葡頌苑

趁住暑假楊之前嚟咗一次快閃澳門，必經嘅景點就梗係大三巴啦，去完之後食午餐，發覺附近有一間新開嘅餐廳，都幾搶眼，食物質素亦都好高！

馬介休球係店員推介我哋叫嘅，食完之後真係明點解，真係好出色，你哋一定要自己食過先明白！

炙烤香腸整得好好，外皮脆脆地，肉質啖啖肉，真係一試難忘！

酥皮蘑菇濃湯係小朋友最鍾意嘅，呢度嘅酥皮做得好酥脆，蘑菇湯亦都好濃郁，正。

葡式鴨飯真係超出色，好有鴨油嘅香味，飯嘅口感亦都好好，應該係我食過最好食嘅葡式鴨飯。

白酒炒蜆一上枱已經覺得好香，啲蜆亦都好大隻，聞到好香嘅白酒味，粒粒都好新鮮。