更多
2019-02-16
1266 浏览
闻说三元粥店系澳门其中一间驰名粥店，最出名系猪肉同牛肉丸，据说以前系由「三」个「元」老级人马经营，所以叫三元。由于未食过，连澳门当地人都推介，所以去试吓由于小本经营嘅关系，营业时间比较特别，系由朝早8至11点，然后中间落场，直至到晚上7点开到凌晨12点半左右打烊。所以，香港同内地的朋友要注意⚠️我朝早11点15分赶到去都已经落闸了，真系唔明点解午市唔做。纵观中港两地，从未见过一间粥店是咁的，只可以话呢个系澳门生活吧既然一场来到澳门🇲🇴，无理由空手而回，我地决定周围行吓。澳门呢几年变化好多，新马路同花市一样迫到水泄不通，好多物价都贵咗好多，好似巴士车费，以前三四蚊都有得搭，依家都变咗6蚊。希望三元嘅肉丸粥可以保持水准吧等到6:50左右，终于开门了，但系入面两位姐姐完全当我地隐形咁，一啲招呼我地嘅意欲都无。凑巧有一对情侣踏入店门，勇敢地问煮粥姐姐请问开门未？但换来嘅系「入得，不过你有排都未有得食」😱姐姐嘅神级回答将𠮶对情侣拒人于千里之外，听到咁答我个心都有点寒。为免再度剌激煮粥嘅人（你懂的），我地就行一阵。到七点后，我地尝试堂堂正正攻入，好在有个叔叔好热情咁叫我地入来坐。一坐底，店面嘅异味扑
由于小本经营嘅关系，营业时间比较特别，系由朝早8至11点，然后中间落场，直至到晚上7点开到凌晨12点半左右打烊。所以，香港同内地的朋友要注意⚠️我朝早11点15分赶到去都已经落闸了，真系唔明点解午市唔做。纵观中港两地，从未见过一间粥店是咁的，只可以话呢个系澳门生活吧
既然一场来到澳门🇲🇴，无理由空手而回，我地决定周围行吓。澳门呢几年变化好多，新马路同花市一样迫到水泄不通，好多物价都贵咗好多，好似巴士车费，以前三四蚊都有得搭，依家都变咗6蚊。希望三元嘅肉丸粥可以保持水准吧
等到6:50左右，终于开门了，但系入面两位姐姐完全当我地隐形咁，一啲招呼我地嘅意欲都无。凑巧有一对情侣踏入店门，勇敢地问煮粥姐姐请问开门未？但换来嘅系「入得，不过你有排都未有得食」😱姐姐嘅神级回答将𠮶对情侣拒人于千里之外，听到咁答我个心都有点寒。为免再度剌激煮粥嘅人（你懂的），我地就行一阵。到七点后，我地尝试堂堂正正攻入，好在有个叔叔好热情咁叫我地入来坐。一坐底，店面嘅异味扑鼻而来，以我嘅经验所知，呢一种除咗系嗡味（发霉）之外，仲散发出一种蟑螂味，无错系小强排泄物嘅味🤢而且闻说店面比以前脏了
叫了招牌菜金银丸粥更鸡蛋。听讲话以前系有个伯伯即叫即做，要等埋肉丸熟咗先再粥一齐煮，所以要等廿几分钟。但今次见到煮粥姐姐将已熟嘅肉丸放入粥一齐煮已经心知不妙，我估应该系上午卖剩的（因为我地系晚市第一枱客）、就算香港食碎牛粥都唔会煮定啲碎牛。果然，试咗一粒猪肉丸觉得好唔新鲜，味道方面有少少怪，所以剩两粒决定放弃唔食。食食吓听到当当声响，发觉煮粥姐姐将肉粒一次过大批咁煮，终于知道昔日嘅即叫即做煮法已经消失了。粥底虽然好绵，但系无米味；而油条又冻又软，应该都系朝早嘅货，千祈唔好试$39一碗粥其实喺香港已经可以食到好高质素嘅粥，真系觉得物非所值👎🏻
老店转手后失水准唔系第一次见无咗即叫即煮肉丸，可能系为咗提高效率，但换来嘅系下降嘅质素。听澳门人讲以前系食完一碗再想食第二碗，但我就真系觉得「不可一、不可再」。希望老板睇到后可以谂吓点样将间一代名店留传下去。
金银丸粥加鸡蛋
$39
45 浏览
0 赞好
0 留言
张贴
