係有一種好懷念嘅味道，食落唔似鮮蕃茄嘅味道，都無蕃茄粒粒，但係就有就係酸酸甜甜嘅味道，好開胃，同我差不多年紀的一定要塭嚟食。
上面有雞扒，有蛋同埋有腸仔。雞扒嘅味經醃製，入面嘅雞肉好爽，材料十足。
另外就叫左佢呢度好出名嘅牛尾湯通粉，話呢度嘅牛尾湯通粉味道係十分之鮮，我飲過之後其實就覺得同普通嘅羅宋湯通粉唔係話太大嘅分別，但係佢真係有牛味嘅味道，而唔係全靠味精。而且仲會有牛肉碎，有根有肉，有口感。
仲想提一提佢呢一度嘅紅豆冰，大大粒嘅紅豆食落去非常之粉，夠晒甜，片味道偏向花奶味重，足料，值得試。
有陣時去一個地方真係好想同啲本地人講下，睇下啲乜嘢食係可以介紹俾我哋食。最簡單嘅方法就係搭的士，搭的士可以同的士叔叔傾吓計，問吓佢邊度有好嘢食，通常拒都會有一兩間可以介紹到比你。
张贴
