帝王點心

营业中

休息中

之前同另一半到澳門路氹城觀光，都預咗喺威尼斯人入面食嘢會比較貴，奈何嗰個肚唔爭氣，最後都係選擇咗呢間帝王點心。門面氣派就一流，服務亦都幾好，入面位置非常寬敞，坐得好舒服。我同另一半就犯咗眼闊肚窄嘅錯誤，我哋兩個人叫咗非常多的食物，包括澳門特產豬扒包、蝦餃、蝦腸、燒肉、香辣牛展、椒鹽土魷以及鳳爪。我本人就冇食到個豬扒包，但係我另一半就讚賞個豬扒包味道唔錯。個人覺得大部份嘅點心味道同水準同香港接近，符合預期，但係奈何個燒肉真係太肥，基本上食唔入口。點心賣相可以參考我附上的相片。埋單超過$600 ，算係有少少貴。