倫記軟滑腸粉

营业中

休息中

喺不同社交网站都见到有介绍伦记葱花蛋肠粉，所以今次嚟讲澳门嘅第一站就食个肠粉做早餐！话就话早餐，但其实我哋差不多12点先去到。由氹仔落船，直接坐26号巴士，落车行2分钟已经到，非常方便。门口一d都唔起眼，唔细心留意好易行过龙。由于系闲日，又系中午时份，直接行入去就有位坐。肠粉系即叫即制。制作过程可以好清楚见到。见到老板先喺蒸炉舖上一块布，再加入预先调好嘅肠粉浆，盖上盖子。隔一阵，开盖加入已打发好嘅蛋液同葱花，又蒸一阵。话咁快新鲜热辣嘅布拉肠粉就出炉一开始，完全无落任何酱料，一心想试下肠粉的原味道。肠粉的确好滑，好软绵绵，滑嫩嘅程度系平时酒楼嘅肠粉无得比。不过肠粉本身比较淡，而且蛋味略嫌不够，基本上食唔出有蛋味。所以食完一啖之后都立即加翻䜴油甜酱麻酱。酱料绝对是肠粉的灵魂！加咗之后味道即时level up! 今次慕名而来食呢个肠粉可以话不过不失，肠粉系好滑，不过若果蛋味再加强，会更好！