Goat Bakers

今日難得有一日me time，於是一瞓醒起身就過澳門搵食。

一過關第一站即刻搭巴士去goat bakers，之前三次過黎想試佢個花杯子都食唔到，知道佢喺官也街附近開咗分店，於是就過嚟試下~

今次過到嚟終於俾我買到佢嘅花杯子，第一時間買咗兩個 (一個原味奶酪花杯子，一個抹茶味花杯子)，一到手即刻坐低食抹茶味花杯子，個層皮又鬆化又香。

一啖咬落去仲食到抹茶的甘味，作為一個抹茶控係十分驚喜，之後慢慢食落去仲食到淡淡嘅奶酪味，十分有層次。

之後個奶酪花杯子打算今晚返到屋企先食，問過店員建議可以放入雪櫃，於是今晚甜品又有著落。